ماذا ستطبخين اليوم سيدتي الجزء 2

[روز]

يعطيك الصحة على القاطو تسنيم دائما الافراح يارب
البغرير رووووووعة كما نحبو يسلمو هادوك اليدين.. يارب وتشوفيه عريس ان شاءالله
بنات عشاواتكم كـــــــــــــــامل هايلة يشهو
ابتسام مافهمتش لي خدمتيها كفاش عملتي لاسوس لي لفوق

 

[dahbito]

مساء الانوار على طبخات اللمة
بصحتكم الشخاشخ والدجاج والروز ....
وحلويات رائعة اختى تسنيم ياربي حياتك كامل افراح
اليوم عشانا جاري

​

 

[imane27]

بصحتكم دهبيتو
انا مزالنى نخمم واش نطيب

 

[assia dz]

تفضلو يابنات اللمة

عملت مسمن نروح نطيب التاي ونجي
بصحتكم

بصحتك ابتسام واش تعشيتي بصح ما فهمتش واش هي الدشيشة؟ أنا راني نشوف فيه مسمن مفتت، وإلا تقصدي الصلصة من فوق هي الدشيشة؟ في اي منطقة يديروها ابتسام؟

 

[ibtesem]

الله الله عليك تسليم تسلم الايادي اختي والله حلويات تشرف
والبغرير الله الله
دهبيتي بصحتكم جبتيلي صحن ليا اليوم راه خلاصلي الدلاع
روز ياروز زاش راكي لحبيبة

 

[ibtesem]

اسيا د ز انا بسكرية هدي اكلة شعبية تاع بسكرة
انت منضمة جديدة لنا روحي الى واضيع ندى راها عاملة موضوع عليها لانها بسكرية
كاين تشيشة فريك وتشيشة مرمز

 

[assia dz]

بصحتكم كامل العشاوات كل واحدة باسمها، راكم ناشطات بزاف فاتوني عدة مواضيع، تصفحتهم ومتعت عيوني بطبخاتكم.
مبروك تسنيم ختانة وليدك، وصراحة قاطو هايل مع بغرير تاع حراير صح.والتطبيق10/10 نمدلك
أم منصف ربي يعينك على الضياف بصح ما نخافوش عليك مرة ونص، وكيف أحوال سلفتك إن شاء الله راهي احسن.
ابتسام ربي يوفقك في الامتحان، بصح كيفاش راك تقدري توفقي بين القراية والمطبخ الي تخرج منه أطباقك المميزة؟
أنا اليوم بالنسبة للغداء بقالي الروز تاع العشاء زدت معاه كروكات تاع بطاطا وجريوات رابي، والعشاء شكشوكة وفريت.

 

[assia dz]

اسيا د ز انا بسكرية هدي اكلة شعبية تاع بسكرة
انت منضمة جديدة لنا روحي الى واضيع ندى راها عاملة موضوع عليها لانها بسكرية
كاين تشيشة فريك وتشيشة مرمز

راني فهمتك ابتسام لازم نشوف المواضيع القديمة باش نعرف بعض الاكلات الشعبية اللي ما نعرفهاش، بصح هذاك اللي في الصورة الأولى مسمن، والصوص تديرولوا المرمز؟ وإلا راني غلطانة؟

 

[ibtesem]

assia dz adoukhli hna
http://4algeria.com/vb/showthread.php?t=257993


اكلة بسكرية ( الحسوة ) من مطبخي

 

[assia dz]

يعطيك الصحة ابتسام تعبتك معايا، راني فتحت الروابط، بصح صدقيني أنا أول مرة نعرف هذا الطبخة، حنا الرقاق نديرولوا مرقة باللحم أو الجاج، والمرمز طيابو وحدو نديروه شغل عصيدة عاقدة باللحم وإلا بلا لحم.
​

 

[tasnim55]

مشكورين يا احبابي على انهم عجبكم هذا شئ يشرفني وعقبال افراحكم يارب
ام دودو عشاك يشهي حبيبتي بصحتكم
دهبيتو بصحتك الجاري شهيتيني فيه
ام دودو ميزورة انشاء الله نحطلكم الوصفات في اقرب وقت لان هناك روابط في منتدانا فيه الحلويات هذه
​

 

[mizora]

ربي يحفظك تسنيم
رانا نستناوك بلاك تنساي

 

[أم دودو]

مشكورين يا احبابي على انهم عجبكم هذا شئ يشرفني وعقبال افراحكم يارب
ام دودو عشاك يشهي حبيبتي بصحتكم
دهبيتو بصحتك الجاري شهيتيني فيه
ام دودو ميزورة انشاء الله نحطلكم الوصفات في اقرب وقت لان هناك روابط في منتدانا فيه الحلويات هذه
​

الله يسلمك أختي تسنيم و في انتضار و صفات القاطو معليش تعبناك معانا
​

 

[عفاف الجزائرية]

اني جيتكم من جديد وكلي وحشة ليكم
والله توحشتكم وتوحشت المطبخ والماعين والكوزينة والبلاطوات والاكلات وكالبنات واولادكم واهاليكم
قولولي حبسي ولا نكمل
اني وليت والحمد لله على سلامتي(حوحو يشكر روحو)
وعندي ليكم الجديد بحول الله
رمضان مع المطبخ اللماوي احلى واحلى
هاذو يومين نحطلكم الجديد
​

 

[ibtesem]

مرحبا بيك فوفو توحشنات طولتي في الغيبة المهم انت استمتعتي فيها
وخلاص
بعد العطلة من مفروص راكي راجعا بكل حب للمطبخ ونشاط
يالله رانا نستناو فيك لانو كوزينة اللماوي راها تعيط تعيط
على السلامة حبوبة مرة اخري

 

[ibtesem]

مع قهوة الصباح

صباح الخير نروح نشرب القهوة نرجع ليكم:sheer:

 

[nada242008]

يا مية هلا ومرحبا بالغالية عفاف
نورتي اللمة والكوزينة على وجه الخصوص
صح غداكم كامل
انا بقاتلي الشخشوخة من البارح سخنتها

 

[روز]

اهللللللللللللللللللللا عفاف توحشتك ياطفلة وش هذا!!! لي يغيب يغيب كما نتي ولا يحبس ماتعاوديهاش توحشنا ريحة طيابك ^^ الحممدلله راكي بخير
بصحتك ام ندى الشخشوخة اليوم عملت حوت بالدرسة مفور مع خضرة في الألةلي اطيب الارز المرة اللولة استغربتو لما قالتلي عليه وحدة لكنه جا هايل بالدرسة والتوابل احسن من القليان ومختلف على الفرن وصحي تاني

 

[روز]

هاهو الحوت المفور طايب على البخار بنتو هايلة
راهي ماكلة نتاع ريجيم ^^بصحتكم كامل وش طيبتو
بسومة ليك وحشة بوسيلي البنوتة الكبيرة

 

[ibtesem]

اممممممممممممممممم ياروز واشي هدا :cra_zy:
تعرفي شهتيني :schmoll:
والمنضر مخلاش تاني :scared:
بصحتك راها تسلم عليك:shay: