والله ما ألقيت ما نهدر
المهم ربي يحميك
الله يحفظك اختي، مغسي عالمرور، اتهلاي ، سلام
اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
والله ما ألقيت ما نهدر
المهم ربي يحميك
ههههههههه
الشه كون غير زدتي تكسرتي ولا كاشما صرالك
هههه أهلا واش بيك جاي زادم أوموا قول سلام خخخ
المهم تدي اثر معنوي واثر جسماني
يخي ناس بكري يقولو
الفم المغلوق ما يدخلو ذبان
خاخاخاخاهاهاهاها
وانت ضرك رجعتلك
الرجلين لي في الارض ما يطيرو كي الجورنان
هههه حطيت رجليا في لرض سي بووو
وانا صراتلي ثاني مرة حاسب روحي براد بيت وفسخ
امممم نو ما تديهاش في روحك، ماكش بغاد بيت
وماشي ومانحكيلكش انا هو المخير تاع المخير
تقولني فرويكس
ههههه شوفولي هذا الطفل كيفاش يشكر في روحو خخخخخ
ونجي من السماء الارض
تقول برج بيزا وطاح
هههه تقول شكارة طاحت وي خخخخخ
مي المزية ماشافونيش ناس بزاف
غير طفلة وحدة وناضت تضحك عليا
ويخي دعيت عليها هي ثاني زادت طاحت
_o:
الليزر بسلامتي
ههههه تستاهل لي طحت مي غاضتني الطفلة
المهم مرسي عنك والعقوبة لطيحة اخرى تديري على جالها الجبيرة
لي عودة .........
و عليكم السلام و رحمة الله و مغسي بوكو على الموضوع الزينالسلام عليكم ورحمة الله وبركاته
وعليكم السلام و رحمة الله
توحشت اللمة وتوحشت ندير موضوع، وراني راجعة للمسلسل تاعي تاع كل يوم نظهر هنا بحلقة (قصدي موضوع)، المشكل المسلسل تاعي واحد ماعلابالو وقتاه يبدا، ساعات في الصباح وساعات القايلة،وساعات في الليل، منين تفرغ اليتيمة شغل تفوتهولكم...
ياخ راكم لاباس برك؟؟
رانا trés b1 و الحمد لله ، توحشناك :yahoo:
كان عليا راني آنتيك
وخدمت آنتيك اليوم في الكونتخول تاع المحاسبة الوطنية باركولي راني فرحانة.
أيا bien الحمد لله
شوفو، انا ساعات نكون ماشية في الطريق وزعمة نحسب في روحي ماكانش لي خير مني أسكت برك خشمي الفوقزعمة متأكدة من روحي لي راني belle وضاربة الحطة وحطة مودغن، وعلابالي لي واحد ما يعايبني، ويبانولي لبنات كامل ماكانش لي خير مني في الدقيقة هذيك، من بعد نعدي على جماعة ونكون متأكدة لي رايحين يدغاgـيوني هههه وصح يدغاgـيوني،
مليحة هذي يدغاgـيوني ههه
وتزيد تحلال (يا لبنات راكم تعرفو العقلية، صح ما نحبوش كي يعاكسونا في الطريق مي في داحلنا تعجبنا روحنا زعمة برك رانا beauté ونعجبو يعني ما نبوروش ههههه)
أسكتي ما تفضحيناش :no_1: هكذا وماناش سالكين منهم :busted_red:
، من بعد اتخيلو في قمة السعادة هذيك لي غامرتني واش يصرالي؟؟، ما صراتليش مرة ومش زوجههههه، نتعكّل ونطيح أبشع طيحة وبطريقة تضحك ههههه
ههههه ، مسكييينة ( تستاهلي :music_whistling: )
ويتبشت عليا الغاشي بالضحك وأنا ما نلقى وين نحط وجي وتطيحلي الدمعة تاع ماروكو، وخصني تبلعني اللرض، وكي نوصل للدار، تاني نهار نبدل الحطة هذيك لي ما ربحتش عليها وهكذا باش ما يتفكرونيش باللبسة هذيك ويوقولو هاهيك لي طاحت البارح الطيحة هذيك لي تضحك.
كيما مرّة جيت ماشية لقيت واحد (ربي يرحمو درك مات) قلت أووو هاو هذا درك يحكي معاي، أنا ما كملتش الهدرة في قلبي طحت جيت في الرض رجل à gauche ورجل à droite والصاك ما فرّطش فيه عبيتو للهوا باش ما يقيسش للرض، تخيلت روحي جندي كلشي ولا سلاحو يطيح للرض ههههه. وكي طحت درت وحد الحس هههه ياو أحكم في كرشك واضحك وكان جارنا وراي قلت وااا درك يروح يهدر للناس تاع الكاغتي كامل كيفاش طحت، ومن هذاك النهار ما زدتش حطين روحي ههههه.
أولاااالاااا شه فيك خخخ
مالا يا لبنات حطّوا رجليكم في اللرض وما تحسبوش رواحكم beauté بزاف لا تصرالكم كيفي ههههه ،وكي تطيح أي مش باشعة قدما كي تنوض من هذيك الطيحة، شكلك يجي يضحك كثر
ههههه و الله صح عندك الحق ، لازم الواحدة كي طيح من ثم تدخل تحت الأرض ماكلاه تنوض :blushing::crying:
، مالا أطونسيو راني جربتها وما خرجتش عليا ما تدّيوهاش في رواحكم آخرتكم اللرض ههههه.
مالا كنتي تجربي برك ماشي صح ، مالا كون جيتي صح ماشي هذي الضربة هههه
المرة هذي الموضوع ألهمتني بيه إلهام لي هي أنا، ديما نحكي على لبنات لمرة هذي حكيت عليا، هيا سلااااام عليكم.
مليح تكبرى وتنسى
و عليكم السلام و رحمة الله و مغسي بوكو على الموضوع الزين
والله غير نستهلواااااااااااااا الى صرالنا مثل هذا الموقف
بارسكوا لبنات ماراهمش حابين يحطوا على رواحهم دايمن شايفين بلي هوما الفور
موضوعك فور يااختي
والله غير عجبتيني بزاف
مغسي اختي تعيشيسورتو هادي
(يا لبنات راكم تعرفو العقلية، صح ما نحبوش كي يعاكسونا في الطريق مي في داحلنا تعجبنا روحنا زعمة برك رانا beauté ونعجبو يعني ما نبوروش ههههه
باسكو كاينة
هههه وي راني علابالي ما هدرتهاش هكاك برك خخخنورمال يااختي الناس كامل اطيح عادي
صح تغضيك شوية عمرك مي كي تتفكري تولي تضحكي اعلى روحك
هيه كي نتفكرها يجيني الضحك، مي تغيض في الدقيقة هذيكوانت باينة بلي ضربوك باعين
هههههه
احم احم زعمة انا حطة خخخخخانا تاني خطرة صراتلي وطحت في الجامعة
زلت وديت طيحة هايلة مي الحمد الله الي ماكان حتى واحد سينو نولي سمير
كي نتفكر نشبع ضحك اعلى روحي
هاك خديتيها انتي تاني هههه، عسلامتك
يعطيك الصحة على الموضوع الباهي
تستحقين التقييم
ان شاء الله يعتبرو منك
ويوصلهم كلامك ويفهو معناه
شكرا على الموضوع الزين
يصعب علينا حنا ليزالجيريان المشي و الراس الفوق الدنيا ملغمة بالحفر والحجار وليبلوك خخخخ
هيه صح كاينة ههه، ديما يطيرلي لبخوتاج طالو ليه ليهاعرفي وين تحطي رجلك وتبتي روحك درك بربي نش االله ماتتعكليش ....ونزيد نوصيك خليك من التالون هههه
ربي يهنيك
ههههه هيه مغسي عالنصيحة وعالمرور وعالرد ، ربي يهنيك
هيا سلاااامو
دو غيان اختي العزيزة وربي يهنيك انتي ثاني يااحلى نور في منتدانا
جعل الله ايامك كلها ربيع ........
نحن نستخدم ملفات تعريف الإرتباط (الكوكيز) الأساسية لتشغيل هذا الموقع، وملفات تعريف الإرتباط الإختيارية لتعزيز تجربتك.