حاجة شفتها في المنتديات الغير جزائرية و تخص الجزائريين و حيرتني و حابة تفهموني فيها

[MiSs Sisi StyLe]

غاشينا يحلبو البراني بزاف و ولد البلاد يركبو عليه

هههههه عندك حق
شكرا على المرور

كل كلام صح ياريت يوما ما الثقافة تاعنا تكون مشهورة في كل العالم مشي في الخليج برك ....يسلمووو على الموضوع عفوا يعطيك الصحة على الطرح ههههههه تحياتي

ان شاء الله
العفو و شكرا على المرور
​

 

[عبدو28]

هوما عندهم نورمال وزيد هو يقرا ويتعلم في لغات اخرى .واش يدير بلهجتك
وزيد حنا لي روحو بزاف للمنتديات نتاعهم .فهمتي يالفحلة ولا

 

[La contesse]

وااه ختي كاينة هادي و للله ديفوا يقولي راسي نسجل على جالهم في داك المنتدى و نعايرهم ​

 

[MiSs Sisi StyLe]

وااه ختي كاينة هادي و للله ديفوا يقولي راسي نسجل على جالهم في داك المنتدى و نعايرهم

ههههه متعمريش راسك بيهم حنونة مايستاهلوش تتشوه صورتك قدامهم
مرسيـــــ على المرور و الرد العطر​

 

[amouna.dz]

موضوع هايل اختي
والله انا تاني لاحظت هاد الظاهرة بزاف
خاصة في المنتديا ت اللي فيها اعضاء من كل البلدان العربية
نورمالمو كل واحد يوصل ثقافتو ولهجتو للناس الاخرين

ولاحظت خاصة لبنات الجزائريات المسجلين في المنتديات يردو على المواضيع ويطرحو مواضيع بلهجة مخلطة سوري خليجي المهم مش جزائري
مانعرف لاه
بارك الله فيك اختي لطرح الموضوع الهام
​

 

[الخيزران]

علاه تروحي بعيد سيسي
شحال من خطرة ندير رد لكاش واحدة هنا في اللمة تقولي تؤبر قلبي
نركز شويا ونفوتها
هذي عقدة راسخة مان قدروش ننحوها
شكرا

 

[*ايمان*]

انا معاهم نستخدم اللغة العربية

او لهجتنا
منحبش نحكي بلهجاتهم

لهجتنا احلى
​

 

[MiSs Sisi StyLe]

علاه تروحي بعيد سيسي
شحال من خطرة ندير رد لكاش واحدة هنا في اللمة تقولي تؤبر قلبي
نركز شويا ونفوتها
هذي عقدة راسخة مان قدروش ننحوها
شكرا

ههههههههه هادي تعقدت من باب الحارة و هاديك الجماعة
مرسيــــــــــــ على ابداء و المشاركة برايك

انا معاهم نستخدم اللغة العربية

او لهجتنا
منحبش نحكي بلهجاتهم

لهجتنا احلى
​

يعطيك الصحة اختي
شكرا على المرور و ابداء رايك

موضوع هايل اختي
والله انا تاني لاحظت هاد الظاهرة بزاف
خاصة في المنتديا ت اللي فيها اعضاء من كل البلدان العربية
نورمالمو كل واحد يوصل ثقافتو ولهجتو للناس الاخرين

ولاحظت خاصة لبنات الجزائريات المسجلين في المنتديات يردو على المواضيع ويطرحو مواضيع بلهجة مخلطة سوري خليجي المهم مش جزائري
مانعرف لاه
بارك الله فيك اختي لطرح الموضوع الهام

صح عندك حق
شكرا على المرور و ابداء الراي​

​

​

 

[lebien]

حنونا حنا وصلتنا لهجتهم او حتي ولينا نفهموها او نهدروها (انا ماشي هاد النوع) المهم حنا باش يتعلموا لغتنا سي فري عندنا بعض الافلام لاكن لا اظن انهم اشفوها كيما حنا او نتي وين شفتي فيلم جزائري في كاش قناة غير جزائرية ادا شتوه مدا بيكم اتقلولي صحا فطوركم سلام

 

[tarek ess]

اسمحولي بصح هناك بعض الجزائريين عندهم احتقار للهجتهم اما م الشعوب الاخرى بصراحة مخلوعيين
واللي يقول الله غالاب ما يفهموناش على خاطر الاعلام انا نقلوا انت في المنتديات وكي تتلقى معاهم احكي باللهجة تاعك يرجعوا يفهموك حتى هم مصطلحاتهم بعيدة عن اللغة العربية

 

[لاجودان شاف]

السلام عليكم
صح عندك حق
بصح المشكل حنا لهجتهم نفهموها ونقدرو نهدروها
هوما والو تباني تهدري قدامو بالشينوية
بصح معلش خلي الشعب يزهى شوي
الدارجة تاعنا ما خرجتناش خلي يهدرو شوي سورية كشما يربحو
شكرا​

 

[AHLEM1992]

ما تنخلعيش باسكو حتى لهنا في هدا المنتدى ( الجزائري) يحكو باللهجة تاع المصريين و الخليج و ...
بارك الله فيك ختي ..​

 

[ISMA.dz]

ههههههه

عندك الحق
انا نحب غير المنتديات الجزائرية ومشاركة غير هنا فاللمة مانخالط مانبدل لهجتي​

 

[هدى]

صحا اختي عندك الحق وانا تانا تقلقني الظاهرة هادي بزااااااااااااااااااااااااااف
بصح ماتلوميش المشارقة كي ما يفهموناش
اولا ماعدناش اعلام
وثانيا احنا كلمة عربي وعشرة فرنسي
انتي تبانلك روحك اكي تهدر عربي مي كي تجي تفيقي مع روحك تلقاي نص هدرتك فرنسي
بصح احنا كي والفنا بيها تجينا نورمال بصح كيفاه حبيتيهم يفهمونا
احنا الجزايرين برك بصراحة تفهمي المغاربة كي يعودوا يهدروا ؟؟؟؟؟
خاصة احنا ناس الشرق والله مانفهمو عليهم كلمة بالرغم انو لهجتهم قريبة لينا فما بالك بالمشارقة
ومش هدرتي هذب معناها مع الناس الي تهدر بغير لهجتها
انا مع لهجتي ونهدر بيها ولكان مافهموش عليا نهدر باللغة العربية الفصحى ومانستعملش لهجتهم مش تعصب ولكن احتراما للهجتي
ماارسي على موضوعك اختي
تحياتـــــــــــــــــــــــي
​

 

[meriem150491]

انا علابالك كي نشوفهم يحكيو بلهجة غير تاعنا يضربني الجن لحمر ويزيد لصفر بففففففف اي هنا في المنتدى وساعات يحكيو بيها انا نعتبرهم ناس تافهين ومعندهمش هوية هاهاها

 

[zagane]

سلام عليكم

أو حتى في منتدايات جزائرية يردوا عليك بي يسلمو و ......................................

صح فطورك

 

[البركه]

وعليكم السلام

حتحنى ( مام احنا ) عدنا نفس المشكل
بلاك شبحتي ( شفتي ) ردودي بكل كلمات سيوفية بصح نحط الشرح تاعهخا كيما راكي تشوفي
انا ننصح كل واحد فينا يعمل نفس الطريقة على اللاقل تحافظ على تقاليدك وفي نفس الوقت راك توصل فلهجتك ليهم ...

موضوع هايل فكرة اروع بيان سير من عند وحدة معقدة كيفك ههه
​

هذا الحل الممتاز
انا من الخليج من الكويت واكثر المعانى ما افهمها
طريقه ممتازه للتواصل

 

[MA§§!N!§§A]

عندك الحق
هدي لا زم نوقفو عندها كااامل

نولهك لحاجة
رووحي شوفي حورية المطبخ برك جزائريو و تهدر باللهجات كامل و ساعات برك وين تلوح كلمات جزائرية ههه

/نتليشارجي فيهم ليما برك ماتقوليش راهو يتبع فيها
سلام

​

 

[زينوبة زيزو]

تؤبريني على هيك موضوع ههههههههه نتمسخر برك
انا اصلا مسجلة في زوج منتديات هاد واحد والاخر دزيري يعني راني نتعامل غي مع دزيرين
وان شاء الله لهجتنا تتفهم باه بقدرو لعباد يتعاملو بيها

 

[ميسومة الدلوعة]

السلام عليكم
والله عندق حنونة هدا واش يكرهني كي يبدلوا اللهجة تاعهم واش تحشموا بيها او بعد نتوما ردوا بلهجة تاعكم وكي ما يفهموهاش فهموهم خليوهم يتعودو
انا وحد من ناس نحكي بلهجة تاعي عجبتك اتعلمها خاطر ما نبدلهاش ما فهمتش نفهمك ما عاجبتكش وحابني نحكي كيفك الله غالب ما عندي واش نديرلك ما تحكيش معايا هادي هيا
شكرا