جيت طالع للدار لقيت جارتي الصغيرة ...

[ماكانش]

هادو من رفاق السوء
مرسي خويا

يعطيك الصحة ختي
من رفقاء السوء ومن الوالدين ...

غياب الوازع الديني


ربي يهدينا كامل​

اميييييييييييين
وغياب الوعية والنصح ...

 

[غفرانك ربي]

سلاااامو وخيي...
درك انا مور اللي قريت هذالشي كااااااااااامل
مادخلتليش في راسي كيفاش نت كي شفتهم
فالمرة اللولى ماجاتكش في بالك حاجة بيزار..
وديجا لوكان صرات معايا انا ماللقطة اللولى اللي
شكيت فيها نروح ليهم ونقرعج..
وراني معاك أنو مسؤولية الوالدين
وعلاش..رايحة نفهمك..
الوالدين كي الجي لعندهم الطفيلة مولات15 سنة
وتبدا تبكي وتنوح وتضبح..ماما بابا
لازملي بورطابل آآآآخر عيطة
كيما صحبتي فلاااانة وفلانة..
درك فهذيك الكا الوالدين يحسوا بتأنيب الضمير
ولازم عليهم يشرولها..مي هذالطفلة الدور الدور
وتولي لتربيتهم هوما..باسكو*دخلتها غير باسكو سامحوني*
باسكو ههههه والله ماشي غرضي المهم الوالدين
هوما اللي رباوها على العقلية تاع اللي شفتيه وعجبك حايكون ليك
ماعندهمش أصلا ثقافة القناعة..
نولي ان شالله ايذا ساعفني الحال..
وكان القوسطو مازال شغّال..
صحا سوسو i-o:
​

 

[iktimel]

ههههههههههههه عجبتني هاد لحكاية نقرا و نضحك و كي فضت ماعجبنيش الحال هههه
انا اني قد هاد الطفلة 16سنة
بصح ماعنديش بورتابل اصلا ماعندي ماندير بيه
شكرا على الحكاية الفووووووووووور
تستاهل تقييم هههه

 

[ميمة.]

صح خويا عندك الحق بصح في رايي الغلطة الأولى تاع المجتمع لي رانا عايشين فيه ومنبعد الوالدين
والجيل تاع ضك يعاند بزاف يعني ادا شاف واحد ولا واحدة دارت حاجة يديرو كيفو
الوالدين كاين لي ينصح وقليل وين تلقاها بصح في برا وش رايحين يشوفو؟
وانا من نفسي شفتها، وين نخدم راني نشوف في العوج نحاول نصلحو بصح المسؤولين والو
يشوفو ويديرو رواحهم ماشافوش
حتى المدير فلايسي
ربي يسترنا وخلاص
ميرسي على الطرح خويا

 

[ماكانش]

شوفي خيتو
الأخ (ماكانش) القصد نتاعو ماهوش باه يبهدل الطفلة ، mais هو حب يوصل un message للوالدين باه يهتمو بأولادهم و يراقبوهم و ما يخلوهمش يديرو شي يغضب ربي سبحانو ، + en كامل نعرفو حديث الرسول صلى الله عليه و سلم (( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ))

يعطيك الصحة ياسمين الله يحفظك
راني فهمتها مليح وبينتلها بلي راهي ماتعرفش الطفلة هذي حتى تقلي استرها ...
حتى لوكان سميت الإسم ماكانتش تعرفها ...
الناس تحب تهدر وتنتاقد برك ...​

بصح حابس ماعرفتش وين ندخل ههه موالف غير بميل صون هههههه​

كنت مقلق شوي طول النهار والله ضحكتيني بكلامك هدا ..هههههه​

راك كعبة وحدة خويا ماكانش مع انني لم اعرفك من قبل ولاكن والله الدي لااله الا هو انني احبك ....
ربي يهدينا برك قداش من طفلة راحت خسارة جرت هدا البورتابل ودائما المسؤول الاول والاخير هما الوالدان والام خاصة ..لان الام هيا الي تقعد ياسر مع لولاد عكس الراجل تديه الظلمة وتجيبوا الظلمة وصدقوا اليهود كي قالوا ليهودي الي اموا ايهودية ماشي باباه...
ربي يخليك​

ههههههههههه
الله يحفظك خويا لعزيز
والله انا ثاني نعزك رغم انني مانعرفكش مليح ...
البورتابل سباب هلاك الأمة كامل ...
والمسؤولية لكبيرة على الأم خاصة مع البنت لأنها تقدر تحكي مع بنتها بلا قيود
بخلاف الأب ...
انا نظن بلي الطفلة مالازملهاش التيليفون الا للظرورة ...​

 

[bilal22]

هههه
اسسسسس ماتفيقش بيا
كاش ما بقا واحد ينصح ههههههههه
نقصر برك ...​

راه طافي نتا لي راك تشعل فيه ههه
هاو دز وخلاص هه

 

[D@rk Angel]

ههههه موالف غير بميل صون
الله غـالب ولات ضاهرة منتشرة في المجتمع الجزائري , تلقى طفل في عمرو 10 سنين يتفرج نورمال والمشكل أنو الشعب الجزائري كامل تصرفاتو تقليد للغرب . الله يهدينا

 

[malek2010]

انا نظن الطفلة لازم تتربا من الصغر و تبقى ديما في حراسة هكاك تعود تخاف وتتربى على العقلية هاديك اما ضورك كي خالطت وشافت ايهيييييه كما قالو لي ضاق البنة مايتهنا كما صراتلنا حنا ههههه المهم الطفلة ماتلومهاش كبرت هكذا انا كما يبالي توصل18سنة مدوها للزواج خلونا من المشاكل هادوا ولاواش قلت مكانش الغلطة مكاله تحوس عليها لخاطر ماتلقاهاش ....ههه وشكرا.

 

[معاك يا الخضراء]

و عليكم و السلااااااااااااامو :sheer:

انا نقلك الصح لضرك اي عاجبتني حكاية المسك و منين نتفكرها نضحك :shiny::shiny:

تجي تفهم دوخ فالذر تاع ضرك يا اخي قبيل نحكي انا وصاحبتي تشينة على جارتهم عندها بلاك 12 سنة يا خويا عندها 3 صحاباها تبات تحنك فالتيليفون و الصباح تروح لصاحبتها تقلها شارجييلي لاباتري خاطر كون يشوفني خويا نشارجي فيها بزاف يشك فيا :scared::scared:
هيا اصلا قولي وحدة 12 سنة علاه يديرولها التيليفون ؟؟؟
هادو بواخر راح يغرقولها ؟؟؟

الله يهدي ...... تيليفون ختي الصغيرة فيه الكود اليوم نبلوكيه هههههههه
الحمد لله رانا ساعة ساعة نضربو عليها طلة ويا ربي
​

 

[نجاة40]

لوكان قلت لامها تقولك التيليفون انا لي درتهولها نورمال
ذرك رجع الواحد يحكم فمو وياربي يسلك
انا لقيت طفلة جات لخويا للدار باش ماتتشوكاش ياسر وقاعدة تضحك معايا من صحة وجهها
قلتلها هو على الاقل طفل انتي لي راح يهدرو عليك الناس
مي كسلتها بطريحة يا خويا بردت قلبي​

 

[DARINE05]

ههههههههههههههههههههوالله يا سفيان خويا ياو رحت عند ماها كانت درتلك عرس ههههه
واش نقلك ياو تنصح يرجعو عليك انا في زمان ربي يستر مرسي على الميضوع

 

[ماكانش]

ههههههههههههههههههههوالله يا سفيان خويا ياو رحت عند ماها كانت درتلك عرس ههههه
واش نقلك ياو تنصح يرجعو عليك انا في زمان ربي يستر مرسي على الميضوع

ههههههههههههه
أهلا بيك دادو
ممممم ليها زمان ماشاركتيش هنا ههههه
ياي نقول ليماها ترجعلي بنتها مانعرف شكون وانا مانحملش وقادر نضربها ههههه

 

[DARINE05]

ههههههههههههه
أهلا بيك دادو
ممممم ليها زمان ماشاركتيش هنا ههههه
ياي نقول ليماها ترجعلي بنتها مانعرف شكون وانا مانحملش وقادر نضربها ههههه

ههههههههههههه شت والله راحت اللمة سمطت النت

 

[ماكانش]

ههههههههههههههههه
ماعليهش دادو راهي رجعت ويامات وترجع خير من بكري بإذن الله ...

 

[ماكانش]

اولا نشكرك على الموضوع الهــــــــــادف
انا نظن انو الخطأ هو خطأ الاولياء اللي طلقولها الحبل وخلاوها تتصرف كيما تحب وسمحلي نقولك بلي نتا تانيك غلطت كي ماقلتش ليماها
وشكــــــــــــــــرا على الموضوع

يعطيك الصحة امورة
صح الغلطة من الوالدين لأنو حتى رفقاء السوؤ والغلطة من والديهم ...
راني قتلك علاه ماقلتش ليماها ...​

السلام عليكم ..​

موضوع كهذا يا أخي .. يبدأ من الوالدين .. لو كان فيه تربية قائمة على وازع ديني جيد وخوف الله لما آلت اليه هاته البنت من فساد رغم صغر سنها ..
ببساطة إسئل البنت هل تخافين الله تقول لك نعم .. لاكن لا تدري عظمة الله ولا تدري ما هو الخوف من الله .. ولا تدري ما هي الجنة وما هي النار .. بل مجرد كلمات تسمعها .. نعم تجدها تقرأ القرآن لاكن لا تعي ما تقرأه ..
ينقصنا الوعي أخي .. المشكلة في والدين .. ممكن بعض الوالدين عن جهلهم هم أيضا لا يدرون كيفية تربية أولادهم .. لاكن على الاقل فيهم شهامة " ناس بكري " و " نيفهم " ولم نراهم يستعملونها ..
المجتمع ممكن يكون عندو دخل لاكن المجتمع يحتضن البنت لما تكون بدون قاعدة تعيش عليها .. أما لو كانت البنت لديها قاعدة أساسية هي خوف الله لما اقتربت من الهاتف أصلا ..
الله يهدي يا أخي الموضوع متشابك وفيه أمور كثيرة وأنا عييت ههههه واش تنصح وواش تخلي في شعبنا هذا .. الله يهدينا ويهدي أمة محمد أجمعين .
وبارك الله فيك على الموضوع .. فقط خويا دير مزية وأخبر أم البنت وأخبر أبوها ومهما قالولك إستحمل المهم أنت دير ألي عليك كيما نقولو ولا تدع الشيطان يلعب عليك أنت تاني ..
ما هو مقدار النشعة ألي راح تديها من عند والديها لو رفضو فكرتك ؟ كبيرة ؟ .
اوكي قارنها بمقدار حب الله ليك لأنك تخاف على عبادو من الفساد .. وراك تنصح لوجهه ..
بيان سور حاجة لوجه الله أفضل بمليار مرة ..
أمالا أضرب بيها إبرة صحيحة يا خويا وخليها على ربي ..
تحياتي ليك سلام ​

يعطيك الصحة خويا على المشاركة لمليحة بزااااااااااااف
ولكن وين راهي في الواقع ...​

ايييييييييييييييه يا سفيان جارتك اللي كنت تشريلها فالحلوى كبارت هذا مؤشر بللي برت هههه

الغلطه متقدرش تحطها فالوالدين لخاطر المراهق كي يبغي يقعر الحيط يقعرو قدامك ومتخليهش يغفلك ويقعرو
ماعليك غير تنصحو وتوعيه وتدعيلو ​

مارسي عالموضوع

هههههههه
اه ماتزيديش عليا نسيم ههههه
صح ماكانش قد الوعي والتوعية بصح القوة ساعات مليحة لطفلة 14 سنة في عمرها ...​

merci khouya

يعطيك الصحة ...​

سلاااامو وخيي...

درك انا مور اللي قريت هذالشي كااااااااااامل
مادخلتليش في راسي كيفاش نت كي شفتهم
فالمرة اللولى ماجاتكش في بالك حاجة بيزار..
وديجا لوكان صرات معايا انا ماللقطة اللولى اللي
شكيت فيها نروح ليهم ونقرعج..
وراني معاك أنو مسؤولية الوالدين
وعلاش..رايحة نفهمك..
الوالدين كي الجي لعندهم الطفيلة مولات15 سنة
وتبدا تبكي وتنوح وتضبح..ماما بابا
لازملي بورطابل آآآآخر عيطة
كيما صحبتي فلاااانة وفلانة..
درك فهذيك الكا الوالدين يحسوا بتأنيب الضمير
ولازم عليهم يشرولها..مي هذالطفلة الدور الدور
وتولي لتربيتهم هوما..باسكو*دخلتها غير باسكو سامحوني*
باسكو ههههه والله ماشي غرضي المهم الوالدين
هوما اللي رباوها على العقلية تاع اللي شفتيه وعجبك حايكون ليك
ماعندهمش أصلا ثقافة القناعة..
نولي ان شالله ايذا ساعفني الحال..
وكان القوسطو مازال شغّال..
صحا سوسو i-o:
​

اهلا بيبك فروحة ...
وشكون قالك كي شفتهم المرة اللولة مادجاتنيش حاجة بيزار
ارجعي للموضوع وتعرفي بلي كي شفتهم اول مرة عرفتهم يديرو في حاجة عليها رجعت وشفت واش كانو يديرو ...
---
ومانوافقكش في لازم يشريوهولها
لوكانو رباوها مليح ماكانتش تسخف للتافاهات ...

ههههههههههههه عجبتني هاد لحكاية نقرا و نضحك و كي فضت ماعجبنيش الحال هههه
انا اني قد هاد الطفلة 16سنة
بصح ماعنديش بورتابل اصلا ماعندي ماندير بيه
شكرا على الحكاية الفووووووووووور
تستاهل تقييم هههه

هههههههه
ربي يحفظك اكتمال ...
ربي بارك عليك وربي كثر من مثالك
رام قليل ...
ممممم واقيلا نجيو نخطبو ههههه

صح خويا عندك الحق بصح في رايي الغلطة الأولى تاع المجتمع لي رانا عايشين فيه ومنبعد الوالدين
والجيل تاع ضك يعاند بزاف يعني ادا شاف واحد ولا واحدة دارت حاجة يديرو كيفو
الوالدين كاين لي ينصح وقليل وين تلقاها بصح في برا وش رايحين يشوفو؟
وانا من نفسي شفتها، وين نخدم راني نشوف في العوج نحاول نصلحو بصح المسؤولين والو
يشوفو ويديرو رواحهم ماشافوش
حتى المدير فلايسي
ربي يسترنا وخلاص
ميرسي على الطرح خويا

يعطيك الصحة ختي ...
لالا الغلطة من الوالدين قبل المجتمع
لأنو لوكانت التربية مليحة من الوالدين المجتمع ما يأثرش على لولاد ...

ههههه موالف غير بميل صون
الله غـالب ولات ضاهرة منتشرة في المجتمع الجزائري , تلقى طفل في عمرو 10 سنين يتفرج نورمال والمشكل أنو الشعب الجزائري كامل تصرفاتو تقليد للغرب . الله يهدينا

هههههههههه
يعطيك الصحة حسني خويا ...
صح رانا نشوفو في لعجب ...

انا نظن الطفلة لازم تتربا من الصغر و تبقى ديما في حراسة هكاك تعود تخاف وتتربى على العقلية هاديك اما ضورك كي خالطت وشافت ايهيييييه كما قالو لي ضاق البنة مايتهنا كما صراتلنا حنا ههههه المهم الطفلة ماتلومهاش كبرت هكذا انا كما يبالي توصل18سنة مدوها للزواج خلونا من المشاكل هادوا ولاواش قلت مكانش الغلطة مكاله تحوس عليها لخاطر ماتلقاهاش ....ههه وشكرا.

ههههههههه
عجبتني كي صراتنا حنا ههههههههههههههه
صح لازمتلها من الصغر اما اذا حلت عينيها خلاص روطار هههههه
وشكون ياخويا الي 18 سنة وتخمم على الزواج ..
​

و عليكم و السلااااااااااااامو :sheer:


انا نقلك الصح لضرك اي عاجبتني حكاية المسك و منين نتفكرها نضحك :shiny::shiny:

تجي تفهم دوخ فالذر تاع ضرك يا اخي قبيل نحكي انا وصاحبتي تشينة على جارتهم عندها بلاك 12 سنة يا خويا عندها 3 صحاباها تبات تحنك فالتيليفون و الصباح تروح لصاحبتها تقلها شارجييلي لاباتري خاطر كون يشوفني خويا نشارجي فيها بزاف يشك فيا :scared::scared:
هيا اصلا قولي وحدة 12 سنة علاه يديرولها التيليفون ؟؟؟
هادو بواخر راح يغرقولها ؟؟؟

الله يهدي ...... تيليفون ختي الصغيرة فيه الكود اليوم نبلوكيه هههههههه
الحمد لله رانا ساعة ساعة نضربو عليها طلة ويا ربي
​

ههههههههههههههههههههههههههههههه
راكي فكرتيني مت بالضحك هههههه
هكذاك يخممو مانعرف واش راهم يشوفو في .... هههههههه
ربي يحفظلكم المموشة تاعكم بلاك عليها ...
حيرة صح صح
والغلطة من الوالدين ...
12 سنة واش ادير بقسام التيليفون ...

​

لوكان قلت لامها تقولك التيليفون انا لي درتهولها نورمال​

ذرك رجع الواحد يحكم فمو وياربي يسلك
انا لقيت طفلة جات لخويا للدار باش ماتتشوكاش ياسر وقاعدة تضحك معايا من صحة وجهها
قلتلها هو على الاقل طفل انتي لي راح يهدرو عليك الناس

مي كسلتها بطريحة يا خويا بردت قلبي
​

ههههههههههههههههه
قتلتيني بالضحك نجاة
غير احكيهالي دبري راسك ...
هههه

​

 

[somiasahraoia]

الغلطة من الدار والمراقبة لي ماكانش كيفاش ما يعفوش بنتهم كيفاش دايرة ماشي عايشين معاها

 

[لؤلؤة المحيط]

السلام عليكم ورحمة الله تعالى وبركاته
اهلا خويا مكانش احم احم جيت نضرب طلة لقيت موضووووووع واعر
بون خويا الغلطة الأولى أكيد من الوالدين اما الثانية تروح ديراكت للصحبة باسكو ومبعد اللي يتفتحو عينين الإنسان على والديه يجو صحابو اللي يحسهم خوتو ويقولك غير هذو اللي مايحبوليش الحاجة الباشعة
وهنا الغلطة في زوج راجعة للوالدين باسكو كيما جارتك غلطت والديها اللي ماراقبوهاش على الصحبة وغلطت مولات البورتابل الشباب هذه من يماها باسكو دارت لبنتها تقرا 4 متوسط بورتابل كاميرا اونبليس ماهيش تراقب فيها ومدام ماكانش مراقبة ولا تربية صحيحة رايحة لحوايج اكثر من هاك
نقولو ربي يهدي الأحوال وكل شئ والمراقبة باسكو لااااازم الطفلة تتراقب سورتو في سن كيماهذا
مرسي خويا على الميضوع ​

 

[Estrella]

اييييه عيش تشوف وين وصلنا
انا معلاباليش طفلة صغييرة واش الدير بالبورطابل ولله حاجة تحير
انا راني قريب نفوت الباك والله مانسمع بلبورطابل وبنت صغيرة متعرف والو عندا هدا الهم الي يسموه بورطابل
انا في رايي الوالديين هوما الي يلعبو دور كبير في هاد الحالة كيفاه دير البورطابل لبنتها مازال مخرجتش مالبيضة ههههه انا نقولك علاه هاااو الزوووووووووووووخ
واش رايح الدير مين والديها بنفسهم عطاوها البورطابل
صحيت بزاف على الوضوع خويا ​

 

[AHLEM1992]

بارك الله فيك سفيان ،،
مي هادي الحالة راهي في كل بلاصة منتشرة بزااااف
و الغلطة بيان سور غلطة عائلتها و المجتمع و و و
كل واحد يتحمل شوي من المسؤولية
و جيل تاع دوكا تنصحو يقلك هدا وقت جديد ماشي وقتك
ما يستهل لا نصيحة لا والو
​

 

[nassim007]

ههههههههههههه

الجيل الصاعد ههه

مرسي حبيبي علا لوضوع
​