شكون عندو ام كيما هادي

[قلم مجروح]

[SIZE="5"]السلام عليكم اخوتي اخواتي
انا انصاف في عمري 18 سنة ...فوت الباك هاذ العام ......دعولي ربي ينجحني ..بغيت نفتح قلبي ليوم و الله لتعمر ومنزيدش نتحمل اكثر اسمعوا قصتي و احكموا
اه يا ربي مناش نبدى .. تربيت في عايلة صعيبة بزاف ..امي شخص يحب السيطرة و لا مرة في حياتها قربتني منها ول حسستني بلي هي امي ..ومش غير انا gاع خوااتاتي ..وصلت طردتنا من الدار :tears:و بابا ..الحاضر الغايب كي يكثر يقوليها زوج كلمات و صايي انا و الله لعييت بزاف ..بلا سبة تعايرني و تسبني و تدعي علي ..تخيلو ام تقول لبنتها ..الله يعطيك الشر ...تحملت...و تحملت ...واحد نهار قاتلي روحي تغسلي لماعن قتلها دقيقة و نجي ..ايا بدات تعاير ..نضت نغسل مي هي محبستش..قتلها ياك راني نغسل ..هداك وين زادت ..قتلها ما تعايرينيش ..جات ضربتني ..malgré راني كبيرة ...و زادت جابت الما حامي و قاسته عليا ..حرقتني:tears: ..كي جا بابا ...بدا يلوم فيا و مبعد كي شاف رجلي عيط لخويا داوني لسبيطار ..3eme degrée انا بقيت غير نبكي ..كي جات اختي لمتزوجة عشية ..بقات تبكي ..كلي هي لمظلومة :angel:...انا مرضت و مقديتش ننوض من لفراش ..كنت مشتاgة لي يجيبلي كاس ما ...دروك راني الحمد لله ..راني نوض و نتمشى مي لي غاضتني انو بابا ماقالها والو ...طفرت فيا غير انا ..راني حاسة بلي مكانش لي يحميني ...والله ل راني نكتب و نبكي:tears: ..كي نشوف صحاباتي مع ماتهم ...نغير .. وتغيضني عمري..يا ريتني تربيت يتيمة ...ول هاذ الحالة ..عام اللي فات كيما هاد الوقت كنت نسمع في القران حتى بديت نبكي و نتخبط جبنا الراقي قال فيا سحر درت واحد 20 رقية مي ربي مزال مجابش الشفاء ...كا العادة ماما معجبهاش الحال ..بقات تعايرني بمرضي ...وحكات لgاع الناس مع اني قلتلها متحكيش...وخطرات تقولي راكي غير تلعبي فيها ..انا يا خوتي و الله لعييت ...سمحولي طولت عليكم ....عطوني رايكم في واش راه صاري فيا ....في ميزكم ..واش هو الحل؟؟[/SIZE]

 

[ندى الأيام]

ربي ينجحك و تنسي كل همومك الشدة في ربي اختي

 

[آمِيْرَتُه]

أختي أولا نتمنالك النجاح ان شاء الله و الثانية واش ديري صبري ماتنسيش الله مع الصابرين و مهما يكون هذيك أمك كيما يقولوا تمضعك بصح ماتاكلوكش و ربي يجيبلك الشفاء و سألي باباك يمكن ماشي أمكم و الله أعلم

 

[chouchou rose]

انجحيو ادي الباك و روحي تتزوجي في داااارك
هذا هو الحل

 

[ماكانش]

اهلا بيك اختي بين احضان خواتاتك هنا في اللمة
ان شاء الله تلقاي القلب الحنون عندهن
واياكم من الذئاب التي تستغل طيبة القلوب وتستغل هذه المواقف قاتلهم الله انى يؤفكون ...
والله حكايتك هذي فكرتني بحاكية بنت مسكينة شكاتلي من يماها حتى هيا صاريلها هكذا و اكثر
ديما تدعي فيها ماتهدرش معاها ووو
للأسف كاين أمهات مايستاهلوش وصف الأم ولا مرتبة الأم ومايستاهلوش منصب الأم ...
ماعليك غير تصبري لنو مهما يكون راهي امك
اصبري وماتكثريش معاها الكلام ولا تخالفيها وربي فرج عليك
راهم كاين بزااااااف وبزاااااااااااف امهات مثل الوالدة تاعك
وكلنا عانينا ب ونعاني ولكن وجدنا الحل الأفضل التغاضي وغض الطرف والصبر حتى يفرج ربي
لنو الأم بلاصتها كبيرة بزاااااااف واش نديرو غير نسكتو ونصمطو وانقصو منها ...
الأب غالبا تلقايه مايقدرش يخالف مرتو وللأسف حتى ولو تكون ظالمة وخاصة المرأة المتسلطة كيما قلتي
هذيك الطفلة الي حكيتلك عليها قاتلي بابا كره يما ولا مايدخلش للدار بزااااااااااف ...
يعطيك الصحة ختي وربي نجحك في الباك ​

 

[ما فهمت والو]

السلام عليكم
ربي يصبرك اختي ممكن يكون ابتلاء من الله

 

[ramdan]

ملي و انا صغير نشوف ديما لعيوب تع ماما جامي شفت حنانتها و جامي شفت بلي هي تانا عندها مشاكلها و بلي كي كانت تقسي عليا كانت تحب تربيني و تخرج مني راجل و كي ماتت ندمت على الدقيقة اللي ما حنيتش عليها وهنيتها من الشي تع حوايج و درك راهي خااااااااااااااصتني بزااااااف بصح ما بقالي غير ندعيلها بالرحمة

 

[بنـ MaPa ـت]

والله يا ختي مالقيت واش نقولك تعجبت بزاااف من لي حكيتيه على يماك ماتدخلش في راسي انو ام حقيقية تعمل هكدا لبنتها....ماعليك غير تصبري وتتحملي ونشالله كي جيبي الباك تتهناي
وربي ينجحك ويجعل الهناء والسعادة في حياتك

تحيآآ’’تي
​

 

[نقطة حبر]

كل واحد في الدنيا عندو مشاكل ماشي غير انتيا
وانا نقلك ان شاء الله اتجيبي الباك وتتهناي

 

[نتــــــــــاشا]

السلام عليكم ورحمـة الله وبركــاته

اختــي اصبري فان الله مع الصــابريـن، على بالي راح تقولي بلي الكلمة هاذي سمعتيها بزاف وصبرتي بزاف وعييتـي من الصبر بصح واش نقولك زيدي تحملي شوية ،وانشالله راح تدي الباك ويفرج عليك ربي ويتحل قدامك باب كبيــر وتطلعي للجاميعة وانشالله تلقاي ولد لحلال اللي يسترك و تتهناي معاه
مي قبل كل هذا حاولي تتقربي من يماك واهدري معاها وقوليلها بالعقلية علاش تعامليني يا ماما هكذا ؟ قوليلها آسكو درتلك عفسة عيانة اللي تخليك تعامليني بهاذ الطريقة؟ اتقربي منها بالاك هي عندها مرض نفسي ومافقتولهاش، خاطر كاين بزاف اللي يمرضو النفسية ويصرالهم هكا
في الأخير حبيت نسقسيك زعما هاذي المرأة امك الحقيقية؟ حاولي تعرفي.

نتمنى نكون عاونتك حبيبتي وماتعمريش راسك بزاف هاذي دنيا راهي فانيـة ومايبقاو غير الاعمال الصالحة ديالنا عند ربي سبحانو، ربي يشفيك وينجحك واعتبريني كيما اختك سورتو كي رانا كيفكيف في لعمر


تحياتـــــي ليك...
​

 

[نسيم الربيع]

ربي ينجحك وينجحنا ختي
واش حاديري ختي اصبري ومتعانديهاش وخلاص وادعيلها ربي يهديها
وماتحوسيش على الحنان فبلاصه اخرى باه متدخليش فمشاكل كثر
ربي يعينك ختي ويفرج عليك​

 

[nesrine17]

اولا شكرا على الصراحة
ثانيا امك غير واقعية جامي شفت ام هكدا حنونة تاكدي بلي راهي يماك بالك ماشي يماك انتي كبرت معاها وقولتي ماما ووووو ...... مي انتي تاكدي ولا شوفي طبيب نفساني احكيلو على واش راهي ادير واهدري مع باباك بالك تروح ويشوف حالتها ويعالجها لانو واقعيا هادي جن ماشي انس مع كل احترااااااااااااااااااااااماتي لكي حنونة
ثالثا وعلى ما اظن راكم مسحورين بالك سحركم كاش واحد يكرهكم باش تكرهكم يماكم امنى ان اكون قد افدتكي
سلاااااااااااااام وارجو من الله ان يوفقكي في دراستكي والباك بادن الله اجيبيه يارب

 

[Manii Grandmother]

وعليكم السلام ..
صح صعيبة بزاف تشوفي ناس تظلم فيك وانتي ماعلابالكش وعلاش وواش درتيلهم ؟ سيرتو من يماك الي لازم تكون كيما صحبتك مي واش ديري ياختي ماعليك غير تصبري و تتحملي و ادعيلها بالهداية .. وكيما قالولك اتقربي منها وسايي تعرفي وشبيها بلاك هيا تانيك راهي مسحورة ولا كاش مابيها !!!

انشالله تجيبي الباك و ترضى عليك يماك وتنساي قع واش راهو يصرالك

​

 

[{مُدَلَّلَتُهُ}]

ما عرفتش شا نقولك اختي ربي ينجحك و تجيبي الباك ان شاء الله و ربي يشافيك

اما امك الله يهديها

 

[HANINA]

يا اختي ماكاش كيما اصبر والصلاة هادوا واليدن اصبري وادعي ربي يهديها كثري من الصلاة والدعتء للهداية وربي معاك ان شاء الله

 

[DARINE05]

rabi yakon m3akkkkkkkkkkkkkkkkkk

 

[ranoche]

ربي يهدي ان شاء الله اصبري و تحملي هذي يماك الله غالب مي لازم تقراي وتنجحي وربي يفرحك و تعيشي بكل سعادة مازالت الدنيا قدامك ماكيش عارفا مكتوب ربي و واش يصرا من باعد ...

 

[loca]

مكاش قاع منها هادي تجيبي باك وتتهناي علاش مغاديش قاع تستحقي يماك ؟ تسحقيها تسحقيها
مترجعيش لداركم كي تروحي لجامعة ؟ من تزوجي يخطبوك من عند جوارين ؟ شكون برانية لي تخملك قشك تاع عرس
ديجا غي كابتك كي تروحي تقراي في جامعة شكون غادي يخملهالك شكون غادي ينوضك صباح تحفظي وهكا
لالالالالالالالالالالا انسي فكرة تجيبي باك وتتهني سقسيك باباك قوله هادي ماما تاع صح ؟ منضنش يماكم بلاك مرت باباك
باباك علاش ميخوفهاش بطلاق ياك جائز هدا ولا يخوفها باي حاجة
ادا كان صح واش حكيتي ان شاء الله يا ربي يا ربي يهدي يماك هدا مكان ان شاء الله يهديها ​

 

[mer10]

rabi yahdiha whadi yamak kima kalak hawli tatkarbi manha bazef bach tafahmak wtafahmiha wkhodi ray mamak

 

[قلم مجروح]

و الله ماراني عارفة واش نقولكم ... كي دخلت ..قلت ماغادي نلقى حتا رد ..كنت دايرة في بالي غادي تتجاهلوني ..كيما تجاهلوني gاع الناس ....بغيت نقوليكم ..صحيتو ..وقفتكم معايا والله مننساها
نولي لموضوعي .....اللي حكيته ..والله ل صح وربي راه شاهد على واش راني نقول ...وهي امي الحقيقية ...و مستحيل يكون فيها سحر لانها دارت رقية شرعية ...ومستحيل تاني باه تهدر معايا بالعقلية ...حاولت نتقرب منها في الماضي بصح دروك ...منجمش..من بعد اللي دارته فيا ...ومستحيل تتقبل فكرة الطبيب النفساني ...هدرنا معاها من قبل ...قالت انتوما الي مورضا واختي خديجة 14 gاع خواتاتي قراو في الجامعة وعمرها ما خملتلهم الكابا ....كي كنا نقرو نوضو وحدنا ول ينوضنا بابا ...واش عندي ندير غي الصبر ..نشاالله ربي يفرج ....اتمنيت برك لوكان جات عندي ام كيما gاع الناس...هي شايفا روحها هي الصح و حنا اللي غالطين ...دعولي ربي يفرج عليا برك ..