حلويات جديدة من اختياري

[lina07]

اختي راني نستنى في الوصفات مرسي ليك

 

[momoude]

يعطيك الصحة ورنا نستناوتحطي الوصفات راهو ةقرب العيد ومادا بيك تحطيهم في اقرب وقت
ومشكورة جزيل الشكر

 

[كوكب الشمس]

بارك الله فيك على النقل المميز
حلويات في منتهى الروعة

​

 

[صورية210]

بارك الله فيك حلويات في منتهى الروعة

 

[ام سيرين]

بارك الله فيك أختي الصراحة عجبوني كامل إدا قدرتي حطيلنا الوصفات تاعهم راني نستنا مع الاخوات شكرا جزيلا.[s

 

[الاء هبة الرحمن]

الحلويات في قمة الروعة
ممكن طريقة تحضيرها
وشكرااااااااااااااااااااا

 

[ام منصف]

بانتظار الوصفات عزيزتي

 

[كوثر الوهرانية]

مشكورة اختي دهبيتوا على صور الحلويات الرئعة

 

[inas f_t]

حلويات هايلة شكرا لك ممكن تحطي المقادير

 

[عائشة333]

يعطيك 100 صحة يا أختي كلهم هايلين
ولوكان مقدير هذه الحلويات

 

[ibtesem]

 

[dahbito]

حلوة صابلي بالجلجلان


المقادير
250 غ زبدة طرية
125غ سكر قلاصي
160 غ مايزينة
100غ جلجلان محمص
فرينة حسب الحاجة
2 صفار بيض
1 مغرف صغيرة فانيليا
1 مغرف صغيرة خميرة الحلوى
​

كيفية التحضير
نقوم بخلط السكر والزبدة بالخلاط الكهربائي حتى نتحصل على كريمة ثم نضيف صفار البيض مع الاستمرار في الخلط لمدة دقيقة ثم نضيف الجلجلان والفاني والمايزينة والخمارة عند ادخال المقادير في بعضها نضيف الفرينة لنتحصل على عجينة طرية نقوم بحلها بالحلال سمك 1سم ونقطعها دوائر بواسطة كاس وندخلها الفرن وعند اخراجها نلصق بالمعجون ونزينها في الحواف بالكوكاو مرحي شوية خشين ومن فوق نزينها بالشيكولا بيضاء وسوداء

 

[dahbito]

حلوى قرن غزال




المقادير
250 غ فرينة
75غ سمن
قرصة ملح
1ملعقة صغيرة صبغة خضراء وبيضاء
ماء الزهر+ماء عادي
حشو :
250 غ اللوز
125 غ من السكر
1 ملعقة صغيرة فانيليا
1 بيض
طريقة التحضير
نقوم بخلط الفرينة+سمن+شوية ملح+شوية فاني ونخلط جيدا ونقوم بتقسيم العجينة الى قسمين ونقوم بتلوين الجزء الكبير من العجينة بالابيض ثم نضيف ماء الزهر وشوية ماء عادي ونلمد العجينة ونلفها ونتركها ترتاح ونقوم بنفس الطريقة للجزء الاخر للعجينة ولكن التلوين بالاخضر ونتركها ترتاح وبالنسبة الى الحشو نخلط جميع المكونات ونلمدها بالبيض ونقوم بتشكيلها على شكل قرن صغير ونقوم بحل العجينة البيضاء في حلال العجينة ونتركها ثم نشكل العجينة الخضراء على شكل شرائط طويلة ونقوم بتلصيقها في العجينة البيضاء ونمررها في الالة في رقم 6باه تلصق مليح ثم نقوم بقصها دوائر بالطابع الخاص ثم نضع الحشو في الوسط ونشكل العجينة على شكل قرن ونلصقها بقليل من الماء والصورة توضح اكثر ونزينها بالنقاش


ندخلها الى الفرن لمدة 15 دقيقة او 20دقيقة المهم لا نتركها تحمر ثم نخرجها ونعسلها ونقوم بتزيينها من فوق بالقليل من الفستق




​

 

[زنوبيا2000]

مشكورة اختي على الوصفات
ممكن تعطيني الوصفة نتاع

 

[dahbito]

حلوى بدون طهي

المقادير وكيفية التحضير
2 علب بسكويت ومن المفضل يكون بسكويت الشاي+3ملاعق كبيرة زبدة+عسل +حلوة الترك مكسرات لتكون عندك موفرة حطيها+2ملاعق كبار كاكاو نقوم بطحن البسكويت ثم نضيف الكاكاو وحلوة الترك نمزجها جيدا ثم نضيف الزبدة والمكسرات ثم نلمدها بالعسل ثم نفوم ببسطها في بلاطو مسطح على طول 4 سم ثم نضع الشيكولا الذائبة من فوق ونزينها بالفرشيطة بتمريرها ثم ندخها الى الثلاجة وكي نحسوها جمدت نقطعها مربعات واذا حبيتي تزينيها زينيها

​

 

[amouna22]

​

يعطيك الصحة على الوصفات ممكن مقادير هذين النوعين

 

[mehad]

بارك الله فيك

 

[dahbito]

غربية بالبيستاش
​

​

المقادير
كاس ونصف سمن
كاس سكر قلاصي
3كيسان ونصف فرينة
كاس بيستاش مرحي وملون اخضر
معطر بذوق بيستاش
حبات بيستاش للتزيين


للتحضير نقوم بخلط السمن والسكر بالخلاط الكهربائي لمدة 20 دقيقة ثم نضيف الملون القليل و ذوق البيستاش ونضيف كاس البيستاش ثم نلمد بالفرينة واذا لم تكفى الفرينة نزيدلها حتى نتحصل على عجينة متماسكة ثم نشكلها دوائر ونزينها كما في الصورة بالسكين على شكل نجمة ونضع حبة بيستاش في الوسط وندخلها الفرن لمدة 30دقيقة



​

 

[dahbito]

مشكورين على المرور العطر وغدا ان شاء الله نكمل البقية ​

 

[amira2782]

merciiiiiii yhablou