ماذا ستطبخين اليوم سيدتي

[tasnim55]

ام ندى مشكورة على كلامك الطيب ربي يحفضك ويخليك وبصحتكم الروز
نانو بصحتك لعشا مائدة تشهي
كوثر حنونة ربي معاك ويعطيك الصحة على العصبان فحلة مشاء الله
عفاف السوفلي جاك رووعة اختي يعطيك الصحة
ام منصف حنونة ماجوبتنيش على البطاطا اذا كانت بالسلق
فوفة مريومة انشاء الله راكم لاباس
​

 

[ام منصف]

سامحيني اختي تسنيم ما نتبهتش لسؤالك
هذا قراتان البطاطا بالدحاح ومافيهش السلق
غير بطاطا مقلية وفرماج وزيتون اخضر ودبشة وتحطي عليه لاصوص البيضاء بالحمص مع الدجاج مفتت وبيضات وديريهم في الفور

 

[كاثرين]

اهلين و سهلين بحبيبتنا الغالية والله توحشنا طيابك و لي ماكانش كيفه هههههههههههههههههههههههههه بصح توحشناك بزااااااااااااااااااااااااااااااااااااااااااااااااف

 

[rima29]

صباااااااااااح الخير يا حراير اللمة
وش صبحتوا ؟
وش نويتوا تطيبوا للغداء؟
ربي يكون معاكم
​

 

[merieme hassi]

السلام عليكم
صباح الانوار علي انسات و امهات اللمة
اليوم 1 جوان عيد ميلاد ابنتي اسيا نور الهدي عندها عام
عيد ميلاد سعيد حبيبتي اسيا و ان شاء الله ربي يفرحني بيك
عيد سعيد لكل اطفال المسلمين بمناسبة عيد الطفولة
احنا في العادة نصوم في عيد الميلاد تطبيقا لسنة الحبيب محمد رسول الله عليه الصلاة و السلام
شكرااا ام منصف تسنيم الي سالتو عليا
ام ندي روز يشهي بصحتك
نانوس شهيتيني بصحتك
ام كوثرربي يعاونك في النفيض
عفاف الجزائرية بصحتكم السوفلي يشهي ربي يهنيك
فوفة ام لميس رووز برانسس اين انت ان شاء الله بخير
ريمة 29حنونة ان شاء الله تكوني بخير
تحياتي للجميع



​

 

[rima29]

عيد ميلاد آسيا نور الهدى كل عام وانت بألف خير
وان شاء الله تتربى في عزكم
ربي يحفظهالك بوسيهالي
مريوووووومة راكي مدايرة الريجيم حنونة؟​

 

[merieme hassi]

عيد ميلاد آسيا نور الهدى كل عام وانت بألف خير

وان شاء الله تتربى في عزكم
ربي يحفظهالك بوسيهالي

مريوووووومة راكي مدايرة الريجيم حنونة؟

​

ربي يحفظك حنونة و يفرح ميمتك بيك
تمنيت نكون مع جماعة الريجيم بصح مقدرتش علاخاطر راني ماشية لتلمسان
انا في هدي اليامات راني ريجيم بلا ريجيم ماكلتي راهي قليلة بالسترس تاع المكان الي راني فيه
راني مقلقة باش نسافر معناتها جاني الريجيم وحدو راني ننقص بلا منعمل الريجيم
فهمتيني يا الحبيبة
نهار مبروووك​

 

[l'algeroise]

صباح الخير أخواتي نشالله تكونو بخير أنا لبارح جات سلفتي و بناتها من فرنسا وقالولي ديريلنا
الرشتة و هدا هوا لفطور واش ايكم ؟؟؟

 

[كوثر الوهرانية]

صباحك سعيد
اهلا بيكم حبيباتي اعدروني مرانيش ندخل بزاف راني مع ميناج كبير لدار
عيد ميلاد سعيد الاحلى ايسا ربي يكبرها على طاعته و تكون ن الصالحين تتربى في عز باباها انشاء الله و عقبال ماتشوفيها في المناصب العالية و تكون احلى عروس

 

[روز]

الله الله على هاديك الرشتة روووعة يعطيك الصحة
مريم كل سنة والبنوتة بخير ويارب تفرحي بيها اكثر واكثر

صباح الانوار للمتواجدين كوثر وريمة ومريم ولالجيرواز وكل المتابعين

 

[tasnim55]

السلام عليكم وشراكم انشاء الله كامل بخير
ام منصف السماح حبيبتي الله غالب صحن يفتح النفس
مريومة عيد ميلاد سعيد للغالية اسيا وعقبال 100 سنة وربي يفرحك بها وتشوفيها ناجحة في حياتها يارب
لالجرواز يعطيك الصحة مائدة تشهي ورشة جاتك تهبل مشاء الله
اليوم لغدا شربة فرميسال ورخساس وسلاطة وصح غدواتكم جميعا
​

 

[ibtesem]

بمناسبة السعيدة انا البارح بفضل الله وفضل دعائكم لي

اجتزت امتحان السياقة ونجحت والحمد لله

 

[ibtesem]

عيد ميلاد سعيد ابنة مريومة
تتربى في عزكم على طاعة الله والرسول
.......
مشاء الله عليك اخت لالجرواز
رشتة وعليها الكلام
.....
يالبنات شوية ونخليكم راني رجعت للدراسة
عندي امتحان اليوم بالتوفيق
.....
بالتوفيت الى ابنائنا في الجزائر في شهادة الاهلية
​

 

[l'algeroise]

روز22 tassnim55 ibtesem الله يسلمكم merciiiiiii

 

[assia dz]

السلام عليكن جميعا، أنا عضوة جديدة في المنتدى أتمنى ان تقبلوني في أسرتكم، لقد أعجبني كثيرا هذا المنتدى بكل أركانه.
وأول مشاركة لي ستكون في هذا الركن لكن دون صور أعذروني فأنا مبتدئة، لما أتعلم وضع الصور سأصور طبخاتي وأضعها.
اليوم عملت للغداء فلفل محشي فالفور+ سلاطة + مطلوع.
​

 

[nada242008]

صح غداواتكم كامل وعيد ميلاد سعيد للامورة اسيا وعقبال 100 سنة ان شاء الله
لالجيغواز رشتة تشهي ممممممم
عفوفة السوفلي جاك هايل
انا غدايا كان مونجتو

 

[l'algeroise]

merci nada242008
assia dz مرحبا بيك

 

[روعة2005]

عيد ميلاد لبنت حبيبتي مريومة اسيا كل عام وهي بخير
الجيرواز جاتك الرشتة تشهي
عفوفة بصحتك السوفلي يبان هايل
عفوفة بصحتك الموشطو جاتك تشهي
ومبروك لبسومة البرمي
وكوكو على سلامتك يا الغالية ومبروك عليك وعلى الوالدة كي قربتو لبعضاكم
وتحية ل ايمان نانوس ام منصف تسنيم وريمة وروز ورغد ووووو الجميع
انا جاتني البارح اختي الصغيرة باتت عندي واليوم درتلها الغداء وعجبها بزاف وميرو راهي تسلم عليكم كامل
درت كفته حوت+قليت الحوت+دوار الشمس+مطلوع +سلاطة خضرا

 

[rima29]

لالجيرواز الرشتة جااااااااااتك رووووووووعة بصحتكم حنووووووووونة
انا اليوم راني انضميت لجماعة الريجيم وكليت غير سلاطة برك​

 

[rima29]

ياااااااااااااااي فووووووووووووفة غداك روووووعة روووووووعة رووووووووووووووعة
راكي رح تبكيني انا هذا اول يوم مع الريجيم حرام عليك
سلميلي على اختك صغيرة
وبوسلي ميرو بوسة كبيرة ​