قد ماشرولكم Mais انتوما ...... ؟؟ بيان سير موضوع موجه الى البنات كامل ... sahiko

[sahiko hamza]

شوف خويا كاين الطفلة الله يبارك عليها الحشمة العفة الحياء مشاء الله عليها وكاين اللي ماهيش متربية تدخل للمنتدى وتقلك انا خاطيني وهكا وكلشي تبدا تخرط بصح ياخويا انا نصارحك الشي اللي ماهوش مليح خاطيني والله غير خاطيني وربي يهدي الشبان خاصة اللي ماهومش ملائكة ثاني والبنات عامة

يا بنتي ماقتلكش فيك انتي ... :scared:
ياو نحوس على بنت لي تطلع فالطوموبيل وتخرج نصها عاري و و و
هذيك حبيت نسقسيهــا علاه دير هك ؟
دونك برا سقسيناها ماشافتش فينا خلاص :music_whistling:
تشوف فينــا كلي كوافا ونسات روحهــا انها ماتصلحش خلاص :closedeyes:

​

 

[sahiko hamza]

السلآم عليكم ورحمة اللهـ وبركآته:
طول عمري كنت ضد التخمام واللبسة تآع البنآت اللي رآك تهدر عليهآ خويآ ساهيكو في موضوععك
ومآزلت ضددهآ ورآيحة نبقى ضدها
اليوم مش رآيحة نهدر على البنآت علآه يديرو هك
اليوم رآيحة نهدر على الرجآل والذكور ونلخص كلآمي في الزوج حروف هذو:
لو صلح الزوج صلحت الزوجة
لو صلح الأب صلحت الإبنة
لو صلح الأخ صلحت الأخت
والشآذ يذكر ولآيقآس عليه
يعني الإنحرآفآت تآع البنآت اليوم أسآسهآ إنحرآف الرجآل بالدرجة الأولى وتخليهم عن رجولتهم وكلآمي مآهوش معمم على الجميع طبعا حاشا الرجال والحراير اللي راهم والحمد لله مازالوا وبكثرة
مي توجور نشوف وفجميع المواضيع حيرة الشباب وحتى البنات من تصرفات البنات ونسينا ولا تناسينا باللي المسؤول الرئيسي هوما الشباب مالا لازمنا نحكوا كلشي ونوضحوا كلشي
شكرا خويا على موضوعك المهم​

الرجال ذركا مبقاوش رجال
الرجال ذركا ولاو كيما الكاركاس تاع البورطابل
كاين الدوروجين وكاين لاشين ....
ماشي كل واحد داير موسطاش راجل
الراجل بالكلمة والفعل . حبيت برك نوضحلك معنى كلمة رجل

اما باه تلومي الرجال هوما سبب هم لبنات هذي لا ؟
لأنو ماربطهاش بحبل وقاللها اركبي فالطوموبيل ونروحو نحوسو ياك جات وحدهــا ؟
ياك ديما تروح برجلهــا لبلاصة المواعدة ؟؟

اختي أسمحيلي نص كلامك غالط .
مي معليش نحييك على شجاعتكـ :wink:
​

 

[sahiko hamza]

أنا نقلك شيء واحد ديرو في بالك وهو ليس هين لأنه آية
يقول اله تعاللى:يا أيها الذين آمنوا عليكم أنفسكم لا يضركم من ضل إن اهتديتم
نتمنى الفكرة ديالي وصلت

صدق الله العظيم
​

 

[sahiko hamza]

خويا لي تستر روحها باينة علاه محسوب بنات الصحراء مامش مطورين ايييييييي كي يهبطو للاقامة تع الجزائر ولا وهران يطير الحجاب والسبغة للشعر صفر في الحاجة الاولى
وزيد كل واحد معروف بوجه

وقيل انتي قريتي زوج حروف من الموضوع ولا قريتي الردود باه فهمتيه :lol:
ديجا قلت راهم تطورو وراكم علمتوهم كلشي :music_whistling:
​

 

[sahiko hamza]

اهلا
وش هادا الموضوع اهاااااااااااااا
نقلك وعلاه يديرو هك
علخاطر ثقتهم مزعزعة في روحهم فيحاولو يكملو النقص بانهم يعتمدو على جسمهم
و كاين اللي تدير هك باه تلفت الانتباه
و كاين اللي هادا وش تربت عليه
و كاين اللي علبالها راح يخطبوها
و كاين وكاين .....................

وكاين لي ماشية في دمهــا
وكاين لي عارفة روحها مشي مربية مي تقلك عقلية أوفار
وكاين لي عارفة روحه موسخة مي نورمال
الله يسترنــا
​

 

[sahiko hamza]

شكرا خويا موضوعك في القمة
اييييه يا لبنات و يا لبنات وماكم دايرين يا لبنات (وانا ثاني آ )
احم احم
نرجعو لموضوعنا
عندي حاجة برك نقولها
هو انو بنت الاصل الحقيقية اللي تكون في المنتدى كيما تكون على طبيعتها
يعني ماتكونش شيطان متخبي ورا الميكرو
لازم تبين طبيعتها وتتصرف على طبيعتها كيما في الواقع نتاعها في حياتها اليومية
ولاه واش رايحة تربح الطفلة كي تبين روحها( ملاك) قدام اعضاء المنتدى
شكرا يعطيك الصحة على موضوع
ســـــــــــــــــــــــــــــلام
​

تأمنين يكي نقلك مالقيتش وحدة هنا فالمنتدى قالت راني نمشي مع طفل ولا
بكل خاطيهم ويصلو موراهم مي لي سامعين بيه احنا يحبس الراس

سمعت وحد لحكاية على بنت من اللمة آلكـ .............. نخلو البير بغطاه مي لذرك ـ اني دايخ فيهـا :music_whistling:
​

 

[sahiko hamza]

وعليكم السلام

يجاوبوك لي يعنيهم السؤال

وماشكيتش تلقى اجابة

شكرا على الموضوع

تحياتي


كنت هنا ​

علابالي مش راح نلقى مي وجه لخروف معروف
ماتخافيش سايكو يصيد لحوت لكبير ماشي الصغير :wink:
​

 

[السلطانة]

تأمنين يكي نقلك مالقيتش وحدة هنا فالمنتدى قالت راني نمشي مع طفل ولا

بكل خاطيهم ويصلو موراهم مي لي سامعين بيه احنا يحبس الراس ​

سمعت وحد لحكاية على بنت من اللمة آلكـ .............. نخلو البير بغطاه مي لذرك ـ اني دايخ فيهـا :music_whistling:​

:music_whistling::music_whistling::music_whistling::music_whistling:
ياسلام

 

[AnGeL*dZ]

السلام عليكم ورحمة الله وبركآته
اولا صحيت على الموضوع
ثانيآ :في الشبكة العنكبوتيـة الكل ملآئــــــكة:glare:
يعني سؤال من دون اجآبـة
انت راك تسقسي علاه لبنآت يديروا هآكآ ؟؟؟
أنآ نحآول نفكر زيهم ترآش ونجآوبك
قالك الطفلة لازم تعري بآش الذكورا يشوفو معآهآ
ويجريو من ورآهآ:music_whistling:
وبهذا تظمن بللي ماش رآيحين يطلقو عليها اسم عانس
خآطر الذكورا في الوقت هذا يهمهم الكركاس:no_1:
( ماش كامل)
قآلــــك الطفلة تركب مع واحد في لافواتير تآعو
خآطر عندها عقلية فور وآش فيها ؟؟؟؟؟؟؟؟؟؟؟
الطفلة تقيل من طفل لطفل خاطر تكره الروتين
ولازم شوية تجديد:scared:
المهم لبنات واكثريتهم اللي يديروا هآكا
يكونو حابين يصيدوا رآجل عندو دراهم يلعبو عليه
كاين حلآت خاصة :تلقى الأم تجبر بنتها تدير هآكا:glare:
بآش ماتقعدش عندها بزآف
يعني اقفز تعيش
*****************************
المهم أخويآ يآمآ تحت السوآهي دوآهي
وكآيـن تقولك حلال وحرام
وهي دايرتها كامل
​

 

[sahiko hamza]

:music_whistling: :music_whistling: :music_whistling: :music_whistling:
ياسلام

تأمنيني .... كاين منهــا تاع الصح
بصح المصدر تاع الهدرة الله أعلم لي سونسيال حكاية دوختني :surrender:





​

 

[قالمية ونصف]

منخبي والوا وعلاه رح نخبي بعد؟؟؟
يخي فالمنتدى مرح تعرفني مرح نعرفك واين رح تعرفني بعد ؟
نقول لي في قلبي والتنيفيق خاطيني وهاو ربي شاهد
انا نحكي على روحي لخرين منعرف كلواحدة وكيفماه تربات انا تربيت على المصارحة وقول الحقيقة ولو مرة
اووووووووووووووووووووووووو مرسي على الموضوع:closedeyes:

 

[R0NALD0]

تسمع لطفي هذاك اكبر منافق شفتو في حياتي بـ50 وجه

كمل الميضوع

 

[sahiko hamza]

السلام عليكم ورحمة الله وبركآته

وعليكم السلام

اولا صحيت على الموضوع

مارسي عليك وأهلا بيك وقت ماحبيتي ... :wink:

ثانيآ :في الشبكة العنكبوتيـة الكل ملآئــــــكة:glare:

شتي :scared: :closedeyes:

يعني سؤال من دون اجآبـة
انت راك تسقسي علاه لبنآت يديروا هآكآ ؟؟؟
أنآ نحآول نفكر زيهم ترآش ونجآوبك

دوك نشوفو ترى .. :music_whistling:

قالك الطفلة لازم تعري بآش الذكورا يشوفو معآهآ
ويجريو من ورآهآ:music_whistling:
وبهذا تظمن بللي ماش رآيحين يطلقو عليها اسم عانس
خآطر الذكورا في الوقت هذا يهمهم الكركاس:no_1:
( ماش كامل)

مانكذبش أعليك أهنــا جبتيهــا :wink:

قآلــــك الطفلة تركب مع واحد في لافواتير تآعو
خآطر عندها عقلية فور وآش فيها ؟؟؟؟؟؟؟؟؟؟؟
الطفلة تقيل من طفل لطفل خاطر تكره الروتين
ولازم شوية تجديد:scared:

يايمــا على التجديد .... :music_whistling:

المهم لبنات واكثريتهم اللي يديروا هآكا
يكونو حابين يصيدوا رآجل عندو دراهم يلعبو عليه

صح فيهم الحابسين لي يفيرنيو مي فيهم لي يحب كلشي Gراتوي .. :santa_1:

كاين حلآت خاصة :تلقى الأم تجبر بنتها تدير هآكا:glare:
بآش ماتقعدش عندها بزآف

هذي سمعت بيهــا مي مع الوقت راح تعود نورماااال :closedeyes:

يعني اقفز تعيش
*****************************
المهم أخويآ يآمآ تحت السوآهي دوآهي
وكآيـن تقولك حلال وحرام
وهي دايرتها كامل
​

بارك الله فيك جواب مقنع ولو أنك درتي روحك تخمي كيفهم ...
نستعرف بيك

هذي لبنات ولا خلي
ماشي لي يجاوبك بسؤال ؟؟؟؟ :music_whistling:
​

 

[TIBA BITA]

وش تحب نقلك خويا دنيا تخلطت بزاف و تجي تفهم دوخ ذرك هاذ البنات ماعرفوا وش يديرو في وقتنا
هاذا لي تحشم و الطفلة المتربية مش مليحة و لي دايرة رايها و تمشي كيما تحب هي انتيك و فايقة
و عندها عقلية فور على هاذي البنات يمشو في الطريق المعوجة باش تبان قدام صحباتها .
و انا من جيهتي هاذا تخمام غاط و ربي يهدينا الحوايج الكبيرة مناش نديرو فيها و ربي يهدينا
اسمحلي طولت عليك و تستحق الف شكر صحيت

 

[2020noura]

اذا تهدر على الحب انا انقولك ماكانش واحدة ماتشتيش خطراش لبنات اكل احبوا بصح كاين بنات كبروها اشويا في لبساتهم وهادي حجة مشي مليحة لازم اكون احترام في المجتمع ونحب انقول بلي رانا في الجزائر مشي في باريس وذوك نرجعو الموضوع الاول خويا قولتلك بالي لبنات اكل يشتوا ويمشوا حتى هاذيك الي تلعبها عاقلة وقولك هاذوك العاقلين هما الشواطن وحبيت انقول الطفلة قلبها اضعيف كي يهدر معها واحد وقلها كلام فم فم ايطيحها فيه ونشتيه وتولي اتموت اعليه ونبعد هو يهرب اتقول ماهو نفسو هذاك الي كانت تحكي معاه
وذوك حابيت انقول الي جان اكل علاه راكو تتمسخرو بالبنات وتخلوهم مدام ماحبيتهاش ولا ماكش حاب تديها وتزوج بيها كعاد مشات معاك علاه اخدعتها وحبيت انقوللكم ثاني الطفلة ولا المراء الي تخطبهالك امك علابالك بيها مشات مع واحد اخر ولا لا وعلاه هيا معندهاش قلب تشتي عالاقل ادي الي يشتيها قلبك ورادها هاذيك راهي حبيبتك وقلبها عمرو مراد غيرك وعلاه اتخلي قلبها يتحرق وتعقبها كعاد اشتاتك.........
ونجوبك خويا وانقولك لبنات الي راهم ايدروا هكدا انتوما الي خليتوهم ايديروا هكدا

 

[sahiko hamza]

منخبي والوا وعلاه رح نخبي بعد؟؟؟
يخي فالمنتدى مرح تعرفني مرح نعرفك واين رح تعرفني بعد ؟
نقول لي في قلبي والتنيفيق خاطيني وهاو ربي شاهد
انا نحكي على روحي لخرين منعرف كلواحدة وكيفماه تربات انا تربيت على المصارحة وقول الحقيقة ولو مرة
اووووووووووووووووووووووووو مرسي على الموضوع:closedeyes:

المشكل ماشي فيا انا نعرفك ولا لا ... :music_whistling:
شوفي لوجه ربي سبحــانو ...

​

تسمع لطفي هذاك اكبر منافق شفتو في حياتي بـ50 وجه

كمل الميضوع

اييييييييييييييه وقتاه جيت انت باه تقول على لطفي منافق كبير ؟؟
كي تكبار وتفهم غناه ارواح انت وقول منافق . :closedeyes:
​

 

[عاشقة رجاص]

الرجال ذركا مبقاوش رجال ​

الرجال ذركا ولاو كيما الكاركاس تاع البورطابل
كاين الدوروجين وكاين لاشين ....
ماشي كل واحد داير موسطاش راجل
الراجل بالكلمة والفعل . حبيت برك نوضحلك معنى كلمة رجل
هذي ياخويا على بالي بيها وأنا كي قلت راجل قصدتو بالمعنى المادي والمعنوي على هذي قلت الرجال راهم قلال وماقلتش الجنس الذكري أصبح قليلا​

اما باه تلومي الرجال هوما سبب هم لبنات هذي لا ؟
أنا ماقلتش هوما السبب أنا قلت من بين الأسباب وهذي حاجة جلية وواضحة ولايختلف فيها إثنان
لأنو ماربطهاش بحبل وقاللها اركبي فالطوموبيل ونروحو نحوسو ياك جات وحدهــا ؟
صح عندك الحق جات وحدها مي هو كون جا راجل بكل معنى الكلمة كون هو مايقولهاش أرواحي ركبي ومايفتحلهاش المجال صح؟ على خاطر علابالو باللي شيء حرام وعيب مالا علاه يدير فيه؟
ياك ديما تروح برجلهــا لبلاصة المواعدة ؟؟
وياك بلاصة المواعدة هذي يتفاهمو عليها في زوج يعني الخطأ خطأهما الإثنين مي حنا لعرب ديما تشوفو أخطآء المرأة ونتغاضاوا عن أخطاء الرجل ​

اختي أسمحيلي نص كلامك غالط .
ممكن في وجهة نظرك كلامي غالط مي أنا راني نهدر بصفة حيادية وراني نقول في حقائق جلية وواضحة للناس الكل
مي معليش نحييك على شجاعتكـ :wink:
وأنا نحييك على موضوعك المهم وعلى رحابة صدرك خويا​

+
من خلال ماسبق تبينلي باللي أنت مافهمتش كلامي مليح
أنا قصدت نقول انو:
هز أسرة يكون فيها الأب صالح والإبن صالح نادرا جدا وين تلقى الأخت غير صالحة صح كاين مي نادرا
بالصح هز أسرة يكون فيها الأب غير محترم وهو أساسا يقوم بأشياء مخلة والإبن كيف كيف حدث ولا حرج أكيد رايح تلقى الإبنة .............. صح كاين مام فهاد الوسط ويكونو متربيات مي نادرا
** إذا كان رب البيت بالدف ضاربا فشيم اهل البيت الرقص**
بالصح مالقري تو مانيش ندافع على الأشياء اللي راهم يديرو فيها ومانيش نبرر فأخطاءهم راهم غالطين وغالطين 100/100
مي باش نصححوا الخطأ لازم وضحوا كل الحقائق مش جزء فقط ولازم نحوسوا على مصدر الجرح باش نداويوه وإذا استلزم الأمر نكويوه ولا نستأصلوا الجزء هذاك:wink: وباش نحققوا هاذ الشي لازم نجمعوا كل الأسباب اللي وصلتنا ليه سينو نقعدو هكذا توجور غير فالهدرة برك
شكرا ليك خويا من جديد واسمحلي طولت عليك​

 

[عاشقة رجاص]

اذا تهدر على الحب انا انقولك ماكانش واحدة ماتشتيش خطراش لبنات اكل احبوا بصح كاين بنات كبروها اشويا في لبساتهم وهادي حجة مشي مليحة لازم اكون احترام في المجتمع ونحب انقول بلي رانا في الجزائر مشي في باريس وذوك نرجعو الموضوع الاول خويا قولتلك بالي لبنات اكل يشتوا ويمشوا حتى هاذيك الي تلعبها عاقلة وقولك هاذوك العاقلين هما الشواطن وحبيت انقول الطفلة قلبها اضعيف كي يهدر معها واحد وقلها كلام فم فم ايطيحها فيه ونشتيه وتولي اتموت اعليه ونبعد هو يهرب اتقول ماهو نفسو هذاك الي كانت تحكي معاه
وذوك حابيت انقول الي جان اكل علاه راكو تتمسخرو بالبنات وتخلوهم مدام ماحبيتهاش ولا ماكش حاب تديها وتزوج بيها كعاد مشات معاك علاه اخدعتها وحبيت انقوللكم ثاني الطفلة ولا المراء الي تخطبهالك امك علابالك بيها مشات مع واحد اخر ولا لا وعلاه هيا معندهاش قلب تشتي عالاقل ادي الي يشتيها قلبك ورادها هاذيك راهي حبيبتك وقلبها عمرو مراد غيرك وعلاه اتخلي قلبها يتحرق وتعقبها كعاد اشتاتك.........
ونجوبك خويا وانقولك لبنات الي راهم ايدروا هكدا انتوما الي خليتوهم ايديروا هكدا

وعلاه شكون قال باللي البنات أكل هكا؟
لا ماتغطيوش الشمس بالغربال ياختي
وتقولو البنات أكل هكا حاشا
صح كاينين يديروها كحلة ويجو يقولو رانا ملائكة مي العبد مش مدايرها للناس رانا صاينين روحنا على وجه ربي سبحانو
وهذه هي الهدرة اللي نكرها فحياتي العبد جابد روحو من الميليو هذا خلاص يجو ناس يقولو لبنات أكل حتى يلقى روحو دخل معاهم وهو خاطيه
وزيد علاه اللي ماداروهاش هوما الشياطن؟ اللي تصون نفسها وثقة والديها فيها شيطانة؟ ولا اللي تحافظ على عاداتها وقيمها وسط المغرييات هذي شيطانة؟
وهذيك اللي الريح اللي تجي تديها هذيك راها صريحة وشجاعة ومتقدمة
سبحان الله تقلبت المفاهيم ولينا حنا شيطانات ومعقدين وأمبليس كذابات ونلعبو فيها
مالا نقولك مش البنات اكل لهكا والحمد لله خاطينا ونعرفوا آلاف البنات خاطيهم
+
مش إذا دزاير راحت طيشت روحها من جبل نروح نتبعهم أنا لا
مادامني مقتنعة بالشي اللي في راسي واحد مايزعزعني
​

 

[mohamed ali 1992]

السلام عليكم ورحمة الله تعالى وبركاته

خويا واش نقلك مانظنش اي واحد كان جنس ذكر ولا انثى رايح
تحكيلك وتقولك بلي راني غالطة ولا درت والخ ....
زيد ثانيا الغلطة دايما تكون من الاثنين مكانش منها طرف واحد
وأفرض فرضيات وأبدا من اي طرف وشوف بلي توصل للطرف الثاني هو ثاني مخطأ ...
مثلا البنت حبت تحكي
مع طفل ولا حاجة الخ
الطفل واش كانت ردت فعله ؟؟؟ قبل وقال نعم ....
يعني هنا نقولو غير البنت الي غلطت ؟؟؟ نظن بلي ماشي منطق
الا كان نحكموا على الاشياء بهذه الطريقة
ياله نبدوا من الطرف الثاني ولد يعاكس في طفلة ...الخ
الطفلة عجبها الحال ...
مانقدروش نقولو الطفل غالط الاثنين غلطوا ...
لو الواحد وقظ لاخر وقاله خاطيني ولالا تجيه كبيرة مرة اخرى
ويولي يدير حسابها مادام الاثنين قابلين من الافضل عندي
مانبقوش نتناقشوا في موضوع عقيم كل واحد يظلم في الاخر
وهي كيما يقولو بيد البنت المفتاح ...هي الي تحل الباب وهي الي تغلقه ....والله المستعان
ربي يهدي الجميع
ويصلح أحوالهمـ ..والمهم والأهم التربية الصالحـة
​

 

[روعة الأخلاق]

السلآم عليكم و رحمة الله
أولا اخي نشكرك على غيرتك على بنآت بلدك
لكن يا أخي يجب طرح المواضيع بموضوعية و بطريقة تجعل القآرىء يواصل معك ما تقول...
ثم انني اتفق مع اختي عاشقة رجاص فيما قالت فالمرأة تصلح بصلاح ولي أمرها
سبحآن الله قبل دقائق معدودة و في طريقي الى البيت رأيت احدى فتيآت ثانويتي " جايحة " طبعا
تمشي بتبرجها و قلة حيائها و بعدها لحقتها سيارة اذا بوالدها و والدتها يدعونها للركوب فأخذت تصرخ في وججههما لا ادري بالضبط ما قالت...
تخيل يا اخي لو كان ابوها فعلا رجلا لربآها و ادبها و جعل منها فتاة ذات اخلاق
يا اخي لا نتكلم عن الولي
هي بحد ذاتها لو كآنت امرأة بحق لعرفت قيمتها و قدرت ذاتها و جعلت من نفسا شيئا غاليا يصعب الوصول اليه
اخيرا انصحك اخي الكريم ان لا تعمم و كذلك عند طرحك لموضوع نرجو ان تبين بالضبط لبه و المغزى منه بشرح مفصل منك لا من الاعضاء
كل الشكر+ تقييم
​