احكمو دياركم واشي هذا.......................

[مينة آلاء الْقُدُّوس]

شكرا على الموضوع اختي مي نظن كي ماشي محرمة قاع لاباس ​

 

[نتــــــــــاشا]

​

السلام عليكم
ماجاتش ختي في متفتحين ولا متعصبين جات في حوايج برك ما يليقوش برك على المرأة

والله ساعات تشوف تصويرة هكذاك يطيحلك المورال

مرا حاكمة هومبورغار ونازلة فيه قدام الرجالة وحاكماتو بزوج يدين وعباتو هريسة

ومن بعد يطيحولها حبات فريت تعاود تهزهم وتاكلهم ومن بعد يسيحلها شوي مايوناز على خدها

وصاحبتها تقولها امسحي امسحي منا

كانت المرا هي الملكة تاع الكوزينة وتاع النظافة والمالكة مليحة

الان ولات ما تعجبهم غير ماكلة الرجال ووشمن رجال

معلش كون غير جاو عندهم ميتيات تاع طباخين ويعرفولها نورمال

الان لي ظرو راسو من ليجان لا خدمة لا قدمة غير الكيف ودعاوي الشر

يقولك صاي انا راح نتوب ويروح يدر فيها قرض من لونساج

يخرج فيها ماتريال تاع بيتزيريا ويعشي يخدم وارواحو يا الحراير تاكلو

والله أعلم
شكرا
:re_gards:

​

لالا خويا في هاذي اسمحلي، الماكلة مافيهاش حشمة،واش فيها اذا طاحلها مايوناز على وجهها علاش احنا ملايكة فالدار ناكلو ومانطيحوش، لازم النـاس يعيشوا حياتهم بعفوية ومايديروش حساب لكل حاجة، هاذي هي الدنيا،وديجـا كاين نسا خدامات مايكفيهومش الوقت يروحو للدار لازم ياكلو برا بالسيف،وكلامك الأخير ماعجبنيش صراحة نتوما تضلوا تشكو من البطالة وفي الاخير تجي تقولي ماعندوش ميتي تاع طباخ ،المهم خدمة وخلاص ومتقونة،وخدام الرجال سيدهم ياخويا .
المهم هذا رأيي نتمنى نكون وصلتو،والمغزى تاع كلامي هو مكاش فرق بين المراة والرجل في بعض الميادين

تحيـاتي...
​

 

[لاجودان شاف]

هو مكاش فرق بين المراة والرجل في بعض الميادين​

تحيـاتي...​

السلام عليكم
راني معاك ختي معليش تاكل وتاكل على روحها وبصحتها وستاهل بصح البرا شوي
علابالك وشي هي اجمل حاجة في المرأة هي الانوثة تاعها
حتى الانوثة تغلب الجمال ساعات وتقيس الرجل كثر من الجمال
بصح كي تشوف مرا تاكل هكذاك تصماطلك شوي
وزيدي كاين كاين لي مايعرفوش لا ياكلو لا يقعدو مليح
+
بالنسبة للكلام لي معجبكش
ختي مقلناش ما تخدمش اخدم على روحم بصح اتعلم برك
يا ختي هاذي راهي مكالة ياكلها الانسان وتتدخلو للامعاء تاعو مش لعب
يا خويا اتعلم مليح ولا دير ستاج عند يماك ومطيب على روحك

صح فطوووووووووركم​

 

[nasamet]

الماكلة برا ماشي عيب بصح ماشي كل يوم ........

 

[baby67]

pour moi

hna 3ela 7ssab nessa parce que kayan li yalgawha la3ba kol youm tal9ayhoum fe les pezirya " walfouha " hna twali marga chewiya 9assdi bezzaf

ou kayan li par examples yakhadmo ou mayal9awch win yaklo .wala kayan des famille ykono ydoro yachro wala y7awsso oumba3ed yjo3o lazem 3lihoum yadakhlo les pezirya . donk f hadi normaL
​

 

[Sẻl Mā]

هوما مش الهدف تاعهم يروحو ياكلو بيتزا عندهم هدف واحد اخر
مغسي على الموضوع

 

[نتــــــــــاشا]

هوما مش الهدف تاعهم يروحو ياكلو بيتزا عندهم هدف واحد اخر
مغسي على الموضوع

واشنــــو هو الهدف يا أخت سلمـى تقدري توضحيلنا كتر خاطر مفهمناش ، ماتخليهاش في قلبك قوليلنا i-o:
خاطر انا شخصيا مانفهمش الهدرة تاع لمعاني نحب carte sur table

المهم ماتضنيش بلي نسا كامل يخمو نفس التخمام ديالك، اذا كنت نتي تخمي هكدا هذاك شغلك حنونة اوك
نستنــى منك رد ......... تحياتي​

 

[ISMA.dz]

والله راني محتارة من ردود افعالكم اتسما وحدة فيكم ماكلات برا؟اللي تقرا ولاعندها ظروف تموت بالشر معاكم؟انا قلت قبل ماناكلش لاني نعيف الماكلة تع الزنقا لكن لو ماكنتش نعيف مافيها حتى مشكل وناكل خاصة لما كنت نقرا وبعيد الحال من الجامعة لكن راني نشوف فالبنات مزيرين الحالة

تحكيو خاطر راكم في لي اتساع افرضوا رحتو مكان بعيد ويوميا هاكا ماتكلوش فلبيتزيريا؟

انا من وجهة نظري مافيها حتى مشكل البنت تاكل برا لكن اذا شرحتلي اختي سلمى السطايفية واش هو الهدف الآخر
احسن يمكن نغيرو وجهة نظرنا!!!!!!!​