ماذا ستطبخين اليوم سيدتي

[ibtesem]

والله حلويات معمرين بالشرائح تاع التفاح كيما الباي تاع تفاح لكان تعرفيها
حطيتكم ليم انا خطيني
محكون علينا ممنوع الحلويات

الله اسلمك هدا من دزقك اختي انا سوفية الاصل بنت الشاي بالنعناع ههههههههه

 

[tasnim55]

الله يبارك خيار الناس وانا نقول الشاي شميت ريحتو من بعيد مشاء الله عندي صاحبتي في الغربة سوفية نموت على الشاي انتاعها شحال بنين مانشبعش منو ومشكورة الف شكر على الضيافة والشاي الرائع والقاطو ومشاء الله ومشاء الله على روحك الطيبة ابتسام الله يحفظك ويرعاك في غربتك انت وكل مؤمن متغرب وليلة سعيدة حنونة

 

[ibtesem]

في امان الله اختي تسنيم
والكل لراح حاضر معنا انا تاني روح
الى الغد انشاء الله

 

[rima29]

ريمة انت واش من ولاية اختي

انا حاليا نسكن في ولاية تبسة بصح اصلي من عين البيضاء وشاوية حرة​

 

[كوثر الوهرانية]

صباح الخير يا وجوه الخير كراكم و كي صبحتوا كاش قديان واش نويتوا للفطور انا ريجيم و الدراري فريت بصوص طماطم

 

[rima29]

انا اليوم غير المقلي يعني شكشوكة وبطاطا وفلفل وطماطم
والله سخانة وغلبت كل يوم كوكوت مليت ​

 

[tasnim55]

السلام عليكم جميعا وصح غداكم وانشاء الله راكم لاباس
للفطور طيبت ليبات بالبشمال في الفرن

 

[tasnim55]

اختي ام ندى من فضلك اعطيني لاغوسات تاع البراج والرفيس خطراش الموضوعين غير موجودين في المنتدى وطريقتك عجبتني بزاف الله يبارك

 

[nada242008]

مساء الفل عليكم اليوم غدايا حسوة بالفرينة سخفتني فيها تنسيم

بالنسبة للبراج ضرك نحطلك الوصفة بصح الرفيس ماسبقليش وحطيتو
البراج
3 كيلات سميد
كيلة زبدة ستار ذايبة
شوية ماز زهر ورشة ملح
تبسي السميد بالزبدة وتبليه بماء الزهر والما وماتعجنيش لمي برك
كل ماتعجني كلما يجيك يابس
المهم تخليه يرتاح مليح لنص نهار اذا قدرتي
الغرس تنقيه وترحيه وتزيديلو رشة قرفة وجلجلانية محمصة وشوية زيت تحليه في غلاف بلاستيكي وتشكليه مستطيل
وكاينة اضافة تحمصي الجوز وترحيه
تحطي طبقة عجين وطبقة غرس وطبقة جوز مرحي وطبقة عجينة تحليها بالوراق مليح
تقطعي مقروضات وتطيبيه في الطاجين

 

[rima29]

سلام
هذا غدايا

كاوو بصحتك الريجيم
ام ندى الحسوة تشهي بصحتك
تسنيم بصحتكم ليبات بالبيشاميل
ابتسام وش طيبتي ؟​

 

[nada242008]

صح غداك رمرم هذا مايليق غير الشكاشك والمقلي
بصحتكم

 

[rima29]

الله يسلمك ام ندوووووووووووووووووووش
وبوسيلي هذيك الستوتة ​

 

[كوثر الوهرانية]

بصحتك الشكوشكو و الفريت ريموا
الحسوة راهي تسخف يا ندوشتي لعاش بيك هكدا راكي عارفة راني ريجيم ه نقسر ماك بالصحة و الهناء على قلبك
تسنيم بصحتك الي بات بالبيشمال ميميم

 

[روز]

بصحتكم ام ندى وريمة وتسنيم وكوثر والكل وش طيبتو..

شحال راني حابة نجرب الاكلات التقليدية لي تعملو فيها كما الرخساس نظن هذا اسمها والحسوة أممممم منين نشوف لاسوس و الفلفل الحارة فوقها ياام ندى نتشهى هههه

راني ريجيم درت دجاج مشوي وسلاطة خضرا

 

[rima29]

الله يسلمكم كاوو وروز .​

 

[nada242008]

الله يسلمكم كوثر وروز
والله هذي عادات البساكرة مانسخفو لا على لحم ولا دجاج نشتو غير الحامض والحار
وحتى راجلي باتني في البداية كان يستغرب وحاير وضرك عاد يشتيهم كثر مني :sheer:
روز بصحتك السلاطة جربي ديري ال vinaigraite اللي حطيتها من قبل والله تغيرلك نكهة السلاطة وماتحسيش روحك محرومة

 

[روز]

تشهي السلاطة نتاعك ام ندى لافينيقريت بطلتها مع الريجيم باش ماتفتحليش الشهية ^^
وراني نحاول انقص كل شي نخلي سلاطة مع طماطم وعصرة ليمون برك الحوايج الاخرى مثل البيطراف والطون و البطاطة وغيرهم كلهم فيهم سعرات حرارية ويفحتو الشهية ماذابيا ناكلهم لكن..):
خليها بعد مانتحصل على الوزن المليح نولي نعملهم باش نحافظ على الوزن وزني راه بهبط ببطىء شديد

ماادخلينيش في مواضيعك ياام ندى لنبطل الريجيم.. ههه يحسن عوننا في الاكلات ولي راكي تحطي فيه ماشاء الله

 

[tasnim55]

بصحتك ام ندى حسوة روعة روعة روعة بالفرينة تجي خفيفة تهبل بالهناء على قلبك فيما يخص البراج المرة ليفاتت ستعملتي كيلة لدام زبدة و زيت اعطيني كيل ليدام زبدة وشحال الزيت من فضلك و الرفيس تاع الكسرة وقطعتيها اشريطة وسامحيني يالغالية ثقلت عليك بالاسئلة
اختي كوثر وروز الله يسلمكم بصح انا رجيم تاع نص نهار يعني لعشا مكانش غير راجلي وولادي
ريمو بصحتك الشكشوكة و لفريت منظر الصحن يشهي
ابتسام فوفة برانساس ايمان 27 عفاف....الخ وشراكم
اختي كوثر مبروك على امك الدار رابي يهنيكم ويفرحكم وعتبة خير عليها بالصحة يارب

 

[ام منصف]

مساء الخير على الحاضرات والغائبات
توحشتكم حبيباتي والف شكر لك ام مريم واسيا على السؤال
بصحتكم الريجيم وربي يعاونكم
انتوما ديرو الريجيم وانا ننقص في الميزان ههههههههه راني قريب 51 كغ

 

[nada242008]

ان شاء الله يا روز توصلي للوزن المثالي وتحافظي عليك مادام الارادة كاينة مانخافش عليك :sheer::sheer:
تنسيم حبيبتي الله يسلمك
البراج درت 3/4 زبدة و1/4 زيت وجا مليح
الرفيس والله ما شفيتش على روحي درتو ممكن واحدة اخرى اللي حاطاتو
بالعكس على الرحب والسعة انت تؤمر يا جميل ههههه
سلاماتي لكل البنات والسوال على دهبيتو عندها مدة وهي غايبة ونبع اليقين ان شاء الله يكونو بخير