سحور بخور عمي قدور , خلاو الرقية وراحو للدكتور

[الجندية]

احنا عنا يقولو سحووور بخوور عيشه بنت قدور ههههههههههههههههه
لا حول ولا قوة إلا بالله في رأيي اللي جاهل مكمل هو اللي يأمن بيهم مزال
​

 

[EL General]

حنا عندنا في الكارتيات تاوعنا لي دورو
اسمهم الشوافات و السحارات
ربي يسترنا منهم يديرو كلش البلاء كامل عندهم
شكرا على الموضوع
​

 

[nina bonoise]

الحمد لله لي فقتو و رقيتوها مسكينة​

يعطيك الصحة ختي على المرور
و ممنوع تسلاف القش


[/center]

الحمد الله و الله
اه وي ممنوع التسلاف
​

 

[قلم مجروح]

المهم أنا كي رحت لعندهم شفتها كيفاش تتعوج كي تسمع القرآن و كيفاش يولي و وجهها و ساعفتها للراقي و شفت بعيني و لثم صح آمنت
و المشكل الكبير وينو
أنو السحر ماهوش وحدو معاه جني يعسو باش مايخليهش يخرج
و على هادي مسكينة يعذبوها و كي ينطقهم الراقي و يهددهم يخرجو و منبعد يزيدو يجيو وحدوخرين
على خاطر راهم مبعوثين .

​

السلام عليكم...كل الشكر على الموضوع المميز
والله انا قصتي تشبه الى حد كبير قصة خالتك .. والمشكل اني رحت عند واحد قالولنا راقي و هو مشعوذ :scared: ..انا فقت بيه و قريت عليه القران ..وهو عرف بهاذ الشي و شحن عليا ..كل مرا يديرلي سحر جديد ..راني في عام على هاذ الحالة و ربي مزال مجابش الشفاء ..و الله السحر شيء واعر و صعيب خصوصا كي يكون معاه جن ..الله يبعده عليكم و على كل المومنين ..قولو امين

 

[النورس]

مرحبا ميمي موضوع سخون و يخلع كيما سخانة الصيف هادي ههه
علبالك لازم نولو نفرقو بين المشعوذ لي يدير السحر و بين الراقي اللي هو انسان مؤمن و تقي
يتلو عليك أيات من الكتاب الحكيم مخصصة لطرد السحر و الجان

حبيت نقول برك والله اللي تغيضني اكثر كي نشوف ناس مثقفين يروحو لمشعوذين
هادو اطباء و اساتذة و دي كادر والله يحيرو
ولا تشوف وحدا قارية و جامعية تروح لمشعود بش يشوفلها راجل:huh::surrender:
ممبعد يتمسخر بيها و ويولي هو متزوج بيها فالحرام
نظن فهمتوني

اما الرقية راهي حاجة شرعية ومليحة و لي يشك في روحو بيه حاجة لازمو يرقي
و بيناتنا لازمكم تعرفو انو الانسان المسحور ميكونش عارف روحو مسحور و انما يفوقولو الناس لي عايشين معاه
+
عندكم كاين ناس لاعبينها من الرقاة و هوما مشعوذين
كي تجي ترقي روح لأمام جامع ولا راجل تقي و معروف​

 

[missa_1]

سحور بخور عيشة بنت قدور
يعطيك الصحة يا زينة موضوع قمة
صح كاينين مزالو يامنو بهذو الصولح وتجي من بعيد يحوسو ويسقسو عليهم
نشفى هذا العام فالشتا كنت رايحة ندير لتيد خرجت بكري من الدار لقيت واحد المرا هي وراجلها قتلي سمعي بنتي متعرفيش هذيك الشوافة وهذي راهي شوافة مشهورة عندنا يجوها من البعيد تلقاي عندها ليكليو غير فلان وفلان والتموبيلات منقلكش تحسبيها لويزة حنون جاوها ضياف
ايا قلتلها انا نعرف الامام هذاك الفلاني يلا نديك ليه قتلي لالا مستحقيتش
قلها رجلها شفتي صغيرة وتعرف خير منك قاتلو هي مشي قدامي وسكت انت
والله عجب حرت فيهم جايب راجل كامل بمستاش لعند شوافة تجر فيه
الله يهدي ما خلق
مشكورة حبيبتي موضوع قمة​

 

[kojak]

هدي ماكان نمها نصدقها على الرسول برك:showoff::showoff::showoff::showoff::showoff::showoff::showoff::showoff::showoff:

والله يا :shiny::shiny:كنت نكتب في الرد وتفكرتك ههههه
وحدة جارت صاحبي تسحرت جابو واحد مرقي وشوي تبالي يتعامل مع الجن ولا مانعرف واش ...
ايا قاللها في اليوم الفلاني سلفتي بيجامة روز لفلانة وسحراتك فيها
قالتلهم صح ؟؟؟
​

[/QUOTE]

 

[الشلفي02]

السحور كاين منو
وعلاه ياك ربي علمو للملكين هاروت و ماروت
و هذو الملكين كانو في بابل " قرتي سورة البقرة باه تعرفي قصتو "
و الحمد لله عندي صاحبي راقي يسمة ماشي أندير فيه كونفيونس برك
و على كل حال مليح الواحد يرقي لروحو علابالي بلي تبانلك صعيبة مي قضية مداومة برك و تأمني بربي

شكرا على الموضوع

 

[**نجلاء**]

السلام عليكم...كل الشكر على الموضوع المميز
والله انا قصتي تشبه الى حد كبير قصة خالتك .. والمشكل اني رحت عند واحد قالولنا راقي و هو مشعوذ :scared: ..انا فقت بيه و قريت عليه القران ..وهو عرف بهاذ الشي و شحن عليا ..كل مرا يديرلي سحر جديد ..راني في عام على هاذ الحالة و ربي مزال مجابش الشفاء ..و الله السحر شيء واعر و صعيب خصوصا كي يكون معاه جن ..الله يبعده عليكم و على كل المومنين ..قولو امين

ان شاء الله يا ربي يشفيك أختي و يبعد عليك البلا
ماكفاكش اللي كان مديور زادلك هاد المشعوذ يا ربي و استر برك
​

 

[قلم مجروح]

هههههه.....يعطيك الصحا يا اختي نجلاء ..انا وكلت عليهم ربي..

 

[**نجلاء**]

هههههه.....يعطيك الصحا يا اختي نجلاء ..انا وكلت عليهم ربي..

صح و الله ربي ينتقم منهم
​

 

[la_safa]

هيلو هيلووو ميميتا

ايـــه يا السحور خلي برك كون نبدى نحكي ماتكملش
مام انا شفتهم قدامي كيفاه يتعذبو من القرآن في الرقية
الله غالب ماعادش لامان و راحت النية
لي هاذا يدير حذرو حتى مع الصغار متعلمين هاذو لحوايج
مي مليح العببد كل فترة يرقي روحو حتى بقرآن ووحدو برك
لانو هو دوا ربي يشفي من كلشي

كي نتلاقو هانا نزيدو نحكو فيها آ ميمي تفاهمنا ؟

هيا سلامووو ومرسي عالموضوع
​

 

[INATA LOTUS]

oh khiti ma3andi wala tajroba w nchala matel7aknima nel7akha

 

[kiosedire]

صعيب الحال باه تامن فالناس
pاسكو موش جميع من تسمع بيه يرقي آه راقي
أنا نعرف واحد معريفة مليحة سحراتو واحدة صايي ولا ما يشوف غير هي في هاذ الدنيا
غاضهم الحال صحابو عليه سقساو على راقي أداو خونا و راحو ليه (هو تالمون ألي شباب) هذاك الراقي -زعما- ضربو بكتاب باه يزوجلو بنتو
تعرفي وين راه المسكين؟
راه ضاربها بهبلة​

 

[mimi-ba]

نامن بيه اكيد

كاين من فاميلتي دارولهم السحور كما خالتي وراجلها ديما يديرولهم باه يفرقوهم مزية اللي راهم فايقين ويرقيو كل ما تسمحلهم الفرصة​

وخالي اللي داروهلو في حانوتو بصح طاحت الفاس في الراس وخسر دراهمو وحانوتو كاملين ​

الله يحفظنا منو راهو يوصل للهلاك​

ياه ربي يهدي برك كيفاه يقدرو يديرو هكا والله عجب
واش هذو ماعندمش ضمير؟؟؟؟؟؟
ربي يعاون خالك و يهدي الناس
شكرا اختي مرورك نورني​

و الله يا ختي ميمي غير هاذ السحور داير حالة

و تامني بيه بسيف عليك حبيتي ولا كرهتي
و زاد كيما قلتي الرسول صلى الله عليه و سلمو وسحروه اليهود
يعني كاين منها
و ربي يسترنا منو إن شاء الله
و أكيد الواحد كي مايفيدوش الطبيب لازم يروح للراقي
لأنو يا تكون صاباتو عين يا سحور
ربي يساعدنا و يستر علينا إن شاء الله
مارسي حبوبتي ع الموضوع​

آآمين يا حبوبتي نورتي الموضوع
شكرااااا على ردك وصح واش قلتي
يعطيك الصحة مهبولتي​

و الله لعباد ولات جاهلـــــــــــة
هادا سحور و هادا مانعرف وش
أو كاين ربي
باه رح تقابليه نهار اخر ​

ايا سلامو

و مرسي على الموضوع ​

هه ولات جاهلة برك ياو خبطها الجهل من ساسها لراسها ههه
صح كاين ربي هو لي يقدر عليهم
اوكي ربي يحفظك حنونة
ميرسي على مرورك خيتوووووووو​

 

[mimi-ba]

سحارة مالقات ماتدير كرهت غير من الدعايات
سحارة حابة تتزوج و تتهنى كيف البنات​

تحير البايرة هبلت من الجنون رايحة طروش
لازم ديما تسحر حابة بالسيف تتزوج
تخدم بالراوال معاها عرق جلاب باه يعشقو فيها
و يتبعوها كيف الدواب
هههه​

ربي يهدي ماخلق و يشفي كل مسحور و مسحورة​

شكرا اختي على الموضوع​

آآآآآآآآآآآمين خيو من فمك لربي
ههههههههه
يعطيك الصحة عالمرور نورتيني خيوووو​

كاين والله وقت لباك برك جاني واحد صاحبي قالي خلالااااااااااص

مقدرتش نقرا قالي بقالي حل واحد فرحت قتلو وااه رايح تحر9 معايا قالي
لالا رايح لعمك لعمري شواف لكارتي حاشاكم قالي كاشما يدرلي
قتلو يهديك ربي ياطفل وكان راك تحكي من عقلك
دووووماج 2011 مزال ناس تامن بحوايج كيما هك​

راك تشوف الناس تخمم تعيش في المريخ و حنا نخممو كيفاه نسحرو فلان وفلتان
ربي تستر برك
شكراااااااااا عالمرور خيو
مي في ميزك يدي صاحبك الباك بعد ما شبع سحور وبخور ههههههه

ههههههههههههه حى عليا على السحور

هههه
شكرا على المرور اخي​

 

[mimi-ba]

وعليكم السلام

سوستي ميمي الحلوة
عاش من شاف تمهبيلك آ اليوم راكي سيريو
وموضوعك مهم بزااااااف
كاين ناس بزاف ما يأمنوش بالسحر
مي أنآ نآمن بيه
أولا مذكور في القرآن والسنة
وتانيا تلاقيت بناس تقاسو بيه
ربي يحميــــــــنا
قولو آميـــــــــــــــن
بارك الله فيك ميمي الغآلية
سلااااااامو​

آآآمين يا مهبولتي
واش حوالك يا سوسة آه مازالك برك سوسة قريب تعقالي وتولي نورمال؟ ههه
قوليلي كي ترجعي نتي لعقلك ضرك مانوليش سوسة ههههههه
يعطيك الصحة جيمي على مرورك الرائع لي زيك
مييييييييغسي مهبولتي و ربي يبارك فيك ان شاء الله​

 

[خولة 01]

موضوع شباب خيتي ميمي جزاك الله الف خير

ههه مالقيت مانرد كل شيء قالوه

تقبلي مروري خيتي مع اني ما قلت والو

مي نسال ربي العلي العظيم ان يحمينا و يسترنا و يقينا من شر ما خلق

 

[mimi-ba]

آلك لمريض يصدق كلشي .

والفاهم يفهم ​

معرف لكان فهمتك مليح والا رحت لبعيد ههه
و شكرااااااااااا خيو على مرورك​

 

[AnGeL*dZ]

كآيـن منو السحر
واحنا كي نلقاو لعبد تخلطت احوالو زعمة نديوه للطبيب
لكان ماشي مريض الرقية خير علاج
دركا صعيب وين تلقى الرقية الشرعيـة
كآين رآجل يقربلي سحرتو وحدا مروكية كي كان في فرنسا
كي جا هبل مسكين مي مع الرقية تحسن الحمدو لله

​