** ممكن مســـــــاعدة ـــ راني حايرة**

[عاشقة رجاص]

واش نقلك يا اختي
الترافو و الوقاية هدو تقريبا بنسبة كبيرة للذكور لكن مايمنعش انو
كاين الاناث و يخدمو عادي و الخدمة متوفرة​

الترافو هدا المعهد جاي في القبة في قريدي 1 نورمالمون
يعني اشغال عمومية يخرج مهندس دولة
و الاغلبية تهزهم الشركات ديراكت من المعهد للخدمة
مثلا gcb تقريبا كل عام تهز عدد معين
وكاين امامو معهد لكن للتكوين يخرج مهندس تطبيقي
ومطلوبين ثاني
لكن هدا للي ماينجحش الباك ولازم معريفة كبيرة​

اما الوقاية هدا المعهد الوحيد في افريقا قبل مايحل معهد نورمالمون في مصر
و كلية في جامعة عنابة نورمالمون ثاني حلت
هدا تقريبا مكانش واحد يقراه واميخدمش لانو ناقص ومطلوب
لانو الدولة تفرض على اي شركة تواجد التخصص هدا
وخاصة في سونطراك الكل رااهم الثم يخدمو
هدا التخصص يهتم بالوقاية و الامن الصناعي في الشركات
هذا رابط للمعهد بيه بعض المواضيع باش تفهمي شوي
http://batnauniv.mountada.biz/f32-montada​

المهم يا اختي اللي كاتبهالك ربي تديها
و ماتلقليش التخصص الفالني مافيهش الخدمة
الرزق على ربي
بالتوفيق اختي​

والله ياخويا بارك الله فيك ربي يهنيك
عاونتنا بزااااف تاع الصح
شكرا ليك بزاف بزاف
أنا لاحظت باللي معظم التخصصات تخرج على الذكور أكثر
لبنات عندهم الطب الصيدلة جراحة الأسنان والمدارس العليا على هذي تخلطت شوية
وكيما قلت اللي كاتبها ربي هذيك هي
مي فالدليل تاعنا حرت في وحد الحاجة
كاتبين
هندسة معمارية وعمران وكاتبين الولايات التابعة لمؤسسات التكوين والمعدل مش كاتبينو
وفي صفحة اخرى كاتبين هندة معمارية وعمران في قسنطينة والتسجيل وطني وطالبين المعدل يفوق 13
مافهمتش واش الفرق؟​

 

[طيور السلام]

أنا كون ندير مدرسة عليا نكمل الماجيستار والدوكتوراه ونخدم فالجامعة
كيما قلت الليسي صايي كرهت منو + التلاميذ تاعو يحقرو الأستاذات هههه نخاف منهم​

المهم مازالك في مجال التعليم ، في الجامعة مليحة ماكانش الحقرة كيما قلتِ ههه
​

 

[طيور السلام]

يا اخي و الله كلشي ساهل حنا برك نصعبو فيها
-يعني مدام يسهلك ربي مكانش اللي يعطلك-

يا اخي انا في وقت الباك كانت نسبة قليلة
اللي تجيب معدلات مليحة
وكان مول العشرة يغزيستي
اما درك راني نسمع غير في 15 و 16 و اطلع الفوق
يعني
مول ال 13 و ال 14 راحو غبرو

نزيد نقلك انا في 2006 كان التخصص نتاعي شوي واعر
نجحت غير بمقبول و طلبت حوايج كبار
مثال ترافو و محروقات و الكتورميكانيك
هدو كامل معاهد كبار
للاسف ماعطاونيش
و قريت جذع مشتركlmd وجبت عوامي في تلاثة
درك عندي لاليسانس
ومع خلصت دخلت نخدم
وتقريبا نخلص كيما لانجينيير
و الحمد لله

المهم انوي الخير تلقاه
ربي يوفقكم

​

بآرك الله فيك أخي وجزاك الله كل الخير ان شاء الله
الصح حنا برك اللي نصعبو في لاامور وهذا بسبب ضغوطات المحيط ..
اييييه لو كان يوليو اليامات هاذوك كان الباك تاعنا يسوى ماشي كيما ضرك اللي جا يجيب 17 الله غالب المنهج البن بوزيدي !!
الله يبارك خويا ، المهم تعبك ماراحش هكذاك
ىيمن يا رب
مشكور كثيرا أخي
​

 

[عاشقة رجاص]

اختي عمري باللغات الفرونسي والانجلي مدارس عليا
ثاني هادوك ملاح

خممت فيهم بالاك نحطهم وخلاص​

ديري أستاذة الرياضيات الفيزياء و لك الاختيار انت حرة.

ممكن نحطهم
شكرا ليك حنان بارك الله فيك​

 

[إشراقات]

خلايع ؟ وينا خلايع اختي ؟ الصح النهار الاول كانت شوية خلعة مي الباقي ولله غير جبناها ضحك كلي ماكناش نجوزو في امتحان مصيري ، صراحة عجبولي هاذوك الاجواء لو كان لقيت نعاودهم ديما

والوا خويا ...اعادة الباك امر صعب جدااا وقليل لي يتحملولوا
كانت تقراى معايا وحدة كونديدا ليبر جابت باكها العام لي فات مي ما قاسوهاش طب
وحبت تعاود الباك ....تقولنا بلي اللي يعاود الباك راه تولي عندو مسؤولية اكبر
لانو يكون يخدم في زوج صوالح
يقرى في الجامعة واومام تون يقرى للباك
وزيد لا شارج وستراس ....
.حنا ان شاء الله ربي يكتبلنا لي راه شايفهالنا مليحة وتخرج علينا
وما نعاودو لا باك لا والوا

 

[عاشقة رجاص]

الله يبارك مبرووووووووك عليك جات رطار مي خير من ماتنقالش​

كمليها مدارس عليا زيد الطب حادفينو السنة
وبالتوفيق في حياتك صقصي قبل ماديري اي حاجة كاين اللي مر بهاد لي شوا ويعطيك رايو ​

ايا سلام................​

الله يبارك فيك خويا ربي يهنيك
شكرا ليك بزااااف
لالا مش حاذفينو بالصح مناصب قليلة على خاطر 60 /100 من الناس اللي راحو طب العام اللي فات عاودو السنة
شوف الزهر تاعنا في كلشي راقد:sad:
عندك حق والله راني نسقسي ماخليت حتى واحد وربي يسهل
شكرا خويا بارك الله فيك​

 

[طيور السلام]

والوا خويا ...اعادة الباك امر صعب جدااا وقليل لي يتحملولوا
كانت تقراى معايا وحدة كونديدا ليبر جابت باكها العام لي فات مي ما قاسوهاش طب
وحبت تعاود الباك ....تقولنا بلي اللي يعاود الباك راه تولي عندو مسؤولية اكبر
لانو يكون يخدم في زوج صوالح
يقرى في الجامعة واومام تون يقرى للباك
وزيد لا شارج وستراس ....
.حنا ان شاء الله ربي يكتبلنا لي راه شايفهالنا مليحة وتخرج علينا
وما نعاودو لا باك لا والوا

ختي شفت في الدليل على انو الي ما سجلش العام اللي فات في الجامعة قادر يسجل هاذ العام ، يعني قادرين نديروها حنا ونسجلو العام الجاي ؟ وهكذا نقضيو على الاشكال
يعني هذا هو المكتوب ، نكملو هكذا وربي يخرجها للخير ان شاء الله
هات برك يمدولنا حاجة مليحة

 

[أنا برك]

والله ياخويا بارك الله فيك ربي يهنيك
عاونتنا بزااااف تاع الصح
شكرا ليك بزاف بزاف
أنا لاحظت باللي معظم التخصصات تخرج على الذكور أكثر
لبنات عندهم الطب الصيدلة جراحة الأسنان والمدارس العليا على هذي تخلطت شوية
وكيما قلت اللي كاتبها ربي هذيك هي
مي فالدليل تاعنا حرت في وحد الحاجة
كاتبين
هندسة معمارية وعمران وكاتبين الولايات التابعة لمؤسسات التكوين والمعدل مش كاتبينو
وفي صفحة اخرى كاتبين هندة معمارية وعمران في قسنطينة والتسجيل وطني وطالبين المعدل يفوق 13
مافهمتش واش الفرق؟​

و فيك بورك اختي
لا مكانش فرق بين الذكر و الانثى هنا
صح تلقاي نسبة كبيرة للدكور مي كاين اناث
نزيدك حاجة انا التخصص اللي قريتو في الجامعة
جديد و كي نقلك نتاع ذكورة برك يعني نتاع ذكورة
مايصلحش للاناث ومع ذللك قراو معايا 4 بنات
و كي خلصنا و بداو يخدمو فينا طلبوهم
لكن للاسف كاين اللي تزوجت وكاين اللي ماحبتش تخدم
وكاين اللي ماقبلتش باسكو راح تخرج من دارهم و تبعد باه تخدم

بلاك في الاول يقصدو في واش قتلك يعني
تقراي فيهم بلا الباك كيما قتلك معهد التكوين نتاع القبة

اما في الثانية عادي تقراي في الجامعة في قسنطينة
الهندسة يقراوها في زرزارة
تقراو 3 سنين مع بعض و العامين لخرين تتخصصو
ومن بين احسن التخصصات المطلوبين في الهندسة المعمارية
كاين غير في قسنطينة و اللي هو
طرق و منشئات فنية
Vois et Ouvrages d'Art
VOA
هك يسموه
هدا مليح ياسر
اذا كتب ربي وقريتي الثم خيريه هو في الماتريام
لكن سمعت هدي اخر برومو فيه في الكلاسيك
راح يولي المدي و حلوه في جامعات عدة
؟؟
لست متأكد لكن نورمالمون صح

اختي نقلك حاجة
واش رايك تقراي فارماصي؟؟
تخدمي عند روحك -اذا لقيتي المعاونة-
ولا تكري الديبلوم و هاكي قاعدة
واحد مايديرونجيك
هههه


​

 

[عاشقة رجاص]

إن شاء الله يا رب

امالا راه ممنوع عليك ههه
في الاول خلاص كانت عاجباتلي فارماسي تقرا شوية ومن بعد تتزوج هه مي كي سقسيت قالولي ما تلقاش وين تخدم خاصة باه تحل وحدك لازملك في منطقة نائية الحالة معمرة بالفارماسيات وهوما راهم يخدمو بقانون المسافات (لازم تكون 400 ولا 500m ) بين فارماسي ولا ختها :sad:
والطب كرهتو على جال المدة أكثر من 10 سنين والله غير بزاف ​

خلايع ؟ وينا خلايع اختي ؟ الصح النهار الاول كانت شوية خلعة مي الباقي ولله غير جبناها ضحك كلي ماكناش نجوزو في امتحان مصيري ، صراحة عجبولي هاذوك الاجواء لو كان لقيت نعاودهم ديما

إن شاء الله ختي ، ضرك نسقسي ، اشحال من واحد قاللو لبابا قوللو يجي ننصحو مي والله ما عندي الوقت اللازم قتلونا بالجريان
ايا السلام عليكم

هو ممنوع مي كون نخشن راسي والله نروح ليه على الصباح أنا برك ناس ملاح وخاطيني المشاكل ههه
والله والو الفارماسي هايلة إذا حبيت تكري ديبلومك ب 6 ملاين ولا كثر فالشهر وزيد البلاد راها كبيرة وين جاتك حل المهم المسافة كيما قلت
الطب مام أنا عاسرتلو بزاف
أنا الخلعة حكمتي كيما خرج الباك تاع العام اللي فات لدرك مازال قلبي يخبط
الخلعة هي اللي دارتلي هكذا وليت فالباك نخلط برك سيرتو فالفيزيك من الخلعة مانعرف واش كتبت
كي نتفكرها المورال يهبط كون راني ب 18 عندي غير 3 خيارات الله الله هههه
روح سقسي مليح مليح وردلنا الخبر​

 

[عاشقة رجاص]

والوا خويا ...اعادة الباك امر صعب جدااا وقليل لي يتحملولوا
كانت تقراى معايا وحدة كونديدا ليبر جابت باكها العام لي فات مي ما قاسوهاش طب
وحبت تعاود الباك ....تقولنا بلي اللي يعاود الباك راه تولي عندو مسؤولية اكبر
لانو يكون يخدم في زوج صوالح
يقرى في الجامعة واومام تون يقرى للباك
وزيد لا شارج وستراس ....
.حنا ان شاء الله ربي يكتبلنا لي راه شايفهالنا مليحة وتخرج علينا
وما نعاودو لا باك لا والوا

والله صح عندك الحق ختي
مام انا قراوا معايا اللي عاودوا الباك أحرار يعني قراو معايا فلي كور
والله مساكن كثر علينا مسؤولية كبيرة
وثاني ماتعرفش العام الجاي الظروف كيفاش
بالاك يوليو يجيبو المعدلات 20 و21 يعني 15 تاعي الله يرحم فنون وماتصحليش هههه​

المهم مازالك في مجال التعليم ، في الجامعة مليحة ماكانش الحقرة كيما قلتِ ههه ​

التعليم يا التعليم الله غالب كون تتحتم خير من الدار :sad:
الجامعة هايلة + انا والحقرة مانتفاهموش خلاص مانحقر ومايحقروني​

 

[عاشقة رجاص]

و فيك بورك اختي
لا مكانش فرق بين الذكر و الانثى هنا
صح تلقاي نسبة كبيرة للدكور مي كاين اناث
نزيدك حاجة انا التخصص اللي قريتو في الجامعة
جديد و كي نقلك نتاع ذكورة برك يعني نتاع ذكورة
مايصلحش للاناث ومع ذللك قراو معايا 4 بنات
و كي خلصنا و بداو يخدمو فينا طلبوهم
لكن للاسف كاين اللي تزوجت وكاين اللي ماحبتش تخدم
وكاين اللي ماقبلتش باسكو راح تخرج من دارهم و تبعد باه تخدم​

بلاك في الاول يقصدو في واش قتلك يعني
تقراي فيهم بلا الباك كيما قتلك معهد التكوين نتاع القبة​

اما في الثانية عادي تقراي في الجامعة في قسنطينة
الهندسة يقراوها في زرزارة
تقراو 3 سنين مع بعض و العامين لخرين تتخصصو
ومن بين احسن التخصصات المطلوبين في الهندسة المعمارية
كاين غير في قسنطينة و اللي هو
طرق و منشئات فنية
vois et ouvrages d'art
voa
هك يسموه
هدا مليح ياسر
اذا كتب ربي وقريتي الثم خيريه هو في الماتريام
لكن سمعت هدي اخر برومو فيه في الكلاسيك
راح يولي المدي و حلوه في جامعات عدة
؟؟
لست متأكد لكن نورمالمون صح​

اختي نقلك حاجة
واش رايك تقراي فارماصي؟؟
تخدمي عند روحك -اذا لقيتي المعاونة-
ولا تكري الديبلوم و هاكي قاعدة
واحد مايديرونجيك
هههه​

أيا مالا خلاص درك اللول نليكيديه والثاني تاع قسنطينة نحطو
الفارماسي راها نامبر وان فالقائمة هههه هايلة بزاااااف وعاجبتني
مي لازم نحط 10
وخايفة يطيشوني في وحدة من 10 هذوك على هاذي راني نسقسي
شكرا ليك خويا ربي يخليك​

 

[mir@cle]

أختي ماتحطيش نهائيا في الاختيارات العشرة حاجة مش مقتنعة بيها
عندك بعد الصيدلة وجراحة الأسنان والطب اختيارات كثيرة جدا ممكن تحطيها مثل :المدرسة العليا للإعلام الآلي، محروقات وكيمياء جامعة بومرداس، المدرسة الوطنية المتعددة التقنيات، المدرسة المتعددة التقنيات للهندسة المعمارية والعمران -الحراش، المدرسة العليا للتكنولوجيا المدرسة العليا للتكنولوجيا(الجزائر) ، الكترونيك جامعة بومرداس......الخ
هذي كلها اختيارات في القمة
​

 

[chiguevara]

السلام عليكم
واش الاحوال جوجيتا راكي مع الخيارات ربي يعينك باش تعمري العشرة
للاسف ما نقدرش نعاونك انا عمرت 5 والتالية فيهم حطيتها ق هاك
زيدي سقسي على التخصصات اللي عجباتك اساميهم و حطيهم في قرضك راه ما زال كاين الوقت
ربي يعينك و يوفقك و يعطيك اللي في بالك
​

 

[beso&7ano]

السلام عليكم و رحمة الله و بركاته ..
انا راني ادبية(لغات) و معدلي راهو 11.89

و هذو الاختيارات مدوهملي و حرت كيفااااااااااااااااااه معنديش شكون يوريلي

1. حقوق
2. علوم سياسية
3. اذاب و لغات المانية
4.اداب و لغة انجليزية
5. اداب و لغة اسبانية
6. اداب و لغة فرنسية
7. اداب و لغة ايطالية
8.اداب و لغة روسية
9. علوم انسانية
10. علوم اجتماعية
11.علوم اسلامية
12.علوم اسلامية
13.فنون التشكيلية الفنون الدرامية
14.حفظ التراث
15.فنون العرض المسرحي
16.فنون العرض المسرحي .الفنون التشكيلية .موسيقى
17.فنون سينيمائية
18.فنون التشكيلية .فنون العرض المسرحي
19. لغة و ادب عربي
20. لغة و ثقافة امازيغية
21.لغة و ثقافة امازيغية
22.لغة وثقافة امازيغية
23.موسيقى استاذ التعليم المتوسط ( مدرسة عليا)
24.علوم و تقنيات النشاطات البدنية و الرياضية ..

في انتظاركم

 

[katia48]

السلام عليكم ورحمة الله تعالى وبركاته
اولا مبروك مبروك عليك
انا حبت الباك تقريبا كيما انتي 15.45
وهاذا هو توتيبي مي مازال ماسجلتش
جراحة اسنان
طب
المدرسة التحضيرية للهندسة المعمارية
المدرسة الوطنية للتكنولوجيا
المدرسة الوطنية العليا للاعلام الالي
محروقات وكيمياء
الالكترونيك
استاذ تانوي علوم دقيقة
استاذ ثانوي اعلام الي
علوم مادة

 

[katia48]

ةحبيت نوصيك اختي لازم خياراتك في 10 تكوني حابتهم لاني اختي
العام الي فات جابت 14.98 وخيرت كيما نتي دوك ويعني
صيدلة
طب
جراحة اسنان
واللخرين عمرت وخلاص اومبعد صحلها الاختيار السابع
يعني 3 اللخرين لازم تديريهم حاجة مليحة
ومعدلاتهم ماشي طالعن بزاف
لانو الصيدلة العام الي فات طلعت ل15.96
والطب ل15.35 وجراحة اسنان ل15.20
وان شاء الله تصحلك حاجة مليحة
وربي يوفقك ان شاء الله

 

[ام اشرف]

السلام عليكم ، الف مبروك عليك أخني
​

هندسة معمارية قالك لازم يكون عندك تخيلات كبييييرة وزيد تسحق بزاف الاورو هه الماتيريال تاعها غالي وكي تخرجي الخدمة مايش مضمونة
والاعلام الالي (المعهد) مليح مي مانعرف اشحال المعدل اللي يقبلوه

l'archiii GO0D IDEA
sa7 lazemelek l massrouf w l'imagination m3a le temps tjiii méchi 7aja grave...w dessin aussi ri m3a le temps tet3alam en plus ri f 1 année li lazmelk dessin chwiia omba3d tetla3 f niveau p8sq l'archi maint mechi nta terssam b ydaek kayn les logiciels kima autocad,archicad....etc
w li 3ando fc yedkhol w yssa9siii hna mech ra7 yebkhlooo 3likom
http://www.facebook.com/blida.architecture10
w bin aironotiq w archi archiii khir^^

 

[ام اشرف]

w khawtiiii nwassikom 7aja lazem tkharoooohom f 10 mlèèè7 p8sq 9ader maymdolkomch choix 1 p8sq kayn bezaaaf li daw bac b mention donc kamel les branches ra7 tetla3 okkk
w 3la hadoook l a9ssam ta7diriya ri makalh p8sq ta9ray 3amin omba3d jawziii concours (donc fiha risq chwia)w bn couraaage

 

[ام اشرف]

والله ياخويا بارك الله فيك ربي يهنيك
عاونتنا بزااااف تاع الصح
شكرا ليك بزاف بزاف
أنا لاحظت باللي معظم التخصصات تخرج على الذكور أكثر
لبنات عندهم الطب الصيدلة جراحة الأسنان والمدارس العليا على هذي تخلطت شوية
وكيما قلت اللي كاتبها ربي هذيك هي
مي فالدليل تاعنا حرت في وحد الحاجة
كاتبين
هندسة معمارية وعمران وكاتبين الولايات التابعة لمؤسسات التكوين والمعدل مش كاتبينو
وفي صفحة اخرى كاتبين هندة معمارية وعمران في قسنطينة والتسجيل وطني وطالبين المعدل يفوق 13
مافهمتش واش الفرق؟​

choufi ana jebt l bac l'année passé b 15 w maint rani ne9ra archiii f blida w kan mo3adal l 9oboul hadak l 3am presq 14
tela3 3la wèch dayrin f dalil
w ta3 9sntina w blida w oran w tassjil l watani homa l mkhayrin haka wèch sma3t et je ne sééé pas w beh nzidk l'archiii fiha des spicialités f 5 année 3andek tkhyri soit ARCHI+(heya jdida w l mkhayra)w ARCHI ET L'ENVIRONEMENT w kayn bezaaaf
w bn couraaaaaage

 

[عاشقة رجاص]

أختي ماتحطيش نهائيا في الاختيارات العشرة حاجة مش مقتنعة بيها

عندك بعد الصيدلة وجراحة الأسنان والطب اختيارات كثيرة جدا ممكن تحطيها مثل :المدرسة العليا للإعلام الآلي، محروقات وكيمياء جامعة بومرداس، المدرسة الوطنية المتعددة التقنيات، المدرسة المتعددة التقنيات للهندسة المعمارية والعمران -الحراش، المدرسة العليا للتكنولوجيا المدرسة العليا للتكنولوجيا(الجزائر) ، الكترونيك جامعة بومرداس......الخ
هذي كلها اختيارات في القمة​

صح خويا mir@cle والله عندك حق ممكن يحطوني فأي خيار من الخيارات اللي نديرهم

على هذي راني نسقسي مليح باش مانغلطش ممبعد

شكرا جزيلا لك والله اقتراحات روعة درك نزيد ننقي منهم ونشوف

شكرا بارك الله فيك​

السلام عليكم

واش الاحوال جوجيتا راكي مع الخيارات ربي يعينك باش تعمري العشرة
للاسف ما نقدرش نعاونك انا عمرت 5 والتالية فيهم حطيتها ق هاك
زيدي سقسي على التخصصات اللي عجباتك اساميهم و حطيهم في قرضك راه ما زال كاين الوقت
ربي يعينك و يوفقك و يعطيك اللي في بالك ​

أهلا بيك شوشيتا حبوبتي

والله راني مع العشرة هذو درك كملت 7

على بالك تاع دارنا كل واحد برايو زادو خربطوني خلاص

مي راني بغرضي كيما قلتي آخر أجل راه نهار الأحد

شكرا ليك يا ختي لعزيزة وربي يوفقك انتي تاني يا الزينة شكراااااا​

السلام عليكم و رحمة الله و بركاته ..
انا راني ادبية(لغات) و معدلي راهو 11.89

و هذو الاختيارات مدوهملي و حرت كيفااااااااااااااااااه معنديش شكون يوريلي

1. حقوق
2. علوم سياسية
3. اذاب و لغات المانية
4.اداب و لغة انجليزية
5. اداب و لغة اسبانية
6. اداب و لغة فرنسية
7. اداب و لغة ايطالية
8.اداب و لغة روسية
9. علوم انسانية
10. علوم اجتماعية
11.علوم اسلامية
12.علوم اسلامية
13.فنون التشكيلية الفنون الدرامية
14.حفظ التراث
15.فنون العرض المسرحي
16.فنون العرض المسرحي .الفنون التشكيلية .موسيقى
17.فنون سينيمائية
18.فنون التشكيلية .فنون العرض المسرحي
19. لغة و ادب عربي
20. لغة و ثقافة امازيغية
21.لغة و ثقافة امازيغية
22.لغة وثقافة امازيغية
23.موسيقى استاذ التعليم المتوسط ( مدرسة عليا)
24.علوم و تقنيات النشاطات البدنية و الرياضية ..

في انتظاركم

أهلا بيك أختي بيسو
أختي ممكن تقوليلي أنت واش حابة أكثر
وانا ممكن نعاونك
نتيا برك حدديلي أكثر التخصصات اللي يعجبوك حنونة​