ماذا ستطبخين اليوم سيدتي

[imane27]

طبق يشهى ايمان يعطيك الصحة

 

[nada242008]

بصحتكم ايمان طبق يشهي
انا بقاتلي الشربة من الغدا ماطيبتش :sheer:
وينكم يالحراير

 

[hanane alg]

السلام عليكم

بصحتكم كامل واش طيبتو ندى وريمة وابتسام ومريم وايمان .....الخ

انا اليوم راح نطيب للعشا سباقيتي بلاصوص

وبصحتكم كااامل
​

 

[كوثر الوهرانية]

مساء الخير عليكم
بصحت عشاكم كامل
ريموااااااااااا عيد ميلاد سعيد حبيبتي كل عام و انتي بالف خير اليوم عيد ميلاد ولدي الكبير كريم و من كترت الي لهيت مع اخته فوت لامتحان هو مسكين اهملته بصح قالي ماما ماعليش كي تربح كوثر نديروها مع بعض
ايمان عشاك يشهي بصحتكم
اا درت اللوبيا خضرة و ليهم و انا سلاطة جزو خيار و بيضة فايضة

 

[عفاف الجزائرية]

سلامو بنات
انا الميكرو ليوم كان مستعمر
والكلافي حبست
التلفون داهلي خويا
يعني بقيت فارغة
وما نحبش نكتب بالفيزيال
المهم للغدا عملتلهم بطاطا في الكوشة
وانا طبعا سلاطة خضراء وطرف ستاك وعصير ليمون
وللعشاء عملتلهم جلبانة وانا راني مدايرة شوفلور وموشتو قطعت عليهم حبة طماطم وشويا ملح وحطيتهم في كوكوطة منقصتلهم النار حتان يطلق الماء ويدبلو وننشفها
تجي بنينة
مع تفاحة
للعلم ليوم رحت وزنت روحي
لقيت نقصت ب 200 غ:sheer:

 

[rima29]

سلام حراااااير اللمة
انا الليلة درت عيش وسلاطة
هاي ليكم

قولولي ظهرولكم ليفوطو ولا كبار بزاااااااااااف؟​

 

[عفاف الجزائرية]

بصحتكم اختي ريمة العشاء
مي حبيت نسقسي العيش كيفاه عملتولو الحليب؟؟
باسكو جاني شويا برتقالي

 

[كوثر الوهرانية]

بصحتكهم عفاف الماكولات الشهية ونتي بصحتك الريجيم
ريموا بصحتكم السلاطو و البركوكس و تارت هايل راكي ساجية خموس عليك

 

[rima29]

بصحتكم اختي ريمة العشاء
مي حبيت نسقسي العيش كيفاه عملتولو الحليب؟؟
باسكو جاني شويا برتقالي

الله يسلمك ونتوما زادة
ياك تكوني طيبتي لاصوص وزيديلها العيش لمفور وخلطي لحليب وصببي لحليب في لاصوص وخلطي مليح حتى تشوفيه خثار شوية طفي عليه هذا ما كان عفوووووووووفة​

 

[rima29]

بصحتكهم عفاف الماكولات الشهية ونتي بصحتك الريجيم
ريموا بصحتكم السلاطو و البركوكس و تارت هايل راكي ساجية خموس عليك

الله يسلمك كاوو​

 

[tasnim55]

صح عشواتكم يالحراير
مريم بلا مزية اختي انا عندي خلاتي قبايل وتعلمو طيبنا وحنا هنا نتعلمو من بعضنا وربي يحفظ اللمة لجمعت بينتنا
عفاف والله راني نكتب بالكلافي فيزيال وشحال صامط في الكتابة خطراش عندي كلافي بالفرنسية ومكانش فيه العربية
ريمة بصحتكم العيش باين يشهي اختي
فوفة وينك
ابتسام مكانش العرضة على الشاي اليوم

 

[ibtesem]

سلام يالبنات وينكم راكم سهرانين مليح

بمااني من فاريق الرجيم كولو معايا

.........................

تسنيم وينك مرانيش نشوففيك التحت نطيب الشاي او لا

 

[tasnim55]

سلاطة تشهي مشاء الله بصحتك حنونة والله رجيم يفتح النفس بسومة
راني هنا نشوف وشكاين جديد في المنتدى اللمة طيبي الشاي راني نستنا

 

[tasnim55]

يالحرة راكي طيبي في الشاي زودي نعناع

 

[ibtesem]

ريمة انت واش من ولاية اختي

 

[ibtesem]

يالحرة راكي طيبي في الشاي زودي نعناع

مايكون غير خاطرك تسنيمو نعناع اخضر جديد :sheer:

قداش سكر انا راني رجيم منحطش سكر وانتي :showoff:

 

[tasnim55]

انا الشاي نشربو حلو ميش بزاف في كاس الشاي دري حجرة سكر

 

[ibtesem]

تسنيمو الشاي راهو جهز تفضلي
تفلو يالبنات معانا

 

[tasnim55]

بسومة وينك

 

[tasnim55]

لك الفضل صنية هايلة مشاء الله والشاي باين مفحفح بالنعناع والله فحلة بنت بلادي شاطرة
ربي يحفظها وهذاك الي في صحن وشنو هو