ماذا ستطبخين اليوم سيدتي

[tasnim55]

سلام لبنات وشراكم والله توحشتكم مكانش عندي الوقت غير حطيت صورة لغداء وهربت كان عندي شغل
بصح الله يبارك درك راني ضربت طلة وش طيبتو مشاء الله
فوفة الله يبارك على هذيك المائدة تفتح النفس يعطيك الصحة
ايمان الله يبارك على الطعام روعة بصحتكم
ام ندى حبيبتي الحمدلله كي روحتي ورجعتي لاباس مع ندوشة وربي يحفظلك الوالدة ويطول في عمرها والله اختي كون جيتي قريبة غير الحاجة الي في خاطرك نطيبهالك
ابتسام انا راني جارتك تاع الحار و الحامض وبلادي هي بلاد الشخشوخة انتي حابة الرجيم وانا نخليك تسخفي ههههههه
انا تغديت حسوة فريك خطراش مول الدار سخف عليها بصح في لعشا مدايرة رجيم منتعشاش

 

[ibtesem]

الله ابارك على لراهو سهران معانا

حالياً الأعضاء النشيطين الذين يشاهدون هذا الموضوع : 20 (12 عضو و 8 ضيف) ‏ibtesem, ‏اسال الله الفردوس, ‏DHIAA2002, ‏High hopes, ‏ياسمينة الباديه, ‏mimi53, ‏nassima88, ‏samora68, ‏semmouna, ‏s_luna, ‏كوثر الوهرانية+, ‏tasnim55

هاي هوبس مرحبا اختي
تسنيم سمى انت تاني رجيم تاع نصف نهار هههههه
بنت البلاد بسكرة لعزيزة
حنان الله ابارك على المعجناتك واش طيبتي

لحب يسهر معيا نعمل حسابو معايا في الشاي

 

[tasnim55]

ابتسام وينك وين راح الشاي وقيلة غلبك النعاس حنونة ماعليهش غدا انشاء الله وليلة سعيدة للجميع
​

 

[merieme hassi]

السلام عليكم
صباح الانوار و الياسمين
ان اشاء الله احوالكم لاباس
كوكو بصحتك العرس و ان شاء الله تفرحي بوليداتك
ابتسام عصير يشهي فكرني بباتنة و المشمش
ام ندي شهيتش في الحوت بصحتكم
حنان الله يعطيكم الصبر و ان شاء الله يفرح اختك اطباق تشهي يعطيك الصحة
تسنيم 55بصحتك حسوة فريك بصح واش معناتها كيفاش تعملوها
ايمان 27بصحتك الكسكسي
فوفة حنونة بصحتكم
عفاف الجزائرية ريمة 29 الله يهنيكم
روز و ام منصف و ام ايناس اين انتم و البقية
يوم مبارك و التوفيق لتلاميد السيزيام
ليا عودة بادن الله




​

 

[روعة2005]

بصحتكم كامل واش طيبتو انا من طليت جوعوني 2 حوايج حوت ندووووووش اممممممم

وعصير بسومة

بصحتكم حنان معجنات تشهي ومبروك على اختك
وتحية صباحية ل مريومة والجميع

 

[rima29]

صبااااااااح الفل والورد والياسمين فوووووفة
كيفاش صبحتي حنووووووووونة ؟​

 

[روعة2005]

الله يعزك ريمو راني مليحة تعيشي حبوبة واش نويتو للغدا بلاك نعاندك

 

[NaNouS]

صباح الخير عليكم يا البنات
كي صبحتو اليوم بخير ان شاء الله
بنات الريجيم كيفاش كان نهاركم الاول تاع البارح
صعيب مي كي ديرو القلب وتوالفو تولو نورمال

والله انا كي كنت مدايرة ريجيم واعر كنت كي يحكمني الجوع روح نقيس سروالي الضيق عليا ملي نكون جعانة تروح الشهية​

 

[merieme hassi]

السلام عليكم
اهلااااا فوفة حبيبتي كاش غداء
بالتوفيق لاصحاب الريجيم
فطوري كان سهل مايخدش الوقت دجاج بالكريمة و السباقيتي السبانخ
يصلح للمراة الخدامة و الي معندهاش الوقت

​

 

[merieme hassi]

اهلااااا نانوس كاس غداء حنونة
ربي يهنيك

 

[NaNouS]

السلام عليكم

اهلااااا فوفة حبيبتي كاش غداء
بالتوفيق لاصحاب الريجيم
فطوري كان سهل مايخدش الوقت دجاج بالكريمة و السباقيتي السبانخ
يصلح للمراة الخدامة و الي معندهاش الوقت ​

​

اهلا بيك مريومة امممممم هادا الصحن تاعي وحدي
والله يعطيك الصحة يا الفحلة
انا راني مع الريجيم مي كي نكمل الغدا للدار راني نحطو ان شاء الله

فوفة كاش غدا ولا ريجيم داير حالة

 

[rima29]

انا اليوم خفت على المرقة درتها حمرا بالبطاطا نمووووت عليها ما تضحكوش عليا
كي نحطها مباعد ضرك نصورها ​

 

[أحلام 86]

سلااام اخواتي بصحتكم غداواتكم كامل يشهو و حظ موفق لاصحاب الريجيم

 

[nada242008]

السلام عليكم وصح غداواتكم
مريم حاسي غدا خفيف ظريف يصحتكم
انا اليوم غدايا كان شربة فارميسال

 

[NaNouS]

بصحتك الشربة ندى

هدا غدايا غراتان بطاطا و الدجاج وبوراك

 

[NaNouS]

ندى تعرفي درت البريوش زوج مرات ومصلحليش قلقت كي مصلحليش المرة الاولى قلت بلاك مخليتوش طلع مليح المرة تانية تاني خليتو طلع مليح وكي درت الكريات تاني خليتو طلع كليه وكي خدمتو ودرتلو صفار خليتو يزيد يطلع مي كي طيبتو جاني ماشي طالع من داخل كيما انتاعك معرف وعلاش بصح انا درتو بالنتيلا يعني تكون هيا السبب
والله حابة نصلحو ومعرفتش كيفاش ​

 

[rima29]

الله الله عليكم غداااااااااواتكم كامل يشهيو بصحتكم​

 

[ibtesem]

سلام يالبنات
بصحتك مريم حاسي مشاء الله اختي انت واش من بلاد راكي متغربة
..................
ندود ام على صحن البطيخ
.................

نانوس غداك هايال ..... شهاني البوراك

قوليلي راكي منضمة للرجيم او لا

 

[NaNouS]

اهلا ابتسام راكي سافا مع الريجيم
وي راني متبعة الريجيم مي انا نفطر برك الصباح ومن بعد ماناكل والو نشرب غير في الما
والله صبحت ف الميزان راني هبطت 100غ والله راني فرحانة وزدت اتشجعت

 

[كوثر الوهرانية]

اهلا بيكم لبنات و بصحتم كامل واش طيبتوا انا ليوم راني ريجيم