** ممكن مســـــــاعدة ـــ راني حايرة**

[sami 24]

السلام عليكم في بلاصة المدرس العليا للأساتذة ديري المدرس العليا للإعلام اللآلي ini واد سمار
احسن لك

 

[عاشقة رجاص]

السلام عليكم ورحمة الله تعالى وبركاته
اولا مبروك مبروك عليك
انا حبت الباك تقريبا كيما انتي 15.45
وهاذا هو توتيبي مي مازال ماسجلتش
جراحة اسنان
طب
المدرسة التحضيرية للهندسة المعمارية
المدرسة الوطنية للتكنولوجيا
المدرسة الوطنية العليا للاعلام الالي
محروقات وكيمياء
الالكترونيك
استاذ تانوي علوم دقيقة
استاذ ثانوي اعلام الي
علوم مادة

وعليكم السلام ورحمة الله وبركاته
يبارك فيك اختي كاتيا ربي يهنيك
وألف مروك ليك حنونة
ماشاء الله والله اختيارات هايلة مي نسقسيك
المدرسة الوطنية للتكنولوجيا واش تقراي فيها ولا واش تقدري تخدمي بيها من بعد؟

ةحبيت نوصيك اختي لازم خياراتك في 10 تكوني حابتهم لاني اختي

العام الي فات جابت 14.98 وخيرت كيما نتي دوك ويعني
صيدلة
طب
جراحة اسنان
واللخرين عمرت وخلاص اومبعد صحلها الاختيار السابع
يعني 3 اللخرين لازم تديريهم حاجة مليحة
ومعدلاتهم ماشي طالعن بزاف
لانو الصيدلة العام الي فات طلعت ل15.96
والطب ل15.35 وجراحة اسنان ل15.20
وان شاء الله تصحلك حاجة مليحة
وربي يوفقك ان شاء الله

شكرا ليك اختي بارك الله فيك على النصيحة
وعند حق أنا نعرف وحدة صاحبتي العام اللي فات معدلها مليح بزاف خيرت 9 اختيارات هايلة و10 حطت موسيقى غير باش تتمسخر برك جاتها هي ثما ولاات تجرري وتبكي وتطعن
لازم الواحد مايريسكيش خلاص
شكرا ليك كاتيا وربي يوفقك حنونة​

[QUOTE

 

[عاشقة رجاص]

l'archiii GO0D IDEA
sa7 lazemelek l massrouf w l'imagination m3a le temps tjiii méchi 7aja grave...w dessin aussi ri m3a le temps tet3alam en plus ri f 1 année li lazmelk dessin chwiia omba3d tetla3 f niveau p8sq l'archi maint mechi nta terssam b ydaek kayn les logiciels kima autocad,archicad....etc
w li 3ando fc yedkhol w yssa9siii hna mech ra7 yebkhlooo 3likom
http://www.facebook.com/blida.architecture10
w bin aironotiq w archi archiii khir^^

صح عندك الحق أختي
أنا نشفى فالسنة الأولى ثانوي قرينا 3 أشهر على الهندسة المعمارية
وخدمنا شوية بهاذ les logiciels فريمون حاجة هايلة تاع الصح​

w khawtiiii nwassikom 7aja lazem tkharoooohom f 10 mlèèè7 p8sq 9ader maymdolkomch choix 1 p8sq kayn bezaaaf li daw bac b mention donc kamel les branches ra7 tetla3 okkk
w 3la hadoook l a9ssam ta7diriya ri makalh p8sq ta9ray 3amin omba3d jawziii concours (donc fiha risq chwia)w bn couraaage

المدارس التحضيرية كامل قالولي أخطيك منهم على خاطر concours مش مضمون
على هذي رايحة نحط طول مدارس عليا ​

choufi ana jebt l bac l'année passé b 15 w maint rani ne9ra archiii f blida w kan mo3adal l 9oboul hadak l 3am presq 14
tela3 3la wèch dayrin f dalil
w ta3 9sntina w blida w oran w tassjil l watani homa l mkhayrin haka wèch sma3t et je ne sééé pas w beh nzidk l'archiii fiha des spicialités f 5 année 3andek tkhyri soit ARCHI+(heya jdida w l mkhayra)w ARCHI ET L'ENVIRONEMENT w kayn bezaaaf
w bn couraaaaaage

هي الجامعة لمخيرة تاع قسنطينة مي درك على حساب البرونش اللي يحطوني فيها
مام انا خيرت تاع التسجيل الوطني لخرين يخوفوا شوية
والله رايحة نسمع كلامك ونحط الهندسة المعمارية
شكرا ليك بزااااااف بزاف يا اختي بارك الله فيك
شكرا وربي يعاونك في قرايتك​

 

[beso&7ano]

صح خويا mir@cle والله عندك حق ممكن يحطوني فأي خيار من الخيارات اللي نديرهم

على هذي راني نسقسي مليح باش مانغلطش ممبعد

شكرا جزيلا لك والله اقتراحات روعة درك نزيد ننقي منهم ونشوف

شكرا بارك الله فيك​

أهلا بيك شوشيتا حبوبتي

والله راني مع العشرة هذو درك كملت 7

على بالك تاع دارنا كل واحد برايو زادو خربطوني خلاص

مي راني بغرضي كيما قلتي آخر أجل راه نهار الأحد

شكرا ليك يا ختي لعزيزة وربي يوفقك انتي تاني يا الزينة شكراااااا​

أهلا بيك أختي بيسو
أختي ممكن تقوليلي أنت واش حابة أكثر
وانا ممكن نعاونك
نتيا برك حدديلي أكثر التخصصات اللي يعجبوك حنونة​

ربي يحفظك شكرا على الاهتماااام ..
انا درت اداب و لغة و انجليزية و مبعدها علوم سياسية انا حرت وش ندير هذي و لا هذي .. و بابا مصمم ندير انجليزية الاولى و علوم سياسية الثانية و الله .. علابالك بلي راني لغات و هكذاك محباش نقرا انجليزية قالوووو صعيبة
شكرااااااااااااااااااا

 

[beso&7ano]

ربي يوفققققققققققققققققك حبووووووبة

 

[AHLEM1992]

ختى على حساب المعدل الحسابي تاعك ادا كان اكتر من 16 بزاف من المدارس العليا تقدري تدخليها
انا شخصيا لو كنت مكانك نخير مدرسة العليا للهندسة المعمارية و العمران ( الحراش)
بالتوفيق اختي ،،
​

 

[عاشقة رجاص]

حبيت نسقسيكم

المدرسة العليا للتكنولوجيا واش يقراو فيها

+
الاخ انا برك هدر على وقاية وامن غذائي نظن انو نفسو صيانة وامن غدائي

بالصح كاينة وحد اخرى نظافة وامن غذائي واش الفرق بينهم؟​

 

[عاشقة رجاص]

السلام عليكم في بلاصة المدرس العليا للأساتذة ديري المدرس العليا للإعلام اللآلي ini واد سمار
احسن لك

يعني هذي خير؟؟

والله نزيد نسقسي عليها ونشوف

شكرا ليك خويا سامي بارك الله فيك ​

ربي يحفظك شكرا على الاهتماااام ..
انا درت اداب و لغة و انجليزية و مبعدها علوم سياسية انا حرت وش ندير هذي و لا هذي .. و بابا مصمم ندير انجليزية الاولى و علوم سياسية الثانية و الله .. علابالك بلي راني لغات و هكذاك محباش نقرا انجليزية قالوووو صعيبة
شكرااااااااااااااااااا

شوفي أختي انساي كلمة صعيبة

وماتستخفيش بقدراتك

شوفي نتيا واش حابة وواش المادة اللي تشتيها

وماتقوليش خلاص راها صعيبة

ياخي رانا نتعلمو

شوية اجتهاد ومثابرة وعزيمة وخلاص + شوية زهر هههه راني نتمسخر برك

وربي يوفقك اختي وينولك اللي في بالك
+
ديري صلاة الإستخارة مليحة ياااسر​

ربي يوفققققققققققققققققك حبووووووبة

ويوفقك يا الزينة شكرا جزيلا​

 

[kiloua]

السلام عليكم
انصحك بان تصلي صلاة الاستخارة في سكينة ووقار
والله الموفق

 

[عاشقة رجاص]

ختى على حساب المعدل الحسابي تاعك ادا كان اكتر من 16 بزاف من المدارس العليا تقدري تدخليها

انا شخصيا لو كنت مكانك نخير مدرسة العليا للهندسة المعمارية و العمران ( الحراش)
بالتوفيق اختي ،،​

تقصدي بالمعدل الحسابي معدل المواد العلمية
جاني 16.65
بالصح مانظنش لازم 16 نظن 14 تكفي لالا؟​

 

[عاشقة رجاص]

السلام عليكم
انصحك بان تصلي صلاة الاستخارة في سكينة ووقار
والله الموفق

وعليكم السلام ورحمة الله وبركآته
نعم أختي نصيحتك قيمة
بآرك الله فيك

شكرا جزيلا​

 

[sara_k]

اخــتي حـآاولـي تكمــلي القآأئمة باختيــآأرآأت علميـة
لانه ممكــن يعـطوكـ من الاختيآأرآأت الاخيرة
ومـآأيكونش عندكـ حق في الطعـن لأنكـ ذكــرتيــهآأ فالقآأئمـة
وان شأآء الله يعـطوكـ وآأش رآأكـي بآأغيـهـ
..
​

 

[hikram]

 

[himina]

ممكن ران روتار مي راهم حطو فيليار هندسة بيو طبية راهي امليحا بزاف ومام المدرس العليا للاعلام الاي هاذيك تاني راهي امليحا انا والله بسيف ماكملت الخيارات هادوك نعيا وروح لارمي راني انشوف بلي الجامعة ماتخرش بزاف

 

[عاشقة رجاص]

ممكن ران روتار مي راهم حطو فيليار هندسة بيو طبية راهي امليحا بزاف ومام المدرس العليا للاعلام الاي هاذيك تاني راهي امليحا انا والله بسيف ماكملت الخيارات هادوك نعيا وروح لارمي راني انشوف بلي الجامعة ماتخرش بزاف

هيمي الهندسة البيو طبية واش فيها

قالولي تاع لي راديو والسكانار لالا

أنا ماعجبونيش بزاف لي فيليار​

 

[himina]

هيمي الهندسة البيو طبية واش فيها​

قالولي تاع لي راديو والسكانار لالا ​

أنا ماعجبونيش بزاف لي فيليار​

هي راهي دراسة جديدة صح فيها لفكاير هاذوك مي ماش بالطريقة هاذيك السابل راهم يخدمو بالشعة يعني لي زوبيراسيو لازار .......... انا يعني ماخيرتهاش ماعندو ماداني لتلمسان
راني نخمم اذا كتب ربي اندير ميدسين اهنا في باتنة ومن بعد نترونسفيري لقسنطينة بارسكو لافورماسيو اهنا ماعطاوهاش وين لحقتي في الخيارات

 

[طيور السلام]

السلام عليكم
واش هجورة مازال ما درتيش؟
ازربي قبل ما يتبلوكا السيت
على العموم هذا واش خيرت انا
Choix 1: 700 MEDECINE [UNIV. BEJAIA (BEJAIA)]
Choix 2: F04 HYDROCARBURES ET CHIMIE [UNIV. BOUMERDES (BOUMERDES)]
Choix 3: CP4 E.S.I (EX I.N.I) (CLASSES PREPARATOIRES INTEGREES) [E.S.I (ex I.N.I) (Classes Préparatoires Intégrées) (ALGER)]
Choix 4: 701 PHARMACIE [UNIV. SETIF (SETIF)]
Choix 5: 702 CHIRURGIE DENTAIRE [UNIV. SETIF (SETIF)]
Choix 6: F18 INDUSTRIES PETROCHIMIQUES [UNIV. SKIKDA (SKIKDA)]
Choix 7: CP3 E.P.A.U (CLASSES PREPARATOIRES INTEGREES) [E.P.A.U (Classes Préparatoires Intégrées) (ALGER)]
Choix 8: CP1 CP SCIENCES ET TECHNIQUE [EP Science et Technique (ALGER, ANNABA, TLEMCEN, ORAN)]
Choix 9: F05 GENIE ELECTRIQUE ET ELECTRONIQUE [UNIV. BOUMERDES (BOUMERDES)]
Choix 10: 417 SCIENCES EXACTES (P.E.S) [E.N.S Kouba (ALGER)]



+ هندسة بيوطبية على حد قول الاخت راهي مليحة واقيلا

 

[secret de coeur]

سلامو خاوتي بغيت نسقسيكم اليوم آخر أجل لإدخال الرغبات
وغدوة ان شاء الله عاد نأكدوهم ؟؟
بلييز جاوبوني
​

 

[katia48]

سلامو خاوتي بغيت نسقسيكم اليوم آخر أجل لإدخال الرغبات​

وغدوة ان شاء الله عاد نأكدوهم ؟؟
بلييز جاوبوني​

وعليكم السلام
ايه اليوم اخر اجل للتسجيل والسيت راح يغلق على 23.59
والتاكيدات من غدوة ان شاء الله حتى نهار 20 جويلية

 

[secret de coeur]

وعليكم السلام
ايه اليوم اخر اجل للتسجيل والسيت راح يغلق على 23.59
والتاكيدات من غدوة ان شاء الله حتى نهار 20 جويلية

مرسي حبيبتي ربي يخليك
واه حتى انا سجلت البارح
وباقي التأكيد غدوة ان شاء الله
موفقة
​