جيت طالع للدار لقيت جارتي الصغيرة ...

[rima29]

ايه هذي غلطة الوالدين اللي يشريو ليهم في البورتابل والكارت ميموار وما يراقبوهمش
لازم الوالدين ديما يتفقدوا حوايج ولادهم ​

 

[ماكانش]

الحاجة الاولة ماتخلط روحك في النخالة ما ينقبك الدجاج ماعجبتنيش الطريقة نتاع التوقاب هوما بنات في بعضاهم وانت راجل والمشكل مايش في الوالدين المشكل في المراهقة ونقص الدين والمجتمع نتاعنا واخيرا استر بنت الناس يسترك ربي استر ما ستر الله​

اه يا الباتنية ختي بخصتيني حتى شبعتي هههههه
وينا نخالة هذي ووينا جاج ينقبني
انا نقلك جارتي كنت نشريلها في لحلاوة وتقوليلي ينقبك الجاج ...
كي نشوف معاها برك تموت بالخوف ...
يعرفوني قبيح وواعر ...
وزيدي والله ماتوقبت لأجل اني نتوقب لأجل نعرف برك واش يشوفو باش انعتلهم وربي شاهد على لقلوب ...
وزيدي قلتي المراهقة، بلاك هيا صح بصح شكون راح ينصحهم وينعتلهم
انا هدرتلهم هدرة رزينة وكبيرة وهوما فهموني
والمشكل في الوالدين
كيفاش تشري لبنتها بورتابل كاميرة وماتراقبهاش ؟؟؟؟؟؟؟
وقلتي استر بنت الناس
علاه راني سميتها وذرك اللقب تاعها ...
وعلاه شكون يعرفها
والله ماحكيت لحتى واحد غير هنا في اللمة ...
راني كبير ختي ونعرف واش نحكي ومارانيش ذراري ونخلط التخلاط تاع لبنات ...​

 

[ماكانش]

و الله قلبي درني خويا .. معنديش شانقول​

واش راح نديرو
عيش تشوف ...

 

[صانعة الافراح]

الصحابات ثم الصحابات

و ممكن المجتمع

لكن واش تدير هادي هي الحاله في بلادنا

لا حشمه لا حيا لا والو

ندعو برك ربي يستر

لكن عندي ملاحظه انت قلت انو

لازم البنت تنصح بنت جارتها ولا اختها

لكن درك ماكانش اللي يسمع النصيحه

يقولولك انت واش مدخلك ......الخ
و كلنا نعرفو هدرتهم

على العموم شكرا على الموضوع

 

[ماكانش]

الصحابات ثم الصحابات

و ممكن المجتمع

لكن واش تدير هادي هي الحاله في بلادنا

لا حشمه لا حيا لا والو

ندعو برك ربي يستر

لكن عندي ملاحظه انت قلت انو

لازم البنت تنصح بنت جارتها ولا اختها

لكن درك ماكانش اللي يسمع النصيحه

يقولولك انت واش مدخلك ......الخ
و كلنا نعرفو هدرتهم

على العموم شكرا على الموضوع

يعطيك الصحة صانعة الأفراح
المجتمع والصحابات والوالدين وكلش ...
صح الوقت تبدل ومابقاش الي يقبل النصيحة
بصح واش نديرو لازم ننصحو وانعتو
تبالي كي يكون الأسلوب مليح تكون النصيحة مقبولة
والله كاين بنات مايعرفوش مساكن الله غالب عليهم ...​

 

[فراشة الايمان]

الغلطة غلطة الناس الكل
الوالدين
المجتمع ........مثلا أنت من المفروض تخبر أهلها حتى لو قالتلك لالا و بنتي مش هك راهي قدامك انت تحفظ في ماء وجهها و مباعد في الدار راح تراقب بنتها
و الصديقات لازم اختيار الصديقات ذوات المنبت الطيب
وووو و القائمة طويلة​

 

[M!ss_f@ti]

يقول المثل الشعبي : " واش يدير الميت في يد غسالو ؟؟"

الغلطة راهي من المجتمع لي سلمـ روحو للعادات والاعراف الغربية اللي عمرنا ماتعاملنا بيها ...

من وكتــــاهـ الطفلة تاع 15 سنة تهز معاها بورتابلـ ؟؟؟ وواش من بورتابل كاميرا وتوت اوبسيون...

كيما راكـ تقول أنت ماكسبتوش , راجل وخدام بالاكـ ,,,

بزاااااف أعضاء لي رايحين يقولو هذا هو الوقت ,, لكن الوقت احنا لي نتحكمو فيهـ ماشي العكس

((البيرو تاع ماماها هنا )) صغيرة بالصح علابالها المجتمع كيفاه يخمم ,, يعني هاذي بنت فلان وفلانة ادير واش تحب وواحد مايهدر معاها ...

الله يهدي الخلق يا خويا ,,, هذا ماكان
​

 

[عاشقة الوحدة]

هادو من رفاق السوء
مرسي خويا

 

[prncess fifi]

غياب الوازع الديني
ربي يهدينا كامل​

 

[ماكانش]

الغلطة غلطة الناس الكل​

الوالدين
المجتمع ........مثلا أنت من المفروض تخبر أهلها حتى لو قالتلك لالا و بنتي مش هك راهي قدامك انت تحفظ في ماء وجهها و مباعد في الدار راح تراقب بنتها
و الصديقات لازم اختيار الصديقات ذوات المنبت الطيب

وووو و القائمة طويلة ​

يعطيك الصحة فراشة ...
صح غلطت الناس والوالدين وكلش ...
والله مانقدرش فراشة على المواقف هذو وتبدا تقلي نتا ونتا ونتا
قادر نضربها ...
ربي جيب الخير برك​

 

[منال.48]

ديجا نتا هدرت معاها نستعرف بيك حنا كون تهدر معاها تقوي عليك الحس الناس تحسبك نتا اللي غالط الله يهدينا

بصح والله الوالدين كاين شي ناس مخليين بناتهم الله يحفظ
لباس فاضح وتقولي المجتمع
الهاتف وتقولي المجتمع
كل واحد يدير اللي عليه ماشي نعلقو أخطاءنا على شماعة الغير

المهم الله يهدينا

 

[هدوء المطر]

الحاجة الاولة ماتخلط روحك في النخالة ما ينقبك الدجاج ماعجبتنيش الطريقة نتاع التوقاب هوما بنات في بعضاهم وانت راجل والمشكل مايش في الوالدين المشكل في المراهقة ونقص الدين والمجتمع نتاعنا واخيرا استر بنت الناس يسترك ربي استر ما ستر الله​

شوفي خيتو
الأخ (ماكانش) القصد نتاعو ماهوش باه يبهدل الطفلة ، mais هو حب يوصل un message للوالدين باه يهتمو بأولادهم و يراقبوهم و ما يخلوهمش يديرو شي يغضب ربي سبحانو ، + en كامل نعرفو حديث الرسول صلى الله عليه و سلم (( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ))

 

[ماكانش]

ايه هذي غلطة الوالدين اللي يشريو ليهم في البورتابل والكارت ميموار وما يراقبوهمش


لازم الوالدين ديما يتفقدوا حوايج ولادهم ​

يعطيك الصحة ختي ريما ...
صح تشري لبنتك تيليفون كاميرا وكيما قلتي كارت ميموار ومن بعد ماتراقبهاش ؟؟؟
وماعلابالكش في واش راهي تستعمل فيه ...
والله غير حيرة ...​

 

[ابوندى]

بصح حابس ماعرفتش وين ندخل ههه موالف غير بميل صون هههههه


كنت مقلق شوي طول النهار والله ضحكتيني بكلامك هدا ..هههههه

راك كعبة وحدة خويا ماكانش مع انني لم اعرفك من قبل ولاكن والله الدي لااله الا هو انني احبك ....
ربي يهدينا برك قداش من طفلة راحت خسارة جرت هدا البورتابل ودائما المسؤول الاول والاخير هما الوالدان والام خاصة ..لان الام هيا الي تقعد ياسر مع لولاد عكس الراجل تديه الظلمة وتجيبوا الظلمة وصدقوا اليهود كي قالوا ليهودي الي اموا ايهودية ماشي باباه...
ربي يخليك
​

 

[امورة المنتدى]

اولا نشكرك على الموضوع الهــــــــــادف
انا نظن انو الخطأ هو خطأ الاولياء اللي طلقولها الحبل وخلاوها تتصرف كيما تحب وسمحلي نقولك بلي نتا تانيك غلطت كي ماقلتش ليماها
وشكــــــــــــــــرا على الموضوع

 

[الورد الأحمر]

هههههههه
أهلا نور
ماغسي بزاف على الهدرة الزينة ههههه
راني نهدر بالأغ كيفك ههه
ههههه عديتك
كيما قلتي اليدين كامل تتاجه للوالدين، مهما يكون المجتمع يفسد يبقى دور الوالدين في التربية والإصلاح كبير
حتى لوكان تأثرت بصحاباتها كي ترجع ليماها ولا ختها لكبيرة ينعتولها الطريق الصحيح
14 سنة و15 مازالت مموشة
آيوة هي دي
ايا فكرتيني لعشية نشريلها حلوى ههههه باش نبينلها بلي مازالت صغيرة ههههههههه
آيوة باش تفيق مع روحها لي مازالت دراري لا تكون حسبت
روحها سي بو مرا خخخخ
---
ممم ماعليهش اضحكي عليا وعلى الميكرو تاعي ممممم مانسلفلكش ليكرو ، نسلفلك لينيتي الفرجيدار الي قدامو ههه
كي يمشي يخرجكم من الدار بالحس هههه

​

ياو مانيش نضحك على الميكرو تاعك، حبيت نقولك عجبني توقيعك هذا ما كان خخخ، خلي برك ما تسلفليش ههه
مغسي خويا سفيان، سلامو
​

 

[hard_way1990]

السلام عليكم ..
موضوع كهذا يا أخي .. يبدأ من الوالدين .. لو كان فيه تربية قائمة على وازع ديني جيد وخوف الله لما آلت اليه هاته البنت من فساد رغم صغر سنها ..
ببساطة إسئل البنت هل تخافين الله تقول لك نعم .. لاكن لا تدري عظمة الله ولا تدري ما هو الخوف من الله .. ولا تدري ما هي الجنة وما هي النار .. بل مجرد كلمات تسمعها .. نعم تجدها تقرأ القرآن لاكن لا تعي ما تقرأه ..
ينقصنا الوعي أخي .. المشكلة في والدين .. ممكن بعض الوالدين عن جهلهم هم أيضا لا يدرون كيفية تربية أولادهم .. لاكن على الاقل فيهم شهامة " ناس بكري " و " نيفهم " ولم نراهم يستعملونها ..
المجتمع ممكن يكون عندو دخل لاكن المجتمع يحتضن البنت لما تكون بدون قاعدة تعيش عليها .. أما لو كانت البنت لديها قاعدة أساسية هي خوف الله لما اقتربت من الهاتف أصلا ..
الله يهدي يا أخي الموضوع متشابك وفيه أمور كثيرة وأنا عييت ههههه واش تنصح وواش تخلي في شعبنا هذا .. الله يهدينا ويهدي أمة محمد أجمعين .
وبارك الله فيك على الموضوع .. فقط خويا دير مزية وأخبر أم البنت وأخبر أبوها ومهما قالولك إستحمل المهم أنت دير ألي عليك كيما نقولو ولا تدع الشيطان يلعب عليك أنت تاني ..
ما هو مقدار النشعة ألي راح تديها من عند والديها لو رفضو فكرتك ؟ كبيرة ؟ .
اوكي قارنها بمقدار حب الله ليك لأنك تخاف على عبادو من الفساد .. وراك تنصح لوجهه ..
بيان سور حاجة لوجه الله أفضل بمليار مرة ..
أمالا أضرب بيها إبرة صحيحة يا خويا وخليها على ربي ..
تحياتي ليك سلام
​

 

[نسيم الربيع]

ايييييييييييييييه يا سفيان جارتك اللي كنت تشريلها فالحلوى كبارت هذا مؤشر بللي برت هههه
الغلطه متقدرش تحطها فالوالدين لخاطر المراهق كي يبغي يقعر الحيط يقعرو قدامك ومتخليهش يغفلك ويقعرو
ماعليك غير تنصحو وتوعيه وتدعيلو
مارسي عالموضوع​

 

[ماكانش]

يقول المثل الشعبي : " واش يدير الميت في يد غسالو ؟؟" ​

الغلطة راهي من المجتمع لي سلمـ روحو للعادات والاعراف الغربية اللي عمرنا ماتعاملنا بيها ...​

من وكتــــاهـ الطفلة تاع 15 سنة تهز معاها بورتابلـ ؟؟؟ وواش من بورتابل كاميرا وتوت اوبسيون...​

كيما راكـ تقول أنت ماكسبتوش , راجل وخدام بالاكـ ,,,​

بزاااااف أعضاء لي رايحين يقولو هذا هو الوقت ,, لكن الوقت احنا لي نتحكمو فيهـ ماشي العكس ​

((البيرو تاع ماماها هنا )) صغيرة بالصح علابالها المجتمع كيفاه يخمم ,, يعني هاذي بنت فلان وفلانة ادير واش تحب وواحد مايهدر معاها ...​

الله يهدي الخلق يا خويا ,,, هذا ماكان ​

يعطيك الصحة ندى الريحان ...
الله غالب العادات الغربية فرضت روحها علينا لأننا بعاد على الدين تاعنا ...
ومهما يكون كاين امور نقدرو نتحكمو فيها، ...
بنت لازم تراقبها فمابالك وزدت درتلها تيليفون كاميرا وماعلاباليش واش ...
المهم في الأخير والديها الي راح يربحو العار ...
​

 

[algerienne4ever]

merci khouya