الامومة و الطفولة *موضوع حصري خاص بعناية اطفالنا*

[nada242008]

ربي يباركلك اختي أو ندى تتربا في عزك وربي يهون عليك على البيبي الجديد ووبجيبلك سويعة ساهلة هدا ولد اللمه ختي كامل نشاركوك فيه
أنا معنديش تجربة باش نشاركم لأنو مزال ربي مرزقنيش دعو معايا
عندي كتاب لتربية الاطفال رائع راح كل مرة نعطيكم منو نصائح
صحيتي صفصوفتي على الفكرة رائعة يا ام الافكار انتي
تحياتي
تحياتي​

الله يبارك فيك اختي نور الهدايات
الف شكر على الكلام الطيب النابع من القلب
ربي يرزقك بالذرية الصالحة ان شاء الله
دعواتي ليك وللاخت فلوسة ولام فاروق ان شاء الله وكل المشتاقين

 

[om djawad]

موضوع رائع

 

[narjes81]

السلام عليكم
اولا نحب نهني كل ام بعيدها وربي يخليكن و يحفظكن يارب









راح نبداو من فترة الحمل الى فترة الولادة و التربية

اولا كيفاش عديتو فترت الوحم \وعلى واش توحمتو ههه\

اه ياختي الحنونة لوكان نحكيلك تبكي معاي والله
بعد واجي بشهر لقيت روحي حامل وكان رمضان يعني الوحم جاني مع رمضان ماجا في خاطري والو كلشي عفتو حتى بيت اهل زوجي عفتو كنت نظل طول النهار مع التقية حشاك وكي يادن المغرب تحسبي جن ضربني مانحملش كامل الماكلة وعلى طول نتقي يعني 24سا/24سا وحمي صعيب ويبقى 09 اشهر ههههه عجيب والله

لكن في بنتي نرجس يا سلام وليت غير حالة فمي وناكل طول النهار توحمت عى البطيخ والعنب والخوخ والمشماش مسكينة زادت معمرة بالتوحيمات مزية في مناطق مابايناش

واش هي اول اغراض لي شريتوها لاولادكم فترة الحمل \وانتم مزال
ماعرفتوش بنت او ولد\

اول اغراض شريت غونويار صفرة هي لي زاد بيها ابني عبد الرحمن
ونرجس بيضاء وفيها الوردي تاني زادت بيها
على فكرة دسيتهم سوفونير حتى يكبرو



شحال من مرة تزوري الطبيبة المختصة


فياولادي الاثنين كنت تقريبا كل شهر
كان عندي مشكل صغط الدم مرتفع



و واش كان شعورك كيما قاتلك جنس الجنين

فرحة لاتوصف تمنيت الولد وجاني ولد وتمنيت البنت واجتني البنت الحمد لله على نعمه


وكي عرفتي الجنس اكيد بديتي تجهزي للمولود
واش شريتي
\ارجو التحديد باش نتعلمو و نعرفو ههه مثال شحال من قميص و شحال من غطاء..\
شريت غونويار بالدوبل لي درا بالدوبل بيبرونات نتاع الما والتيزان وحده ونتاع الحليب وحده
مشطة كوتونتيج صوالح التقماط كوفيرطة لوندو باش نخرجو مالسبيطار واحد مصنوع بالخشب للدار باش نحطو ...كي نتفكر نزيد



قرب موعد الولادة واش كان احساسك الخوف ولا مشتاقة تحضني ابنك او....


يوم الولادة و انت فوق الطاولة وابنك في حضنك واش كان شعورك

ياه متفكرينيش
في عبد الرحمن درت قيصرية في 08 اشهر كان صغط الدم وصل 17.9

واكانت حياتنا في زوج خطر ولكن الحمد لله العملية كانت جد ممتازة كنت مخدرة نصفيا شفت كلشي وكي زاد بكيت ولحمي تشوك يا سبحان الله
ونرجس شيء اخر
نرجس ولات تكبر بطريقة غير طبيعية في كرشي حتى كانت تالمني وزيدت مع نهاية الشهر التاسع قيصري كدلك ولكن كانت صعيبة لان الجنين كان كبير بزاف
والحمد لله راهم قدامي كي نشوفهم ننسا الدنيا ومافيها




والان مرحلة اخرى





ابنك كي يبكي و ماحبش يسكت كيفاش تتعاملي معاه \وهو في
الاشهر الاولى\

تعدبت مع ولادي في كرشي ولكن ملي يزيدو حاجة اخرى من نهار الاول يرقدو حتى لصباح ينودو كي يكونو جيعانين ماغبنونيش كامل

كيفاش دوشيلو \يعني هل تهيئيلو المكان ادا نعم ممكن تقولولنا
كيفاش\
كي كانو صغار تقريبا يوميا فالصباح نحضر البانيو فيه مادافي نرفدهم بيدي وندوش الراس غير بشوية من بعد بالغو نمسح غير بشوية يكونو صعاف مساكين لازم غير بشوية

شحال من مرة دوشيلو

تقريبا يوميا من بعد نهار بنهار وضروك هما راهم يدوشو وحدهم هههه

واش من شهر تبداي تمديلو في الحليب في الرضاعة \كي يرفضها كيفاش تتعاملي معاه\
من نهار الاول شربوها بدون اي اعتراض

عبد الرحمن مارصعش صدري كنت ناشفة
ولكن نرجش في زوج لحد الان


وواش من شهر تبداي تمديلو الرضاعة sucette bébé كي يرفضها كيفاش تتعاملي معاه

غير عبد الرحمن كي دار عام نحيتها بدون مشاكل

تقمطيلو ولا لا
فالاشهر الاولى يصيبو راحتهم مساكين

واش من شهر تبداي تعمليلو المساج
من الاشهر الاولى بزيت الزيتون يرقدو حتى الصباح

كي مايحبش يرقد في الليل كيفاش تتعاملي معاه

لم اتعرض لهدا الموقف



هادي بعض الاسئلة و زيدولنا انتم اضافات :shay:
​

تحياااتي :re_gards:
​

نتمنى نكون افدتكم وما طولتش عليكم واي استفسار انا فالخدمة

 

[M!ss D!or]

ya3tik el sa7a habibti narjes wallah afadtina bazaf
rabi yahfadlek wlidatek w yasa3dek ya rab
ki tatfakri ay 7aja 9olilna