القهوة و الدخان

[** غزال الصحراء **]

شكرا لك على الموضوع
1ـ كل واحد وعقليتو
الواحد لازم يكون حطة وراك تعرف الناس راهي تتقيم على حساب الحطة
2ـ الدخان والقهوة يقتلو الفيد وراك تعرف حالة الشوماج
3ـ البنات هما اللي الشومور يجوز بيهم النهار نتاعو
+البنات مراهمش دعاوي الشر كيما قلت انت
دعاوي الشر نعرفوهم ...الخم..........+.......
مافيها والو الواحد كي يفليكسي مع صحبتو تحبو ويحبها وبالاك كون يفتح عليه ربي بخدمة يديها

شكرا لكح على الموضوع
استهدفت عينة كبيرة من الشباب بهذا الموضوع

ربي يخليك خويا طارق , وكلامك صواب صحيت //
أصلا أنا ما قلتش أنو لبنات دعاوي شر , راني شرحت وجهة النضر في الإقتباس اللي درتو على هاجر ,, راني نحكي على بنات الليل اللي يصرف عليهم الجان دراهمو هاذا ماكان

مرسي عليك, أسعدني ردك .

 

[** غزال الصحراء **]

وعليكم و السلام
صحة انا مانتكيف ما نشرب قهوة :surrender::surrender:
ماتلومش خويا هشام تلقاه يقلك انا نجيب 5000 الف كي نكثر وش حديرلي ؟؟ تزوجو هاي ماكنش منها
امالا تروح يمين و شمال

ماما تحكي بكري كانت تلم لابورس تاعها هيا وبابا و يقلك دورو مع دورو تجيب فايدة مي ضرك ماهوش طالب البركة في صواردو امالا يروحو كيما قلت
ربي يكون معاهم ....
صحة فطورك ​

وي هاذي هي , دورو فوق دورو تولي زوج دورو //
كاين اللي يقولك في الخمس السنين هاذو من 20 سنة ل 25 , نزهى و نعيش صغري و نفرفش على روحي ,, و دراهمي نفسدها تبياش دخان , تحواس , بورطابلات .. بصح هاذا خطأ كبير يفيق Site retard ويندم ندمة كبيرة ,, أي دراهم تبان شوية كيما قلتي 5000 دينار زعمة ما دير والو و ما تجيبش التاويل ,, تخيل لاكان يلم غير وحدة و حدة في الخمس سنين هاذو ! قادر ما يجي يلحق الخمس و عشرين يدير راص مال , و يدير كاش بروجي لا بغى نصبة في السوق خير من لقعاد !!

المهم ما يكونش الراي تالف , و ما يكونش من جماعة دز تنوض
مرسي ريمة
أسعدني ردك .

 

[** غزال الصحراء **]

قهوة و gـارو خير منـ السلطانـ فيـ دارو :music_whistling:
والله تحيرنيـ الفئة الليـ متزوجينـ و باولادهمـ
ميـ دراهمو كاملـ يروحو فيـ الدخانـ و الشرابـ و .....
مضيعـ الأمانة الليـ عطاهالو ربيـ و يهلكـ فيـ صحتو
واشـ تقولـ الليـ داهـ الواد اطفرتـ فيهـ
ربيـ يهديـ ما خلقـ
يعطيكـ الصحة + صحا فطوركـ
​

مرسي عليك ماجدة , و الله هاذوك كاطاسطروف مانيش حاب نحكي عليهم ,, اللي متزوج و قاعد يلعب في لعب ( العيال ) كيما يقولو ! هاذاك صاي ( لا يصلح العطار ما أفسده الدهر )

هاذاك كلاه بوبي ,, صحيتي
منورة الموضوع
وصحا فطورك أنتي زادة :wink:

 

[** غزال الصحراء **]

جيل مهبوووووووووووووووووووول

ايه ايه :mellow:

 

[** غزال الصحراء **]

موضوع قمة روووووووووووووووووووعة وعندك الحق ربي يهدي الشباب تاعنا ويخممو في ارواحهم بعد 10 سنوات فقط ويشوف الحال

وي هاذي هي , المشكل كي الواحد ما يخممش , و مبعد مدة يفيق لواش ضيع في حياتو
مرسي عليك

منورة الموضوع زهيرة .

 

[** غزال الصحراء **]

وع ليكم السلام
خويا كون تجي تشوف والله غير نسعرف بيهم يعيش يوم تاعو كانوا اخر يوم ليه
يدسها ومبعد يخليها وعلاه مقالهاش ربي هادوا راهم فحشوشين
يعجبوني لعباد الي هاك مي دخان مش مليح
الي يصورها في نهار يصرفها على عمرو علاه يخدم قع ومبعد يجوا الطايقين يدوها
انا صحيح رمايدتهم كون جيت طفل ندير كما هم
ينعل بوها خدمة الا كنت نخدم ومهيش باينا عليا لا في لبسة لافي ماكلة لافي ريحة علاه نخدم!!!!!!!!!
يعطيك الصحة خويا

​

لاكان جيتي طفل ديري كيما هوما !!
أنا ما قلتش أقعدو بلا لبسة و موتو ما تعيشوش , راني قلت لازم تعرفو الطريق اللي راكم ماشيــن فيها //

أنتي طفلة بالاك ما تبانلكش , مي أنا منا راني شايف مصير الجان كي يلحق ال30 و ما يلقى عدو دار لا تاويل ,, كيما قال الهاشمي قروابي (( البارح كان في عمري عشرين ,, ضرك لحقنا ثلاثين , ما درنا دار لا تاويل ))

لازم الإنسان يكون لوجيك يعرف وين راهو ماشي ,و الصح في التاويل ماشي في الجال و لاكوست جديدة كل يوم :no_1:

 

[nassim007]

ليجان تاع آخر زمان
​

 

[** غزال الصحراء **]

ليجان تاع آخر زمان
​

صحا فطورك خويا نسيم :surrender:

 

[احلام ضائعة]

ادا تشوف حالة الشباب نتاعنا تقول خلات والله عطينها غير للدخان والقهوة والتبياش

شكراا اخي على الموضوع

 

[** غزال الصحراء **]

ادا تشوف حالة الشباب نتاعنا تقول خلات والله عطينها غير للدخان والقهوة والتبياش

شكراا اخي على الموضوع

العفو منروة الموضوع ( أحلام ضائعة )
شكرا و صحا فطورك D'avance :wink:

 

[** غزال الصحراء **]

الأمر جاد كرهت ندير موضوع , هاذا الأخير اللي درتو لقيت منشور في المنتديات كباقي المواضيع , نقل نقل نقل كرهنا .

 

[aMiNa-K]

صح نفس الفكرة تاع طارق ,كي تولي الخدمة ماكانش و ماهيش ثابتة الخدمة تاع البريكول غير حق مصروف النـــهار !! فهمتها هاذي //

يعني خير من يولي يطلف في والديه , مي وش حبيت نقول باللي التبياش , الدخان , القهوة ماهمش أولويات حتى و إلا كنت دخل 500 دج في النهار معيلش خبي دوروك الأبيض لنهارك الأسود .. يعني ماشي خدمة النهار يديها الليل

شكرا أميــــنة مميزة كعادتك .

ايهيه قلنا صح واش راك تقول
بصح الشبيبة تاعنا ماتخممش هكدا et en meme temps مانلوموهمش باسكو راهم مغبونين

ايا Wiw
راني سرقتهالك هيهيهيييي​

 

[aMiNa-K]

الأمر جاد كرهت ندير موضوع , هاذا الأخير اللي درتو لقيت منشور في المنتديات كباقي المواضيع , نقل نقل نقل كرهنا .

ههههههههههههه
كنت تخلي لاسينياتور تاعك في اسفل الموضوع .. هاكداك باش مايقدروش يسرقوهولك ​

 

[مصطفى مدريدي]

موضوع قمة بارك الله فيك

 

[hadjer92]

اه لا حاشة و الله ! راني نحكي على نوع من لبنات , يعني الجان اللي يضيع دراهم و وصحتو على لبنات , في ميزك واش يكونو نوعهم ؟ نضن راكي فهمتيني و ايه نعتبروهم دعوة شر في هاذي الحالة

بإسثناء هاذا البنات الله يبارك عليهم ,, صحيتي .

ههههه اني نتمسخر معاك برك والله عندك 1000 حق في كلش اللي قلتو..الناس هبلت الله غالب..ربي يشفيهم نشالله ...تلقاهم نهار كامل وهوما مكاليين الحيط وكاس قهوة في يد وgارو في يدو لخرى ومبعد يجي يشكيلك بالهم والميزيرية ويقلك راني كاره من هاد الحياة... استغفر الله ..
يعطيك الصحة على الموضوع خويا ..تستاهل عليه تقويم + ..
take care, c ya soon !!

 

[** غزال الصحراء **]

ههههههههههههه
كنت تخلي لاسينياتور تاعك في اسفل الموضوع .. هاكداك باش مايقدروش يسرقوهولك ​

يحذفو السينياتور بكل بساطة :surrender:
تبانلي نولي نكتب الموضوع بالPdf و نعبيه خواتم و طوابع ( حصريات )

اللي حاب ينقل , لازم يكتبو من لول :closedeyes:
صحيتي أميـــنة , هوما يسرقو المواضيع و أنتي أسرقيلي ال(Wiw ) :tears:

 

[** غزال الصحراء **]

موضوع قمة بارك الله فيك

الله يهنيك خويا لعزيز
شكرا .

 

[** غزال الصحراء **]

ههههه اني نتمسخر معاك برك والله عندك 1000 حق في كلش اللي قلتو..الناس هبلت الله غالب..ربي يشفيهم نشالله ...تلقاهم نهار كامل وهوما مكاليين الحيط وكاس قهوة في يد وgارو في يدو لخرى ومبعد يجي يشكيلك بالهم والميزيرية ويقلك راني كاره من هاد الحياة... استغفر الله ..
يعطيك الصحة على الموضوع خويا ..تستاهل عليه تقويم + ..
take care, c ya soon !!

اه أوك , طلعتيلي الحمة باطل يا هاجر :tears:
مرسي عليك , تم تقيــم ردك :wink:

 

[DARINE05]

اه يا اقهوة منيش حابة نتعلم نشربها باه متحكمش عليا
مرسي خويا هشام

 

[** غزال الصحراء **]

العفو , شكرا على المرور .