ماذا ستطبخين اليوم سيدتي الجزء 4

[برنســ اللمة ـيسة]

راني حطيت الوصفة تفضلو نتمنى تعجبكم البايلا تاعي​

https://www.4algeria.com/vb/showthread.php?p=3452170#post3452170

 

[ibtesem]

اممممممممممممممم ياممممممممممممممممممم الحمد والشكر لله مرانيش نتوحم ههههههههههههه
راكم شختونا حرام عليكم
احنا غدانا شخشوخة تاع السيار
والبوراك تاع الدار
ايمان راها تعاود في الوحم

 

[ibtesem]

مزال قلب اللوز راها معولة عليه اليوم

 

[روز]

ابتسام الرسائل الخاصة مش يمشو عندك؟

 

[ibtesem]

روز جاوبيني راني نكتبلك في س

 

[nada242008]

تسنيم مافهمتش البصل اللي درتو واش من طبق تقصديه
بدون مجاملة المحجوبة تاعك ماشاء الله ولاحظت فرق في طريقة الطهو جاتك تهبل تهبل يعطيك الصحة حبيبتي

 

[tasnim55]

ام حنين يعطيك الصحة معجنات هااايلة وشربة عدس تشهي تفتح النفس والكيكة مشااااااااء الله وعيد ميلاد سعيد لبنتك وعقبال 100 سنة ونشاء الله تفرحي بيها حبيبتي :sheer::sheer::sheer:
​

 

[tasnim55]

انا ثاني راني وحدي يا روز
بلعكس تحلى التجار غير كي نعود وحدي باش مانسمعش التعليقات المزعجة اللي طيح المورال
درت حسابي قلت نزيد معاه بيتزا اونكا او ماعجبنيش
نلوحو في الخبز اليابس لا من شاف ولا من دري ههههه
جا مليح بصح بنة الزيت زيتون قاوية شوية وانا مش متعودة هههه
مش كيما البيتزا خلاص ..يشبه للخبز بزيت الزيتون والزيتون
الحشوة بنينة زدت معاها باطة طون تاع زيت
يجي مقرمش ياسر
وهذا شكلو

وهذي البيتزا

---وفاء يعطيك الصحة على البيتزا جاتك هايلة
ايمان يعطيك الصحة اطباق تشهي

ام ندوش حبيبتي البيتزات رووووعة والبيتزاالاولى لنقصدها تاع البصل عجبتني مشاء الله عليك
ومشكووورة على التقيم والفضل لك

 

[l'algeroise]

مساء الخير عليكم أخواتي وشراكم نشالله تكونو كامل بخير توحشتكم بزاف و توحشت اللمة ليوم وين روحت من زيرالدة راني ko من الطريق بصح قلت لازم نطل عليكم مازال ماشفتش وش طيبتو بصح علابالي بلي راكم متهليين فالكوزينة يعطيكم الصحة كامل

 

[ibtesem]

شخشوخة سيار

بوراك

تفضلو يالبنات

 

[ام منصف]

مساء الخير والانوار
بصحتكم غداواتكم وعشاواتكم تشهي
خاصة المعجنات
الله يبارك عليكم
​

 

[tasnim55]

لالجيرواز والله غير توحشناك وخليتي بلاصتك عزيزتي بصحتك التحويسة
ابتسام بصحتك القعدة مع ايمان27 الله يبارك شخشوخة السيار اول مرة نسمع بيها ميش شخشوخة الظفر اختي بصح جات تهبل حنونة وشكلها يشهي والبوراك هااااايل بصحتكم طيبتيها انت و ايمانو والله غير يعطيكم الصحة يا حراير مشاء الله جات
​

 

[rima29]

يعطيك الصحة ابتسام الشخشوخة تجنن والله
بصحتكم حنونة​

 

[nada242008]

لالجيغواز مرحبا خليتينا بلاصتك والحمد لله كي رجعتي على خير
ام حنين الطارطة تهبل عقابل 100 سنة ان شاء الله
ابتسام ممممممممممم على الشخشوخة جات تهبل ..تشبه للثريدة
انت حايرة في اللوبيا وضاربة شخشوخة هههههه
بصحتكم حتى البوراك جاك هايل
انا طيبت سلاطة فلفل وطماطم وباذنجال مشويين مع الطون وسلاطة خيار
وبطاطا محمرة جات مممم تذوب في الفم

صح عشاكم كامل:sheer:

 

[ام منصف]

عشاك يشهي ام ندى
بصحتكم
حنا عشانا بريك وشربة وسلاطة
ما زلت في دارنا ممكن الثلاثاء ان شاء الله نروح
ندى راهي تبحر مع خالها وبناته ومنصف راهو معايا
سلامي لكل البنات الحاضرات والغائبات
​

 

[ibtesem]

الله اسلمكم تسنيم وريمة

 

[rima29]

صح عشاكم ندووووووووووووشة
قوليلي كيفاش درتيها هذيك البطاطا ؟​

 

[nada242008]

الله يسلمك ام منصف وبصحتكم انتوما ثاني العشاء الرمضاني
وربي يخليلك ندودة ومنصف
انا عولت نروح على نهار نزورهم قبل رمضان والظروف ماتسمحش
سمانة كاملة راجلي محكوم بالخدمة وانا عندي عرس بالثلاثا وحفلة بالخميس
راني نخطط ونعاود كشما نلقى نهار ونخطف روحي ونطل عليهم :sadwalk:

 

[جنة القلوب]

تبارك الله عليكم

 

[nada242008]

صح عشاكم ندووووووووووووشة
قوليلي كيفاش درتيها هذيك البطاطا ؟​

الله يسلمك ريمة
البطاطا تقطعيها مربعات شوية كبار وتحطيها في مقلة تكون تقيلة شوي + 2 مغارف كبار زبدة ورشة ملح وفلفل اكحل وتغطي عليها وتخليها على نار هادئة جدا جدا
ومرة على مرة تحركيها باش ماتلصقش
كي تطرى ترابي فوقها 2 فصوص ثوم وتخليها تكمل طيابها وتقوي النار بعد ماتشوفيها طرات
كي تبدا تتحمر نحي المغطة ورشي عليها معدنوس وطفي النار وقدميها
تجي هاااايلة