ماذا ستطبخين اليوم سيدتي الجزء 2

[merieme hassi]

صباح الخير عليكم كامل
ياكوثر يحسن عونك وش راكي اطيبي وماكيش تاكلي..كن انا نولي نبكي
ربي يشفيلك الوالد ويحفظلك الوالدة يارب
نانوس راكي تشوفي راني راني نتفرج برك
مريم تروحي وترجعي بالسلامة ناس تلمسان نحبهم من عند ربي بصحتك المبسس شكلو مع القهوة يشهييييييييي
ام ندى ربي معاك في الميناج تهلي برك في روحك ..ريمة وش غداك اليوم انا لحم مشوي وشوي رز وخضرة مفورة

ربي يخليك حنونة
انت من اي ولاية روز
حتي ناس تلمسان يحبوك حنونة و يبعثولك سلام حار
جمعة مباركة

 

[merieme hassi]

تسنيم طعام يشهي كيما تاع الغرب
بصحتكم حنونة

 

[rima29]

مريوووووووووووووووووووومة غداااااك يشهي بصحتكم كامل
حنا اليوم غدانا بوزلوف محمر في الكوشة وكسرة رخسيس وسلاطة​

 

[كوثر الوهرانية]

عضم الله اجركم اختي عفاف رحمة الله الفقيدة و اسكنها فسيح جنانه الهمكم بالصبر
ان لله و ان اليه راجعون

 

[كوثر الوهرانية]

بصحتكم ريما و ندوشة و مريم و روز
انا بالارح كان فري داي يعني منكدبش عليكم دقت من الاك الي طيبته بصح الحلوىكليت غير وحدة صابلي
لبنات شوفوا واش اهداتني بنتي كوثر اليوم

 

[M!ss D!or]

جمعة مباركة
صباح الفل و الورد و الياسمين على احلى سيدات و انيسات
ان شاء الله راكم بخير وعافية
بصحتك حبيبتي مريم حاسي المبسس و البسطيلة و السلاطة لي تشهي
بصحتك غاليتي ام كوتر المطلوع و الملفوف سخفتيني فيه
حبيبة قلبي ام ددوشة راني نستنى في المحاجب سخونين حارين و بالعقل على روحك مع الميناج
اختي عفاف الجزائرية عظم الله اجركم
اختي ريمة بصحتكم البزلوف جبتولنا ريحت العيد مع العصبان و الملفوف و البزلوف يم يم يم

حنا رانا نديرو في كوكا اختي ام ددوشة \اختي لي راهي دير فيها\

صحا غداكم كااااامل ​

 

[M!ss D!or]

ربي يحفضلك البنوتة اختي ام كوثر
والله بوكي يهبل الله يسارك
يارب يحفضهالك
​

 

[nada242008]

صح غداكم.. الحالة راهي مشتية عندنا امطار غزيرة :sheer:
كوكو بوكي هايل ربي يحفظلك بنتك يا رب
مريومة سلاطة تشهي والبريك خلي وخلي يعطيك الصحة يالشاطرة
صفصوفة بصحتكم حبيبتي هيا تقضلي راني حطيت المحاجب

 

[ibtesem]

صباح الخيرات على بنات اللمة :sheer:
الله ابارك نشاط وهمة
الله يرحم الفقيدة ربي اصبركم عفوفة اختي
الله ابارك مريم اطباق مشاء الله سلمتي حبيبتي
ندى واش نعمل فيك:scared: اليوم جمعة تدي دعوة من القلب ربي افرحك ويعطيك
محجوبة تشهي _o:
بصحتك روز انا تاني رايحا نشوي اللحم ونفور الخضرا
بصحتكم يالبنات واش طيبتو
ام منصف وينك
تسنيم الله الله على البربوشة ربي يحفضك
كوكو حبة صابلي للقهوتي بليز اختي هههههههه
يعطيها الصحة كوثر راها تحبك يا فرود ربي اخلهالك
ريمة بصحتكم البوزلزف
صافو الكوكة
نانوس ملاى رانا باع باع الله اكون في العود اختي شدة وتزول:showoff:
نتمنى منسيت حتى واحدة الجزائر الغالية وايمان ​

 

[كوثر الوهرانية]

مريم الله يعطيك الصحة اختي بسطيلة تشهي
ندوشة محاجب راهم يغيروا الله يعطيك الصحة بصحتكم
ريموا بصحتم البزلوف
انا راني باع باع معاكم و الله مكليت والوا اليوم و مرانيش قادة لبارح كي كليت شويا نضريت راهي كرشي والفت الريجيم ههههههههه اليوم راني نعقب فيا بالماء قولولي نقدر ناكل الدلاع راه يبرد بصح قلت نسقسي حباباتب ادا عندنا الحق في اكل الدلاع

 

[M!ss D!or]

يعطيك الصحة عفوفة على المحاجب لي يشهيو
الله يسلمك اختي ابتسام و ربي يكون معاك على الريجيم ​

 

[روز]

عظم الله أجرك عفاف الله يرحم اخت جدتك ويوسع في قبرها

مريم انا من ولاية الاغواط وراني في قطر حاليا
ام ندى الله الله على هاديك المحاجب يشهو
بصحت ابتسام وش طيبتي وريمة
الله يبارك كوثر بوكي ورد مع الصباح شكون كيفك^^ربي يحفظلك البنوتة ويفرحك بيها
وصحيح منين توالفي بالريجيم منين تزيدي على المقدار تنوضي الصباح مقلقة تحسي روحك كثرتي ان شاء الله نوصلو للوزن لي حابينو
وتقدري تاكلي الدلاع راهو مافيهش سعرات حرارية بزاف لكن ماتكثريش

 

[tasnim55]

جمعة مباركة ياغلى حبايب
مشكورين حبيباتي ام ندى مريومة ابتسام انو طعام عجبكم
اخت كوثر مشااااء الله يعطيك الصحة على الاطباق والحلويات والله يشهو وربي يعطيك قوة ويشفي الوالد ويحمى بنتك و الوردات هايلين
مريومة مشاء الله والله شهيتيني في البسطيلة وسلاطة جات هايلة ورخساس لمبسس نموت اعلية بصحتكم حنونة
اممممممممم ام ندى سخفتيني محاجب وعليهم لكلام بالهناء والصحة
و روز ايمان فوفة نانو ام منصف ابتسام ريمو......الخ صح غدواتكم
​

 

[روز]

الله يبارك مريم يشهي يشهي فطور بصحتكم
مي وش هادي وكفاش خدمتيها ياجماعة نسحقو بعضانا في رمضان ان شاء الله(

 

[tasnim55]

عظم الله اجرك اختي عفاف انا لله وانا اليه راجعون
​

 

[nada242008]

الله يسلمكم احبابي بسوومة وروز وكوكو و تسنيم وصفصف
روز نظن هذيك سلاطة متنوعة بالفينيقرات والمايوناز كيما الماسيدوان تعمليها طبقات في مول مستطيل وتغلفيه بال film alimentaire ومن بعد تقلبيها وتزينيها
وبربي ان شاء الله تدوم اللمة ونعقبوا رمضان مع بعضانا
تشفاي على رمضان اللي فات والموائد الرمضانية
انا مازلت نشفى على المائدة نتاعك :sheer::sheer:
كوكو بصحتك الدلاع انت وروز مافيهش السعرات الحرارية بزااف وفيه الما
بصحتكم انا عندي البطيخ هههه:showoff:

 

[merieme hassi]

السلام عليكم
راني جيت:shay:
بصحتك المحاجب ام ندوش الله يبارك يشهيو
كوكو ربي يشافي باباك وما شاء الله علي هادوك الوريدات تبارك الله علي كوثر و ربي يفرح ميمتها بيها
روز الله يبارك علي ناس الاغواط عندهم واحد الشيخ يبيع اللحم المشوي يدوب في الفم جاي علي الطريق الكبيرة تاع المدينة ان شاء الله ربي يهنيك و يحفظلك وليداتك
تسنيم بصحتك الغداء
ريمو بصحتك البوزولوف فكرتيني بالعيد الكبير ربي يحفظك
صافيناز بصحتك الكوكا
ابتسام ربي معاك في الريجيم ربي يحفظك
انا الشطارة طاحت عليا اليوم عملت قاطو ساهل كنت خديت الوصفة من اللمة انا غيرة القلاصاج برك
شوفو معايا الصور و ردو عليا الخبر

مازال معملتهمش في الكيسات علاخاطر معنديش :cra_zy::cra_zy::cra_zy:



​

 

[merieme hassi]

الله يبارك مريم يشهي يشهي فطور بصحتكم
مي وش هادي وكفاش خدمتيها ياجماعة نسحقو بعضانا في رمضان ان شاء الله(

ربي يحفظك حنونة
جيبي مول تاع الكيك و غسليه بالماء و متغليهش ينشف
انا حضرت سلاطة تاع الروز الي فيها ماييز و الجلبانة و التونة و لميتها بالمايونيز و شوية موتارد
و السلاطة الثانية فيها بطاطا و جزر و جلبانة مبخرين و زدتلهم التونة و البصل مقطعين و المايونيز و الموتارد
عملت طبقة الروز ثم طبقة البطاطا و دخلتهم للثلاجة باش تحكم روحها شوية
ثم قلبتها و زينتها بالطماطم و الماييز
و لك الاختيار في الاظافات و التزيين
ربي يهنيك حنونة​

 

[merieme hassi]

جبتلكم وصفة القاطو الي عملتو اليوم
للامانة هده الوصفة كانت عندي تاع ياسمين 177 انا غيرت القلاصاج برك عملت قلاصاج نورمال بالقهوة نيسكافي ​

السلام عليكم هذه الكيكة رائعة وساهلة فتحضير متديش الوقت لقيتها في وحد المنتدى جربتها وعجبتني نشكر بزاف صاحبة الوصفة يعطيها الصحة​

الوصفة
3 بيض + نص كاس سكر وخبطيهم مع بعض ثم زيدي نص كاس زيت ودائما راكي تخبطي + نص كاس حليب في الاخير دير باطة بيمو مرحية و1 خمارة ديريها في مول ودخليها طيب لما طيب خليها تبرد وحضري الكريمة
الكريمة فيها باطة قشدة اي كريم فريش ليست السائلة + 2 حبات فورماج كيري + نص كاس سكر عادي ونص كاس لحظة خبطيهم مع بعض حتى يتخلطو بالباتور او بالفوي راهي مطيبش خلطي كل شي بارد في بارد ثم نحي شوية ملكريمة لونيها بالكاكاو او بالخوخي او الاخضر مسالة اذواق ثم اطلي وجه الكيكة بالكريمة وزوقي بخطوط من اللون وديري خطوط با لسكين كيما الملفاي ودخليها للثلاجة تبرد شوية وشهية طيبة اي حاجة مفهمتوهاش انا في الخدمة تحياتي لكن.​

 

[merieme hassi]

فوفة و ام منصف ان شاء الله خير
اين انتم