ماذا ستطبخين اليوم سيدتي

[imane27]

انشاء الله خلونى تكول ليوم طعام امبعد نعول
ابتسام طعام يشهى وسغتو هداك الفلفل

 

[كوثر الوهرانية]

مساء الخير عليكم كامل سامحوني مدخلتش اليوم ن الصباح اليوم كانت امي ترحل جات تسكن حديا واي واي واي
و رحت عاونتها على خاطرش انا وحيدتها و كل شيء على راسي ههههههه
غير هدي شويا دخلت لدار قليت بيض بالطماطم و سخنت الروز تاع الصباح و جيت نطل عليكم راكم دايرين حالة هدا طياب و هدا ريجيم
اختي برانساس الصورة مبانتليش بصح اكيد جاك هايل بصحتكم
اهلا بلاخت نانوس معانا حباب روز هما حبابنا
بسومة وداعا للاكل و اهلا بالريجيم الى الامام الى الاما ثورة ثورة ههه ربي يكون معانا و يقديرنا
مامود مرحبا بانضمامكم لمجموعة الريجيم انشاء الله راح نتوفقوا

 

[عفاف الجزائرية]

مرحبا بيك فريدة من جديد
ومبروك على امك الدار الجديدة تتهنى فيها ان شالله
ودرك راها قريبة ليك درك تتهناي عليها ساعة تجيك ساعة تروحيلها
​

 

[كوثر الوهرانية]

الله يسلمك عفاف تعرفي كنش خمس دقائق مشي وراني عندها تعرفي فرحت بزاف

 

[روز]

خبر هايل اختي كوثر ربي يفرح يماك بيك ويطولها في عمرها ان شاء الله

ومرسي لكلامك^^

 

[merieme hassi]

السلام عليكم
واش راكم واش احوالكم
اليوم كنت شاطرة و خدمت شوصون لعجينة 10دقايق و جربت بريوش اخت ندي و لا ام لميس معرفتش شكون صاحبة الوصفة
كوكو الف مبروووك ميمتك تسكن قدامك الله يبارك
طعام يشهي اختي ابتسام
اصحاب الريجيم الله يوفقكم
تحياتي لكم جميها
يوم مبارك














​

 

[ibtesem]

صباح الخير عليكم يالبنات
بصحتك مريم صوشون خرجولك هايلين والبريوش الله ابارك تاني
راني وحدي هنا في الكوزينة الله يستر وينو الغاشي كامل رجيم محيبينش تشمو الرحة
راها متسمنش الريحة متكلوش برك ههههههههههه
ربي اوفق وليداتنا بارب غدا السيزيام​

 

[nada242008]

مساء الفل عليكم
كوثر الف مبرووك لماماك وربي يحفظهالك ان شاء الله
انا غدايا دوبارة فول وحمص:sheer: ماطيبتهاش شريتها واجدة

مريم حاسي غداك يشهي بصحتكم والبريوش خرجلك هايل

 

[ibtesem]

واش رايحا نقول بصحتك وخلاص ههههههههه_o:
مشاء الله تعرفي من نهار لشريت الفول نسيتو خلاص:sadwalk:
بعد الاربعة ايام تاع الرجيم نعمل فول مكرة في ندودة هههههههههه:sheer:

 

[روعة2005]

اليوم طبقت وصفة عفوفتي2 بطا طا وجاج في الفرن وجات تسخف لحسو الصحن وبغاو يزيدو

وطبقت وصفت الرب(معجون تمر) وكانت مدتهالي اخت في منتدى اخر وسبق لعفاف 2 انها حكات عليها والله نشكر صاحبة الوصفة لانه عندو مناق هاااااااااايل

بصحتك ندى الدوبارة تشهي مع رشة الزيت زيتون تجي موراها تقيله تسخف
وبصحتك مريومة كي العادة دايما مايدتك تشهي جاك هايل الشوصون والبريوش في زوج روعة

 

[عفاف الجزائرية]

مساءكم بالخي
ان شالله كامل الاخوات بالف خير
بصحتك اختي مريم حاسي لي شوصون والبريوش جاوك يسخفو
بصحتك ندوش الدوبارة ايييييه والله راها تعيلي وحددها باه ناكلها
وبصحتك عفوفة الغداء بطاطا بالفرن والله سخفتيني فيها بالرغم اني درتهالهم من يومين برك
والرب واش نقول وواش نخلي
مي راني نشوف فيه ماجاش فيه الزبدة الحرة بزاف
يعني جاك شوي خفيف
مي راكي تشعلي كي عاد اول مرة تعمليه
انا راني مصورة كيفاه مي مازال ما جبناش الزبدة برك باه نخلطو ونحطلكم النهائي
انا عملتلهم شكشوكة فلفل وطماطم
وسلاطة
وقليلتهم الدجاج
مانيش لاهية راني مقلبة الدار كون تشوفوها تهربو
وانا كليت سلاطة وطماطم وصدر دجاجا وتفاحة
راني مع الريجيم
مباعد نحطلكم العقوبة نتاعي
​

 

[روعة2005]

مساءكم بالخي

ان شالله كامل الاخوات بالف خير
بصحتك اختي مريم حاسي لي شوصون والبريوش جاوك يسخفو
بصحتك ندوش الدوبارة ايييييه والله راها تعيلي وحددها باه ناكلها
وبصحتك عفوفة الغداء بطاطا بالفرن والله سخفتيني فيها بالرغم اني درتهالهم من يومين برك
والرب واش نقول وواش نخلي
مي راني نشوف فيه ماجاش فيه الزبدة الحرة بزاف
يعني جاك شوي خفيف
مي راكي تشعلي كي عاد اول مرة تعمليه
انا راني مصورة كيفاه مي مازال ما جبناش الزبدة برك باه نخلطو ونحطلكم النهائي
انا عملتلهم شكشوكة فلفل وطماطم
وسلاطة
وقليلتهم الدجاج
مانيش لاهية راني مقلبة الدار كون تشوفوها تهربو
وانا كليت سلاطة وطماطم وصدر دجاجا وتفاحة
راني مع الريجيم
مباعد نحطلكم العقوبة نتاعي​

الله يسلمك عفوفة بصحتك العقوبة
لالا عفوفتي مزال اصلا مدرتلهاش الزبدة الحرةهذاك رب ساك حتى انا وصى راجلي حتى غدوة الصباح وتجي ونخلطها

 

[ibtesem]

واع واع واع يافوفتي راكي معاقبا روحك

الله ابارك كي العادة طابلتك تشهي فوفة

شهتيني في الرب كليتو مرة في حياتي

 

[nada242008]

اممممم طابلة تشهي يا فوفة بصحتكم ..قوليلي الرب كيفاه درتيه يبان هايل
عفوفة 2 بصحتك السلايط هههه ماعليش كلو يهون في خاطر لاطاي
بسومة الفول مايضرش بالعكس فيه الالياف يشبع مليح:showoff:
صح غداواتكم كامل

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 13 (1 عضو و 12 ضيف) ‏عفاف الجزائرية


:scared::scared::scared:
واش راه صاير_o:

 

[عفاف الجزائرية]

الرب راني مصوراتو بالمراحل
نقعد مباعد ونحطهولكم في موضوع
لكن الصورة النهائية حتان تحضر الزبدة
​

 

[nada242008]

الرب راني مصوراتو بالمراحل
نقعد مباعد ونحطهولكم في موضوع
لكن الصورة النهائية حتان تحضر الزبدة
​

راني نسنى في طريقتك عفعوفتي ربي يخليك:shay:

 

[assia11]

لسلام عليكم بصحتكم كامل واش درتوا
هده تريدة و تارتولات

 

[ibtesem]

اهلا اسيا واش راكي
المبخ راهو اصفر اللهم استر
البرانية اكثر من مالي الدار

حالياً الأعضاء النشيطين الذين يشاهدون هذا الموضوع : 13 (3 عضو و 10 ضيف) ‏ibtesem, ‏merieme hassi, ‏mouradka

 

[merieme hassi]

السلام عليكم
ام ندي دوبارة تشهي كليتها مرة واحدة
ام لميس مايدة تاخدالعقل قوليلي الخبز الي راه في الصورة خبز الخميرة و لا اغروم
الرب كليتو مرة نهار الي مشيت عند بنت خالتي في الجلفة
احنا تقريب كامل الفاميليا مزوج بناتها بعيد :cra_zy:
اسيا 11 اسمك كيما بنتي بصحتك الغداء يشهي قوليلي كيفش تخدمي التريدة
عفاف حنونة واش راكي
اين الباقي روز ابتسام ايمان 27 ريمة 29 ام منصف برانسس و نانوس ووووووووووووووالخ
تحياتي للجميع