ماذا ستطبخين اليوم سيدتي

[كوثر الوهرانية]

مساء الخير عليكم نشكر كل لبنات الي سالوا عليا
بصحتكم كامل واش طيبتوا اللوبيا و الرخساس يشهواو الكروكي هايل دهبيتوا
امممممممممممم على هداك الطاجين يا مريومة الله يبارك
بريوش يشهي ندوشة
وينها عفاف مبانتش اليوم
عيد ميلاد سعيد لبنتك ام منصف
حيكيلكم نهاري تاع اليوم ندت الصباح و عولت على الغداء باش ندير بيتزا راني نلبس في الطابلية تاع القديان حتى يصوني التليفون الوا واه راكي فالدار واه راني جاية عندك باش دريلي الحلوى نتي ختي
شا ندير قتلها ارواحي هدي حبيبتي لي كلمتني جات و درتلها مخبز النوادكوكو و البيتزا راحت مكاش الوقت درتلهم فريت و سلاطة كوثر مسكية رحت تقرى تاكلة كي تجي تلقى البيتزى هههههه صح قلت نديرها العشية قيس الزوج جاوني ضياف بايتين هههههه خلاتي مع امي نضت درت كيكة رخامية باش تقهواو و كي قهويتم نضت للعشاء جبتلكم تشوفوا الكيكة و متعيبوش عليا

اليوم نهار كامل و انا مع الكوزينة

 

[nada242008]

يعطيك الصحة ام ندى على البريوش بصحتكم
الغدوا عيد ميلاد بنتي ندى
الظاهرة راح نبدل رايي مانيش راح نديرلها كعكة نديرلها هذا البريوش هههههههههه
بصحتكم البنات غداواتكم وعشاواتكم
***************
السوال على نبع اليقين ما بانتش عسى المانع خير

اهلا اختي شريفة
عيد ميلاد سعيد للندوشة ربي يحفظها ويكبرها في طاعتو
ديري البريوش وفوقو شمعات:showoff:
كاينة طارطة بالفراز هايلة درتها العام اللي فات وعاودتها هذاك النهار في عيد ميلاد صاحبتي
والله ماصدقتنيش كي قلتلها مخدومة في الدار ذوق + شكل
كان تحبي نحطلك صورتها
--
نبع اليقين حتى انا خممت فيها والله خلاتنا بلاصتها
بلا ماننسى حبيبة قلبي نوال 1980 علبالي فراقها لينا مش بايدها بصح كي تعود معانا نحسها تكون فرحانة كثر
نوال حبيبتي نحبك وراكي ديما في البال

 

[rima29]

هاااااااااااااااايلة كاوو قوليلي كيفاش درتيها راني حابة نديرها عجبتني ​

 

[ام منصف]

بصحتك القعدة حبيبتي فريدة والكيكة الرخامية هايلة
ام ندى حتى انا قلت نحطلها الشموع من فوق وخلاص ونقولهم هذه موضة نتاع اعياد الميلاد الجديدة هههههههههه
بانتظار الوصفة نتاع الكعكة اللي قلتي عليها اليوم ان شاء الله خاصة وانه وقت الفراز

 

[nada242008]

كوثر كيكة هايلة بصحت الضياف واجرك على الله

 

[كوثر الوهرانية]

راهي ساهلة يا ريمواااا ضربي ستة بيضات فاني و كاس و نص سكر ضربيهم مليح بالباتور حتى يتضاعف الحجم ضيفي نص كاس زيت ضربي مليح ثم نص كاس حليب و ضربي وحدة طخميرة الحلوى ثم زوج كيسان و نص فرينة ضربيهم مليح نحي شويا من الخليط ضيفي له زوج ملاعق كاكاو و خلطي مليح دهني مول فرغي فيه لخليط الابيض ثم ديري دوائر بالخليط لبني ثم براس موص اجيبي ن وصط لدائرة الى حافة المول مثل شبكة العنكبوت ثم دخليها الفرن يكون مسخن مسبقا و خليها تطيب هدي هي الكيكة انشاء الله تفهميني

 

[كوثر الوهرانية]

تحلفي على الكيكة انها مشرية الله يعطيك الصحة ندوشة عيد ميلاد ولدي راه قريب و نخدمها انشاء الله ياك كيكة الجينواز كيما العادة

 

[ام منصف]

الله الله على هذيك الكعكة يا ام ندى خير من كعكات باتيسري روايال نتاع باتنة اكيد تعرفيه
ممكن الوصفة
تسلم الايادي

 

[nada242008]

تحلفي على الكيكة انها مشرية الله يعطيك الصحة ندوشة عيد ميلاد ولدي راه قريب و نخدمها انشاء الله ياك كيكة الجينواز كيما العادة

الله يسلمك كوثر
كيكة الجينواز بصح درت فيها عفسة جاتني خير من اللي مالفة عالية كثر وهشوشة
والحشوة كريم شانتيي + فراز مقطع + نستلي والتزيين شانتيي وفراز مبشور

 

[nada242008]

الله الله على هذيك الكعكة يا ام ندى خير من كعكات باتيسري روايال نتاع باتنة اكيد تعرفيه
ممكن الوصفة
تسلم الايادي

هههه روايال ضرك نعود نبيع في الفارماسي وخلاص
ضرك نحطها موضوع والله كون جيتي حذايا نخدمهالك في خاطرك وخاطر الندوشة

 

[ام منصف]

ممكن تتحفينا بعفساتك الهايلة حبيبتي عفاف 1
واكون لك شاكرة

 

[rima29]

راهي ساهلة يا ريمواااا ضربي ستة بيضات فاني و كاس و نص سكر ضربيهم مليح بالباتور حتى يتضاعف الحجم ضيفي نص كاس زيت ضربي مليح ثم نص كاس حليب و ضربي وحدة طخميرة الحلوى ثم زوج كيسان و نص فرينة ضربيهم مليح نحي شويا من الخليط ضيفي له زوج ملاعق كاكاو و خلطي مليح دهني مول فرغي فيه لخليط الابيض ثم ديري دوائر بالخليط لبني ثم براس موص اجيبي ن وصط لدائرة الى حافة المول مثل شبكة العنكبوت ثم دخليها الفرن يكون مسخن مسبقا و خليها تطيب هدي هي الكيكة انشاء الله تفهميني

ايه فهمتك بالبيان كاوو غدوة نجربها ان شاء الله ومرسي حنوووووووووووونة​

 

[عفاف الجزائرية]

عفوفة حبيت نسقسيك؟
الفرن تاني يلعب دور في نجاح الوصفات ؟؟
انا الفرن نتاعي هاذو الايام ماهوش مليح في الحلويات خصوصا في الكعكات راني ندير فيه غير لي غراتان برك
ان شالله رح نجيب واحد جديد
​

 

[عفاف الجزائرية]

ايه فهمتك بالبيان كاوو غدوة نجربها ان شاء الله ومرسي حنوووووووووووونة​

ننتضروك غدوا على احر من الجمر باه تتحفينا بتطبيق من التطبيقات
هيا يا جماعة صغيرتنا ريمة غدوا رح تفتح باب التطبيقات وتديرلنا الحماااااس


​

 

[rima29]

 

[nada242008]

عفوفة حبيت نسقسيك؟
الفرن تاني يلعب دور في نجاح الوصفات ؟؟
انا الفرن نتاعي هاذو الايام ماهوش مليح في الحلويات خصوصا في الكعكات راني ندير فيه غير لي غراتان برك
ان شالله رح نجيب واحد جديد
​

عفوفة الفرن تاعي اسوأ فرن في الجزائر هههه
eniem جا كادو في عرسي وحصلنا فيه
نحيل معاه برك وزيد والفت بيه يعني نعرف كيفاش نعسو
--
ام منصف راني نوجد في الموضوع انتظريني

 

[rima29]

ان شاء الله

 

[ام منصف]

هههه روايال ضرك نعود نبيع في الفارماسي وخلاص
ضرك نحطها موضوع والله كون جيتي حذايا نخدمهالك في خاطرك وخاطر الندوشة

على بالي بيك حبيبتي
كي قلتيلي هكذا كيلي راكي درتيها وراهي وصلت
الف شكر لك غاليتي
في انتظار الموضوع

 

[ام منصف]

الف شكر لك ريما هديتك وصلت لندوشة

 

[nada242008]

tarte au fraise
يا لهوي راهي 8 ومازلت قاعدة:scared:
نوض نطيب العشا ونرجعلكم