ماذا ستطبخين اليوم سيدتي

[nada242008]

الله يسلمكم عفعوفة وكوثر وربي يخليلكم امهاتكم ان شاء الله
يعطيكم الصحة على الاطباق الرائعةوبصحتكم:sheer:

 

[NaNouS]

السلام عليكم
انا جديدة معاكم من قبل كنت ديما نتبعكم وانا ضيف حتى قبل ما يغلق المنتدى والحمد لله كي رجع
نتمنى تقبلوني معاكم كأخت

 

[روز]

الحمدلله على سلامتك أم ندى ابروفيتي ياك الميمة برك لي تعرف كفاش ادللنا^^
خفي علينا من صور البوبونة ندى راني باش نخرجلها من الميكرو،،الله يبارك عليها سكـــــــــــــــر
بائعة الكبريت مش تبان توحشتها:shay:

مريم الرشتة تهبل تهبل
برانساس الصورة مش باينة عندي،،
كوثر وريمة ان شاء الله بخير مع العشية،،عفوفة تهليلي في روحك،،

مرحبا ‏NaNouS ياجماعة راهي تحت التوصية نتاعي راهي حبيبتي هاديك^^

 

[NaNouS]

مرحبا ‏NaNouS ياجماعة راهي تحت التوصية نتاعي راهي حبيبتي هاديك^^

الله يعطيك ما تتمناي يا روز والله حشمتيني والموضوع ديالك كان السبب في مشاركتي في المنتدى

 

[M!ss D!or]

اهلا برجوع ام ندوش
خيتي ام كوثر الوصفة سااهلة لكن للاسف ماعنديش الصور ان شاء الله كي نعاودوها نحطلك في خاطرك الصور
تفضلي الوصفة
للصوص
ديري الزيت في الطنجرة و حطي فلفل حاار يتقلي فيه مبعد نحيه
يبقي هاداك الزيت فيه طعم الحار
ومبعد
حطي لحم غنمي و طماطم مصبرة مع فلفل اخضر و احمر حلو و البصل قصيهم شرائح كيما هك

مع التوابل فلفل اكحل و فلفل احمر حلو...
و كي يطيب لازم يكون خاااثر

و من جيهة تفوري الكسكسي مرة وحدة
ومبعد حطيه في الجفنة و جيبي هاديك لاصوص نحي منها غير اللحم و الباقي خلطيه مع الكسكسي و تحبي تزيديلو الهريسة و انت تخلطي وزيني باللحم و الفلفل لي قليتيه في اللول
و بالصحة و الهناء
و نوعدك ان شاء الله نديرو و نحط الطريقة بالصور ​

 

[روعة2005]

مساء النور الحمد لله على سلامتك عفوفة وبصحتك مكانش خير من لميمة في هذه الامور
وتحياتي للجميع

 

[حاملـة المسك]

السلام عليكم
صحيتو يا البنات

NaNouS مرحبا بك مع إن شاءالله قعدة حلوة مع البنات
راهم اكل قمة في التواضع مـ شاء الله عليهم

PRINCESSE WA الشريك يبان جاك مليح هكدا بانلي

يسقسي عليك الخير Rose♥ راني كاينة و نجوز على المنتديات و نقرا .....و الرد يجيب ربي
ملي رجعت اللمة وليت هكدا :sad:

العشا كوسة رابي بالتونة مع بطاطا صوطي و سلطة و عصير المشماش
بصحتكم العشا
​

 

[nada242008]

الله يسلمك حبيبتي روز عينيك اللي ملاح :ax_flw:
ام لميسو كيما قلتي واحد ما يجي في مقام الوالدة وانا خارجة تقولي تفكري كشما تحتاجي نعطيك هههه
نبان راني رايحة لبلاصة مافيها لا ماكلة لا شراب :angel:
صافيناز نرحبا بيك يالغالية توحشنااك
برانساس جاك الشريك هايل بصحتكم
نانوس مرحبا بيك معانا ومرحبا باي اخت فيها ريحة روز والله ماذابينا كل الضيوف يسجلو ويشاركونا :sheer::sheer::sheer:
رغوودة صح عشاااك يالفحلة وعودي طلي علينا مرة على مرة
انا عشية كاملة مع الميناج وهذا وين خلصت
طيبت بيتزاا ..صح عشاواتكم

 

[روعة2005]

سلامات بصحتكم رغودة العشا سخفتيني في عصير المشماش
على سلامتك ويعطيك الصحة على الميناج وعلى البيتزا عفوفة انتي عجينة 10 د تكونجليها وكيفاش طريقتك اذا ايه وقدش المدة تبقالك
انا بقاتلي بربوشة الغدا زدتلها الحليب وتعشاوها

 

[merieme hassi]

السلام عليكم
علي سلامتك ام ندي بيتزا تشهي بصحتكم ربي يخليلك ميمتك
برانسس بصحتك الشريك القسنطيني
nanous مرحبا بك في اللمة
روز تحياتي ليك
سلامي لكم ام كوثر الوهرانية ام لميس روز ريمة29 عفاف الجزائرية صفيناز بائعة الكبريت ام منصف
برانسس نانوس و ابتسام ايمان27 و الجميع
عشاتي شربة فريك تعلمتها و بطاطا محشية بالكفتة و خبز
















​

 

[nada242008]

سلامات بصحتكم رغودة العشا سخفتيني في عصير المشماش
على سلامتك ويعطيك الصحة على الميناج وعلى البيتزا عفوفة انتي عجينة 10 د تكونجليها وكيفاش طريقتك اذا ايه وقدش المدة تبقالك
انا بقاتلي بربوشة الغدا زدتلها الحليب وتعشاوها

راني نeviter الكونجلاتور على قد ما نقدر
نخبي غير حاجة نطيب منها بزيادة وتفضل هذا ماكان
وديجا البيتزا نطيب غير كمية قيمة قرصة واحدة ..تتعجن في ساع وتطيب في ساع
وطبعا عجينة 10 دقائق غير نحيت الزيت من المكونات
صح عشاك عفاعيفوووو:sheer:
مريومة عشا يشهي الله يبارك بصحتكم

 

[روعة2005]

راني نeviter الكونجلاتور على قد ما نقدر
نخبي غير حاجة نطيب منها بزيادة وتفضل هذا ماكان
وديجا البيتزا نطيب غير كمية قيمة قرصة واحدة ..تتعجن في ساع وتطيب في ساع
وطبعا عجينة 10 دقائق غير نحيت الزيت من المكونات
صح عشاك عفاعيفوووو:sheer:
مريومة عشا يشهي الله يبارك بصحتكم

عندك الحق مام انا نحب كلش فراش بصح بنتي تهبلني على البيتزا لكان تصيب كل يوم قلت بلك تتكونجلا ونشريلها صوص جمبو ومنين تقول بيت........ نقلها هاكي هههههههه
راح نشقيك معايا ممكن تعطيني مقادير قرصة وحدة سمحيلي ويلا قلقتك علبالي راه الفوياج والميناج متعبينك:shay:

 

[Djazaire-El-Ghalia]

:schmoll:مساء الانوار على الحلوات بصحتكم الطيابات انا رحت لحفلة المدرسة تع اولادي درتلهم صامصة جزائرية حرّة واش نقلكم شراوها كامل تقريباًٍ والربح يرجع للمدرسة لوكان حنا جينا نديرو هاك لمدارسنا لوكان حاجة ماتخص فيهم على قدر مافرحت بفرح الأولاد على قدر ماوجعني قلبي على بلادي خير انشاء الله

 

[nada242008]

عندك الحق مام انا نحب كلش فراش بصح بنتي تهبلني على البيتزا لكان تصيب كل يوم قلت بلك تتكونجلا ونشريلها صوص جمبو ومنين تقول بيت........ نقلها هاكي هههههههه
راح نشقيك معايا ممكن تعطيني مقادير قرصة وحدة سمحيلي ويلا قلقتك علبالي راه الفوياج والميناج متعبينك:shay:

انا ثاني ندوش تموت عليها وعجينة ال10 دقايق ماتديش الوقت سيرتو كي تكون كمية قليلة والوقت اللي ديكونجلي فيه العجينة اطول من مدة تحضيرها
كي عدت نطيبها ديما ما عدتش نكيل بصح نحاول نعطيك المقادير
كاس صغير ماء وم ك خميرة تكون معمرة و م ك سكر وفرينة كالكريب ونخلطها بالخلاط اليدوي هذا

بلا مانخليها تختمر نضيف الفرينة حتان نتحصل على عجينة طرية وماتكونش كمية كبيرة تغطيها وتخليها
الصوص ننكت تكونجليها
ساعات نحضر كمية كبيرة ونقسمها في علب
خطراه كي تكون كمية الصوص قليلة ما نعرفش حتى ندوايها
وكاينة عفسة تاع رشة الزعتر على لاصوص وهي تطيب والله يعطيها بنة هايلة وينقص من حموضة الطماطم
ونوعية الفرماج نستعمل شيدار بالميزان سعرو معقول وبنييييييييييين
وكي نطيبها نسخن الكوشة مليح 200 درجة وندخلها تطيب من 5 الى 10 دقائق
كلمت تكون خفيفة تطيب في ساع
ان شاء الله نكون افدتك عفعوفة

 

[merieme hassi]

بصحتكم يا الفحلات
تصبحو بخير
سلامي للجميع

 

[NaNouS]

بائعة الكبريت مرسي ريس يخليك اختي انتي اكتر الردود تاعك الي ضحكني خفيفة الظل ومتشرفة باخواتاتي
وبنات بلادي

ندى شكرا ليك اختي ربي يخليلك ندوش ويكملك حملك ان شاء الله وتسلكي على خير يارب
امممممم على هديك البيتزا الله يبارك كون جات قدامي لا ريجيم لا والو

 

[imane27]

مساء الخير عليكم واش راكم صح فطوركم وعشاكم دورك نروح نوقب واش درتو ليوم انا رانى ندير فطعام كى نكمل نحط الصور

 

[l'algeroise]

مساء الخير عليكم أخواتي نشالله تكونو بخير صحا عشاكم كامل
- MERIEM HASSI الرشتة تهبل يعطيك الصحة ولعشا يشهي
-nada242008 البيتزا هايلة يم يم
أنا لغدا درت مسفوف بالجلبانة نسيت ماصورتوش
و هدا لعشا شربة vermicelle و salade

 

[ibtesem]

سلام سلام على اغلى الحبايب
على سلامتك دشدوشة على قولت نوال
بصحة عليكم يالبنات واش عملتو طول النهار _o:
راكم والله والله فور :scared:
انا راني مع الطعام والوداع الكبير للاكل
غدا يوم الجهاد :showoff:
لمدة اربعة ايام:sheer:
راح تبدا حصة الرابح الاكبر
ارجو المتابعو وتشجيع بدون تمييز بين الاعضاء:cra_zy:
​

 

[عفاف الجزائرية]

هههههههه والله يا ابتسام
كون جينا في بلاد وحدة كون عملناها صح
درنا دورة وسرقوهالنا
كون نعملو حصة الرابح الاكبر للمة هاذ المرة يسرقونا حنا
​