احكمو دياركم واشي هذا.......................

[القلب الابيض]

انا تبانلي لماكلة برا مافيها والو و انا وحدة نديرها مي وشنو مالازمش كل يوم و هي برا فليبيتزيغيا ساعات برك
و علاش الرجال نورمال ياكلو برا و نسا لازم يقعدو مدفونين فالديار حنا عندنا في alger اخرجي وقت ماتحبي نورمال
سلام

 

[mira bey]

انا تبانلي لماكلة برا مافيها والو و انا وحدة نديرها مي وشنو مالازمش كل يوم و هي برا فليبيتزيغيا ساعات برك
و علاش الرجال نورمال ياكلو برا و نسا لازم يقعدو مدفونين فالديار حنا عندنا في alger اخرجي وقت ماتحبي نورمال
سلام

علاه حنا يا ختي وين رانا عايشين في فرنسا وقيلة ياك رانا كامل في دزاير

 

[Jùšt à Gįrl]

تاكل برا ماعليش مي ماشي قدام الناس تمضغ وتمطق
عيب ياخا
اوموان فالفون تاع البيتزيريا ماشي قدام التروطوار
​

 

[aicha02]

هو حاجة عادية ناكلو برا بصح ماشي دايمن
نهار على نهار ماشي صبح ولعشية ومع الليل بزااااااااااااااف

 

[BeSt GlAdiAtOr]

شفتيييي؟ انا ثااابت ناكل البيتزا ..جوايه 9 تع الليل
والله ي في النهار ...غير النسا والبنات ....قتلتونا ...ماعندكش ديااركم"؟ماتديروش لغدا؟
غير الخير؟برك​

 

[iméne09]

هداك لي خص غير نسا يحكمو بلايس في بيزريات مي لي تحب تاكل ماتروحش للبيزيريا تروح للريستو تاكل براحتها ماشي قاعدة كيشغل في زنقة طالع حابط يشوفها تبهديلة بصح ولاو تر من رجال يحكمو شوية ديارهم تقولشي مـــgــرضات اليدين اوموا يطيبو شوية مي لافوت في رجال لي مايعرفوش يحكو في نساهم
​

 

[dana1993]

السلام عليكم
لوكان كل راجل راه حاكم مرتو و بنتو ماهيش الحالة هك
سي بور سا لافوط منهم...​

 

[BREAVE-HEART-91]

واش تحبي اختي رانا عايشين في سطيف ونشوفو بعينينا هذي الظاهرة انتشرت بزاف ومضنش رايحة تروح
بارك الله فيك على الموضوع
ربي يهدينا ويهدي النساء المسلمات

 

[mer10]

nas tatkadam homa ywalou arriere

 

[القلب الابيض]

علاه حنا يا ختي وين رانا عايشين في فرنسا وقيلة ياك رانا كامل في دزاير

و انا ماقلتش العكس ختي رانا كامل ولاد و بنات دزاير و مافهمتش علاه ماعجبكش ردي مي رايك و نحتارمو شكرا

 

[الجندية]

و انا ماقلتش العكس ختي رانا كامل ولاد و بنات دزاير و مافهمتش علاه ماعجبكش ردي مي رايك و نحتارمو شكرا

إيه صح .. إنتي قلتي آلجي قصدك الكآبيتآل
هي حسبت دزآيـر :shiny:
معلش
​

 

[lilaBBA]

وعلاه ختي نتي جامي دخلتي بيزيريا

 

[ISMA.dz]

اختي انا ماناكلش برا مش لانو عيب ولا لانني نعيف الماكلة تع الزنقة لكن نظن اذا كانت ضرورة مافيها حتى عيب المرأة تاكل برا ولاتموت بالشر؟

واذا كانت مضطرة كيما اللي يخدموا واللي يقراو بعيد ماياكلوش ؟

هذا رأيي أختي

شكرا سلاااااااااااااااام​

 

[صغراوي]

كل وقت او وقتو
مي لمرا يلي تجيبها طول الوقت او هيا تاكل برا هذي متصلحش
شكرا على الموصوع

 

[tarek ess]

ههههههههههه بصحتكم وعلى راحتكم

 

[fufa22]

هادا ويـــــن
​

 

[عاشقة FCB]

بلاد الحششششششششششششششمة الحيا
بلاد الإسللالالالالالالالالالالالالالالالالالاام

 

[نتــــــــــاشا]

عليـكم السلام ورحمـة الله وبركـاته

كل وقت بوقتــو، بكري كانو النسـاء مايقدروش يخرجو ياكلو برا نظرا للعقلية تاع أزواجهم، فكيما علابالنا كامل بلي الرجال تاع بكري مزيريين، mais دوكـا الحمد لله الرجال متفتحين وجابلي ربي مافيها والو اذا النسـاء خرجو ياكلو برا ياك ماحرام ماعيب ،ولمرا الحدود ديالها واضحين وضوح الشمس، وماكاين حتى دليل يقولك النسا ماعندهمش الحق ياكلو برا لا في الكتاب ولا في السنة، حبيت نقول برك بلي المرا عندها الحق كي هي كي الراجل في بعض الامور كيما الدراسة.....الخ
ومكلاه تكونو متعصبيــن في عفايس كيما هاذو،خاطر كل واحد حر في حياتو ساسوا راجل ولا مرا، وبلاك نتي صاحبة الموضوع تكوني من المتسابقين الى البيتزيريات

تحيــاتي...

​

 

[لاجودان شاف]

​

ومكلاه تكونو متعصبيــن في عفايس كيما هاذو،خاطر كل واحد حر في حياتو ساسوا راجل ولا مرا، وبلاك نتي صاحبة الموضوع تكوني من المتسابقين الى البيتزيريات

​

تحيــاتي...

السلام عليكم
ماجاتش ختي في متفتحين ولا متعصبين جات في حوايج برك ما يليقوش برك على المرأة

والله ساعات تشوف تصويرة هكذاك يطيحلك المورال

مرا حاكمة هومبورغار ونازلة فيه قدام الرجالة وحاكماتو بزوج يدين وعباتو هريسة

ومن بعد يطيحولها حبات فريت تعاود تهزهم وتاكلهم ومن بعد يسيحلها شوي مايوناز على خدها

وصاحبتها تقولها امسحي امسحي منا

كانت المرا هي الملكة تاع الكوزينة وتاع النظافة والمالكة مليحة

الان ولات ما تعجبهم غير ماكلة الرجال ووشمن رجال

معلش كون غير جاو عندهم ميتيات تاع طباخين ويعرفولها نورمال

الان لي ظرو راسو من ليجان لا خدمة لا قدمة غير الكيف ودعاوي الشر

يقولك صاي انا راح نتوب ويروح يدر فيها قرض من لونساج

يخرج فيها ماتريال تاع بيتزيريا ويعشي يخدم وارواحو يا الحراير تاكلو

والله أعلم
شكرا
:re_gards:​

 

[joker-17]

نقص الحكم من الرجال