ماذا ستطبخين اليوم سيدتي الجزء 4

[faloussa]

الله يسلمك حبيبتى ندي وابتسام فعلا يصلح في سهرات رمضان

 

[tasnim55]

السلام عليكم وصح غداكم
ام ندى روز يشهي بصحتك ودلاع مشااااء الله امممممم:showoff:
فلوسة يعطيك الصحة على الزلابية جاتك هاااااايلة و وردة الرمال تحفة مشاء الله عليك حبيبتي :sheer:
​

 

[ibtesem]

راني جربت نوع التاني تاع الخفاف لعملاتو تسنيم 55 جى هايل
يعطيك الصحة
رانس صورتو مي ملقيتش الفلاش ديسك
كي نلقاها ان شاء الله نزل الصور
ربي اجازيك تسنيم

 

[روعة2005]

مساء النور عليكن غاليات قلب ام لميسو توحشتكم بزاااااااااااااااااف وافتقدت لمتكم اتمنى تكونو كامل في صحة جيدة ومورال هااااااااااايل والله كل اطباقكم تااااااخذ العقل
مشكورين ياغاليات كي افتقدتم تواجد فوفة معاكم (كنت في دار بابا) شكراااااااااا بسومة مساجك فرحني بزاف اختي العزيزة
تحياتي القلبية
بسومه
روز
فريدة
ام ندى
عفوفة
رغودة
شريفة
تسنيم
فلوسة
الجيغواز
وام فاروق
وفاء
بنت قسنطينة
ايمان

وكل من لم تسعهم متصفحي لكنهم في قلبي جميعا:re_gards:
​

 

[imane27]

فلوسة زلابية ووردة الرمال جاو هايلين يعطيك الصحة راكى متحمسة على الكوزينة
فوفة على سلامتك واش راهم داركم
ندى روز يشهى بصحتك

 

[faloussa]

اهلا بيك فوفة والله توحشناك اختى يلا كاشما اطباق جديدة من داركم:sheer::sheer:
اختى ايمان راني هذه الايام قالبة دماري على الكوزينة من الزعاف :cra_zy::cra_zy:

 

[أم فاروق]

اي رجعتلكم صامطة رحبو فيا بعد ما خلصت فترة الكآبة هههههههههههههه
راني رجعت اتحمو ثقلة دمي بصح ماكانش حل لاصقة لاصقة فيكم شكرا اختي فوفة على تذكري وانتي كذالك دائما في القلب الله يخليلي ياكي

 

[faloussa]

اهلا بيك اختى ام فاروق ان شاء الله تكون تنحات عليك الكابة ارمي كلش وراك حاجة ما تستاهل القلق ديري كيفي :sheer:

 

[أم فاروق]

وش راح نديرو ختي فلوسة حاجة كيما تولي فوق يدنا ومن عند ربي مانقدرو نديرو والوا نزعفة ونقلقوا بصح لولة ولخرا الي حابها ربي تصير وراني درت كيفك طيشت وكيما يقول زوجي طنش تعش وتنتعش هههههههههههه

 

[روعة2005]

شكرا ايمان يسقسي عليك الخير راهم في احسن حالصحيتي فلوسة وشكرا ليك في الكوزينة اكيد كاين الجديد راح يبان في رمضان بحول الله

 

[imane27]

واش راكى اختى ام فاروق انساي الهم ينساك والله حاجة ما تستهل
فلوسة واش بيكى اختى نتى تانى راكى مكتئبة

 

[nada242008]

جوانا حبيبتي الف شكر ليك :sheer:
فلوسة وام فاروق ربي ينحي عليكم الغمة ويفرج عليكم ان شاء الله
دعواتي لكما ..
فوفة مرحبا بيك نورتي الجزء الرابع :sheer::sheer:ان شاء الله الاهل بخير
على حساب الغيبة تباني كنتي لاتية مع الوليمة اممممممم

 

[تسنيم الهناء]

ام ندوش الروز جاك يهبل واش نموت على الخضرة

ابتسام رانا نستناو في السفنج انتاعك و ظرك حتى انا نديرو بطريقة يوما
البنات مساكم خير كل وحدة باسمها
ربي يهنيكم الكل

هذا كان غدانا

سلاطة خيار

ديسار

و gراتان بالزاليgو و اللحم المرحي

​

 

[nada242008]

امممم الغرتان جاك هايل يا تسنيم بصحتكم
انا بقالي الروز من الغدا ماطيبتش

 

[imane27]

صح عشاكم كامل
تسنيم الهناء عشاك يهى بصحتكم

 

[ibtesem]

تسنيم كي نقعد انشاء الله نفتش عليها
هدا وين دخلت درجة الحرارة فوق 44 برا الله يستر
مرحبا فوفو ام فارق عودة ميمونة الى المطبخ رانا تستناو اطباق سورية
ان شاء الله
لغدا كفتة دجاج ان شاء الله

 

[ibtesem]

تسنيم صح عشاء كون تعملي فيا مزية تعطيني صحن تاع الفاكهة نبرد قلبي فيه

 

[روعة2005]

اييه ام ندى كنت مع العرضة تاع خويا واش نقلك راني مووووور ومازال مقضيت والو لرمضان ومعولة نغسل الحيوط وووووو خليها لربي هو المعين المهم
انتم ابنات كاش تحضيرات لرمضان كاش استعدادات ياريت كل وحدة تقولنا كاش عفسة ولا حاجة جديدة تهنينما شوي في رمضان وتخلينا شوية وقت للعبادات والطاعات
نرجو من كل وحدة تدخل تمد فكرة ولا استعدادات تقوم بيها لرمضان
نبدا انا......... احم احم اولا انا جامي نكونجلي الحوايج نحب نخدم كلش طازة
مثلا منين نكون ناوية غدوة نخدم معجنات با العجينة المورقة بعدما نغسل ماعن الفطور ةنصلي وما الا ذلك نوجدها في السهرة ونحطها في الثلاجة غدوة نخدم غير الحشو ونطيبها
اما الحمص فنطيبو في كوكوط مع شوية زيت+ملح ونخبيه في ساشيات صغار على جال الدوبارة...والشطيطحة و...
نكون خادمة شوية عصيرات مركزة مثل الخوخ+المشماش+البرتقال /هذو نكونجليهم ونجبد كي نحتاج
قبل رمضان بيومين نوجد شوية فلفل ملي راني حاطتهم في ملفي ونوع في الفطور
المهم كل مانتذكر حاجة راح نقولكم وانتم ماتنساوش تحكيونا هكا نستفادو من بعض
اللهم بلغنا رمضان​

 

[روز]

بصحتك تسنيم وأهلا بيك عفوفة طولتي الغيبة وتوحشنا أكلك
لعقوبة للبنات الاخرين يلحقو قبل رمضان عفاف الجزائرية وكوثر والكل
فلوسة الله راكي فكرتيني نجرب البوراك نتاع ابتسام والزلابية قبل رمضان نسيت نجربهم
ام فاروق استغفري وكثري من الدعاء تروحلك هذ الحالة
بصحتك ندوش الرز فكرتيني في الايام الخوالي ههه لما كنت نطيبو مع البصل والثومة ونقلي الخضر ونخلطهم مع بعض مع الدجاج مفتت والفرماج رابي اممم
ايييييييييه يادنيا

 

[روعة2005]

الله يسلمك روز و مبروك عليك الروز قصدي الاشراف تستاهلي حبوبة:sheer:​