14 فيفري وش كاين

[Ma$Ter]

نعرف 16 فيفري النهار لي ولدت فيه فقط :p:p:p

 

[الصحافية الساخرة]

يا رب يعطيهم بعاصفة ثلجية
يا ربي هذه اخر دعوة سر ندعي بيها

?????? والله ضحكتني الله يعطيك الربح

ياو حتى يعطيهم بعاصفة ثلجية يزيدون جياحة و عشقا و ترنديفا ?? خليك تبكي هههخه


نرجعوا مع موضوع المشاغب ☺ ،، ?الحب ? هههه تعرف من نهار قريت جامي شفت زوج در صغار يتزوجوا فالليسي و يلبسلها الخاتم ??? بويسك لوكان شفتهم راح ? نتحول و نبيع بيهم للمدير ???? هكا يزوجوهم تاع الصح .. ياخي جياحة ياخي ما يكبروا ما يتعلمو والى كبروا زادو خلاوها ما فهمتش منين يجيبو هذو الجياحة وكيفاه يدخلو عندنا حوايج ما كانوش بالاساس موجودين .. علابلك خليني ساكتة احسن ? خاطر نتنرفز من هذو الحوايج و المشكلة انني لا احب الهدايا التي هي عبارة عن شيكولاتة و دب ما نشتيهمش ?? يعني بلاها عيد حب اصلا اذا ما فيش هدايا غالية الثمن ? مليحة كون يديروا لهذا العيد الخرطي قوانين صارمة مثلا : يا تشتري هدية ب 10 ملايين ما فوق يا ممنوع تحتفل ??? .. والله حاجة مليحة هكذا ينقرضوا الدر الصغار هذو و اللي بعقولهم تغلي الجياحة و الخرطي

مرسي على الموضوع اللي بعد 4 شهور هههه

 

[الصحافية الساخرة]

نعرف 16 فيفري النهار لي ولدت فيه فقط :p:p:p

??????? هههخخههههههه مليح فكرتنا فيه باش ما نخبوا الشيكولاتة و الدببة لعيد ميلادك بلاها عيد حب هههه

 

[Ma$Ter]

شيكولاطة معليش بصح الدب ما نحتاجوش جيبي كاش قط خخخ

 

[الصحافية الساخرة]

شيكولاطة معليش بصح الدب ما نحتاجوش جيبي كاش قط خخخ

??? مليحة نجيبوا الفيران باش ما يخلوش أثر للكواغط هههه نقصوا علينا الشقا ?

 

[Ma$Ter]

هههه خليهم عندك
??

 

[الصحافية الساخرة]

هههه خليهم عندك
??

??? لا لا ما بغاوش يقعدو عندي حابين يحتفلوا بعيد ميلادك تعرف منين تكون وليمة يظهروا ? والا قلال عليك الفيران نشوفلك طوبا كبيرة ??

 

[Ma$Ter]

ههه اخطيني من جرذانك

 

[*حزن النبلاء*]

????? والله ضحكتني الله يعطيك الربح

ياو حتى يعطيهم بعاصفة ثلجية يزيدون جياحة و عشقا و ترنديفا ?? خليك تبكي هههخه

عاصفة ثلجية تاع الانتراتيكا .. -250 ،
هو جوست يشوفها يتجمدو
و يدوهم في الصيف لمونيمو ..
و مور 100 سنة باش يذوبو ..
يلقاو الناس قاع يضاربو بالسيوفا ..
و يرجعوهم عبيد و جواري

اخخ

 

[*حزن النبلاء*]

To view this content we will need your consent to set third party cookies.
For more detailed information, see our cookies page.

قبول ملفات تعريف الإرتباط للطرف الثالث

للاهمية ينظر هنا

 

[rycerz]

و الشيء لي زاد هلكها أنّو ما عندناش خلاص ثقافة التواصل بين الآباء و أولادهم .. اللّي راه يربي درك هو الشارع و التلفزيون و النات و باقي وسائل الإعلام
--
​

 

[NAPOLA]

ما كاين والوا يوم كباقي الايام لي عمل الخير فاجره على الله و من عمل شرا فربي يغفرلوا

 

[Malika Tlm]

السلام عليكم
عيد الحب هههههههه الله يصفر وجهم
الحب معندوش عيد لان الحب رانا عايشين بيه
حب الله ورسوله ،حب الدات،حب الاخرين
الله يهدي عباده
تحياتي

 

[❤️كلي أمل❤️]

ححكمت اول بهلول راح يحتفل بعيد الخرطي ههه????صفقولو ????

 

[rycerz]

ححكمت اول بهلول راح يحتفل بعيد الخرطي ههه????صفقولو ????
مشاهدة المرفق 79256

--
هههههه .. و زيد قاعد يكركر في حيّة كيفو و قدّو .. هههههه
ما تقولتاش بلّي هاذي الصورة فالجزائر !!!
​

 

[لؤلؤة قسنطينة]

السلام عليكم
شكرا ليك خويا أسامة على الموضوع لي جا في وقتو
و 14 فيفري عيد المهابل، لدرجة تولي ماتفرقش بين الدب القطبي وبين الدب الدمية
والدب العبد هههه، ربي يهديهم وربي يعافينا
صلاة العيد كي العباد ما ينوضوش يصليوها وصلاة الجمعة مايروحوش يصليو وعيد الكفار يتبعوه
بصح من نهار شفتهم يحتافلو بهولي عيد الألوان تاع الهنودة تما عرفت بلي لا أمل في هاد الشعب
حنا بلا أعياد تاع كفار ومعرف إذا نسلكو مع ربي ونزيدو في الذنوب على ظهرنا كتر وكتر
والشي لي يوجعني كتر في هاد المهزلة، هو تلقى سواء شاب ولا فتاة أقرب الناس ليهم ماش
دايرينلهم قيمة، تلقاهم في الدار يعيط على يماه ولا هي تعيط على يماها وتعاملها معاملة ماش مليحة
ويعرفو الحب غير في الشي لي خاطي الطريق، ولي محتاجين منو صح معاملة مليحة مايديهاش منهم
قول ساع كلمة مليحة ليماك وكلمة مليحة لختك ولباباك هادو لي يحتاجو رحمة وحب منك ومن بعد
روح بعثرو على برا كيما تحب، شعب عندو كلشي بالمقلوب للأسف
يحشم يعامل لي رباتو مليح ومايحشمش يهز نونورس حمر في نص الطريق
ربي يهديهم ويهدينا
شكرا خويا على الموضوع بارك الله فيك

​

 

[Cristal BR]

السلام عليكم

الله يهدي ما خلق .. عادات في بلدان الغرب .. عادات الكفار تغرس في بني جيلنا ..
المشكل في الرقابة من طرف الاهل وينها .. ؟ الاخلاق الاسلامية وينها؟ المسؤولين لي في المدرسة وينهم؟؟
هاذي الظاهرة شفتها في لي فيديو في اليوتيوب حتى في الطور المتوسط و راها غير ما تنتشر .. قالك حب و ما حب ..
مراهقتهم عقبوها غير في التمسخير و من المفروض تكون أكثر فترة يُراقب فيها الابناء حتى لا يسيرو في طريق الانحراف
انا مهما وش نحكي على الابناء نرجع للمصدر الاساسي لفسادهم من البيت و العائلة
و يعني من التفاهة تحديد يوم حتى نحب و باقي الايام نكرهو فيها ولا كيفاه؟ تقليد اعمى ما نعرف وين رايحين بيه
بلاد ميكي *-*

 

[بنت الـ25]

تبا عجز التعبير عن اللسان

 

[الورد الأحمر]

السلام عليكم ورحمة الله وبركاته

كل واحد حر في نفسو وصعيب تبدل شي صار معتقد في أعملق الشخص وحتى تبدل شخص لازم تبدلو المعتقد بلا تمسلو الفايدة لي يشوف فيها من ورا الانسياق ورا الأمور هذي .

وباه تبدل المعتقد لازم سياسة وهذي السياسة لي بزاف من الناس ما يعرفوهاش يجرو برك يسبو ويحطو في الأحاديث والآيات ويحاولو يبدلو بطريقة سيئة ويرجعو هوما بالذات لازمهم يتبدلو في أسلوبهم وتبدللهم المعتقد لي يخليهم يجريو ينصحو الناس بطريقة مش مليحة .

علابيها لازم كل واحد فينا يتوله بروحو برك وكي يفهم روحو يقدر يفهم لخرين وينفعهم .

 

[Oussama.GF]

عملالك وش هو الفالنتاين ورود حمراء و دباديب حمراء و كادوات مغلفة باغلفة حمراء و خمارات حمراء و خدود من البرد ? حمراء و جهنم حمراء?????????

غير تفاهة لا معنى لها