ماذا ستطبخين اليوم سيدتي الجزء 4

[omhaneen]

انشاء الله basoum

 

[ibtesem]

بصحتك حنين التليتلي
اشهي
كاش سهرة او مكان والو

 

[tasnim55]

السلام عليكم وصح عشاكم
ام ندوش الحميص جاك هايل والبطاطا روعة راني جربتها ومع الاخير درت البيض مع القرويار على شكل اوملات وجات بنينة
ام حنين بصحتك التليتلي الله يبارك يشهي
لالجيرواز اممممم سباقيتي تشهي بصحتك حنونة
اختي لالجيرواز الغرايف كالتالي:
كيلة سميد يكون ارطب اقل من كيلة فرينة بيضة كاملة ملعقة كبيرة خميرة الخبز دريها في ماء دافئ مع شوية سكر, ملح خميرة الحلوى والماء عينك ميزانك تقريبا 3 كيلات الى 4كيلات ماء وخبطي جيدا بالمكسور حتى تشوفي الرغوة وخليها ترتاح حتى تتضاعف كي تجربي طيبي وحدة ومكانش الثقب بزاف دري 2 خميرة الحلوى وخبطي مرة اخرى وخليها 5 دقائق وطيبي رايحة تشوفي نتيجة
​

 

[أم فاروق]

مساء الخير
ام حنين صحا وهنا عالتليتلي
ابتسام شحال ساعة عندكم دركا

 

[أم فاروق]

تصبحو على خير وعافية يارب

 

[برنســ اللمة ـيسة]

سلالالالالام
اليوم كان غدايا سلطة صيفية خفيفة

​

 

[ibtesem]

صباح ابخيرات عليكم يالبنات
واش راكم كامل
بصحتك برنساس السلاطة هايلة مع وقتها
نهار سخانة هدا ويليق

..............
ام فاروق الفارق الوقت بيننا هو 5 ساعات الان

 

[faloussa]

سلام حبيباتى واش راكم
الله يبارك راكم قايمين بيها :sheer::sheer:
انا البارح كان عشايا بيتزا هذا واين قعدت باش نحط ليفوطو

وهذا BROWNIES DE NOIX قاطو جديد هذه لافوطو نتاعو ساوافيكم بالوصفة ان شاء الله

 

[ibtesem]

اممممممممممممممممممم فلوسة شهتيني بالبيتزا راها نقطة ضعفي ههههههههههههه
روز ركزي مليح على كتيبتي هدي الايام

جاك تحفة البراونيز ماطوليش علينا بالوصفة
تاكلو بالصحة والهناء

 

[tasnim55]

السلام عليكم و شراكم كامل هذا البينيي طيبتو ذرك حبيت نحطهولكم خطراش راني عندي ضياف اليوم لي عودة انشاء الله من بعد ونشوف وش طيبتو ياحراير الغالين

 

[روز]

روحي كولي السلاطة يا ابتسام لي حطتها برانساس ونحي منها البيض تاني قلها بيتزا :scared: ..!

جابلي ربي رجعتي لل80 على حساب الشوفة اي ميزان تعطيهلي مانصدقش هههi-o:

بصحت برانساس وفلوسة بتزا تشهي وتسني55 بصحتك الدونات شهيتوني حابة نخدمو
مي مانخدمووووووووووش زكارة في الريجيم وفي ناس اخرى هههه:showoff:
​

 

[روز]

شوفو هذ الايقونة يا بنات كي ترمش عينكم يرمشها معاكم سبحان الله
ارمشو عينيكم تلقاوه يعاود وراكم

:blink:


































ماتقولوليش جربتوها منكم بالصح راني نتمسخر برك ههههههههههه




​

 

[l'algeroise]

مساء الخير عليكم صح غداكم كاملtassnim شكرا أختي على الوصفة أنا مانديرلوش الفرينة و البيض نشاله نجربو و رجعلك لخبر بصحتك لي بينيي
faloussa بيتزا هايلة يعطيك الصحة
pricesse بصحتكم السلاطة هدا مايليق
أنا غدايا طاجين الزيتون

 

[nada242008]

مساء الخير عليكم
برنساس سلاطة تشهي هذا وقتها
فلوسة بصحتك البيتزا والبروانيز اممممم
لالجيغواز بصحتك الطاجين
تسنيم البيني جاك هايل يالفحلة
روز هههه قعدت نشوف فيه هو يرمش وانا لالا ..قلت مسكينة روز عينيها مرضى هههههههه
انا اليوم كنت معروضة تهنيت من الطياب:showoff: عند دار عم راجلي
دارو شربة بيضا و كفتة و اوردافر و سلاطة خضرا و رشتة
بصحتكم كامل واش طيبتوا

 

[ام ميسون]

يا يما يموت عدوك نشاء الله
العجينة:
800 غ فرينة سيم
2 ملاعق اكل كبار خميرة
2 بيضات
ملقة قهوة سكر
ربع كاس زيت
ملعقة ونصف اكل سمنة بحرارة الغرفة او زبدة
ماء دافئ
ملح
اذا كان الملح خشن ملعقة مملوئة وممسوحة يعني تعبيها وتمسحي راسها ماتجيج مكومة
واذلملح رطب نص معلقة اكل التزمي بالملح الان الفرينة مش كيما سميد كون تزيدي شوي تجيكي مالحة شط
المهم نخلط لمكونات الجافة فرينة خميرة سكر ملح مبعد تكسري لبيض تاعك تخلطي مليح وكيما يتخلطو تحطي سمن وزيت وتخلطي مليح وتحكي بين يديك حتى يتجانس الخليط ومبعد تلمي بالماء دافئ تخلطيها بصح ماتكثريش بزاف وماتخليهاش يابسة تجي شوية مرخوفة بصح ماش بزاف كيما دخلي صبعك فيها يفوت مشي يرجع
ومبعد تخليها تخمر حتى يضاعف حجمها

الحشو كيما تحبي انا عملت ثلاثة
1- بصل تقطعيه كيما شكشوكة وتحطيلوا شوية ماء وتغطيه وتخليه يذبل
ومبعد تقطعي جريوات وفطر مقطع رقيق وفلفل حلو وحار وثوم وملح وفلفل اكحل كيما يذبلوا تحطي عليهم طماطم مقطعة وتخليهم يطيبو كيما ينشفو تحطيلهم شوية زيت تخلطيهم وتخليهم شوي وطفي
هاذي تحشي بيها مع طون وفرماج وزيتون مقطع
2- بصل تشحطيه فالسمن ولا زبدة وتقطعي لحم هبرة صغيور قد ظفر ةتتشحطيهم حتى يطيب لحم او يطيب فيسع على خاطر صغير ومبعد تزيدي لفطر وملح وفلف اسود وتبرشي عليه ليمون
كيما يطيبوا هاذو تبرشي حبة باطاطا مقشرة بصح مش طايبة تبرشيها بالاراب بالجيهة لخشينة وتخلطيهم وتغطي عليهم وتنقصي نار خلاص كيما يطيبو تحطيلهم شوية طماطم
3 مثل الثانية لكن من دون طماطم مع ولكن مع اظافة دبس الرمان ولكن دبس الرمان غير معروف بالجزائر
وانتي تقدري تتفني بالحشو
المهم كيما تعملي معجناتك ادهنيهم بالبيض والبض حطيلوا شوي ملح وشوي ماء

اسفة للاطالة ولكن من عمل منكم عملا فل يتقنه

ما شاء الله الوصفه عجبتني بزاااااااف ممكن طلب
بالنسبه لهذه الوصفة البيض الي حطيتيه غير الصفار ولا كامل البياض والصفار

 

[ourida17]

السلام عليكم صباح الخير كامل عليكم
يعطيك صحة ام ندى وام منصف ربي يحفظكم

 

[ourida17]

ندى لعشية راني حابة نجرب لي كورني وسوشون وحابة نديرهم بكرام فروماج
كيفاه ديروها نتوما؟
وتقدري تقوليلي بيشاميل كيفاه ديروها تان
اسمحيييلي على ديرونجمون هبلتكم معاي
هههههه

 

[faloussa]

مساء الخير عليكم من قبيلة وانا مع الوصفة نتاع البروانيز نكتب ونحط في الصور على الاخر راحت لانترنات رايحة نهبل :cra_zy::cra_zy:
ماعليهش في خاطر عيونكم نزيد نحاول معاها ثرك عييت والله :wink:
انا العشاء رايحة نرتاح رايحة نتعشاء برا :yahoo::yahoo:
سلام

 

[l'algeroise]

الله يسلمك أم ندى بصحتك العرضة

 

[nada242008]

ندى لعشية راني حابة نجرب لي كورني وسوشون وحابة نديرهم بكرام فروماج
كيفاه ديروها نتوما؟
وتقدري تقوليلي بيشاميل كيفاه ديروها تان
اسمحيييلي على ديرونجمون هبلتكم معاي
هههههه

كريمة الفرماج عمري ماخدمتها
بصح البيشاميل ساهلة خلاص
كاينة البشاميل السائلة اللي نستعملوها في لي غراتان
والبشاميل الخاثرة اللي نستعملوها في الحشوات والفرق بيناتهم في كمية الحليب فقط
ملعقة كبيرة زبدة وتذوبيها ومن بعد تضيفيلها ملعقة كبيرة فرينة وتخلطي مليح حوالي دقيقتين ومن بعد تضيفيلها كاس حليب فاتر وتخلطي يالخفاقة اليدوية حتان تتحصلي على الكثافة المطلوبة
ماتخليهاش وحدها على النار بلا ماتخلطي باش ما تتحرقش من تحت
في الاخير ممكن تضيفيلها كمية من الفورماج وسنة ثوم مرابية ملح وفلفل اكحل وجوزة الطيب شوية برك
كاينة اضافة اخرى تديرها حورية المطبخ تزيدلها شوية معدنوس مفرومة تجي هايلة
تقدري تضاعفي الكمية حسب ماتحتاجي