ماذا ستطبخين اليوم سيدتي

[NaNouS]

امممممم ندى على هداك الحوت يسخف يعطيك الصحة تاكلوه بالصحة والهنا
انا هدا عشايا لبيري وفيونداشي وكسرة

 

[nada242008]

الله يسلمكم عفعوفة ونانوس ومريومة
عفوفة انا ثاني الحوت نطيبو بلا مانذوقو
راجلي نهار كامل يشري فيه كرهني فيه ونكره كي نقيه ولا يا ريحتو:schmoll:
بصح الفيتامينات اللي فيه ماتتعوضش ونورمالمون ناكلوه مرتين في الاسبوع :sad:
--
نانوس لابيري تاعك تشهي اممممممممم ابعثيلي شوية :shay:

 

[NaNouS]

حوت يشهي ام ندي بصحتكم
عفاف الجزائرية ربي يهنيك
نانوس هديك البيبية ما شاء الله تهبل بوسيهالي حنونة ربي يحفظها
ليلة مباركة للجميع

ليلة سعيدة ليكم مريومة تبوسك الصحة اختي لعزيزة بوسيلي نور الهدى ربي نورلها حياتها كيما اسمها

 

[NaNouS]

ياااااااااا والله يا ندى جيتي غير قدامي والله مانحرمك من حاجة راهو ربي الي عالم كيما يقولو بلا مزيتي في المرا الي توحم وديجا بلا الوحم عنيا ليك ​

 

[nada242008]

الله يسلمك حبيبتي نانوس والله كانها وصلت
ربي يحفظلك الكتكوتة

 

[ام منصف]

مساء الخير عليكم كامل
هذا كان عشانا اليوم

بصحتكم كامل
​

 

[عفاف الجزائرية]

هاذا كان عشانا لليوم
انا كليت سلاطة وفرماجتين

سباقيتي بالزيتون والفرماج
فلفل مش زي اي فلفل لكن مشوي على الطاجين
سلاطة
ودلاع

بصحتكم العشاواااااااااات

 

[روز]

وش هذ الجرائم لي راكم اديرو فيها نونوس :cursing:
وام منصف:tears: بزاف بزاف
وعفاف:du_nno:؟؟؟

مانزيدش ندخل هنا خلاص
:schmoll:
​

 

[كوثر الوهرانية]

مشاء الله عليكم طوابلم تشهي الله يعطيكم الصح و بصحتك كامل اا اليوم اغداء مطبيتش كنت غير انا وانور و كي جا باباه قتله مطيبتش مقال والوا حسن عوني شافني حاطة الدار كاملة و ننضف و العشاء درتلهم بيري و ايسكالوب
فوفة الله يعطيك الصحة اختي علىعباد الشمس جاك روعة
ندوشة شهاني البوراك بعتيلي وحدة ههههههههههه
ام منصف و نانوس الله يعطيكم الصحة
قولي ام منصف هديك سلاطة تاع دنجال ولا واش

 

[كوثر الوهرانية]

عفاف اعطيني طريقت السباقيتي بالزيتون خطركش الدراري يموتوا عليه باش نوعلهم
راه يطير العين بصحتكم
اختي مريم طرطة تشهي عقال ميات سنة

 

[imane27]

صح عشاكم لبنات
ندى هداك البراك يشهى بصحتك
عفاف طابلة تفرحبصحتك الرجيم
مريم كل عام وبنتك بالف خير وعقبال ل100 سنة
ام منصف عشاك يشهى يعطيك الصحة
نانوس لبورى تشهى اختى بصحتكم
انا معولة على فريت املات وسلاطة

 

[l'algeroise]

صحا عشاكم كامل الله يبارك عفاف الجزائريةNaNous meriem hassi الله يحفضكم
عفاف الجزائرية كي تعود سلفتي مروحة نديرلها الرشتة باش تديها معاها نصور كامل les etapes ونحطهم بالاكي ماجربيهاش بصح لازملك الماشينة

 

[tasnim55]

صح عشاكم ياحراير اللمة
ام ندى بصحتك البوراك والحوت يشهيو اختي
نانو لابوري تاعك تجوع مع الرخساس بصحتك وهذيك بنتك اختي نانو مشاء الله تهبل خموس عليها ربي يحفضها وتشوفيها ناجحة
ام منصف عشاك روووعة الله يبارك بصحتكم حبيبتي
عفاف مائدة تفتح النفس وشهيتيني في السباقيتي صح على قلوبكم
مريومة طورطة بنيتك شابة مشاء الله بصحتها و بصحتكم الله يطول في عمورها وعمر ولديها
ايمان بصحتك فريت اوملات وسلاطة وش راكى انت و البوبية
فوفة كوثر لالجيرواز و روز وشراكم يالغالين
​

 

[assia dz]

راني نحاول اليوم نحط صورة بصح ما علاباليش إلا نعرف، راني غير نتعلم، إذا ما ظهرتش ما تلومونيش ها ها

 

[assia dz]

الصورة لم تظهر:cra_zy: أرجو ان تدلوني على الرابط الذي يشرح وضع الصور في المنتدى
​

 

[روز]

هاهو الرابط اختي آسيا وحدة وحدة رايحة تتعلمي راهي ساهلة خلاص

http://4algeria.com/vb/showthread.php?t=278447
واذا مافهمتيش قوليلي نفهمك
​

 

[ام منصف]

ام منصف و نانوس الله يعطيكم الصحة
قولي ام منصف هديك سلاطة تاع دنجال ولا واش

شكرا ليك فريدة وربي يعاونك
هذاك باذنجان مشرمل تقدري تقليه او تشويه وتحطيه مع طماطم مرحية ومقلية
مع زيت الزيتون امممممممم بنين روعة
​

 

[merieme hassi]

السلام عليكم
واش احوالكم كاش برد عندكم ولا السخانة قالتلي ماما بلي تلمسان راهي شوية باردة مازال مسختنش الحمد الله
انا عملت الفطور بيري و دجاج و طماطم و تفاحة
:sheer::sheer::sheer:
و الديسر غير شفت فيه :cra_zy:
تحياتي لكن جمييييعا بدون استثناء :re_gards::re_gards::re_gards:

​

 

[oum amir]

selem nanous anti min ay mantika fi firansa?

 

[dahbito]

السلام عليكم اليوم جبتلكم واش خدمت في عيد ميلاد اختى
كيكة الفواكه

ليباركات بالفواكه

وفلان طبقات

ميرانغ فاني

ان شاء الله يعجبوكم صح غداكم

​