جيت طالع للدار لقيت جارتي الصغيرة ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
كاين حوايج الإنسان كي يسمع بيهم ولا يشوفهم يضرو قلبو ويتحسر
لأنو مايقدرش يغير فيهم ...
قبل بشهر ولا كي ماكانتش يمانا اللمة لعزيزة، جيت طالع للدار، ياخي علابالكم أنا ساكن في باطيمة الطابع اللخر (الرابع) ...
وفي الطابق الثاني تسكن جارتي الصغيورة تقرا واقيلا الرابعة متوسط ولا الثالة مانعرف ...
أيا ساعات نلقاها قاعدة مع صاحبتها قدام دارهم ويحكيو بالصوت نورمال
هاذ المرة طلعت وكي فت دارهم ووصلت للطابق الثالث كي درت لقيتها هيا وصاحبتها قاعدين وتخطفو وتشوكاو مني، وكان في يدهم بورتابل باهي كاميرة كلش ...
هههههه نخلع ههههه
وأنا ثاني تخطف لأني كي طلعت مالقيتش صوت الكلام تاعهم ولا الحس
أيا قلتلها واش راك فلانة لاباس، سكتت وماردتش عليا ..
ايا طلعت للدار ولعبتها زعما دخلت ، وعاودت هبط نتختل ههه وبقيت نطل من الفوق نشوفهم واش يديرو ويتفرجو ...
طبعا بنية النصيحة وربي شاهد ...
ايا ماقدرت نشوف والو نسمع فيها تقول لصاجبتها ديري هاذي وبدلي هذي والكلمة الي سمعتها مليح " نقصي صوتك عندك يسمعونا "..
وهازين التيليفون في يديهم ويتفرجو ..
ايا طلعت بلعقل وعاودت خبط الباب وهبط نجري لقيتهم وقفو ...
قلت لصاحبتها ايا اعطيتي التيليفون هنا ، جبداتو وعطاتهولي
قلتلها واش كنتو تتفرجو، قاتلي صاحبتها كنا نتفرجو فديفوطو درناه قبيل
قلتلها نعتيهملي ياخي نعتتهملي
ايا زد هزيت التيليفون ولعبتها نفتش، بصح حابس ماعرفتش وين ندخل ههه موالف غير بميل صون هههههه
ايا قلتلها وين تسكني قاتلي جارتي هذي تقرا معايا البيرو تاع ماماها هنا ..
كي قاتلي البيرو تاع ماماها هنا عرفت العقلية كيفاش مدايرة ...
أيا قلتلهم بلاكم يعطيوكم حوايج وتتفرجوهم، عندكم ...
قالولي ايه
ياخي حتى انا قلتلهم راهو باين على وجوهكم تقراو مليح ماتو بالفرحة هههه
عطيتلها التيليفون وطلعت نروح
واش نقلكم التيليفون تاعها معمر بتصاور الفنانات العاريات ...
من بعد ندمت كي ما قلتلهاش جيبي ماماك باه نقلها راقبي تيليفون بنتك
من بعد قلت اواه ندير الخير ونعشي في كلام ماشي مليح واش دخلك وانا يماها وشريتهولها، وبنتي نعرفها وبنتي ماشي تاع لحوايج هاذو ووو راكم عارفين كيفاه يهدرو ...
وأنا متيقن بلي كانو يتفرجو في امور ...
من بعد بقيت نطلع في حساباتي
جارتي الصغيرة الي كنت نشريلها في لحلاوة كبارت ووو
من بعد قلت لالا الغلطة ماشي تاعها هيا صغيرة الغلطة من الوالدين ...
من بعد قلت لالا الغلطة ماشي من الوالدين المجتمع واعر ...
من بعد قلت لالا الغلطة من الوالدين كيفاش يماها تشريلها تيليفون كاميرة وماتراقبش واش فيه ...
راسي حبس ومالقيتشش وين نمسح الغلطة ...
.....
مانعرف الغلطة منين ياخاوتي هل من الوالدين هل من المجتمع
كيفاش الواحد يحاول ينقض هاذ الجيل حيرة صح ...

ايا ونتوما واش رايكم وكيفاش نصلحو ولا كيفاش نتعاملو مع هاذ اللقطات ...

ملاحظة:
يا لبنات ألي عندها ختها الصغيرة غير تراقبها وتنصحها
لأن الطفلة تقدر تتكلم مع ختها في أمور الوالد مايقدرش يحكي فيهم ...
احكي مع ختك الصغيرة احكي مع جارتك الصغيرة وهكذا
ماتقوليش راهم مايسمعوليش لالا والله مالقاو شكون ينعتلهم ....​

 

[ماكانش]

شكرا لقبول الموضوع ....

 

[lamilam88]

الغلطة تبدا مالدار ورايحة للصحابات من بعد الكارتي من بعد الحومةو هي رايحة
سيرتو وقتنا ضرك لازم العسة من الوالدين
الوالدين ايدا رخفو لولادهم كلشي ساهل من بعد
هادا رايي.
ايلا نتا تقرا الرابعة متوسط
أنا ركبت فالترونسبور طفلة وصحبتها تاع السنة الرابع ابتدائي يشوفو في فيديو
مالقيت ماندير خزرت فيهم حشمو مي هاداك ماقدرت ندير
و الله الواحد ولا يحشم يقول هادي حرام ولا عيب.​

 

[ماكانش]

الغلطة تبدا مالدار ورايحة للصحابات من بعد الكارتي من بعد الحومةو هي رايحة

سيرتو وقتنا ضرك لازم العسة من الوالدين
الوالدين ايدا رخفو لولادهم كلشي ساهل من بعد
هادا رايي.
ايلا نتا تقرا الرابعة متوسط
أنا ركبت فالترونسبور طفلة وصحبتها تاع السنة الرابع ابتدائي يشوفو في فيديو
مالقيت ماندير خزرت فيهم حشمو مي هاداك ماقدرت ندير

و الله الواحد ولا يحشم يقول هادي حرام ولا عيب.​

صح كيما قلتي ختي
الغلطة من الدار والكارطي وروح ...
والمشكل لكبير كي الواحد يحشم ينصح ولا ينعت ...
هذو الرابعة ابتدائي يا سبحان الله
انا الصح لوكان شفتهم راني طيشتهم من البوس
ولا نحيتلهم التيليفون وعيط لوالديهم
وهكذا بربي ان شاء الله ندير
ايا قوليلي يرحم والديك هذي الرابعة ابتدائي واش تعرف برك
يعني الغلطة من الوالدين والمجتمع ماشي منهم ...
​

 

[bilal22]

ييييييييييييه راك مشفت والو هههههههه
مي عجبتني نتاع رجعت تتختل زعما راح تنصح ههه

​

 

[EL General]

يعطيك الصحة خويا .... ممكن تقولي اسمك ؟

ديما تحط مواضيع تع نقاش و أهداف

أنا نظن أن الغلطة من النفس لأن النفس أمارة بالسوووء

لازم النصيحة بالدرجة الأولى للأطفال هادوما و لازم إعادة التربية من الوالدين بالدرجة الثانية

ايا سلام


​

 

[Red Lion]

شُوفْ أأخَوياَ قَدْ تِكــون من المجتَمَع قد تكــون
من النـــفْسْ وقد وقد...
لَِكــنْ لكل شي عندود حدود
الام شرات ليها البرطال على اأأساس مش تطمن عليها اولقدر الله صرالها حاجة تعطليها في
التلفووون... لكــن المشكل يبقى مشكل شبابي يعني مشكل شباني "شباب الوقت "..
​

 

[ماكانش]

ييييييييييييه راك مشفت والو هههههههه

مي عجبتني نتاع رجعت تتختل زعما راح تنصح ههه​

هههه
اسسسسس ماتفيقش بيا
كاش ما بقا واحد ينصح ههههههههه
نقصر برك ...​

 

[خفيف الروح]

يعطيك الصحة راهم خافو منك
واعطاوك البورطابل
كانوا قادرين ايقولولك لالالا
راك الشرطي المخفي متاع الحي
الوالدين هوما المسؤولين وهم اللي شراولهم الهاتف
وعليهم المراقبة والمتابعة
مشكور مغفور ليك خويا ماكانوش
​

 

[ماكانش]

يعطيك الصحة خويا .... ممكن تقولي اسمك ؟​

ديما تحط مواضيع تع نقاش و أهداف​

أنا نظن أن الغلطة من النفس لأن النفس أمارة بالسوووء ​

لازم النصيحة بالدرجة الأولى للأطفال هادوما و لازم إعادة التربية من الوالدين بالدرجة الثانية​

ايا سلام ​

الله يحفظك خويا عزيز
اهم يقولولي هنا سفيان ...
راني معاك ياخويا لعزيز قادر الغلطة تكون من النفس
ولكن تلقى طفلة تقرا الرابعة ابتدائي كيما قاتلك العضوة لفوق هل هذي الغلطة منها ؟؟؟
مسكينة لانفس لا والو المجتمع هوا الي هلكها ...​

 

[النورس]

الغلطة فيك انت يا شحاب هههه
نقصر معاك برك
والله بينتنا وجعتلي قلبي بكلامك هادا
عارف وش تخيلت.؟
اول حاجة جات في بالي انو وحدا كي تكون صغيرة كما هك وتدير هكدا
هادي كي تكبر وش تديـــــــــــــــــــــــــــر!!!!!!!!؟؟؟؟؟
ربي يستر خواتاتنا
​

 

[AnGeL*dZ]

ام يديروا كثر من هاكا
اغبني مزلت غير انا لا بورتآبـل ^^
ربي يستر برك
​

 

[lolitta]

درتولنا دستور باه ناكتبو رد ياخي حالة ياخي
المهم نرجعو للموضوع ؛ انا ما عنديش اخت
لكن نقولك صح انا مندخلش روحي بزاف

ملاحظة: شكرا http://www.lexilogos.com/clavier/araby.htm
​

 

[الخيزران]

الديك الفصيح في البيضة يصيح
​

 

[ماكانش]

شُوفْ أأخَوياَ قَدْ تِكــون من المجتَمَع قد تكــون

من النـــفْسْ وقد وقد...
لَِكــنْ لكل شي عندود حدود
الام شرات ليها البرطال على اأأساس مش تطمن عليها اولقدر الله صرالها حاجة تعطليها في
التلفووون... لكــن المشكل يبقى مشكل شبابي يعني مشكل شباني "شباب الوقت "..​

يعطيك الصحة خويا
صح الأسباب بزاف
ولكن الأم شرات بورتابل لبنتها باش تطمن عليها
ولكن مايمنعش هذا انها تراقبها ؟؟؟
والله ليفوطو تاع الفنانات العاريات الي فيه كارثة كبيرة ...​

 

[ماكانش]

يعطيك الصحة راهم خافو منك

واعطاوك البورطابل
كانوا قادرين ايقولولك لالالا
راك الشرطي المخفي متاع الحي
الوالدين هوما المسؤولين وهم اللي شراولهم الهاتف
وعليهم المراقبة والمتابعة
مشكور مغفور ليك خويا ماكانوش​

هههههه
ياراجل لقباحة ولوعارة من عينيا تقطر تقلي يقولولي لالا
جارتي الصغيرة تعرفني شكون وواش نكون ...
يعطيك الصحة
الوالدين الي مسؤولين على مراقبة ولادهم
هوما صغيرات مايعرفوش ...​

 

[ماكانش]

الغلطة فيك انت يا شحاب هههه

نقصر معاك برك
والله بينتنا وجعتلي قلبي بكلامك هادا
عارف وش تخيلت.؟
اول حاجة جات في بالي انو وحدا كي تكون صغيرة كما هك وتدير هكدا
هادي كي تكبر وش تديـــــــــــــــــــــــــــر!!!!!!!!؟؟؟؟؟
ربي يستر خواتاتنا ​

هه
الله غالب ماقدرتش نفوت بلا مانلوح عيني ههههه
شفتي كيفاش ربي يستر برك
واحد الجيل راهو جاي يالطييييييف
انا نخمم على الواحد لوكان يرزقو ربي بالبنات كيفاش راح يربيهم هههههه​

 

[الخيزران]

حالة العازب هههههههههههههههههههههه

 

[ماكانش]

ام يديروا كثر من هاكا

اغبني مزلت غير انا لا بورتآبـل ^^
ربي يستر برك​

ههههههه
تهنيتي منو ملاك
ربي يستر برك علابالي يديرو كثر ووين رانا رايحين مانعرف ...​

 

[ماكانش]

حالة العازب هههههههههههههههههههههه

ههههههههههههه
شفتي هذيك الحالة والميزيرية طمطومة ههههههههههههه
وهاهو على لاgوش فراشي وين نرقد
كي نقلكم زوجوني زوجوني و ماحبيتوش هههههه