ماذا ستطبخين اليوم سيدتي

[assia11]

بصحتكم لبنات
واش دتوا شهيتونا هدا كان العشاء

وهدا مقرود

 

[M!ss D!or]

السلام عليكم
وين راكم الموضوع راه فارغ اليوم ان شاء الله خير
اختي اسيا سخفني المقروط يشهي
بصحتكم


اضغطي على الصورة و شاركينا

​

 

[assia11]

الله يسلمك أختي صفيناز مدي يدك

 

[عفاف الجزائرية]

آمين
..........
هههه و الله يا نت
...............
السلام عليكم و رحمة الله و بركاته
صباح الانوار على البنات الاخيار :luve_1:​

اني رومبلاسيتك رغودة ما تخمميش
هههههههههه
صباح الخيرات عليكم
​

 

[momoude]

سلام عليكم لبنات
بصحتكم لغدى
نسقسيكم
كيفاش تخبو لمشماش باه يولي يجي طجين حلو اني نستنا في الرد نتاعكم
عفاف يلا عتي تعرفي كيفاه تخبيه اعطيني الطريقة

 

[عفاف الجزائرية]

اهلا اختي حسناء
والله ما نكذب عليك
مي درك نسقسيلك ماما واذا تعرف نردلك الخبر

 

[momoude]

اهلا اختي حسناء
والله ما نكذب عليك
مي درك نسقسيلك ماما واذا تعرف نردلك الخبر

ربي يعيشك
البرقوق جانا بزاف
زوج كواجا درناهم معجون
ومزال الخير يجي حابة نخبي منو لرمضان
باه ندير بيه سلاد فروي وجي وطجين حلو

 

[عفاف الجزائرية]

شوفي الجي وطجين حلو ممكن نقوللك يصلح باسكو رح يطيب والاخر رح يترحى
مي سصآلاد دو فروي ما نظنش باسكو البرقوق كي يتخبى شغل يدخلو الشماخ
راي فاهمة واش نقصد
يعني يولي شغل مشمخ ما يعيكس الطوع ياه يجيك صآلاد دو فروي
واله اعلم
اني نسقسيلك ونردلك الخبر

 

[روز]

اختي مومود سمعت بطريقة لحفظ البرقوق والخوخ وهاذ الفواكه لكني ماجربتهاش مي تبانلي مفيدة وهي انك
بعد ماتغسلي البرقوق اختاري حبات يكونو شادين رواحهم شوية يعني مش طايبين بزاف و اولا لزم تنحي القشرة نتاعهم وباش تنحيها حطيهم في ماء ساخن وبعدها مباشرة حطيهم في ماء مثلج بعدها نحي القشرة وقطعيه ابراج ونحي النواة نتاعو وديري فوقهم شوي سكر وعصير ليمون وحريكهم مليح لكن بلطف باش يدخل فيهم لليمون والسكر وديريهم في بلارات ولا أكياس بلاستيك المخصصين للكونجيلاتور بعدها حطيهم في الكونجلاتور
مانيش مجربة الطريقة لكن بزاف ناس شكروها
أسيا المقروض نقطة ضعفي كن يتحط قدامي مانعرف فيها لاريجيم لاوالو^^ شكلو يشهي الله يبارك

 

[عفاف الجزائرية]

حسناء قالتك الوالدة
اغسليه وخبيه كيما راه
والوقت اللي تحبي تستعمليه نحيه بساعة ولا واستعمليه
وكي تكوني رح تخبيه في باطة فرشيلو سارفيات وغطيه باخرى باه تمتص الرطوبة قبل ما يجمد
هاذي من خبرات الوالدة
وراها تسلم عليكم عضوة عضوة

 

[rima29]

مساء الخير
شوفو غدايا تاع اليوم

بصحتكم ​

 

[nada242008]

صح غداواتكم
غدايا كان شكشوكة

 

[tasnim55]

سلام عليكم وشركم وصح غداكم كامل الغايب و الحاضر
اسيا بصحتك العيش والمقرود جاك تحفة حنونة
ريمو لابوري تشهي بالهناء على قلبك
ام ندى شكشوكة تفتح النفس مع خبز الدار جاك هايل بصحتكم
انا لغدا دوبارة حمص حارة حامضة

 

[ibtesem]

سلام عليكم يالبنات واش راكم
الله ابارك عليكم مشاء الله مخليتو وااالو وحطتوح
بصح لعجبني بزاف عفوفو وبخورها ههههههههههه
هايلة منخافش عليك
اليوم الرابع والاخير من الرجيم
انا هدا وين بدا نهاري الله اعين ​

 

[imane27]

سلام عليكم لبنات واش صبحتو لباس
صح فطوركم درتوه كيما يلزم انا هدا وين شربت قهوتى وجوعتونى
لبخور راه داير حالة انشاء الله بلفايدة

 

[ام منصف]

مساء الخير هذا كان عشايا البارح
وتقدري تقولي غدايا اليوم ثاني على خاطر اليوم درنا بومفور وانا ما عندي
حاجة فيه

البارح زعما عدلت الطابلة وقلت اليوم نصور جهزت كل شيء رحت نجيب في الصوارة لقيت الطابلة خلاص
هزيت صحني وهربت بيه باش نصوروا

 

[M!ss D!or]

يم يم يم يم يم يم يم يم
راكم تبدعو و تعاودو في الكوزينة
بصحتكم حبيباتي الشاطراات

هدا غدانا
بوراك و سلاطة
و حبيب قلبي الدلاع ههههه

​

 

[tasnim55]

اختي ام ندى والله غير عجبتني تغميسة البذنجان وطريقتك في البوراك بال comenbere
ياريت تقوليلي الطريقة من فضلك وسمحيلي دوختك معيا الحاجة كي تكون جديدة علية نحب نتعلمها

 

[tasnim55]

بصحتك اختي صافو بوراك يشهي وسلاطة رائعة بصحتك

 

[NaNouS]

السلام عليكم كامل يا البنات
اسيا الله يبارك على هداك المقرود و العيش
ريم بصحتكم لبيري
ندى بصحتك الشكشوكة تهبل الله يبارك
تسنيم بصحتكم الدوبارة
عفاف سلميلي على الوالدة وربي يخليهالك
ام منصف بصحتكم الروطي
ابتسام كي راكي بخير مالا راكي متحلفة في غدوة منين تبداي هههههه