ابي وامي

[bilal22]

السلام عليكم يا لخاوه
وكيما لعاده هاذي في خاطر ناس خليه بشعرو ههه

ليوم حبيت نحكي علا وحد الامر

يعني تفكرتو هاذا الموضوع درتو في عضويتي لقديييييييمه
الله يرحمها ههه

الموضوع يحكي علا عقلية الابناء لي يحشمو او يحسو رواحهم جايحين

او كبرو علا هاته الامور

راح تقول وش بيه هاذا وش راه يهدر اوكي درك نقولك

راني نحكي علا لي يعيطو لوالديهم باسمائهم او يقولو الشايب
ولعجوز

اكيد تقولي عادي وش فيها اوكي معليش زيد تبعني

يعني كي تقول ماما او يما او بابا او ابي

وتقول الشيخ او الشايب او تقول لحاجه او لعجوز مكانش فرق
بيناتهم

في زوج ميتعبوش في النطق

بصح الاثر وثم الاثر فوالله حتى ولو تراهم لا يتكلمون ولاكن

صدقني تاثر فيهم كي تناديهم بتلك المسميات

حتى ولو لم تراه في محياهم

ولاكن لما تعيط بكلمة امي ولا ابي صدقني البسمه تخرج في
وجوههم

ويفرحو لانهم عرفو بلي قيمتهم مزالت كبيره
ومازلو بشانهم وتاثيرهم

فيا ريت تفهموني علاه تعيطولهم بتلك الاسامي وتتناسو كلمة الام والاب

هل لانكم كبرتو ام تحشمو ام فات وقتهم ام عدد وعدد هاته او تلك

يا ريت تراجعو حسباتكم

ربي يهدينا برك ان شاء الله

نشكر لكم حسن الانتباه والاصغاء

سلام

​

 

[ÀŁǤ乇尺ĪƝÀ]

اووووااااااااااااااه انا في هاد لحوايج منحشمش خلاه خلاه
بالعكس كي نقول ماما ولا بابا يكون ليها طعم خاااااااص
ومنحبش صراحة اللي يعيط لمو ولا لباباه الشياب ولعجوز
مرسي على الموضوع ..تستهال تقييم عليه.

 

[Rochdi.dz]

هههههه
بلال وش نقلك انا درك؟

معارف انا نقولو بابا يعني baba مش papa
ههههه
و كي نحكي مع واحد عليه نقول الشايب نتاعنا

هاني مانقدرش نقولو ابي يا بلال علاه يعني
ههه

مي العجوز نقلها ما و لا الميمة

هيا تهلالي في روحك بلال خويا
​

 

[الورد الأحمر]

اووو يعطيك الصحة بلال هدا الموضوع او كان في
بالي نديرو مي سبقتني ليه معليش ...
أنا صراحة ما نحبش كي يهدرو هك وينساو لقب
ماما يما وبابا ، على خاطر اي تقيسهم صح
وكي نلقى عبد يهدر هك نديرلو لاغوماغك
ونخليه يدبر راسو في كلامي ...
المهم ان شاء الله موضوعك يوصل الميساج
للمعنيين ويفيقو مع رواحهم...
مغسي عالموضوع بلال، أول مرة تدير موضوع
يصلح ههه، هيا سلامووو

​

 

[الورد الأحمر]

أهلا الحاج مرخوف
صحيت راك طحت في موضوع صحيح
انا من الناس لي يقولو العجوز و الشايب
مي ظرك نفهمك كفاش
هادو الكلمتين منقولهمش قدامهم يعني نقولهم وقت نكون نحكي عليهم نقول الشايب و لعجوز
مي قدامهم و كي نحكي معاهم نقول
بابا و أُما
+
كي قريت موضوعك تفكرت واحد العضوة واحد الباشعة nour_light
نصحتني و قاتلي موليتش تقول عليهم الشايب و لعجوز
و صح من ديك ديت برايها
:shiny::wink:
​

هههه حتى لوكان باشعة روحي مليحة مليحة
سي نو ما ننصحكش بحاجة كيما هدي
مغسي لي جبت سيرتي - أطونسيو بلاش فضايح خخخ-
هيا سلامو يا دودويا
​

 

[AnGeL*dZ]

yay 3la mama wa papa <3<3<3<3<3
حنايا عندنا مكانش اللي يقول لعجوز والشآيـب
زعمـة قدآمـ لغآشي يقولو الحآج والحآجـــة
انآ خويآ قدآم صحآبـو كي يلقا بابا برا
يعيطلو papa وجامي لا تبهدل
هاذو رآهــــــم أغلـى حآجـة في الدنيا
وتغضيهـم كي تقولهـم هاكا
​

 

[صفحة بيضاء]

فكرتني بواحد الموضوع درك شوي نكتبه
المهم خلينا بلمفيد ..بابا اي ماما هدي نتاع اولاد صغار
كي يكبرو يبدلوها ع حسب كل واحد وكيما يبغي
كاين يقولوا شيبانيا نتاعي او شيباني نتاعي وكاين العجوز وكاين لي مزال في ماما
والبنت تقول ماما دائما .. يعني السؤال ينطرح لشباب.. شكرا​

 

[la_safa]

سلاااااااااام

صحيت خويا موضوع مليح
مع اني درتو من قبل هههه

انا نقول papa w mama
مام انا كونطر هادو لي يقولو الشايب و لعجوز
مع انهم المعظم يقولها هههه

مرسي
​

 

[الورد الأحمر]

روحي روحي باينة انت من جماعة papa mama
هههه
تحركي صبعك هك ولا هك نفظحك
:shiny:
​

هههه عيب عليك عادل علاش تهدد فيا ؟ :cra_zy:
انا أو ناس ملاح ما نتحركش مالا ما تفضحنيش
يا ... دو ... دو ... يا
هههه
​

 

[الخيزران]

الشيباني , شيخ,الشايب ,الشيبانية ,العجوز نسمعوها بزاف وفي كل مكان من الوطن
خاصة الشباب دون البنات في رايي ماشي قلة حب واحترام على خاطر نعرف شباب ما شاء الله يقولوها
لكن هذا لا ينفي انو خطأ لان كلمة يما وبابا احلى واعظم بكثير
شكرا خي على الموضوع

 

[يوسےفے]

يا بابا على بابا كون ما نعيطلوش بابا ولا يما ما نعيطلهاش يما نبات بلا عشا........خوتي راني مضعور منهم...درتها وندمت ,,,, زعما بغيت نرvيهم.......كتلني الجوع داك النهار....... هكا تعلمنا في صغرنا وهكا ان شاء الله نربو ولادنا.....كلمة يما ولا بابا كي يسمعوها الوالدين ..صدقوني ...تحس الفرحه تخرج من عينيهم...الله يدومهم لينا و ليكم​

بلال مشكور على الموضوع...الله يحفظك
تحياتي
:re_gards::re_gards::re_gards::re_gards::re_gards::re_gards::re_gards:​

 

[naGam]

السلام عليكم والله موضوع هايل جبتوا والله عندك الحق كايني بزاف جماعة يعيطوا لوالديهم بالشايب والعجوز والحاج والحاجة
مي الحمد لله نعيط لوالدتي ماما ولوالدي بابا وربي يدومها مي وقت العمل والدي مانعيطلوش ب بابا وانما بالشيخ
لان العمل عمل والدك في المنزل فقط

 

[هانا1994]

الشايب & لعجوز نكره العبد الي يقول هاذو الزوج كلمات
يعني قدام ناس يقول هاك ولا في وجه والديه
وعلاه استخسر في والديه يقولهم يما و بابا؟؟
و علاه يحشم قدام الناس كي يقول بابا و يما ؟؟
وهاذي الذكورة هوما الي يقولوها بزاف يعني الجنس اللطيف غير معني بالأمر هه
ايا ميرسي على الموضوع الفوور
ملاحظة ::
1/مبروك كي رجعت موv مابقيتش اخضر هه
2/ أني اكتشفت بلي عندي عضوية من 2008 يا بلبل
من بعد نقولك شكون انا
​

 

[هآجر]

السلام عليكم

هذا هو الموضوع الي كنت تحكي عليه البارح

يا ومان على عضويتك لقديمة ربي يرحمها اقراو الفاتحة

لا علينا

لالامنحشم وعادي جدا نقول ماما وبابا

وسعات نتربج بهم قدام البرانية ونقول ماميتا وبابيتوا

وعادي كلش عادي

العكس هدوهما مومو عيني ونور حياتي

ربي حفظلنا كامل والدينا

وعليكم السلام​

 

[zineb92]

معليش يعطولهم كما يحبو المهم ماشي باساميهمــكاين الي يعيط امو باسمها كاااااااارثة ...

 

[الجريئة]

انا نعيط مامي بابي
ماما كون يعيط واحد قدامها على مو لعجوز
تقولوا يعجز عظامك خخخخ
بصح ماما و بابا احسنها
ومبعد ولا تنابزو بالالقاب
شكرا على الموضوع قمة
+تقييم

 

[آلاء هبة الرحمان]

اهلا بيكم
وش احوالكم ؟؟
انا راني معاك في هذه و مانحبش اللي يقول العجوز تاعنا و لا الشيخ تاعنا لاه زعما كبر و لا يحشم بيها ؟؟

انا نقول أمي و أبي و نقولها بكل فخر و ليا الشرف هاذو راهم اغلى حاجة لينا لوكان يروحو علينا رانا نضيعو
ربي يطول في اعمار والدينا ان شاء الله
و بارك الله فيك على الموضوع

​

 

[ღحنين الروحღ]

السلام عليكم هابلالو
موضوع فور فور
في خاطر ناس خليه بشعرو ههه
مي تعرفني فضولية شكون هاذو ووش معنا هاذي الجملة
المهم نرجع الموضوعك الهايل بالنسبة ليا انا نعيط بابا papaو ماماmama
اما لعزوز ولا شايب مانحابهاش ومانحملش واحد ينطقها قدامي
مي على سؤالك علاش انا خاطيني مي نقولك نوعية تفكيرهم
ناس مبوقلا تحشم تقول ماما ونسات تعبها عليهم وسهرها باه توصلهم وتكبرهم
والشايب نساو لخرجة ديالوا كل صباح باه يعيشهم ويوصلهم لاحسن الاوضاع
مي الله يهدي ناس جايحة مش راح تفهم
النعمة الي هوما فيها حتى يجي نهار ويخسروها لتم يندموا على هاذو الكلمات الجايحين
يخي عباد يخي
ماما=ماما و بابا =بابا حتى اذا شبت ان شاء الله نبقى هكذا
تهلى فالموضوع المزيان
وموفق هابلال
والله يخلي اللومبة ديال مخك باه تزيد تجيبلنا مواضيع زي هكا
بالتوفيق يا بيلوووووووووو يخي ماتزعفش هههههههههههه
سلام

​

 

[محبة الاستطلاع]

السلام عليك ااااااااااااا اسمك ااااااااااااااااااا بلبل راك تمعني عليا والله انا ماما ملي كنا صغار نعيطولها باسمها وكي نعيطولها درك ماما ولا يما ماتشتيش تقولنا عيطولي باسمي وبابا نعيطولو baba
​

 

[الورد الأحمر]

ههه عجبتني ابتسام كي سقسات على
خليه بشعرو خخخخ
مالا بلال خليها بشعرها هههه
ياو ابتسام المونغو روحي لشوشيتا تفهمك خخخ
​