ماذا ستطبخين اليوم سيدتي الجزء 2

[ibtesem]

صباح الخير
صباح السعادة
صباح الحب
على احلى بنات اللمة
لبداو يختفو بشوية بشوية
رغم معرفتنا الاولى كانت هنا
لولاها معرفنا بعضنا البعض
المهم
انا اليوم عندي امتحان ادعولي باش ننجح
هههههههههه
في الحالتين خدمت او لا
رايحا نطيب كسرة وتشيشة راها في بالي من قداش
مكرة في ندودة امممممممممممممم
​

 

[نبع اليقين]

مساء النور يابنات واش راكم يابنات توحشتكم بزاف
يعطيكم الصحة على طيابتكم رائعة ويعطيك الصحة أختي ندى على السر تاعكم
ومبروك على الختان ولد ابتسام وتنسيم وربي يشفيهم يارب

احنا بارح كملنا الطياب القاطو رانا نحضرو في رواحنا للعرس

يوم غدنا من البرا دبارة حمص​

 

[l'algeroise]

مساء الخير صحا غداكم
أنا درت محاجب

ibtesem bonne chance
نبع اليقين بصحتكم

 

[روعة2005]

بصحتكم الجيرواز+نبوعة+دهبيتو+بسومة اكلاتكم تشهي

ربي يصون بسومة ويجعلكم دايما مجمولين


تعرفي يا بسوم نهدر على نفسي انا والله نموت في اللمة حتى من من كنت زائرة واكثر ركن هو الطبخ واكثر عضوة كنت نحبها ونحب مواضيعها هي ام ندى واخيرا تشجعت وسجلت وكنت فرحانة بزاف معاكم بصح ضرك كل مانجي نلقى الركن فارغ يصفر ندور وحدي ونعاود نخرج ولا الردود تلقاي المواضيع هايلة وفيها 5 ردود على الاقل والمشاهدين .....الااف والله مع لي نشوفكم تلميتو منحبش نخرج بصح قوليلي وينهي لمتنا الحلوة.......
وفة 2011, ‏أم عبدالصمد, ‏اسال الله الفردوس, ‏ibtesem+, ‏imane27, ‏l'algeroise, ‏nassima88, ‏samora68

 

[imane27]

مساء الخير عليكم واش راكم صح فطوركم الجرواز محاجب يشهو بصحتكم
انا عشايا كان كباب

 

[nada242008]

ابتسام ربي يوفقك في الامتحان هههه واه نهار الامتحان تطيبي تشيشة ههههه
المجهود كل يروح فيها وبعد ماتاكليها تضربيعا برقدة في الامتحان هههه
هيا راني نسنى في الصور..
نبع اليقين بصحتكم الدوبارة وزورينا ساعة على ساعة
بصحتك المحجوبة اختي لالجيغواز
انا اليوم روبو ماطيبتش دجاج محمر من براا

 

[nada242008]

فوفة كلامك في الصميم..
وسبق وهدرنا فيه انا عن نفسي كون تروح اللمة للابد مانصور مانشارك في حتى منتدى اخر
هي اول منتدى سجلت فيه ونبقى فيه حتى كون يغيبوا العضوات كل
تعرفي مش مسموحلي نحاسب اي واحدة ولا نقولها علاه تخليتي عن اللمة كل واحد وين يلقى راحتوا
ومانقدرش نقولهم صوروا وحطوا وصفات بالذراع عليهم
اللي حب اللمة وشارك معانا نفرحوا بيه وبمشاركاتوا واللي راح مع الف سلامة
وتبقى اللمة المنتدى الوحيد المميز مهما صرى
لمتنا الحلوة مش نقعدوا نتفرجوا فيها وهي فارغة لا بالعكس حنا اللي نعمروها ونشطوها
ومش اول مرة المنتدى ينقطع وتضيع المواضيع
اللمة ديما تتعثر بصح في الاخير توقف على رجليها وتعاود تنوض من جديد
صراحة والله حاستها داري وكون نقعد وحدي في هذا الموضوع ومانخرجش منها

 

[نبع اليقين]

والله كلامكم في صميم اخواتي فوفة وندى انا تاني نموت على اللمة وروحي فيها بصح ظروفي ماتمحليش ندخل ومانكذبش عليك نقولكم صورت في المنتديات اخرى بصح من عرفتاللهمة ماعدتش نصور في حتى بلاصة ونعود نستنى في الوقت باش نجي نضرب علكم طلة
بصحتك الروطي ندوش
بصحتك المحجوبة الاخت الارجوا
انا راح نغيب عليكم ونرجعلكم حتان رمضان ربي يقدرني على غيابكم
السمانة الجاية عندنا عرس والسمانة الاخرى راح نروحو دار جدودنا في بسكرة ​

 

[tasnim55]

السلام عليكم وشراكم انشاء الله كامل بخير وصح غداكم بالواحد
ابتسام حبيبتي ربي يوفقك عشاك مشاء الله تاع البارح ولعجبني بزاف العائلة روعة مشاء الله حلوين كي السكر ربي يحفظهم وتشوفيهم في المراكز تفرح
لالجيرواز لابري جاتك تهبل والمحجوبة يما يما شوفتها جوعت يعطيك الصحة جات رووووووووووعة بصحتكم
امممممم ايمان27 كباب يفتح النفس جاك يشهي بصحتكم حنونة
ام ندى بصحتك حبيبتي لغداء تاع برة والله غير تشهي بالهناء عليك الله يبارك
نبع اليقين وينك اختي خليتي بلاصتك والله يسلمك عقبال افرحكم والهناء والخير عليكم والعرس ربي يعاونكم وكولش مبروك
اسيا دز حنونة هذي غيبة ومرحبا بيك من جديد انشاء الله تكوني لاباس توحشنا اطباقك
فوفة وشراكي اختي انا تاني نحب هذا المنتدى والله غير حبيتكم في الله ومنقدرش نراطيكم فرحانة بزاف لراني وحدة منكم ربي يحفض المنتدى واصحابو بلا به والله غير صامطة
انا لغدا لعشاء تاع البارح قراتان لابيري باللحم المرحي ومن بعد نوريلكم صور حلويات الختانة والبغرير انشاء الله
سلامي ل روز كوثر ام ايناس ام منصف ريمة 29 جزائر الغالية صافو دهبيتو...الخ بدون استثناء

​

 

[ام منصف]

طبعا شيء مفروغ منه اللمة هي الاصل والباقي كل تقليد
ولكل حريته الشخصية يقعد في اللمة والا يروح والناس اللي ما تلقاهمش اللمة في شدتها ما تحتاجهمش كي تفرج عليها
كلنا بالاك مسجلين في منتديات اخرى وممكن عندنا مواضيع فيها لكن اللمة عندها نكهة خاصة
غير اسمها يكفي
ومن اجلها لازم نكونوا دايما نشطين وفي الموعد حتى توقف على رجليها من جديد
​

 

[nada242008]

الله يسلمك تنسيم ورانا نسناو في الصور تاع العريس والقاطوات
نبعو تروحي وترجعي بالسلامة
ام منصف راكي قلتي واش حابة نقول الله يسلم ذاك الفم:sheer:

 

[ام منصف]

نرجعوا للموضوع نتاع الطياب
اليوم واخيرا درنا قراتان وحميص وقلينا فلفل
تفاهمنا باش نديروه لان الكل مل من البربوشة والجاري والاكلات نتاع العايلة الكبيرة
وزعما عولنا ما كانش الزايد ههههههههههه زعما
من العشرة نتاع الصباح واختكم تقلي في البطاطا حتى 12 واخيرا خلصت
لكن المفاجاة ضياف في اخير دقيقة
ههههههههههه عشيت نجري ونشوف واش نزيد
حلفت قلتلهم ما نزيد ندير حاجة خفيفة
نديرها برمة جاري والا شربة خير لي من الجري نتاع اخر دقيقة
هههههههههههههههههههه

​

 

[روعة2005]

ندوش غداك يشهي مليح الواحد كي يغير وتريحي روحك شوي
كباب هايل ايمانو بصحتكم
+ايمان +تسنيم+نبعو+الجيرواز+اسيا+نانوس+مريم حاسي+ام منصف+عفوفة لي راهي غايبة+ام ايناس+ام فاروق+حنان+دهبيتو+ريم+جزائر الغالية+روز+بسوم فوفة +ندى+ووووو يدا بيد ترجع لمتنا احلى واحلى

 

[روعة2005]

عادي يا ام منصف تصرى وفي احسن العائلات ..........................هههههههههههه​

 

[tasnim55]

انشاء الله امين اخواتي

 

[tasnim55]

ام منصف ربي يعاونك ويعطيك قوة انشاء الله

 

[rafiness]

الله يبارك كامل فحلات انا تاني والله نعرف نطيب ويقولوا ان سر الطبخ ليس في المعرفة السابقة او القديمة بل في محبتكي له وحبكي في ابداعه وخلق افكار جديدة له.....انا عندي هواية في طبخ وليس الحلويات كاش نهار نمدلكم كاش وصفة ليا سلامي​

 

[ام منصف]

عادي يا ام منصف تصرى وفي احسن العائلات ..........................هههههههههههه​

ام منصف ربي يعاونك ويعطيك قوة انشاء الله

ههههههههههههههههههههه
ما تخافيش على اختك قلبها كبير ويستوعب كل شيء
وراني موالفة يعني خبرة :showoff:
​

 

[imane27]

ندوش غداك يشهي مليح الواحد كي يغير وتريحي روحك شوي
كباب هايل ايمانو بصحتكم
+ايمان +تسنيم+نبعو+الجيرواز+اسيا+نانوس+مريم حاسي+ام منصف+عفوفة لي راهي غايبة+ام ايناس+ام فاروق+حنان+دهبيتو+ريم+جزائر الغالية+روز+بسوم فوفة +ندى+ووووو يدا بيد ترجع لمتنا احلى واحلى

مساء الخير عليكم صح فطوركم
ندى جاجة تشهى نموت على مكلة برا
تنسيم رانا نستناو فلعريس والقاتو ديالو
فوفة رانا هنا باش ترجع لمة كيما زمان انا عن نفسى عمرى مفرقتها كل دقيقة نطل عليها حتى ولا مفهاش حتى واحد ورغما انى مشاركة فى منتديات اخرى بصح دايما ندخل للمة اول

 

[روعة2005]

اكيد حبيبتي ايمان انا ماحسبتك لا انت ولال نفسي و لا غيرك لانو المشاركة في المنتديات حرية شخصية وحق مشروع وعالم النت واسع رديت فقط على تساؤلات ابتسام وحاولت نعرفو الخلل نعالجو المشكل حبيبتي