ماذا ستطبخين اليوم سيدتي

[faloussa]

يبارك فيك دهبيتو عقبال مانفرحو بيكم انت وعفاف وربي يرزقك كل مشتاقة بالذرية الصالحة
دعواتي ديما لاختي فلوسة وام فاروق ربي يذكرها بالخير
راني نشوف في الضيوف كثرو ..كون يوصلها الخبر نجيفكم :scared: هههههه

ربي يعيشك اختى ام ندى كلشي مبروك وربي يكمللك على الخير الحمل انتاعك والله اليوم برك كاعدة نتصفح في ليباج هنا عرفت راكى بالحمل ربي يفرحك اختى وادعيلى معاك
ام كوثر كيكة رائعة يعطيك الصحة اختى وربي يقدرك على الضياف
انا اليوم عشايا كان ريجيم عملت سلاطة نورمال وطبقت الفلفل نتاع اخت عفوفة جا روعة

 

[كوثر الوهرانية]

فةفتي لوكان تجي تسكني حديا ياااااااا اختي يوم المنى تعرفي نديرك في عينيا و نوحمك كيما يبغي القلب
ندوشتي اوي الكونطرول قيس لثمانية و العشاء مكانش حيييي بصح نتي تسلكيها نعرفك فحلة
بصحتكم كامل شا تعشيتوا
انا درت العشاء لضياف و هداوين كملت مع الماعين

 

[كوثر الوهرانية]

اهلا فلوستي كيراكي اختي عقبال مانسمعوا الخبر الزين و نفرحوا بيك ان شاء الله

 

[faloussa]

البنات رانى منيش قاعدة هذه اليامات لانى قاعدة نوجد رايحة نهبط للبلاد نهار الجمعة ان شاء الله رانى فرحانة:sheer::sheer::sheer: توحشت الوالدين لافامى وان شاء الله رانى نتصل بيكم من دار بابا
سلام حبيباتى اطهلاو في روحكم بيزووووووووووووووو

 

[faloussa]

اهلا فلوستي كيراكي اختي عقبال مانسمعوا الخبر الزين و نفرحوا بيك ان شاء الله

اهلا بيك اكتى ام كوثر ان شاء الله ياربي وربي يفرح كل مشتاقة يا رب

 

[rima29]

صباااااااااااح الخير وش مازلتو راقدين ولا راكم مع لغدا والميناج ؟
انا صايي نضت بكري وسيقت ولميت كلش وحطيت القش يتغسل في الماشينة وجيت
​

 

[كوثر الوهرانية]

صباح الخير عليكم
ريمواا راكي ساجية اختي
انا الضياف مزالوا عندي راني مع الفور تليتلي
نتلاقوا نبعد ان شا ءالله

 

[rima29]

صباح الخير عليكم
ريمواا راكي ساجية اختي
انا الضياف مزالوا عندي راني مع الفور تليتلي
نتلاقوا نبعد ان شا ءالله

ربي يعاونك كاوو نمووووووووووووت على تليتلي بصحتكم كامل​

 

[ibtesem]

صباح الخيرات ياحراير :sheer:
راكم في الكوزينة ربي معاكم :showoff:
انا رايحا نعمل البريوش تاع ندى شهاني ههههههههه:shay:
متلومونيش من رجيم رجعت نتوحم على كلشء ههههههههه:scared:​

 

[كوثر الوهرانية]

بسومة ديري البريوش بصح كولي غير شويا راكي عافة هدا السبوع درتي معجنات بزاف باش متخسريش الي ربحتيه فهمتيني اختي

 

[rima29]

بصحتك ابتسام البريوووووووش​

 

[rima29]

وش بيكم اليوم فشلانين
يللا عودوا لنشاطكم​

 

[روز]

صباح الخير للكل كوثر وريم وابتسام والعفافات^^والكل ...
راني حابة نجرب البريوش نتاع أم ندى بالاك نجربو امبعد..
درت غدا سلق بالابات فايتي شوية ونحطلكم الصور..
ابتسام ليك ولكل العضوات لي حابين يعملو ريجيم عندي فكرة شفتها في احد المنتديات يعملوا جماعات وكل وحدة تقول نوع الريجيم الخاص بيها وكل يوم تحط وش اكلت..
وكل اسبوع يحطو الوزن نتاعهم وشغل مسابقة شكون لي خسر الوزن اكثر مسابقة تحفيزية
وحد الوقت زدت 5كيلو تبعت معاهم الآن راني وصلت للوزن المليح لكني حابة نزيد للوزن المثالي..
وش رايكم نعملوها وعندي معلومات لاباس بيها على انواع الريجيم..اذا وافقتو نفتحو موضوع..

 

[rima29]

روووووووووز حنونة انا تاني حابة ندير الريجيم وما قدرتش​

 

[nada242008]

مساء الفل عليكم
وينكم والفتو ترقدو على 12 :scared:
انا غدايا كان تشيشة مرمز

وسلاطة

وشوية دجاج

صح غداواتكم

روز قلتي زدتي 5 كيلو اما ثاني حابة نزيد قوليلي واش درتي :showoff:

 

[rima29]

يممممممممممم على تشيشة مرمز يا ندووووووووووووش
انا راني رايحة نطبق البريوش ديالك عجبني​

 

[روز]

بصحتك أم ندى غدا تشهي.. اهلا ريمة اذا الكل عجبتهم الفكرة رايحين نعملو موضوع وممكن نساعدكم في طرق خفض الوزن..

بخصوص الوزن ام ندى أنا قلت بلي وزني زاد 5كيلو وراني قضيت على ال 5كيلو^^
راني نحكي على الناس لي حابة تنقص في الميزان

اما لي حاب يزيد ماعنديش فكرة لكن كثري من الاكل والراحة والنوم ههه وأكل الحلويات والشكولاطة رايح يزيد وزنك بالتأكيد


هذا سلق باللحم المطحون والابات فايتي..غدايا نتاع اليوم

 

[nada242008]

امممم بصحتك يا روز كيما غداك هذا تاع اليوم معمر بالسعرات الحرارية ابعثيلي شوية
انا عندي نقص واحيانا انعدام الشهية ناكل زوج مغارف ونوض :schmoll: اما الحلويات مانقدرش حتى نذوقها
اغلب الحوايج اللي نطيبهم مانذوقهمش
المهم فكرتك هايلة من رايي تحطي الموضوع واكيد جو المنافسة يساعد اكثر
ريمة اختي الله يسلمك

 

[imane27]

مساء الخير عليكم لبنات واش راكم توحشتكم غبت عليكم 4 ايام صبتكم فى 40 صفحة يعطيكم الصحة راكم قايمين بالحالة

 

[روز]

أم ندى الطبق نتاعي غني برك..!! راهو مليان سعرات حرارية^^

بخصوص باش تزيدي وزنك جربي جوعي روحك قد ماتقدري راهي المعدة نتاعك اتغلقت ووالفت بكمية معينة برك حاولي المرة اللولةولما تتفتح المعدة نتاعك وتتوسع يعني كي توالف بكمية متوسطة امبعد كبيرة ..رايحة تولي تجوعي بالخف..

ماتاكليش بين الأوقات لانو لوكليتي ولو حاجة قليلة رايحة تخليك تحسي بالشبع كي يقرب الغدا او العشا..
جوعي روحك قد ماتقدري وكولي مليح كي تجوعي حاولي ماتاكليش وحدك راهي الجماعة تفتح الشهية..
ولا كولي ونتي تتفرجي في التلفزيون مش رايحة تحسي بكمية الاكل لي كليتيه.

وسمعت بلي العدس المطحون مع العسل العادي او الحر الصباح على الريق ..يساعد في زيادة الوزن حتى راهو مليح للمراة الحامل يمدها بفتامين الحديد لي هو مهم للمراة الحامل..والمكسرات تاني خصوصا اللوز والبيستاش يزيدو في الوزن ومهمييييين جدا للمراة الحامل..
وسقسي العشاب على كاش خلطة تفتح الشهية او تزيد في الوزن..
تهلي في روحك ماعدناش منك عشرة