القهوة و الدخان

[صاحب الظل الطويل]

♥ أخي يمكــــ ــــن تكون قسوت عليهم
ان كنت انت لا تدخـــــــ ــــن فهنالك من يدخل
و ان كنت لست من اصحاب المقاهي فهنـــ ــــاك من يحب المقاهي
العيب في الذي يطلب مالا من أجل امور كهاته
لكـــــ ـــن من تعب عليها فمن حقه أن يصرف منها وليس كلها بالطبع
فترة المراهقة وفترة الشباب اذا فاتت لا تنتظر لها رجعة
فليعش حياته قبل أن يصدم بواقعه مستقبلا ♥​

 

[حلمي النسيان]

هذا هو حال ليجان في هذا الوقت​

الجال ، الفليكساج ، القهوة و الدخان​

دركا راه وقت صعيب و الواحد لازمله يدير التاويل لروحه ​

على خاطر حتى واحد ماراه عارف كيفاش تكون الحالة منا للقدام​

اللهمـــــــ يدير حسابه قبل ماتطفر فيه ​

و كيما قلت هاذ الصوالح قبل مايضرو جيبه و مصروفه راهم يضرو صحته ، عقله و تخمامه​

و اخيرا شكرا ليك خويا هشام على الموضوع و خطيك شوية من الرقاد ، هه :heh:​

صحا فطورك​

 

[** غزال الصحراء **]

♥ أخي يمكــــ ــــن تكون قسوت عليهم
ان كنت انت لا تدخـــــــ ــــن فهنالك من يدخل
و ان كنت لست من اصحاب المقاهي فهنـــ ــــاك من يحب المقاهي
العيب في الذي يطلب مالا من أجل امور كهاته
لكـــــ ـــن من تعب عليها فمن حقه أن يصرف منها وليس كلها بالطبع
فترة المراهقة وفترة الشباب اذا فاتت لا تنتظر لها رجعة
فليعش حياته قبل أن يصدم بواقعه مستقبلا ♥​

يا أخي , كيف أقسو عليهم و أنا منهم !! صحيح لست مدخن , و لكنني إذ نصحت نصيحة فهي لي قبل الجميع //

فأغلب مواضيعي النقادة , أنقد فيها نفسي قبل غيري ,, بالطبع من حقه أن يصرف ماله الذي تعب عليه , خير من أن يطلب أهله أو شيء من هذا القبيل

و لكن , لن يصدم بواقعه مستقبلا إذا ما عاش ليزهره من الان , و الإنصدام الحقيق سيكون إذ ما ضيع شبابه في ما لا يفيده

مع كل إحترامي لك و لوجه نضرك
تحياتي .

 

[** غزال الصحراء **]

هذا هو حال ليجان في هذا الوقت​

الجال ، الفليكساج ، القهوة و الدخان​

دركا راه وقت صعيب و الواحد لازمله يدير التاويل لروحه ​

على خاطر حتى واحد ماراه عارف كيفاش تكون الحالة منا للقدام​

اللهمـــــــ يدير حسابه قبل ماتطفر فيه ​

و كيما قلت هاذ الصوالح قبل مايضرو جيبه و مصروفه راهم يضرو صحته ، عقله و تخمامه​

و اخيرا شكرا ليك خويا هشام على الموضوع و خطيك شوية من الرقاد ، هه :heh:​

صحا فطورك​

أهلا أسومة عاش من شافك //
هاذي هي وقتنا صعيب , و اللي زلق طاح راح .. كل وقت يفوت في شي مايفيدش نندمو عليه

و المشكل كل جاي من الvide , الي ما عندو ما يدير يروح لحوايج يقتل بيهم وقتو , و في الأغلب تكون حوايج تاع جياحة , يا خويا جيبها بين و بين , ما طيح بالكعبات كل , ما تزير روحك بزاف

ما قتلكش ( موت يومك ) بيان سور لازم تعيشو , مي ما تنساش تاويلك , و واش راه يتسنى فيك في زمان ما يرحمش

شكرا ليك, أسعدني ردك

صـــحا فطورك .

 

[صاحب الظل الطويل]

يا أخي , كيف أقسو عليهم و أنا منهم !! صحيح لست مدخن , و لكنني إذ نصحت نصيحة فهي لي قبل الجميع //

فأغلب مواضيعي النقادة , أنقد فيها نفسي قبل غيري ,, بالطبع من حقه أن يصرف ماله الذي تعب عليه , خير من أن يطلب أهله أو شيء من هذا القبيل

و لكن , لن يصدم بواقعه مستقبلا إذا ما عاش ليزهره من الان , و الإنصدام الحقيق سيكون إذ ما ضيع شبابه في ما لا يفيده

مع كل إحترامي لك و لوجه نضرك
تحياتي .

♥أخي كالعادة تنظر الى الموضوع من منظار واحد
وترى في وجهة نظري من زاويــــ ـــــــة واحدة

أكيد اني اوافقكــــ ــــ في بعضه والنصيحة واجبة
ولـــــــــ ــــكن المدخن وان كان شيء خاطئ الذي يفعله ( التدخين )
فلتعلم انو لسن المراهقة حقها
وكــــ ـــــــــــما يوفر لمستقبله فمــــــــ ـــــــن حقه أن يعيش حاضره
و ما الكمـــــــــ ــــــــال الا لله

ارجــــــ ــــــــــو أن تصل الفكرة ♥ ​

 

[khalil hip hop]

بسمـ الله الرحمنـ الرحيمـ

السلامـ عليكمـ

واش راكم يالحباب لاباس بخير الحمد لله المهم انتم لاباس اي املا نقول

يكفينا من التمسخير بزاف على خاطر راهي الجماعة راهم صايمين راح

نقلك خويا غزال على هاذوا الناس واش نقلكم عليهم ربي يهديهم

هو مايجي يجيب مصيرفه حتى مليون ونص هكذاك ناشف ويتمقلش بيهم

ويدمر على جال حوايج تافهين تلقاهم غير مع تالدخان و الشربات

(الخمر ) يي لازم تكون مليح مع اسرتك راح نشوفو ناس كبار 30

سنة ومزال مالمش باش يتزوج هدا واش راه يستنى حتى يفوتو عمره

كامل ولا شاطرين غير في الدخان والرقاد ويقولك زمان عقوبة ا

وموا يخممو يخبيو شوية باش كي طيح بيهم يلقام مصروف الله لا حياة

لمن تنادي نهدرو في باطل في الصح واحد ماتلقاه عندو عقل خويا

غزال اللي مستقيم راهوا ديما مستقيم واللي يخمم في الدخان

والشربات واش راح نقلك لا حيات لمن تنادي خويا غزال راح نشوفو

ناس اللي شفتهم في وادي سوف في الاعراس واش نقلك ياو كون جيت

تسكن في الوادي تهبل علاه راح تهبل تشوف القهوة بي اللاشان معبيا

غاشي و الطبلات نتاع الدخان مسرجيا دخان باه يتباع اصبح في

الدموند بذات واللي راهوا عايش في وادي سوف واش يقلك تقله

زوجته والا امه اعطينا شويا صرف باه نشروا شويا قضيات البيت

يقلك ماعنديش عندي الا لكوارط يعني المياتات مئة الف فوق الصرف

متلقاش في جيبه المهم خويا غزال صح فطورك وصح صحوك و استهلا في

روحك والسلام عليكم
​

 

[هــــيلدا]

هاني جيت:yahoo::yahoo:

ستنيت يفرق الغاشي ونجي،، منحملش ريحة الدخان:closedeyes:

لاعلينا،،

واش يجيك هشهش ضرك من حالة البلاد؟؟

أكيد هذا ماراح يديرو الشباب نتاعنا،،

الدخان يلوم يروحو علا خاطر هو باغي يموت،، كاره من روحو:glare:

وهدرة التيليفون يتقاسمها مع لالة للي ضالة ساهرة معاه:glare::glare:


:surrender::surrender: ملقيتش واش نعلق صراحة،، علا خاطر ظاهرة عندكم وعندنا وفي كل بلاصة،

وراح تجيب 200 سنة ونتا تخمم ومتطلعلهاش حساب،،

=) علا هذيك كثرت العنوسة والانحلال الخلقي في المجتمع،، ربي يستر

صحا صحوركم:wink:
​

 

[zi_crazy]

سلام خويا و صحة فطورك

علابالك هادو اللي كيما اصحابك على الاقل راهم يبوجيو شوية

شا تقول في اللي شاد الحيط لا خدمة لا زدمة و تلقاه مع القهوة و الدخان

والديه الله غالب ما عندهمش و هو ربي عالم مين راه يجيب الدراهم

و هذا الشيء اللي يخليهم يدبروا على ارواحهم كاين اللي يسرق و كاين اللي ما علاباليش واش يدير باش يجيب الحبات

المهم هادو اللي كيما اصحابك بالاك على الاقل كاش نهار يفيقوا و يلقاو رواحهم قدام الامر الواقع
يعني لازملهم يوجدوا شوية للمستقبل تاعهم

بصح الجماعة الزاوجة واش راح يديرو و لا رايحين يستناو والديهم يدبروا عليهم...

المهم صحيت خويا على الموضوع

و صحة سحورك
​

 

[sam_houssem]

يا خويا وش نقولك
عندك الحق
وعلى كل حال ربي يهدي ما خلق
حتى انا القهوة ومعاها منين ذاك الدخان
مي ما يعنيش بلي المصروف كامل يكمل فيهم
يعني شوي بشوي
كيما قالوها ناس بكري
قهوة وقارو خيرمن السلطان في دارو
مي قالو ثاني شوي للرويحة وشوي للطريحة
يعني شوي خبيه وشوي عيش بيه
مرسي عليك
ودير قهوة معاك
سلام​

 

[abidou 20081]

صحا فطورك خويا غزال وربي يبارك فيك ديما المواضيع القيمة خويا

قيس قبل ماتغيص كلمة كبيرة بزاف وقليل لي يفهم معنتها خويا غزال
صح في كل واش راك تقول بالنسبة للشباب تاعنا يقولك راني نديفولي على روحي
وخلاص إذا خزر للشهرية يقولك هذيب ماتجيب والو وإذا خزر لجماعة المصيريفة الرحمة
ياجماعة الشهرية بصح المشكلة خويا كيفاش يقضو عليهم والله غير تحير
ربي يجيب الخير خويا غزال وربي يحفظك وربي يتقبل منا ومنك صالح الأعمال
دمت مميز أخي ​

 

[** غزال الصحراء **]

♥أخي كالعادة تنظر الى الموضوع من منظار واحد
وترى في وجهة نظري من زاويــــ ـــــــة واحدة

أكيد اني اوافقكــــ ــــ في بعضه والنصيحة واجبة
ولـــــــــ ــــكن المدخن وان كان شيء خاطئ الذي يفعله ( التدخين )
فلتعلم انو لسن المراهقة حقها
وكــــ ـــــــــــما يوفر لمستقبله فمــــــــ ـــــــن حقه أن يعيش حاضره
و ما الكمـــــــــ ــــــــال الا لله

ارجــــــ ــــــــــو أن تصل الفكرة ♥ ​

شكرا , صحا سحــورك .

 

[** غزال الصحراء **]

بسمـ الله الرحمنـ الرحيمـ

السلامـ عليكمـ

واش راكم يالحباب لاباس بخير الحمد لله المهم انتم لاباس اي املا نقول

يكفينا من التمسخير بزاف على خاطر راهي الجماعة راهم صايمين راح

نقلك خويا غزال على هاذوا الناس واش نقلكم عليهم ربي يهديهم

هو مايجي يجيب مصيرفه حتى مليون ونص هكذاك ناشف ويتمقلش بيهم

ويدمر على جال حوايج تافهين تلقاهم غير مع تالدخان و الشربات

(الخمر ) يي لازم تكون مليح مع اسرتك راح نشوفو ناس كبار 30

سنة ومزال مالمش باش يتزوج هدا واش راه يستنى حتى يفوتو عمره

كامل ولا شاطرين غير في الدخان والرقاد ويقولك زمان عقوبة ا

وموا يخممو يخبيو شوية باش كي طيح بيهم يلقام مصروف الله لا حياة

لمن تنادي نهدرو في باطل في الصح واحد ماتلقاه عندو عقل خويا

غزال اللي مستقيم راهوا ديما مستقيم واللي يخمم في الدخان

والشربات واش راح نقلك لا حيات لمن تنادي خويا غزال راح نشوفو

ناس اللي شفتهم في وادي سوف في الاعراس واش نقلك ياو كون جيت

تسكن في الوادي تهبل علاه راح تهبل تشوف القهوة بي اللاشان معبيا

غاشي و الطبلات نتاع الدخان مسرجيا دخان باه يتباع اصبح في

الدموند بذات واللي راهوا عايش في وادي سوف واش يقلك تقله

زوجته والا امه اعطينا شويا صرف باه نشروا شويا قضيات البيت

يقلك ماعنديش عندي الا لكوارط يعني المياتات مئة الف فوق الصرف

متلقاش في جيبه المهم خويا غزال صح فطورك وصح صحوك و استهلا في

روحك والسلام عليكم
​

ربي يخليلك هاذاك لعقل خويا لعزيز , هاذي هي ناس طايشة شراب و دخان و دعاوي شر , و كيما قلت يديباسي الثلاثينات ماهو مخمم في تاويل لا والو , و دراهمو رايحة في حاويج جايحـــة

يا خويا الشي اللي راك تقول فيه ماشي غير في الواد و الله راهو Par tout
صحيت , أسعدني ردك

فيلامان .

 

[** غزال الصحراء **]

يا خويا وش نقولك
عندك الحق
وعلى كل حال ربي يهدي ما خلق
حتى انا القهوة ومعاها منين ذاك الدخان
مي ما يعنيش بلي المصروف كامل يكمل فيهم
يعني شوي بشوي
كيما قالوها ناس بكري
قهوة وقارو خيرمن السلطان في دارو
مي قالو ثاني شوي للرويحة وشوي للطريحة
يعني شوي خبيه وشوي عيش بيه
مرسي عليك
ودير قهوة معاك
سلام​

ههه , و الله ضحكتني حسام //
يعني أنت بين و بين ,, ربي يوفقك و إن شاء الله راك عارفلها كيفاش ماشية

تهلى في روحك
سلام لعزيز :wink:

 

[** غزال الصحراء **]

هاني جيت:yahoo::yahoo:

ستنيت يفرق الغاشي ونجي،، منحملش ريحة الدخان:closedeyes:

لاعلينا،،

واش يجيك هشهش ضرك من حالة البلاد؟؟

أكيد هذا ماراح يديرو الشباب نتاعنا،،

الدخان يلوم يروحو علا خاطر هو باغي يموت،، كاره من روحو:glare:

وهدرة التيليفون يتقاسمها مع لالة للي ضالة ساهرة معاه:glare::glare:


:surrender::surrender: ملقيتش واش نعلق صراحة،، علا خاطر ظاهرة عندكم وعندنا وفي كل بلاصة،

وراح تجيب 200 سنة ونتا تخمم ومتطلعلهاش حساب،،

=) علا هذيك كثرت العنوسة والانحلال الخلقي في المجتمع،، ربي يستر

صحا صحوركم:wink:
​

أهلا بيك إسراء , اه وي عملتي مليح , أنا صدمتها في وسط الشعب و غموني بالدخان :no_1:

واش نقولك , و الله حكاية ( كاره من روحو ) هي المشكل لكبير , أنا قداه من خطرة نكره و صح تتلفلي , مي مادام عندي عقل نخمم بيه لواش نروح نخدرو بحوايج أخرى ,, زعمة باش ننسى ؟ مانيش حاب ننسى حاب نواجه !!

ربي يلطفنا و خلاص ,و يفتحها على الشبيبة تاعنا
مرسي عليك

صحا سحـــورك أنتي زادة :wink:

 

[** غزال الصحراء **]

سلام خويا و صحة فطورك

علابالك هادو اللي كيما اصحابك على الاقل راهم يبوجيو شوية

شا تقول في اللي شاد الحيط لا خدمة لا زدمة و تلقاه مع القهوة و الدخان

والديه الله غالب ما عندهمش و هو ربي عالم مين راه يجيب الدراهم

و هذا الشيء اللي يخليهم يدبروا على ارواحهم كاين اللي يسرق و كاين اللي ما علاباليش واش يدير باش يجيب الحبات

المهم هادو اللي كيما اصحابك بالاك على الاقل كاش نهار يفيقوا و يلقاو رواحهم قدام الامر الواقع
يعني لازملهم يوجدوا شوية للمستقبل تاعهم

بصح الجماعة الزاوجة واش راح يديرو و لا رايحين يستناو والديهم يدبروا عليهم...

المهم صحيت خويا على الموضوع

و صحة سحورك
​

يا خويا كلامك تاع كــبار و الله ! هاذوك الفئة ما نفضلش نحكي عليهم , أنا هاذو اللي يخدمو و يفسدو في دراهمهم في الهف هاذو اللي يغيضوني يعني يتعبو على حاجة ريــح //

لخرين راهم كارثة , يعني يجيبها بالساهل و تروح بالساهل , تلقاه حاكم شوكة اللي يجي فايت يgريسيه على جال مية ألف تاع سقاطة !

و لا يعس طفلة و يديلها الصاك , و لا يدي بورطابل على شيباني ..إلخ
صح يديرو لعجب على جال لحشيشة

ربي يلطفنا و خلاص
شكرا صديقي .

 

[** غزال الصحراء **]

صحا فطورك خويا غزال وربي يبارك فيك ديما المواضيع القيمة خويا

قيس قبل ماتغيص كلمة كبيرة بزاف وقليل لي يفهم معنتها خويا غزال
صح في كل واش راك تقول بالنسبة للشباب تاعنا يقولك راني نديفولي على روحي
وخلاص إذا خزر للشهرية يقولك هذيب ماتجيب والو وإذا خزر لجماعة المصيريفة الرحمة
ياجماعة الشهرية بصح المشكلة خويا كيفاش يقضو عليهم والله غير تحير
ربي يجيب الخير خويا غزال وربي يحفظك وربي يتقبل منا ومنك صالح الأعمال
دمت مميز أخي ​

عاش من شافك خويا لعزيز عبيدو , ليــك وحشة //
و الله كلامك صحيح ,, الشوفة هاذيك اللي تبين الشهرية ما تكفيش , و ما توفر والو هي اللي تلف للعبد الراي , يا خويا ما أشري بيها حاجة تبان فيك خير من اللي تروح في الريح ,, خاصة كي يتعب عليها نورمالمو يحسلها , مي لا حياة لمن تنادي

شكرا , أسعدني مرورك .

 

[HWK4ALGERIA]

عندنا وحد لمثل يقول " ما خص العورة غير لكحل "،،، تلقاه جيعان في كرشو والا امو لابسة لمقطع وحيط دارهم طايح، وتلقاه حاط كيلو تاع جال،،، وريحتو تفحفح من مسافة 200 ميترة،،، ويتكيف ف المارلبورو،،، ويفليكسي لصاحبتو باه ت'آكتيفي لgـراطوي،،، والخشخاش ربي يجيب،،، عايش في حدود يومو بمفهوم غالط،،، ربي يصلح لحوال.
شكرا.

 

[** غزال الصحراء **]

عندنا وحد لمثل يقول " ما خص العورة غير لكحل "،،، تلقاه جيعان في كرشو والا امو لابسة لمقطع وحيط دارهم طايح، وتلقاه حاط كيلو تاع جال،،، وريحتو تفحفح من مسافة 200 ميترة،،، ويتكيف ف المارلبورو،،، ويفليكسي لصاحبتو باه ت'آكتيفي لgـراطوي،،، والخشخاش ربي يجيب،،، عايش في حدود يومو بمفهوم غالط،،، ربي يصلح لحوال.
شكرا.

و الله قلت الصح يا علي , كلام كبيــر
ربي يخليك .

 

[abidou 20081]

عاش من شافك خويا لعزيز عبيدو , ليــك وحشة //
و الله كلامك صحيح ,, الشوفة هاذيك اللي تبين الشهرية ما تكفيش , و ما توفر والو هي اللي تلف للعبد الراي , يا خويا ما أشري بيها حاجة تبان فيك خير من اللي تروح في الريح ,, خاصة كي يتعب عليها نورمالمو يحسلها , مي لا حياة لمن تنادي

شكرا , أسعدني مرورك .

ربي ينورك وربي يخليك خويا لعزيز ويتوحشك الخير

موضوعك لي صحيح خويا ماشي كلامي وهذا واقع صح راك تهدر عليه حب من حب وكره من كره
الراي التالف هذي كلمة موزونة خويا وعندك الحق فيها لوكان كل واحد يحسب واش راه يفسد
يعرف مليح معنى لكلامك لكن الله غالب خويا كيما قلت لا حياة لمن تنادي والمشكلة تلقاه يفليكسي كيما قلت ولا يتكيف ولا يضيع فيها غير هكذا لوكان يشوف واحد مسكين ماعندوش خبزة باش ياكلها يقولو والله خويا مانسعاها ياك هكذا خويا هذا الكلمة رجعت مشهورة عندنا تاع والله مانسعاها وزيد ثاني الكلمة
المشهورة لاعبينها يطلبو وهما مكنزين دراهم بحال كيلي يعرف كامل الغاشي لي عندو ولي ماعندوش
ربي يجيب الخير وربي يفتح في وجهك كل بيبان الخير خويا وربي يحفظك دمت متألق أخي العزيز ​

 

[** غزال الصحراء **]

ربي ينورك وربي يخليك خويا لعزيز ويتوحشك الخير

موضوعك لي صحيح خويا ماشي كلامي وهذا واقع صح راك تهدر عليه حب من حب وكره من كره
الراي التالف هذي كلمة موزونة خويا وعندك الحق فيها لوكان كل واحد يحسب واش راه يفسد
يعرف مليح معنى لكلامك لكن الله غالب خويا كيما قلت لا حياة لمن تنادي والمشكلة تلقاه يفليكسي كيما قلت ولا يتكيف ولا يضيع فيها غير هكذا لوكان يشوف واحد مسكين ماعندوش خبزة باش ياكلها يقولو والله خويا مانسعاها ياك هكذا خويا هذا الكلمة رجعت مشهورة عندنا تاع والله مانسعاها وزيد ثاني الكلمة
المشهورة لاعبينها يطلبو وهما مكنزين دراهم بحال كيلي يعرف كامل الغاشي لي عندو ولي ماعندوش
ربي يجيب الخير وربي يفتح في وجهك كل بيبان الخير خويا وربي يحفظك دمت متألق أخي العزيز ​

أهلا بيك من جديد عبيـــدو ,, يا خويا بزاف ناس كي تهدرلهم الهدرة هاذي تجيهم طايحة و تبانلهم راك تتفلسف ولا تسب فيهم ولا ما علاباليش !! و أنا و الله واحد ما نبغيهش ما يدي والو من عندي ,, ما نقولو ما يقولي ما نصحو ما يسمعني //

كيما في المنتدى كيما برى , قداه من واحد نقولو نصيحة أخ يفهمها حاجة أخرى ,, مي كيما نقولو الزمان يبين كلش , ويبين مسيرة الشخص في حياتو كانت كيما يلزم ولا والو ,, و خلينا من عقلية ( قهوة و gارو خير من السلطان في دارو ) هاذا مثل و المثل يحتمل الخطأ لأنو خارج من لسان عامة الشعب و أغلب الأمثال خاطئة , ماشي كيما الحكمة هي اللي تلقاها موزونة و خارجة من أفواه ناس فاهمة , و تلقاها صحيحة دايمن

ربي يخليك خويا عبيدو , أسعدني ردك كثيـــــــرا ,وصحا سحورك .