وين راه البروبلام كي الطفلة ماديرش صاحب ؟؟؟

[asma1717]

في اليامات هادو ماكاين لا حشمة لا حياء ,,,, لبنات دايرين حالة في البورتابل والنت ,,,, هادا العام انا جبت الباك والحمد لله ,,, قعدت نحكي مع حبيبتي على الجامعة قاتلي دك يدومونديوك بزاف دراري ,وتشوفي لبنات كامل عندهم صحابهم ,,,,, انا قتلها حاجة باينة الجامعة معمرة بيهم ,,, قاتلي سمعت بلي الطفلة كيما تروح للجامعة لازم دير صاحبها باش ماتنحرفش ..... قتلها ماكانش منها انا جامي ندير صاحبي وسيرتو لاكونفيونس تاع الوالدين ماتخلينيش نتجرأ .... وتاني كيما يعود وقتي معمر مانخممش في هادو لحوايج ,,,

,قولولي واش رايكم في هدرة حبيبتي .. صح الطفلة لي ماديرش صاحب في الجامعة تنحرف ؟؟؟

 

[adel-mz]

مبروك عليك الباك اخي
مي حبيت نقولك بلي صحبتك على خطأ كبير والانحراف يبدا من اول يوم ديري فيه صاحب،تبعي قرايتك اختي واخطيك من هادو الناس والهدرة لمعندها حتى فايدة
خلي باباك وخاوتك رسانهم عاليين ماشي هابطين
والحديث قياس ،ربي يوفقك

 

[tendresse]

ايه صح الجامعة تصيبيها معمرة بهاد الهدرة
بصح يا ختي متخليش هادي لفكرة تدخل في راسك كاين بنات يقرو معايا لحد لاان يخمو غير فلقرايا و خطيهم هاد لميليو
و انا تاني الحمد لله الكونفيونس لي دايرينه فيا فالدار خلاني نخمم فالقراية و برك ضميري مخلانيش يا لحبيبة
الله يوفقك و يكون معاك

 

[ايمان 02]

والله ماكان منها هاد الهدرة كامل انا قريت 4 سنين في الجامعة وما درتش صاحب وفاتت عادي برك نوصيك ديري صحبة ولا زوج تكون اخلاقهم حسنة ومتربيين ما راح تحسي بحتى نقص ولا حاجة لهاذ الصاحب​

 

[N@riM@N]

انا تاني راني جبت لباك هاد لعام
وراني كل يوم نسمع فلخلايع من هاد لجامعه قلت وكان غير ماديتش لباك قاع راني متهنيه
هههههه
​

 

[hayet bicho]

مبروك عليك الباك ختي وما ديريش هذه الهدرة في راسك psq ماكانش منها حطي راسك في قرايتك هي اللي تفيدك أنا تاني هذا العام جبت الباك ورهم غير يخلعو فيا مي ان شاء الله نقدرو نتجاوزو هذا الشي

 

[sarah_]

والله معاكم الحق كامل انا قرايتي ماسلكتها خاصني غير الصاحب هههه وانا هدى الفكرة انتاع الصاحب مكاش في القاموس انتاعي مارانيش حبا نندم كيما ندموالي قبلي او لبنات اي يديروها داتهم الدنيا غبر بعدك او ما تضيعيش روحك اولتاي بقرايتك ربي ينجحنا اجمعين امين

 

[مرام التيبازية]

سلام اختي عندهم الحق كامل الاعضاء مكاش كيما قرايتك واخطيك من هاد الهداير
وسلالام ربي ينجحكم كامل ويجعلكم من اهل الجنة باذن الله

 

[asma1717]

مرسي عليكم كامل والله فرحتوني ,,,, ني صاحب ني 2 ههههه vive لاقراية وبس ​

 

[الطفلة البريئة]

مساء الخير
يا اختي هاذي هي الفكرة الغالطة اللي يمشيو بيها البنات خاصة اللي طلعو للجامعة تقولك لازم نخرج بــ l'homme et le diplome
انا نقلك اخطاك من الفكرة هاذي ما منها حتى فائدة الحمد لله قرينا فالجامعة و شفنا و تعلمنا
انا نقولك ما تكثريش الصحابات و ما تسمعيش لهدرة البنات
سلام
@m!m​

 

[lebien]

مبروك عليك حنونتي ماشي فالجامعة حتي حنا فc.e.m تشوف لعجب كامل مهملين الله يهديهم غير اخطيك.

 

[3abdo-18]

ياجماعة الاخلاءيعني الصاحب حراااااااااااااااااااااااااااااااااااااااااااااااااااااااااااااااااام

 

[PrInCeSs nona]

يا اختى الف الف مبروك على نجاحك الباك

شوفى كله معتمد على تربية الطفله واخلاقها

كاين وحده تقلك نورمال ما فيها والوا

وكاين وحده تخاف من ربي و دايره حساب للكونفيونس انتاع والديها


​

 

[سجل أنا جزائري]

هههه قالك شرة البلية ما يضحك ؟ شكون هذي الحكيمة اللي خرجت هذي الهدرة ؟؟
بالعكس كي ديري صاحب هي أول خطوة للإنحراف

الناس ذرك كي يشوفو واحد خيطيه هذا الميليو يحبو يجبدوه باش يبينو بيلي راهم ديرو في حاجة مليحة

خليك منهم سارتو هذي صاحبتك متخليش تأثر عليك لازم نتي تأثري عليها تقوليلها هذي الحاجة مش مليحة

 

[بيكهام]

هههههههههههههه
ايا مليح صحبتك راهي تخاااف عليك بزاااف ههههههههههه
واش انقلك الهلاي بقرايتك وخليك من هاذو صوالح لتندمي عليهم طول حياتك
ونقلك اذا درتي صاحب تعودي مراكي بلقراااية وماكي بصاحبك
وللحديث قياس وبعد العشرة تباااان الناااااس
ايا تشاو تشاو
بيكــــــــــهام​

 

[عاشقة رجاص]

السلآم عليكم ورحمة الله وبركىته

أولا ياختي مبروك عليك الباك وربي يكملك

مام انا العام هذا جبت الباك

وبدات العصافير تغرد في ودنيا هعههه يعني كاينين بنات

بداوا يقولولي نفس الكلام اللي قالتلوك صاحبتك

وانا الهدرة هذي شبعت منها من الليسي وانا نسمع فيها إذا ماقلتلكش من السيام

مي كي تكوني واثقة من روحك ومن تربيتك وخايفة من ربي ما يقيسك لا انحراف لاوالو

وكلام صاحبتك راه خرطي في خرطي

كانت ماما ديما تقولي الناس كي يحبو يبرأوا ضميرهم من حاجة

يوليوا يقولولك راهو الغاشي كامل يدير كذا كذا

مع انهم هوما الأقلية وحتى ولو الاغلبية مش رايحة نتبعهم ربي يسهل عليهم

وصيتي ليك ختي أسومة بما اننا قد قد

خيري صحاباتك مليح وامشي كيما تربيتك واخطاك من الغاشي​

 

[asma1717]

مرسي بزاف عليكم ,,,, راني متأكدة دوكة بلي ماكانش منها هاديك الحاجة

 

[سعاد..ة..]

اولا مبروك عليك الباك ختي
انا نقولك يا ختي صحبتك على خطا كبير العكس الطفلة كي تدير ....صاحبها ...(كلمة غريبة )...من تم يبدا الانحراف اصلا اتلهاي في قرايتك هي راس مالك وما تهتميش بهاذ السخافات علاجال لي كاتبهولك ربي يجيك يجيك وحابة نحيي فيك طريقة تفكيرك النضجة ...
تقبلي مروري​

 

[فاطمة*****]

يا اختي حتى انا السنا ديت الباك وراني نسمع البنات غير يهدروا على الجامعة والخلايع لي فيها
ربي يستر هذا مكان
ربي معانا ان شاء الله
ولازم العام الاول ما نديروش الصحابات حتى تبان وحدة بنت الحلال
اللي ما تديناش للطريق الغالط
موضوعك راني نخمم فيه ديما
نحي فكرة الصاحب من بالك باش تعرفي تعيشي​

 

[فــلة]

والله يا اختي كيما يقول المثل الاناء بما فيه ينضح
يعني لوكان تروحي للجامعة وتخالطي العباد الي موش ملاح رايحة تكوني كيفهم اما كي تخالطي الناس ناس ملاح رايحين يزيدو في رصيدك وتكوني محترمة بنت فاميليا
امر الصاحب هذا اخطيك منو لخاطر ماعندك ماتديري بيه فوقها راكي تلطخي روحك برك ونوصيك جامي جامي تديري هذي العفسة كاين الاف البنات كي جاو يتزوجو ندمو على النهار الي فيه دارو صاحب لخاطر بلاك تصيبيه يعرف زوجك وتخيلي المشكال الي حتجيبيهم لعمرك
نوصيك تاني في الجامعة ماتسمعيش لكلام البنات لخاطر يحبو يفسدو سمعة بعضاهم تقولك انا درت ودرت واش معنتها هي ماتديرش ولازم نكون كيفي كيفها و تدخلك معاها في متاهات وتجيبي غير الذل لعمرك و تندمي مليون مرة
خلي روحك نظيفة وعفيفة شريفة احسنلك لخاطر بلاك يجيك مكتوب زين بلاك استاذ جامعي يشوفك متربية وخاطيك هذو الامور والله غير يراقبك بلاك عامين ومن تم يتقدملك
عندك لواحد يبدلك عقلك ويقولك نحبك ونبغيك و التمسخير لاخر لخاطر الي يحبك بلاك بلاك يقولك على شروطو وواش حاب ويقولك انتي تاني وش تبغي بلاك يجيك مرة زوج ومن بعد يتقدملك اما الي باغي نيمرو والي باغي تمشي باش يعرف العقلية بلاك يكون صح قصدهم يعرفوك ومن تم يتقدمو لكن تخيلي لو ماتعجبهمش عقليتك ؟ يعني رايحة تكوني تعلقتي بيه اولا وثانيا خسرتي سمعتك وشرفك وانتي علاش تخاطري هكذا علاجال واحد ماقدرش يخاطر يجي يخطب
ابقاي عزيزة ومهما جاتك الرياح ماتنحنيش
زائد معلومة ليك ولكامل البنااااااااااااااااااااااااااااااات
الرجال كامل كامل يحبو البنت الثقيلة الي ماتديرش علاقات

و الحمد لله ربي يدومها نعمة لخاطر جامي سمحت لواحد يديرني صاحبتو ويقعد يدي فيا ويجيب في الجامعة وهو غير يفوخ والا يعقب وقت
ربي يسترني يا رب ويا رب يستركم انتم تاني و حتى الي غلطو نقولهم ماكانش الي مايغلطش وفقط يحبسو من الغلط ويتوبو وان شاء الله ربي يسترهم
​