الامومة و الطفولة *موضوع حصري خاص بعناية اطفالنا*

[M!ss D!or]

السلام عليكم
اولا نحب نهني كل ام بعيدها وربي يخليكن و يحفظكن يارب

في هاد الموضوع راح نطرحو كل المشاكل و الحلول لي تواجهنا مع اولادنا \انا راني ندخل في روحي معاكم ههه من كثرت حبي للاطفال\

راح نبداو من فترة الحمل الى فترة الولادة و التربية

اولا كيفاش عديتو فترت الوحم \وعلى واش توحمتو ههه\

واش هي اول اغراض لي شريتوها لاولادكم فترة الحمل

\وانتم مزال ماعرفتوش بنت او ولد\



شحال من مرة تزوري الطبيبة المختصة



و واش كان شعورك كيما قاتلك جنس الجنين


وكي عرفتي الجنس اكيد بديتي تجهزي للمولود
واش شريتي
\ارجو التحديد باش نتعلمو و نعرفو ههه مثال شحال من قميص و شحال من غطاء..\

قرب موعد الولادة واش كان احساسك الخوف ولا مشتاقة تحضني ابنك او....


يوم الولادة و انت فوق الطاولة وابنك في حضنك واش كان شعورك




والان مرحلة اخرى

ابنك كي يبكي و ماحبش يسكت كيفاش تتعاملي معاه \وهو في الاشهر الاولى\

كيفاش دوشيلو \يعني هل تهيئيلو المكان ادا نعم ممكن تقولولنا كيفاش\


شحال من مرة دوشيلو

واش من شهر تبداي تمديلو في الحليب في الرضاعة

\كي يرفضها كيفاش تتعاملي معاه\


وواش من شهر تبداي تمديلو الرضاعة sucette bébé كي يرفضها كيفاش تتعاملي معاه

تقمطيلو ولا لا

واش من شهر تبداي تعمليلو المساج

كي مايحبش يرقد في الليل كيفاش تتعاملي معاه


هادي بعض الاسئلة و زيدولنا انتم اضافات :shay:
​

تحياااتي :re_gards:
​

 

[Sami Paradis]

شكرا لكي على النصائح

 

[M!ss D!or]

العفو
ننتضر الامهات يجيو يمدولنا النصائح و يحكيولنل على تجاربهم الحقيقية

 

[حكيك]

موضوع هادف بالتوفيق اتمنى يلقى تفاعل مع الامهات الجدد

 

[Orodent]

بارك الله فيك اختي صافيناز
موضوع قيم بالفعل
مام انانحب الاطفال لكن لا خبرة لي للاسف لا استطيع المساعدة​

 

[M!ss D!or]

شكراااا على المرور و الرد الجميل
ان شاء الله يدخلو الامهات و يفيدونا بالاجابات​

 

[السلطانة]

وعليكم السلام
موضوع رائع حبيبتي
وهادف ان شاء الله نستفادو منو كامل
يستحق التثبيت

​

 

[M!ss D!or]

العفو غاليتي
نورتيني
الف شكر على التثبيت
​

 

[la_safa]

مازلت صغيرة مي نشارك معاكم
احم احم نتعلم ههههه

مرسي ختي موضوع فووووور
​

 

[nada242008]

موضوع رائع صفصوفة لي عودة ان شاء الله نحكيلك على يومياتي مع ندوش ومع البيبي اللي في الطريق
تحياتي

 

[برنســ اللمة ـيسة]

سلامو مريومة
مرسي بزاف على هاد الموضوع
ننتظر الامهات بنصائحهم على حسب التجارب اللي قامو بيها
نقولك حاجة بصح ما تضحكيش عليا






انا تاني عندي خبرة شويا بتربية الاطفال
ههههههه
نحبهم بزااااااف و نحب ريحتهم
​

 

[ام منصف]

موضوع رائع اختي
لي عودة ان شاء الله

 

[M!ss D!or]

مازلت صغيرة مي نشارك معاكم
احم احم نتعلم ههههه

مرسي ختي موضوع فووووور
​

تفضلي خيتي رانا كامل نتعلمو
و نحبو نعرفو كلش ههه
منورة

موضوع رائع صفصوفة لي عودة ان شاء الله نحكيلك على يومياتي مع ندوش ومع البيبي اللي في الطريق
تحياتي

الف شكر حبيبتي
رانا نستناوك تحكيلتل على تجربتك مع ندوشة و الكتكوت لي في بطنك بفارغ الصبر

سلامو مريومة
مرسي بزاف على هاد الموضوع
ننتظر الامهات بنصائحهم على حسب التجارب اللي قامو بيها
نقولك حاجة بصح ما تضحكيش عليا






انا تاني عندي خبرة شويا بتربية الاطفال
ههههههه
نحبهم بزااااااف و نحب ريحتهم
​

ههههههههه
والله مام انا عندي شويا خبرة
نعرف نمدلهم الحليب تع البيبرونة
ونرقدهم
ونغسللهم
و نبدللهم الكوش ههههههه
مي نزيدو نتعلمو
منورة

موضوع رائع اختي
لي عودة ان شاء الله

اهلا غاليتي
الف شكر
وننتظر عودتك بفارغ الصبر
تحكيلنا تجربتك مع ندوش و منصف

 

[Mafia-beo16]

مرسي ختي على الموضوع
انا نحب الاطفال مي ماعنديش تجربة
تالمو مانعرفش نربي حتى وليد ختي راه يعاني معايا ههههههه
على هديك جيت نتعلم شوية
​

 

[nada242008]

السلام عليكم
اولا نحب نهني كل ام بعيدها وربي يخليكن و يحفظكن يارب
الله يسلمك ويخليك حبوبة وعقبال مانهنيوك انت ثاني











راح نبداو من فترة الحمل الى فترة الولادة و التربية

اولا كيفاش عديتو فترت الوحم \وعلى واش توحمتو ههه\
في ندوش توحمت على التفاااح كنت كي نشوفو تقول شفت كنز ومانشبعش منو
ووالد ندوش مسكين يضل يشري بصح من سخفتي عليه كنت نخبي الكمية كل عليه باش ما ينقص عليا حتى حبة
والله كي نتفكرها نحشم برووحي
نخبيه في ركنة في الفريجيدار الجن الازرق مايلقاهشi-o:
وحاليا راني في فترة الوحم من جديد
بصح المرة هذي غير على الفلافل والهريسة:luve_2:

واش هي اول اغراض لي شريتوها لاولادكم فترة الحمل

\وانتم مزال ماعرفتوش بنت او ولد\

ماشريتش حتان وصلت للشهر السابع بعد ماعرفت جنس الجنين:sheer:

شحال من مرة تزوري الطبيبة المختصة
الحمد لله ماكانش عندي مشاكل
زرتها اول مرة في الشهر 2 و 5 والشهر التاسع تقريبا 3 مرات
وبالمناسبة اليوم كانت اول زيارة في حملي الثاني


و واش كان شعورك كيما قاتلك جنس الجنين
فرحتي لاتوصف كنت متمنية بنت والحمد لله ربي رزقني باحلى بنوتة

وكي عرفتي الجنس اكيد بديتي تجهزي للمولود
واش شريتي
بديت نتخيل في كل حاجة غووز هههه
اي حاجة نشوفها نتمنهالها

\ارجو التحديد باش نتعلمو و نعرفو ههه مثال شحال من قميص و شحال من غطاء..\
شريت من كل حاجة 2
لان البيبي يكبر كل يوم يعني اللبسة تاع الشهر هذا ماتجيهش الشهر الجاي
وكي دخلت للمحل الخاص بحاجيات البيبي هزيت كلش وبالدوبل
ومن بعد كل مرة نلحق حاجة




قرب موعد الولادة واش كان احساسك الخوف ولا مشتاقة تحضني ابنك او....
في اخر يوم قالولي كاين خطر على الجنين وقادر مايعيشش
والله قريب يصرالي انهيار
احلام 9 اشهر تروح في الهوا
وفي اخر دفيفة ولدت قيصري ومنعت ندوش الحمد لله ونسيت كلش
كنت مخليتها على ربي ومافكرتش خلاص

يوم الولادة و انت فوق الطاولة وابنك في حضنك واش كان شعورك

كنت مخدرة نصفيا بصح كي شفتها بقيت حايرة
ماعرفت نفرح ولا نبكي


والان مرحلة اخرى





ابنك كي يبكي و ماحبش يسكت كيفاش تتعاملي معاه \وهو في الاشهر الاولى\
ندوش ولمدة 9 اشهر الاولى كان عندها الام في البطن ماترقد لا ليل ولا نهار وديما تبكي
انا وباباها نباتو هازينها مدايرين الدالة:sad:
والله كنت نبكي معاها


كيفاش دوشيلو \يعني هل تهيئيلو المكان ادا نعم ممكن تقولولنا كيفاش\
كنت مبتدئة وماعنديش شكون يعاوني ولا يعلمني
لان اهلي في ولاية اخرى
تعلمت فيها مسكينة وكانت تموت على الدوش
ديما تضحك
ومسجلتلها des videos وهي تدوش

شحال من مرة دوشيلو
كي كانت صغيرة كل يوم
وبعد عام كل يومين ثلاثة

واش من شهر تبداي تمديلو في الحليب في الرضاعة

\كي يرفضها كيفاش تتعاملي معاه\
والله هذا المشكل اللي عانيت منو ماكانش عندي الحليب نهائيا وديما كي نجرب نرضعها يخرج دم في مكان الحليب
وبدات المعاناة مع الحليب الاصطناعي وجربنا كل الانواع وحاجة ماوالمتها
ديما كرشها منفوخة وles gaz
وواش من شهر تبداي تمديلو الرضاعة sucette bébé كي يرفضها كيفاش تتعاملي معاه
مانحبهاش ونعافها وكي نشوف بيبي مداير sucette يجيني جايح
ماعطيتهالهاش

تقمطيلو ولا لا
اكيد كل مانقمطلها ترقد وترتاح
وخاصة في الايام الاولى كلش طري ماتعرفيش حتى كيفاه تهزيه

واش من شهر تبداي تعمليلو المساج
من اليوم الاول بصح مساج بالزيت زيتون وخفيف فقط
لان البشرة تكون ناشفة وزيت الزيتون يرطبها وينحي القشور
وكي وصلت 6 شهر مساج بزيت جونسون وبعدو بمدة خلاص

كي مايحبش يرقد في الليل كيفاش تتعاملي معاه

هههه نبكي والله
خطراه كانت ماترقدش الليل مش قباحة ولكن من الالام
كنت نقرى عليها قران نهزها نغنيلها ندير كلش المهم ترضى علينا وترقد

هادي بعض الاسئلة و زيدولنا انتم اضافات :shay:
​

تحياااتي :re_gards:
​

يعطيك الصحة صفصوفة موضوع فعلا مميز
بارك الله فيك

 

[M!ss D!or]

اختي ام ندوووشة راني نقرا في اجاباتك شوقتييييييييييييييييننننننيييي نحس باحساس الامومة
والله بالنسبة ليا اعظم احساس تقدر تحسو الام
الحمد الله على سلاك ندوشة و سلاكك انتي
عندي سؤال راح نهبلك المرا شحال من مرة تقدر تولد قيصري \انا سمعت ماتزيدش على3\
و تقدر تولد ولادة طبيعية بعد القيصرية
والله صح قاسيتي ياااسر سيرتو ندوشة هي اللولة تاعك مي الحمد الله كان حاظر ابوها و عاونك عليها ربي يطيب عشرتكم غاليتي
و ماتنسايش تجاوبيني على سؤالي
و ان شاء الله الكتكوت راهو بخير و عافية
نسيت سؤال واش من شهر تعرفي الجنس تع الجنين
الللللف شكككككككر لييييك ​

 

[nada242008]

اختي ام ندوووشة راني نقرا في اجاباتك شوقتييييييييييييييييننننننيييي نحس باحساس الامومة
والله بالنسبة ليا اعظم احساس تقدر تحسو الام
الله لا يحرمك منو حبيبتي وربي يرزقك بالذرية الصالحة ان شاء الله
الحمد الله على سلاك ندوشة و سلاكك انتي
عندي سؤال راح نهبلك المرا شحال من مرة تقدر تولد قيصري \انا سمعت ماتزيدش على3\
اربع مرات العلم راهو يتطور ههههه
و تقدر تولد ولادة طبيعية بعد القيصرية
والله على حسب السبب اللي درتو علجالو الولادة القيصرية
يعني كاين حالات وين يكون الحوض ضيق هنا موحال المرا تولد طبيعي
يعني في الحلات الغير طبيعية فقط
ولا اذا ظهر مشكل في الايام الاخيرة قبل الولادة
مثلا وضعية الجنين مقلوبة
او كيما حالتي الحبل السري كان ملتف على رقبتها ومع التقلصات يؤدي الى اختناق البيبي
يعني مش معناها كي تولد قيصري الولادة اللي بعدها قيصري
على حسب الظروف والاسباب
والله صح قاسيتي ياااسر سيرتو ندوشة هي اللولة تاعك مي الحمد الله كان حاظر ابوها و عاونك عليها ربي يطيب عشرتكم غاليتي
و ماتنسايش تجاوبيني على سؤالي
و ان شاء الله الكتكوت راهو بخير و عافية
الحمد لله يارب
نسيت سؤال واش من شهر تعرفي الجنس تع الجنين
الللللف شكككككككر لييييك ​

جنس الجنين يحدد في الاسبوع ال 20 يعني مابين الشهر الرابع والخامس
واحيانا الجنين يكون في وضعية ( مطبق رجليه )ماتخليكش تعرفي نوعو حتان الشهور الاخيرة
العفو واي سؤال راني في الخدمة
وان شاء الله اي حاجة نشريها للبيبي الجاي نصورها ونحطها في هذا الموضوع :sheer:

 

[M!ss D!or]

شكرااا غاليتي على الكلام الحلو و على المعلومات
ربي يسهلك و يسلك وحلك
اللللف شكر ليك و ماتنسيناش ادا عندك معلومات اضافية فيدينا بيها و رانا نستناو نشوفو لبسة الكتكوت
و ننتظر بقية الامهات
​

 

[M!ss D!or]

ها احبتي لخرين وين راكم
راني نستنا كل يوم عودتكم​

 

[نور الهدايات]

ربي يباركلك اختي أو ندى تتربا في عزك وربي يهون عليك على البيبي الجديد ووبجيبلك سويعة ساهلة هدا ولد اللمه ختي كامل نشاركوك فيه
أنا معنديش تجربة باش نشاركم لأنو مزال ربي مرزقنيش دعو معايا
عندي كتاب لتربية الاطفال رائع راح كل مرة نعطيكم منو نصائح
صحيتي صفصوفتي على الفكرة رائعة يا ام الافكار انتي
تحياتي
تحياتي​