ماذا ستطبخين اليوم سيدتي الجزء 4

[أم دودو]

ههههه ياعفوفة كون غير حكمتي الكار برك
نهار الثلاثا كنت معروضة عندي عرس
والاربعا رحت لقسنطينة باش نتحاسب على 6 شهر اللي فاتوا وخرجت 150 الف زايدة :yaw::yaw: واليوم نورمالمون معروضة لحفلة بصح والله ماقدرت نروح الدوخة تدي فيا وتجيب :sad:
--فكريني في حكاية الجوانح راني كبرت وخرفت ههههه
----
صفصوفة الله يسلمك
راني كنت متحلفة فيك انتي رحتي والمسابقة تاع كل اسبوع رقدت
زعما نت صاحبة المشروع ههههه

و علاه رقدت المسابقة راني جربت الوصفة و راح نحطلكم تطبيقي ضرك
​

 

[أم دودو]

إليكم تطبيق وصفة كايك آيس كريم

و هذا المقروض

​

 

[ibtesem]

اممممممممممممممممم هدي محجوبة هدي شربة فريك هدي تحلية ايس كريم والمقروض
الله الله عليكم يابنات بلادي
ربي يحفضكم من كل عين
بصحت كل وحدة واش طيبت غدا
انا مطيبتش
حوت للبنات مع فريت

 

[روز]

امممممم راني فتت بلاسوري بالجري باش مانشوفش وش طيبتو.. راكم تجوعو لي مايجوعش الله يبارك عليكم
ام ندى افتقدناك بصحتك المحجوبة ركزيلي على الهريسة
ام دودو بارك الله فيك..راني نسيت طبق ابتسام تماما ههه مي نخدمو ان شاءالله

كاش وحدة تعطيني وصفة لخبز الكوشة خبز يلزم يجي رطب وخفيف وكي القطن
السميد لي يتباع عندنا مش مليح ونخدم بالفرينة برك اذا كاش وصفة افيدوني نولي نخدمو في رمضان ان شاءالله

 

[تسنيم الهناء]

مساكم عسل لبنات الكل كل وحدة باسمها
و اسمحولي انخص اليوم الغائبة الحاضرة العزيزة صافيناز و ام ندوش لي سالو عليا يسال عليهم الخير و الهنا

و هاكم موسكوتشو شوكولا تتقهواو بيه

​

 

[ibtesem]

روز كاينا وصفة ام كوثر تاع الفرينة تجي هايلة امممممممممممم
جربتها تقول تاكلي في القطن ههههههههه
درك نعطيهالك

 

[ibtesem]

امممممم راني فتت بلاسوري بالجري باش مانشوفش وش طيبتو.. راكم تجوعو لي مايجوعش الله يبارك عليكم
ام ندى افتقدناك بصحتك المحجوبة ركزيلي على الهريسة
ام دودو بارك الله فيك..راني نسيت طبق ابتسام تماما ههه مي نخدمو ان شاءالله

كاش وحدة تعطيني وصفة لخبز الكوشة خبز يلزم يجي رطب وخفيف وكي القطن
السميد لي يتباع عندنا مش مليح ونخدم بالفرينة برك اذا كاش وصفة افيدوني نولي نخدمو في رمضان ان شاءالله

السلام عليكم
جبتلك وصفة تاع خبز يجي رائع و خفيف
المقادير:
4عبار فريبنة+1ملعقة اكل زبدة غير مدابة+1ملعقة اكل سكر+2ملعقة اكل لحضة(حليب جاف)+1بيض+ملعقة صغيرة ملح +1ملعقة اكل خميرة الخبز(خمارة)+ماء دافىء
الطريقة
نضع الفرينة و الخمارة و السكر و الملح و لحضة في قصعة و نبسسها باملعقة الزبدة مليح نضيف البيض ثم نلم العجينة بالماء الدافي ندلكها مليح و نخليها ترتاح شويا تم نقطعها و نضعها في سينية مدهونة بالزيت و مرشوشة بالفرينة نقرصها مليح و نزينها من الفوق على حسب الرغبة و نضعها في مكان دافىء و نخليها تخمر تم ندهنها بصفار البيض مع قليل من الحليب و نرش السانوج او حبة الحلاوة و ندخلها لفرن مسخن مسبقا نتركها حتى تحمار مليح

.

انشاء الله تنال اعجابكم و في انتضار ردرودكم

 

[ibtesem]

اممممممممممممممممممممم تسنيم الهناء جاتك هايلة اختي
واش حكيتي فوقها

 

[تسنيم الهناء]

الله يسلمك بسوم هي درتها بالكاكاو جاية سوداء لداخل و لفوق شوكولا و اللوز المنسل'' اموند ايفيلي''
​

 

[أم فاروق]

مساء الخير جميعا عالسلامة ام ندى وبصحتك لمحاجب يسخفو الله يبارك
وام دودو بصحتك لمقروظ والآيس كريم
ولي طيبت نعمة تاكلوا بالصحة ولهنا نشاء الله
انا طيبت مقرونة بكرات اللحم
بصحتكم كل

 

[ibtesem]

اممممممممممممممم بصحتك تسنيم الهناء

 

[ibtesem]

بصحتك ام فاروق المقارون بالميت بول كيما اقول بناتي

 

[رنوشة]

يعطيك الصحة على البيني اممممممم شهتيني نمووووووت عليه ,,,,,,,,,,,,,,,,,,

 

[أم دودو]

يعطيك الصح تسنيم عالموسكوتشو جاك هايل حطيلنا الوصفة من فضلك
أم فاروق بصحتك المقرون
وين راهي بائعة الكبريت و فوفة و بنت الجسور المعلقة عندهم مدة ما يبانوش إن شاء الله نطمنوا عليهم
​

 

[imane27]

مساء الخير عليكم لبنات واش راكم
على سلامتك صافو واش راكى بصحتك رمضان فاداير راكى غيرتنى
اهلا ندى مزيا لجات فلكنكسيون المهك راكى بخير بصحتك محاجب شهتينى
لبنات صح فطوركم بالواحدة رمضان راه قريب انا رانى غير معا لمناج
لبارح طيبت شفلور مرقة حمرة بالجاج

 

[ibtesem]

بصحتك الشفلور ايمان

 

[nada242008]

مساء الفل عليكم
تسنيمو الكيكة هااايلة راكي عدتي سبيسيليتي كيك هههه
يعطيك الصحة
ام دودو الجاري باين بنين امممم وتطبيقك للايس كريم كيك تحفة
روز وصفتي تقريبا نفس وصفة كوثر غير نزيد عليها قشور الليمون تغطي الخميرة وتعطيه نكهة مليحة
المعم اعجني مليح بالحليب الفاتر وخليها تخمر مليح وكل ما تخمر نزليها حوالي 3 مرات ولا 4 هذا هو سر الخفة تاعو
ايمان بصحتك الشوفلور
ام دودو بائعة الكبريت مسافرة للعاصمة وراهي قالت نرجعلكم عن قريب
فوفة وبنت الجسور ان شاء الله يكونوا لاباس

 

[رآج ـية العفو]

السلـآم عليكم
مرحبآآآ يآ يالغآليآت وآش رآكم
بسومة اللهم أمين مشكورة يالغآلية اليوم رآح خآلي
غدوآ العملية ربي يشفيه ان شآء الله ويطول في عمرو بصحتكم كآمل
وآش طيبتو حنآ عشآنآ طعآم بالمرقة اليوم لآخر مرة نديروه حتى بعد
رمضآن نشوفوه واليوم معولة ندير قآطو مع زلآبية والإثنين وصفتهم لآزم
نخدم العجينة الليلة وغدوآ نخدمهم ان شآء الله والحمد لله
لهآذ رمضآن كآين بزآف وصفآت رح نجربهم بإذن ربي خآصة
لي ديسآر وأكيد كي يكون عندي وقت رآني نحطهم ليكم

ندوووشة الغآلية عندي ليك طلب من زمآن كنتي حآطة
كرميل بالتفآح كي كريم بآتسيير مش متذكرة الوصفة مليح ممكن
تعطيني الرآبط ويلآ رآح الموضوع كتبيلي الوصفة​

 

[عفاف الجزائرية]

هاذا وين كملت غسيل لحيوط وتهنيت منهم
للعشاء جابو كل شي من لبرا
جاج وبيتزا وروز وقليتلهم شويا فلفل
نحطلهم ونجي نوافيكم بالصور

بصحتكم عشاواتكم
​

 

[برنســ اللمة ـيسة]

سلام
مساء الخير البنات واش راكم؟
نتمنا تكونو بخير
ام ندى الحمد لله كي رجعتيلنا و مادام جيتي لقسنطينة علاه ماضربتيش طلة علينا في طريقك

هدا عشانا اليوم

​