قد ماشرولكم Mais انتوما ...... ؟؟ بيان سير موضوع موجه الى البنات كامل ... sahiko

[روعة الأخلاق]

اخوتي راقبوا جيدا ما تقولوا و ايآآآكم و قذف المحصنآت فعقابهآ ا ليس بالهيـــــن + لا داعي للنقآشات البيزنطية
الخطأ من كلا الجنسين ​

 

[بلد المليون]

بارك الله فيك يا سي لعساس عدت تعرف تهدر على بنات ناس
هههههههههه أني نقصر برك
وشكون هدوا اللي قلقولي حموزة أه قولي عليهم والله نخلص عليهم تم تم في رمشة عين
ههههههههه
أه هي كاينة منها هدي اللي راك تهدر عليها مي ماشي كامل كيفكيف
واللي شفتها سيرتوا في منتدنا أنهم يلعبوها نعمة من الأخلاق ويكتبوا مواضييع على لبنات واش دايرين واش عاملين وهدي خرجة وهدي دخلت بصح نساو بلي هوما تاني بنات ودنيا دوارة متعيا ودور
وانت شد فمك و أخطيك ومتسمعش لهدرت لبنات
لخطراكش ما يقرء السفيه الا ما فيه مديرش عليهم راهي لهدرة فريزي ههههههه
يا لانتيييييييييك أيا bey beyراك ديما فووووووور

 

[souhila_95]

انا خطيني هاذو الحوايج
حبيت تصدقني بها ونعمة
واذا ماصدقتش معنديش كفاش نبرهنلك
الله يهدي ولا يدي لجهنم
بصح الذراري غير حدث ولاحرج
البنات عندهم غلطات وذراري تاني

 

[algerienne1060]

و الله ما فهمت واش قصدك و ما عرفتش واش نجاوبك بصح البنات مشي كامل كيف كيف

 

[02asma02]

نقولك خويا ما تحوسش تفهم لان ماراحش تفهم
​

 

[sahiko hamza]

اذا تهدر على الحب انا انقولك ماكانش واحدة ماتشتيش خطراش لبنات اكل احبوا بصح كاين بنات كبروها اشويا في لبساتهم وهادي حجة مشي مليحة لازم اكون احترام في المجتمع ونحب انقول بلي رانا في الجزائر مشي في باريس وذوك نرجعو الموضوع الاول خويا قولتلك بالي لبنات اكل يشتوا ويمشوا حتى هاذيك الي تلعبها عاقلة وقولك هاذوك العاقلين هما الشواطن وحبيت انقول الطفلة قلبها اضعيف كي يهدر معها واحد وقلها كلام فم فم ايطيحها فيه ونشتيه وتولي اتموت اعليه ونبعد هو يهرب اتقول ماهو نفسو هذاك الي كانت تحكي معاه
وذوك حابيت انقول الي جان اكل علاه راكو تتمسخرو بالبنات وتخلوهم مدام ماحبيتهاش ولا ماكش حاب تديها وتزوج بيها كعاد مشات معاك علاه اخدعتها وحبيت انقوللكم ثاني الطفلة ولا المراء الي تخطبهالك امك علابالك بيها مشات مع واحد اخر ولا لا وعلاه هيا معندهاش قلب تشتي عالاقل ادي الي يشتيها قلبك ورادها هاذيك راهي حبيبتك وقلبها عمرو مراد غيرك وعلاه اتخلي قلبها يتحرق وتعقبها كعاد اشتاتك.........
ونجوبك خويا وانقولك لبنات الي راهم ايدروا هكدا انتوما الي خليتوهم ايديروا هكدا

علابالك واحد ميGري دخل لمدينة من المدن تاعنــا وشاف لي لي نقولو أعليه أحنا عجب ... قال واش راكم متعريين أكتر منا ( يعني قد ماتعرو لوروب قلتولهم ريحو ... )

ياو هومــا لي دارو برواحهم تمسخيرة ...

والله نقلك حاجة خيتو
علابالك الطفلة لي نحكيو أعليهــا أحنا جامي تروح لواحد زوالي ديما تروح لي عندو العط لأنو هي تحب العط .. يسما هي حابة تعيش أوفار شتي كيفاه الغطلة وين ؟ :music_whistling:
​

وش تحب نقلك خويا دنيا تخلطت بزاف و تجي تفهم دوخ ذرك هاذ البنات ماعرفوا وش يديرو في وقتنا
هاذا لي تحشم و الطفلة المتربية مش مليحة و لي دايرة رايها و تمشي كيما تحب هي انتيك و فايقة
و عندها عقلية فور على هاذي البنات يمشو في الطريق المعوجة باش تبان قدام صحباتها .
و انا من جيهتي هاذا تخمام غاط و ربي يهدينا الحوايج الكبيرة مناش نديرو فيها و ربي يهدينا
اسمحلي طولت عليك و تستحق الف شكر صحيت

ماطولتيش قودام عاشقة رجاص :lol:

بون الحالة مخلطة صح وربي يستر ....:closedeyes:
​

+
من خلال ماسبق تبينلي باللي أنت مافهمتش كلامي مليح
أنا قصدت نقول انو:

يا الحاجة راني فهمتك كلا انتي مافهمتينيش بلي فهمتك :wink:
هز أسرة يكون فيها الأب صالح والإبن صالح نادرا جدا وين تلقى الأخت غير صالحة صح كاين مي نادرا
بالصح هز أسرة يكون فيها الأب غير محترم وهو أساسا يقوم بأشياء مخلة والإبن كيف كيف حدث ولا حرج أكيد رايح تلقى الإبنة .............. صح كاين مام فهاد الوسط ويكونو متربيات مي نادرا

كلامك صح .... :no_1:
** إذا كان رب البيت بالدف ضاربا فشيم اهل البيت الرقص**
بالصح مالقري تو مانيش ندافع على الأشياء اللي راهم يديرو فيها ومانيش نبرر فأخطاءهم راهم غالطين وغالطين 100/100
مي باش نصححوا الخطأ لازم وضحوا كل الحقائق مش جزء فقط ولازم نحوسوا على مصدر الجرح باش نداويوه وإذا استلزم الأمر نكويوه ولا نستأصلوا الجزء هذاك:wink: وباش نحققوا هاذ الشي لازم نجمعوا كل الأسباب اللي وصلتنا ليه سينو نقعدو هكذا توجور غير فالهدرة برك
شكرا ليك خويا من جديد واسمحلي طولت عليك​

لا لا بالعكس نحب الماركات لي كيما انتي لأنو يناقشو صح ماشي يدخلو باه يسابوطوك ... :music_whistling:

نقلك خيتو لاكان حبيتي تصلحي الخطأ وسيرتو لي حكيت عليه انا هذي موحــال لأنو لطفي دوبل كانو من عام 1998 وهو يشر لبنات وراكي تشوفي قودام عينك
هومـا يسمعو في غناه لكن لاحياة لمن تنادي ...

فكرتيني فوحد الرد شتو هنا فاللمة
هي عارفاتو عوج مي دارتلك فتوة قالت مشي عوج :scared:
على هذي ولت عندي نورمآل كي نشوف حاجة أنورمآل .... :music_whistling:
​

 

[sahiko hamza]

السلام عليكم ورحمة الله تعالى وبركاته

خويا واش نقلك مانظنش اي واحد كان جنس ذكر ولا انثى رايح
تحكيلك وتقولك بلي راني غالطة ولا درت والخ ....
زيد ثانيا الغلطة دايما تكون من الاثنين مكانش منها طرف واحد
وأفرض فرضيات وأبدا من اي طرف وشوف بلي توصل للطرف الثاني هو ثاني مخطأ ...
مثلا البنت حبت تحكي
مع طفل ولا حاجة الخ
الطفل واش كانت ردت فعله ؟؟؟ قبل وقال نعم ....
يعني هنا نقولو غير البنت الي غلطت ؟؟؟ نظن بلي ماشي منطق
الا كان نحكموا على الاشياء بهذه الطريقة
ياله نبدوا من الطرف الثاني ولد يعاكس في طفلة ...الخ
الطفلة عجبها الحال ...
مانقدروش نقولو الطفل غالط الاثنين غلطوا ...
لو الواحد وقظ لاخر وقاله خاطيني ولالا تجيه كبيرة مرة اخرى
ويولي يدير حسابها مادام الاثنين قابلين من الافضل عندي
مانبقوش نتناقشوا في موضوع عقيم كل واحد يظلم في الاخر
وهي كيما يقولو بيد البنت المفتاح ...هي الي تحل الباب وهي الي تغلقه ....والله المستعان
ربي يهدي الجميع
ويصلح أحوالهمـ ..والمهم والأهم التربية الصالحـة
​

يا حمى كي قريت ردك عرفت بلي راك فهمت غير 2% من الموضوع ....
الموضوع بالعربية يحكي على البنت لي تركب فالطاكسيات وليتهزت فلفام وجايتهــا عادي
هيا تو أفهم انت وGوللها كيفاش هانورمآل ... :music_whistling:


كان معكـ h@mza_39


سلملي على العزوز ياسر
​

 

[radia yoyo]

ربي يهديهم
​

 

[sahiko hamza]

السلآم عليكم و رحمة الله


وعليكم السلام ورحمة الله


أولا اخي نشكرك على غيرتك على بنآت بلدك
لكن يا أخي يجب طرح المواضيع بموضوعية و بطريقة تجعل القآرىء يواصل معك ما تقول...

الف شكر على النصيحة مي خيتو راكي غالطة
لأنو مكانش واحد كيما أنا عندو أسلوب الترغيب فالمواضيع والدليل هو دخولك
وردك الرائع

وقيل ماتعرفيش العضو h@mza_39
نفكرك فيه لانسيتيه ...

نكملو :

ثم انني اتفق مع اختي عاشقة رجاص فيما قالت فالمرأة تصلح بصلاح ولي أمرها
سبحآن الله قبل دقائق معدودة و في طريقي الى البيت رأيت احدى فتيآت ثانويتي " جايحة " طبعا
تمشي بتبرجها و قلة حيائها و بعدها لحقتها سيارة اذا بوالدها و والدتها يدعونها للركوب فأخذت تصرخ في وججههما لا ادري بالضبط ما قالت...
تخيل يا اخي لو كان ابوها فعلا رجلا لربآها و ادبها و جعل منها فتاة ذات اخلاق
يا اخي لا نتكلم عن الولي
هي بحد ذاتها لو كآنت امرأة بحق لعرفت قيمتها و قدرت ذاتها و جعلت من نفسا شيئا غاليا يصعب الوصول اليه
اخيرا انصحك اخي الكريم ان لا تعمم و كذلك عند طرحك لموضوع نرجو ان تبين بالضبط لبه و المغزى منه بشرح مفصل منك لا من الاعضاء
كل الشكر+ تقييم
​

خيتو مانيش نعمم حاشى ...
بصح متأكد انو كاين ماركات لي حكيت عليها انا راهي شافت موضوعي وقالت وش بيه يخرف ولا نافقو رواحهم .
لي مربي مربي مكلاه يحلف ويتكتف .... :wink:
شكرا على ردك الرائع .

​

 

[الـساحر]

.. يــــآ لطيـــــفــ، هكـــذآ بعد ..
.. ـو ـالله مزلنـــآ نشوفــو ..
.. ـو بكل بســـآطة خويــآ ربــــيے يكون فــيے عونكـ، ..
.. ـو منقدر نقـــول ـوآلـــو ..
.. رآنــــيے هنــآ غير نتبع ـالردود ـو نتعلم ..
​

 

[كنزا]

ماكش راح تفهم علاه يديرو هك لخاطر لدير كماهك ماشي راح تجي وتقلك
والله عدنا في وقت يخوف الدراري مام قاعدين ترنكيل والبنات مام مهنيين على رواحهم

 

[الـساحر]

انا خطيني هاذو الحوايج
حبيت تصدقني بها ونعمة
واذا ماصدقتش معنديش كفاش نبرهنلك
الله يهدي ولا يدي لجهنم
بصح الذراري غير حدث ولاحرج
البنات عندهم غلطات وذراري تاني

.. :um_sh: ـااااااااااااااالله غلطة بركـ، ! ..
.. مليح ..
​

 

[sahiko hamza]

بارك الله فيك يا سي لعساس عدت تعرف تهدر على بنات ناس

احم اح مـ ..... :bored:
​

هههههههههه أني نقصر برك

:smoke:


​

وشكون هدوا اللي قلقولي حموزة أه قولي عليهم والله نخلص عليهم تم تم في رمشة عين
ههههههههه

:yaw: :yaw:


​

أه هي كاينة منها هدي اللي راك تهدر عليها مي ماشي كامل كيفكيف
واللي شفتها سيرتوا في منتدنا أنهم يلعبوها نعمة من الأخلاق ويكتبوا مواضييع على لبنات واش دايرين واش عاملين وهدي خرجة وهدي دخلت بصح نساو بلي هوما تاني بنات ودنيا دوارة متعيا ودور
وانت شد فمك و أخطيك ومتسمعش لهدرت لبنات
لخطراكش ما يقرء السفيه الا ما فيه مديرش عليهم راهي لهدرة فريزي ههههههه
يا لانتيييييييييك أيا bey beyراك ديما فووووووور

اهلا اهلا و..................... بنت الب..........
صفا شويا مليحة ؟
توحشنــا هبالك تاع رمضان هذاك
حكيتيلنا قسة تاع يومين من تم انقطعت اخبارك يخي موصيبة :sneaky2:

وش دخلت هاذ اليومين ؟ :um_sh:
​

انا خطيني هاذو الحوايج
حبيت تصدقني بها ونعمة
واذا ماصدقتش معنديش كفاش نبرهنلك
الله يهدي ولا يدي لجهنم
بصح الذراري غير حدث ولاحرج
البنات عندهم غلطات وذراري تاني

رد لا علاقة أصلا
الموضوع مخصص للبنات +18
​

نقولك خويا ما تحوسش تفهم لان ماراحش تفهم
​

ياو فهمت ..... :smoke:


​

.. يــــآ لطيـــــفــ، هكـــذآ بعد ..
.. ـو ـالله مزلنـــآ نشوفــو ..
.. ـو بكل بســـآطة خويــآ ربــــيے يكون فــيے عونكـ، ..
.. ـو منقدر نقـــول ـوآلـــو ..
.. رآنــــيے هنــآ غير نتبع ـالردود ـو نتعلم ..
​

هانا نشوفو يا خويا الساحر ... :sadwalk:
​

 

[MIMI 1987]

ربي يهدي عبادو ان شاء الله
شكرا على الطرح المميز

 

[somiasahraoia]

شوف فالدنيا الكل كاين المليحو والشينة بصح كاين لي غصبا عنها ولا الظروف هي لي خلاتها

 

[zahira92]

السلآم عليكم ورحمة اللهـ وبركآته:
طول عمري كنت ضد التخمام واللبسة تآع البنآت اللي رآك تهدر عليهآ خويآ ساهيكو في موضوععك
ومآزلت ضددهآ ورآيحة نبقى ضدها
اليوم مش رآيحة نهدر على البنآت علآه يديرو هك
اليوم رآيحة نهدر على الرجآل والذكور ونلخص كلآمي في الزوج حروف هذو:
لو صلح الزوج صلحت الزوجة
لو صلح الأب صلحت الإبنة
لو صلح الأخ صلحت الأخت
والشآذ يذكر ولآيقآس عليه
يعني الإنحرآفآت تآع البنآت اليوم أسآسهآ إنحرآف الرجآل بالدرجة الأولى وتخليهم عن رجولتهم وكلآمي مآهوش معمم على الجميع طبعا حاشا الرجال والحراير اللي راهم والحمد لله مازالوا وبكثرة
مي توجور نشوف وفجميع المواضيع حيرة الشباب وحتى البنات من تصرفات البنات ونسينا ولا تناسينا باللي المسؤول الرئيسي هوما الشباب مالا لازمنا نحكوا كلشي ونوضحوا كلشي
شكرا خويا على موضوعك المهم​

ماعندي مانزيد تعيشي خيتو
​