ماذا ستطبخين اليوم سيدتي الجزء 4

[روز]

يبارك فيك ويخليك عفوفة كفاش مع الريجيم كاش كيلاوات نقصو؟

 

[كوثر الوهرانية]

مساء الخير عليكم
كيراكم لبنات
توحشتكم بزاف بزاف
و توحشت القسرة معاكم و ماكلتم و طوابلكم الي يشهوا
انا مزلت غير مع الضياف و الكوزينة و الطياب
اليوم درت جاج مقلي في الكوكوط على طريقة ندوشة جاني روعة و فريت و سلاطة
كاش جديد عندكم فالكوزينة و كاش تحضيرات للشهر الكريم
انا شريت العطور و شريت قدرة مع الكسكاس نتاعها مودال جديد خرج فالسوق و شريت كيسان اع قازوز ومقلة هههههههههه انا مهبولة عل الماعين كل ما نخرج نشري
ان شاء الله تكونزا كامل بخير و راني نسلم عليكم بالوحدو و نقولكم نتوما احبتي و خوتاتي الي عمرني ما ننساكم

 

[أم فاروق]

كوثر راكي على قدم وساق ربي يعينك انا هذا اول رمضان ببيت الزوجية هاذ سنة نعديه بلا دارنة والله مايعديش يوم بلا مانبكي مانعرف كيما قرب رمضان وليت حساسة بزاف هههههههههه انا ناقصتني كيما يقوولو عندنا عرة لماعن مقلة مسطحة باش ندير فيها لقطايف ولوريقات تاع لبوراك
وبخارة باش نحط بخور فالسهرة وبريق تاي الي عندي ولا مبهدل هههههههه ويكما نزيد نتفكر نقلك

 

[روز]

كوثر مرحبا بيك ليك وحشة كبيييييرة ان شاءالله تفضاينا وترجعي كي زمان تحطينا وصفاتك وتشاركينا يومياتك
الحمدلله انك بخير

انا رمضان خلصت الميناج وبدلت ديكور الدار بقالي شوي ماعن نشريهم السمانة الجاية والتوابل وهاذيك الامور نحب نوجدهم في الاسبوع لي قبل رمضان مباشرة ربي معاك ام فاروق ماعليش هنا عائتك الزاوجة
​

 

[أم فاروق]

تعيشي اختي روز
تصبحو على خير

 

[nada242008]

صباح الخير عليكم يا اهل اللمة
فوفة بالنسبة لتحضيرات الشهر الكريم انا عن نفسي بالنسبة للماكولات مانوجد والو. نحط في الكونجيلاتور غير اللحم والدجاج والحمص
والباقي كل يوم بيومو
يعني مانكثرش الطيابات جاري ونزيد معاه حاجة برك وسلايط لانو من العادة ماناكلوش ياسر وكلش يبقى ...ورمضان جاي مع اوت يعني نكثرو من العصائر والفواكه اكثر من المأكولات
خاصة ان العائلة صغيرة
بالنسلة للعجينة المورقة تجيني ثقيلة ياسر وميدمة وكون تقتليني مانطيبهاش في رمضان ههههه كان تحتمت وسخفنا عليها نشريها
نستعمل حاجة واحدة فقط هوما les vols au vent
وبعد الفطور لازم نجري نغسل الماعن .وفي الليل صراحة مانقدرش ندخل للكوزينة خلاص.
تحضيرات الميناج
اليوم بحول الله راني نذوب في الفريجيدار معولة نغسلو
وغدوة ان شاء الله الكويزينيار
كل يوم ندير حاجة ونحكم فيها تقريبا نهار كامل
----
كوثر مرحبا بيك نورتي ..واش هاذ الغيبة
ان شاء الله يجي رمضان وتتفرغيلنا
توحشناك وتوحشنا اطباقك
غير ماتزيديش تسخفيني بالماعن من بكري راني مضروبة عليهم هههه
ام فاروق ان شاء الله السنة تفوتيه معانا في اللمة وماتحسيش بالغربة
-------
نهاركم طيب على قولة عفوفة

 

[روعة2005]

صباحكم عسل
ربي يعينك عفوفة ويكون معاك خاصة نع الحمل والله قلبي معاك ....جربت الحمل ورمضان بولدي محمد
نفس الشئ عفوفة انا ثاني مانيش من المبذرين اعاذنا الله منهم عايلتي تقريبا كيفك يعني غير انا وزوجي ولميس محمد صغير يعني اكلو خاص
انا ثاني كل يوم شربة فريك+دوزيام بلا+سلاطة+الفلفل/اما حميص او مقلي او المهم لازم الفلفل/ مش كل يوم بوراك ساعات اي سالي...بيتتزا...كوكا...شوصون على حسب
اما الدجاج واللحم مانكونجليش يعني زوجي كل يومين يجيب غير بشوية يحب كلش فراش
والميناج الكوزينة كملتها/مزال الفريجيدار برك
ومزال نغسل لحيوط تاع الدار كامل
وثاني نقضي التوابل والمصروف يعني الفلان...الكرام شانتي+االارز+شخشوخة ضفر........الخ
وعندي نهار لازم نروح نكسي فيه اولادي مستحيل نخرج في رمضان للعايلة ومنحبش نروح الا اذا تعرضت
المهم ربي يقدرنا
------------------------------
روز راني ريجيم وراني ننقص غير بشوية بصح مزالني مكملة بحول الله
---------------------------------
ربي يكون معاك ام فاروق بحول الله راح نكونو كي العايلة الكبيرة​

 

[روعة2005]

اهلا وسهلا بيك كوكو ربي يكون معاك واكيد ننتضر عودتك لينا

 

[روز]

صباح الخيرات على الفحلات ربي يعينك ام ندى على الميناج وحدة وحدة راكي حامل

عفوفة كملي في الريجيم وربي يعينك ويعينا كي تكون نتيجة الواحد يتشجع

اليوم درت الديول نتاع ابتسام خدمت بيه بوراك خرج رووووووووووعة يتقرمش وخفيف هاذو عامين هاذاوين كليت البوراك تاع الصح ربي يحفظك بسومتنا نفعتيني بيه

وكنت معولة نخدم الزلابيةنجربها قبل رمضان مالقيتش السميد يمكن الايام الجاية

نوافيكم بصور البوراك بعد قليل يستاهل يا بنات تجربوه
​

 

[روز]

هاهو تطبيقي لديول نتاع ابتسام
خدمت منو بوراك باللحم المطحون والفرماج رابي خرج روووعة مرسي بسومتنا

​

 

[rima29]

يممممممممممممممممم ياروز
يعطيك الصحة​

 

[روعة2005]

خرجلك هااااااااااااايل بصحتك روز

 

[روز]

يسلمكم ريمو وعفوفة جا هايل جربوه برك عجبني التقرميش كليت 3 حبات بصراحة وراهم زوج بقاو دركة نكمل عليهم هههه

لا ريجيم لا والو اليوم
​

 

[omarwa]

مساء الخير عليكم انشاله راكم لاباس اختي روز شهيتيني في البوراك جاك هايل ومقرمش اممم

 

[nada242008]

صح غداكم يالبنات
امممم روز البريك جاك يشهي ويبان مقرمش بصحتكم
فوفة وروز الله يخليكم راكم تخموا عليا :shay:
في ندى لحق عليا رمضان وانا في السابع شفت الويلات والله ماقدرتش نقاوم الجوع ..ربي يستر هاذ المرة مايجي رمضان ندخل في الشهر الرابع
لحقت الواحدة باش كملت :sheer: مالا الغدا كان دوبارة من برا ودلاع

 

[omarwa]

ام ندى بصحتك الدوبارة انا غدايا سلاطة خضار مع دجاج مقلي صح غداكم كامل

 

[روعة2005]

بصحتك الدوبارة وربي يقدرك وتصوميه بخير انت والبيبي

 

[omarwa]

ربي يكون معاك اختي عفوفة بلعقل برك وشربي السوائل بزاف خاصتا في رمضان انا ثاني باروى في رمضان كنت في الشهر السادس وزيد رجيم كان عندى سكر تاع الحمل اسكتي برك مخلى فيا والو

 

[nada242008]

الله يسلمكم فوفة وام اروى وربي يعطينا القوة والصبر لينا كامل ولجميع المسلمين
ام اروى بصحتك الدجاج وسلطة الخضار
فوفة راكي ضاربة النح على الطياب هههه قولي واش طيبتي اعترفي i-o::um_sh:

 

[روعة2005]

ههههههههههههههه وحدك ياعفوفة والله ماطيبت راجلي في باتنة وانا صبحت نغسل في القش وفي كوات لولاد درتلهم دويدة با الحليب وانا غزيت عين بقرة هههههههه