** ممكن مســـــــاعدة ـــ راني حايرة**

[عاشقة رجاص]

السلآم عليكم ورحمة الله وبركىته
أنا تحصلت على شهادة البكالوريا بمعدل 15.30 شعبة العلوم التجريبية
ولحد الآن اخترت 4 تخصصات فقط وهي
الصيدلة
الطب
جراحة الأسنان
مدرسة عليا للأساتذة فالعلوم
بالصح لازمني نكمل 10 :sad:
وراني حايرة بزااااااف وواش نحط ف6 هذوك اللي مازالو
حبيت مساعدة منكم وخاصة من أصحاب الخبرة
بارك الله فيكم وشكرا جزيلااااا​

 

[fifi18]

زيدي كملي بمواد علمية ولغات في الجامعة مانضنش يديروك فيهم

 

[عاشقة رجاص]

زيدي كملي بمواد علمية ولغات في الجامعة مانضنش يديروك فيهم

يعطيك الصحة فيفي ختي شكرا
خممت فيها قلت نحط مدارس عليا فالفرنسية والإنجليزية وعلوم دقيقة
مي خايفة يحطوني فيهم على بالي نبلوكي العام​

 

[طيور السلام]

أهلا رجوصة ، الف مبروك عليك ختو ، وين راه الباروك؟
رانا في نفس المشكل تقريبا ، انا خيرت الطب الاولى ومحروقات وكيمياء الثانية والمعهد تاع الاعلام الالي الثالث والرابع جراحة الاسنان والباقي راني حاصل واش نخير
في انتظار أهل الخبرة إن شآء الله
​

 

[عاشقة رجاص]

أهلا رجوصة ، الف مبروك عليك ختو ، وين راه الباروك؟ ​

رانا في نفس المشكل تقريبا ، انا خيرت الطب الاولى ومحروقات وكيمياء الثانية والمعهد تاع الاعلام الالي الثالث والرابع جراحة الاسنان والباقي راني حاصل واش نخير
في انتظار أهل الخبرة إن شآء الله ​

أهلااااااااا خويا هشام هذي غيبة
الله يبارك فيك ياخويا ربي يهنيك
وألف الف مبروك ليك
الباروك مش خسارة في خويا​

والله ياهشام خويا أنا مانيش حابة نحط خيارات عشوائية باش نكمل برك على خاطر ممكن تجينا اي وحدة من 10 هذوك
كيما قلت في انتظار أصحاب الخبرة إن شاء الله يعاونونا​

 

[ήaήa~:)]

و عليكم السلام ..​

قع رانا كيفكيف مام انا راهي تالفتلي درت لي تروا شوا اللوالا { صيدلة - طب -جراحة الاسنان }و بقاولي 7
راني نخمم ندير طيران i-o:​

 

[طيور السلام]

أهلااااااااا خويا هشام هذي غيبة
الله يبارك فيك ياخويا ربي يهنيك
وألف الف مبروك ليك
الباروك مش خسارة في خويا​

والله ياهشام خويا أنا مانيش حابة نحط خيارات عشوائية باش نكمل برك على خاطر ممكن تجينا اي وحدة من 10 هذوك
كيما قلت في انتظار أصحاب الخبرة إن شاء الله يعاونونا​

واش حبيتي تديري رجروجة ، الله غالب هبلنا خالك حراوبية :schmoll:
يبارك فيك خيتو ولعقوبة لحوايج وحدوخرين إن شآء الله
----
يا يما نكره الغرايف المريحين (الي فيهم زيت الزيتون ) حبيتهم بلا بيه هه
ربي يحفظك ختو إن شاء الله
-----
هذاك هو الاشكال ختي هاجر ، خاصة وانا LES CHOIX اللي مدولنا عيانين شوية ، من 105 قليل برك اللي يصلحو وزيد نقص المعلومات عليهم والديلي ثاني صغير ما يسمحلناش باه نسيقسو عليهم بزاف

في الانتظآر إن شاء الله
​

 

[طيور السلام]

و عليكم السلام ..​

قع رانا كيفكيف مام انا راهي تالفتلي درت لي تروا شوا اللوالا { صيدلة - طب -جراحة الاسنان }و بقاولي 7
راني نخمم ندير طيران i-o:​

ختي الطيران سقسيت عليه وكاين تضارب في الاقوال
كاين اللي يقول حتى تدخلي للمدرسة العسكرية تاع الطيران ومن بعد كي تخلصي قادرة تتحولي للطيران المدني وكاين اللي يقول تقراي الطيران المدني مباشرة في لبليدة
مي الطيران في بلادنا قادر ماتلقايش بلاصة خصوصا مع وجود شركة واحدة
------------
تاع محروقات وكيمياء في بومرداس (هيدروكاربور) مليحة بزاف خصوصا وانها تفتح لنا المجال باه نروحو للخارج مي المشكلة نقراوها بالانجليزية

 

[secret de coeur]

وعليكم السلام أختي اللولة مبروك عليك الله يبارك جبتيه بيان
والله مام انـا حرت خيرت 4 تخصصات وباقي 11
مانيش عارفة باش نكملهم واونسيجامي
كيماقلتي يحطوني فأي وحدة فيهم
ونستناو أهل الخبـرة

​

 

[عاشقة رجاص]

و عليكم السلام ..​

قع رانا كيفكيف مام انا راهي تالفتلي درت لي تروا شوا اللوالا { صيدلة - طب -جراحة الاسنان }و بقاولي 7

راني نخمم ندير طيران i-o:​

ههههه والله يا نانا ختي خممت في طيران وفي هندسة معمارية وفالإعلام الآلي
يعني ياهذة يا فنون ورقص شعبي:scared: الإختيارات ماعجبونيش صراحة
ربي يسهل برك يا ختي​

 

[آمِيْرَتُه]

مبروك رجاص

حوطي إختيارات ملاح ماشي عشوائية بصح نظن يعطوك واش راكي حابة مادامك جبتي 15

بالتوفيق و مزيد من النجاحات

 

[أنا برك]

الصيدلة
هدي باه تعودي تدي احسن غسول اسنان
الطب
هدي باه طبطبي على جاركم تقوليلو اغلق العين
جراحة الأسنان
هدي باه داوي سنيك كي يصفارو
مدرسة عليا للأساتذة فالعلوم
هدي باه تعرفي من اين تنبت الضرسة

ههه

انا من رايي تكملي بــــ:

-هندسة مدنية في قسنطينة
-فيزياء نووية نتاع سطيف
-ترافو نتاع القبة
-علوم المكتبة (قليل اللي يعرفلها)

-وقاية و امن صناعي (المعهد نتاع باتنة)
​

-رياضيات وخلاص ههه
​

 

[secret de coeur]

انا من رايي تكملي بــــ:

-هندسة مدنية في قسنطينة
-فيزياء نووية نتاع سطيف
-ترافو نتاع القبة
-علوم المكتبة (قليل اللي يعرفلها)

-وقاية و امن صناعي (المعهد نتاع باتنة)
​

-رياضيات وخلاص ههه
​

أخي ممكن تقولي علم المكتبـات واش فيها مافهمتش هاد التخصص؟؟
​

 

[طيور السلام]

وعليكم السلام أختي اللولة مبروك عليك الله يبارك جبتيه بيان
والله مام انـا حرت خيرت 4 تخصصات وباقي 11
مانيش عارفة باش نكملهم واونسيجامي
كيماقلتي يحطوني فأي وحدة فيهم
ونستناو أهل الخبـرة

السلام عليكم ، الف مبروك عليك أخني
​

ههههه والله يا نانا ختي خممت في طيران وفي هندسة معمارية وفالإعلام الآلي
يعني ياهذة يا فنون ورقص شعبي:scared: الإختيارات ماعجبونيش صراحة
ربي يسهل برك يا ختي​

هندسة معمارية قالك لازم يكون عندك تخيلات كبييييرة وزيد تسحق بزاف الاورو هه الماتيريال تاعها غالي وكي تخرجي الخدمة مايش مضمونة
والاعلام الالي (المعهد) مليح مي مانعرف اشحال المعدل اللي يقبلوه

 

[عاشقة رجاص]

واش حبيتي تديري رجروجة ، الله غالب هبلنا خالك حراوبية :schmoll:

يبارك فيك خيتو ولعقوبة لحوايج وحدوخرين إن شآء الله
----
يا يما نكره الغرايف المريحين (الي فيهم زيت الزيتون ) حبيتهم بلا بيه هه
ربي يحفظك ختو إن شاء الله
-----
هذاك هو الاشكال ختي هاجر ، خاصة وانا les choix اللي مدولنا عيانين شوية ، من 105 قليل برك اللي يصلحو وزيد نقص المعلومات عليهم والديلي ثاني صغير ما يسمحلناش باه نسيقسو عليهم بزاف​

في الانتظآر إن شاء الله ​

والله يا هشمشم خويا خالي حراوبية خير من عمك بن بوزيد ههه
لالا ماهمش مريحين هذيك راها لعسل ماتخافش هههه
الله يسلمك
هذيك هي والله يا لي شوا ماعجبونيش خلاص وخايفة نغلط منا ولا منا ونولي نبلوكي فالعام ونعاود فالباك خايفة نتاع الصح
​

 

[طيور السلام]

الصيدلة
هدي باه تعودي تدي احسن غسول اسنان
الطب
هدي باه طبطبي على جاركم تقوليلو اغلق العين
جراحة الأسنان
هدي باه داوي سنيك كي يصفارو
مدرسة عليا للأساتذة فالعلوم
هدي باه تعرفي من اين تنبت الضرسة

ههه

انا من رايي تكملي بــــ:

-هندسة مدنية في قسنطينة
-فيزياء نووية نتاع سطيف
-ترافو نتاع القبة
-علوم المكتبة (قليل اللي يعرفلها)

-وقاية و امن صناعي (المعهد نتاع باتنة)
​

-رياضيات وخلاص ههه
​

مي خويا الواحد لازم يشوف للمستقبل ، مثلا تاع الفيزياء النووية ، في بلادنا واعر باه تلقا خدمة ولازم تروح للخارج وثم تكون الكلفة كبيرة
​

 

[أنا برك]

أخي ممكن تقولي علم المكتبـات واش فيها مافهمتش هاد التخصص؟؟
​

بلاك تفهمي شوي من

http://ar.wikipedia.org/wiki/%D8%AA%D8%B5%D9%86%D9%8A%D9%81:%D8%B9%D9%84%D9%85_%D8%A7%D9%84%D9%85%D9%83%D8%AA%D8%A8%D8%A7%D8%AA_%D9%88%D8%A7%D9%84%D9%85%D8%B9%D9%84%D9%88%D9%85%D8%A7%D8%AA
و هدا يبين بلي الخدمة متاحة لندرة المتخصصين فيه
http://alyaseer.net/vb/showthread.php?t=20905

​

 

[عاشقة رجاص]

ختي الطيران سقسيت عليه وكاين تضارب في الاقوال
كاين اللي يقول حتى تدخلي للمدرسة العسكرية تاع الطيران ومن بعد كي تخلصي قادرة تتحولي للطيران المدني وكاين اللي يقول تقراي الطيران المدني مباشرة في لبليدة
مي الطيران في بلادنا قادر ماتلقايش بلاصة خصوصا مع وجود شركة واحدة
------------
تاع محروقات وكيمياء في بومرداس (هيدروكاربور) مليحة بزاف خصوصا وانها تفتح لنا المجال باه نروحو للخارج مي المشكلة نقراوها بالانجليزية

الطيران يا الطيران
قالولي ماتديريهش ممنووووووع مي عاجبني صراحة هههه اليوم فالهند غدوا فليسبان شكون قدي ههه
والله يا هشام خويا الطيران + المحروقات هايلين بزاااااف مي يصلحو للذكورة مش لبنات على هذيك مترددة فيهم
بالنسبة للإنجليزية والو راك توالف كيفها كي لفرونسي البراتيك هذا ماكان لاباز راها كاينة مسألة تعود برك + إذا حبيت كاين معاهد تاع لغت تقرا منا ومنا​

وعليكم السلام أختي اللولة مبروك عليك الله يبارك جبتيه بيان

والله مام انـا حرت خيرت 4 تخصصات وباقي 11
مانيش عارفة باش نكملهم واونسيجامي
كيماقلتي يحطوني فأي وحدة فيهم
ونستناو أهل الخبـرة ​

الله يبارك فيك حبيبتي
وألف الف مبروك ليك ربي يوفقك ويهنيك
والله مالا رانا كيف كيف حصلة كبيرة ورانا فيها
غن شاء الله يعاونونا أصحاب الخبرة​

 

[طيور السلام]

والله يا هشمشم خويا خالي حراوبية خير من عمك بن بوزيد ههه
لالا ماهمش مريحين هذيك راها لعسل ماتخافش هههه
الله يسلمك
هذيك هي والله يا لي شوا ماعجبونيش خلاص وخايفة نغلط منا ولا منا ونولي نبلوكي فالعام ونعاود فالباك خايفة نتاع الصح
​

ههه والله غير كيف كيف كي خالك كي عمي ، وجهان لعملة واحدة
آه اوكي ماعليش امالا قادر ناكلهم ضرك i-o:
---------
واش حبيتي تديري ختو؟ لازم علينا نخيرو قبل من الاحد ونوكلو أمرنا لله عز وجل هذا ما كان
ساعتا نقول ما نسجلش هاذ العام ونعاودلو للباك بالمراسلة واذا لحقت لمعدلي الحالي هاهو واذا قل نسجل بالمعدل تاع هاذ العام بالاك 15 العام الجاي يكون مفيد ، واما هاذ العام 15 = 10

 

[أنا برك]

مي خويا الواحد لازم يشوف للمستقبل ، مثلا تاع الفيزياء النووية ، في بلادنا واعر باه تلقا خدمة ولازم تروح للخارج وثم تكون الكلفة كبيرة
​

و علاه بعيدة تخرج للخارج وزيد وش راح تكون التكلفة؟؟
يخي مدام رايح منا يخدم يعني كلش ساجي

​