مشكلة الألقاب في الجزائر ===> حصريا لمنتدى اللمة

[حفيد هواري بومدين]

السلام عليكم ورحمة الله
واش راكم شويا خاوتي؟؟؟
أأأولا نباركو لجماعة bem ,و جماعة الباك ونقولكم مبروك كامل
ولي ماوفقوش ربي تسما مايش نهاية العالم
donc
نخرجو شويا على العادة ونحكيو سيريو . . .
و بعد ما بعدنا على اللمة وعندي حوالي عام هكاك ماكتبتش موضوع جيت ليوم باش نعالج قضية حساسة ممكن ناس بزاف تضرت بيها ولي هي


مشكلة الألقاب في الجزائر

علابالنا انو الشعب الجزائري وقت التورة كان تقريب كتلة وحدة وكي قبل ماتروح فرنسا حبت تفرق وتخلي مخلفات انعكست على المجتمع دورك يعني ممكن دورك وين تروح تلقا متلا طفل صغير حاشم بلقمتو كاين جماعة والله يولي compléxé بالللقلب نتاعو يوليلو عقدة في حياتو
كاين الألقاب لي ضحك وكي اللي الله لايشوف فيها عبد
لي ضحك كيما رانا نسمعو نشوفو لي منعوتة بالحيوانات كيما
دماغ العتروس فؤاد ...جمل اسماعيل .بو الفكرون برهان ... فلوسة فاطمة الزهراء بو بقرة اسماعيل بومعزة لي لي مشهروة ياسر
ومنها لي منعوتة ب صفة خلقية كيما قصير.. طويل.. احمر خدو...لزرق العين ...كحل الراس.. شايب الدراع .
وكياين تانا لي متعلقة بصفة كيما الواعر و العاقل الصوفاج قتال خايف زدام مسكين لعور
و بعض الاخر متل زوالي محقور ...كلاه النمر ... شايب راسو ... عقدولو ... ناهيك عن الالقاب المخلة بالحياء

نعلمو صح يا جماعة انو الاقاب هادي مضرة صح بالشعب وممكن تكون سبب في انو شخص مايقدرش يقرى ولا يدير حاجة لأنو ببساطة يحشم بلقمتو

لكسن السبب ماوش نتاعو في الأخير هو سماوه كيما هكا
وننصح كل واحد عندو لقب كيما هكا نقول ماوش عيب وانما دورك ام دارو قانون جديد تقدر تعدل بيه اللقلب نتاعك أأخويا وتخير اللقلب لي تحبو صح مع موافقة العائلة لي تحب تولي تنتاميلها وتهز لقبها

واش رايكم خاوتي في هاد الضاهرة لي تمس المجتمع ولي كاين ناس تعاني منها بصح في صمت ؟؟؟


الموضوع كاتبو السي فلان بالتنسيق مع google
مع عمال بلدية قالمة
ومن بعض مدكرات تخرج الأصدقاء​

 

[DARINE05]

صح انا يقراو معايا خرين لي بروف كي يعيطلهم يحشمو مساكن مرسييييييي موضوع باهيييييييي

 

[لاجودان شاف]

الاستعمار يا خويا

يشوه الانساب والالقاب والعادلت والتقاليد​

 

[الجريئة]

صحا الدوك والله غير عندك الحق
انا كانوا يقراو معايا الالقاب نتاعهم اسماء حيوانات فار ,,,الخ
قاتلهم المعلمة نتاعنا واش داروا حديقة حيوانات كيفاش ما يقلقوش ويحشموا حتى حنا معقدين ونعقدوا لعباد ربي يهدي مرسي

 

[مرام التيبازية]

سلام
شكرا على الموضوع والله عندك الحق ناس بزاف يحشموا بلقبهم

 

[**سارة**]

السلام عليكم ورحمة الله وبركاته
اهلا بيك خويا لعزيز ومرسي على موضوعك الهايل
والله خويا راك درت موضوع في الصميم شحال من ناس بزاف يحشمو من اللقب نتاعهم سورتو في االقراية مساكن وزيد كاينين عباد خرين يزيدو يضحكو عليهم وهادا الشي يأثر ويخلي الشخص هاداك يتعقد من اللقب ديالو
مي حاجة مليحة انهم دارو قانون باش يبدلو الألقاب هكدا مايكونش مشكل
مرسي عبدو خويا على الطرح الرائع
يعطيك الصحة ​

 

[نسيم الربيع]

صح والله خرين طول القابهم كارثيه يحشم الواحد حتى يقولها
شكرا على الموضوع​

 

[rima29]

والله عندك الحق خيووووووووو
موضوعك رائع
​

 

[***سوسن الجزائرية]

والله غير عندك الحق كاين مساكن لي يحشمو حتى لايكتبو اللقب ديالهم
وهدا أقل شيئ دارو الاستعمار في بلادنا
والله غير يغيضوا بصح واش تحب نديرو الجزائري راسو مرفوع باللقبو ولا بصفتو

وشكرا على الموضوع.

 

[missa_1]

ايه عندك الصح في هذي
تلقا شي القاب والله تتشوكا
تلقا شي ناس حشمانة بالقب تاعها باه تروح تفري صوالحها تقل لالا لقبي مشي شباب نحشم بيه الناس تزعق عليا
تلقاهم يبطلو القراية ولا بلاك كامل ميدخلوهمش يقراو علاه خطرش يقلك لقبنا نحشمو بيه
بلاك يكون نيفو عالي على جال لقب يهبطلو
وهذي الغاية من الاستعمار باش يبقاو هوما الفوق وحنا لتحت
مشكور على الطرح​

 

[EL General]

واش تحب هده هي فرنسا وش دارت
لازم الواحد يتسلح شوي بقوة كي يقولولو نقمتو
شكرااا
​

 

[ابتسامة الامل]

والله ياخويا راك في عين الموضوع
انقولك انا حادثة حصلتلي :shay:
انا نهار في الجامعة وقت الافيشاج جئي ليا طالب قالي حوسيلي على فلانة الهائشة
قوتلوا انا يزيك من التطياح بيها
لكن اصدمت كيقالي راه لقبها والله ماصدقتوا كان كشوفتها بنفسي _o:
الله لا تربحها الاستعمار في وضع الالقاب

​

 

[dana1993]

السلام عليكم
صح كاين لزاف نقامي غريبة تاع الصح و مولاها يحشم بيها
مي كيما قلت راه كان القانون هدا وين يبدلو الالقاب تاعهم بطلب من المحكمة و موافقة لاهل
ربي يكون فالعون
​

 

[ايمان التلمسانية]

كلامك كل صح كاين ناس بزااف يحشمو من القابهم ويحطوها سبب باش يهربو من مسؤولياتهم
هاد الشئ مش عيب نعم كاين الي مبالغ فيه مي واش دير هادي هي الحالة
شكراا على الموضوع

 

[Estrella]

اي كاينة منها هادي
بزاف ناس راحو بدلو اللقب نتاعهم
باسكو عقدهم...
بصح ماشي اللقب هو الي يصنع الراجل ولا لمرا
يعطيك الصحة موضوع قمة ​

 

[السلطانة]

اهلا بيك عبدو بعد طول غياب

بعد ماطول الضو باه جا ههه ...
جيت نضرب طلة ومباعد نرجع
عندي مانحكي في موضوعك :shiny:

رد محجوز

​

 

[حفيد هواري بومدين]

lمرسي يختي على المرور الموضوع شفت انو ناس بزاف ناسياتو حبيت نتفكرو برك واش يعانيو خاوتنا شكرا​

صح انا يقراو معايا خرين لي بروف كي يعيطلهم يحشمو مساكن مرسييييييي موضوع باهيييييييي

 

[حفيد هواري بومدين]

لي عودة في السهرية ان شاء الله نجيبو السهرة في لمة مرسي خاوتي​

 

[الظل الطويل]

وننصح كل واحد عندو لقب كيما هكا نقول ماوش عيب وانما دورك ام دارو قانون جديد تقدر تعدل بيه اللقلب نتاعك أأخويا وتخير اللقلب لي تحبو صح مع موافقة العائلة لي تحب تولي تنتاميلها وتهز لقبها

ya khoya 3ajbatni hadi la phrase
si kayen menou had lprobléme w kayen li ya7chem men la9ab nta3ah
bessa7 nchouf fiha beli 7aja 3adi khatach ghir yekber lwa7ed ya3ref bli rahou moujarad la9ab w kima 9mt enta kayen 9anoun jdid ya9der ydir jujement w ybadel la9bou

yakhoya lessentiel wa7ed wach ykoun mechi wach la9bou


mérçi sujet yestahel 7bibi

​

 

[sahiko hamza]

وعليكم السلام

وانت وش لقبك

انا نقول وقيل لصفر عبد الرحمان لكونكم صفورة كامل ههههه

هي صح الظاهر ي تحكي عليها بصح احنا ماعدناش الاالقاب لي تحكي عليها انت .
​