وين راه البروبلام كي الطفلة ماديرش صاحب ؟؟؟

[Gynecologue]

بروبلام كحل مزال ما نحل


​

 

[MA§§!N!§§A]

هههه بلعكس لي دير صاحب تنحارف }}
​

 

[همس الكلام]

مبروك عليك الباك
وهذي راهي هدرة فارغة..متكسريش راسك بيها
الجامعة فيها اشكال والوان..وان تحبي تحطي روحك تلقاي
كيما كاين القبيح..كاين المليح
ربي يكوّن اللي فيه الخير​

 

[crazykhadija]

في اليامات هادو ماكاين لا حشمة لا حياء ,,,, لبنات دايرين حالة في البورتابل والنت ,,,, هادا العام انا جبت الباك والحمد لله ,,, قعدت نحكي مع حبيبتي على الجامعة قاتلي دك يدومونديوك بزاف دراري ,وتشوفي لبنات كامل عندهم صحابهم ,,,,, انا قتلها حاجة باينة الجامعة معمرة بيهم ,,, قاتلي سمعت بلي الطفلة كيما تروح للجامعة لازم دير صاحبها باش ماتنحرفش ..... قتلها ماكانش منها انا جامي ندير صاحبي وسيرتو لاكونفيونس تاع الوالدين ماتخلينيش نتجرأ .... وتاني كيما يعود وقتي معمر مانخممش في هادو لحوايج ,,,

,قولولي واش رايكم في هدرة حبيبتي .. صح الطفلة لي ماديرش صاحب في الجامعة تنحرف ؟؟؟

اختي الوفية
اولا مبارك عليك البكلوريا وعقبال للدكتوراه
وثانية بخصوص موضوعكي اختي ياك مش رايح تموتي كي مدريش صاحب انقولك متبعيش صحبتك راهي تدي فيك للتهلكة
وتبعي ضميرك وتربية والديك ليهم كيفاه تعبو عليك وانت تعطيلهم رزيلتا تاع صاحب؟
مش مليحة
نوصيك خليك من هذي صحبتك ولا من تاع ذراري انا حمد لله مسييتش مي يحكو عليها انك تندمي
حبيبتي نوصيك ونعاود بلاكي وهي تاني من محرمات
وزيد قاتلك باه يحميك في الجامعة من الانحراف
علاه انت مين جاية ولا معندكش عايلا اعرفها من هذي النقطة
مرسي ليك
وانتبهي

 

[Jeune Sghir Mc]

زعما هاذي صح صاحبتك تقولك هكا
قاتلي سمعت بلي الطفلة كيما تروح للجامعة لازم دير صاحبها باش ماتنحرفش
تحوسك اتبعي طريق الانحراف بهذا الكلام

انتي شوفي لقرايتك واخطيك من هاذو العفايس
لي ماعندها حتى معنى

سلام

​

 

[ايمان التلمسانية]

اولا مبروك عيك النجاح
وثانيا البنت الي دير صاحب فاضية شغل ما عندها ما دير
مي البنت الي تعرف مصلحتها جامي تفكر في هاد الصوالح
شكراااااااااااااااا
​

 

[salma2010]

الف مبروك الباك كيفى مى حذااااااااارى من صديقات السؤ خليكى متمسكة بمبدأك

 

[مسامعية]

كيفـــــــــــــــــــــــــــاش تنحرف مافهمتهاش!!!!!!!!

 

[♥بنت عنابة♥]

ماعنداك حابي يلعبولك بعقلك حل عينك ديري غلطة عمرك
ماتنحرفي ماوالو التاي بقرايتك خيرلك​

 

[زهرة الجنوب9]

مبروك عليك الباك:sheer: تهالاي في روحك وما تبعيش لبنات لبدون اخلاق حبة طماطم خامرة تخمج كاجو:cra_zy:

 

[يونس الصديق]

السلامــ

العقل السليم في القرار السلــــيم ///
بارك الله فيك
تحياتي
​

 

[sams]

كون جا صاحب فيه فايدة كون رانا درناه من بكري ربي يهديها صحبتك
ياوووو لقراية

 

[جزائرية كوول]

اولا مبروك عليك
ثانيا مكانش منها هاذ العفسة في الجامعة انا قريت عام والله حاجة ماصراتلي لخاطر انا حارزة روحي ومنقيم حتى واحد

وحاولي انك تطلعي للجامعة ومعندك عليها حتى خلفية غير القراية وربي يوفقك وتكملي قرايتك
​

 

[فؤاد الورقلي]

سلام

لا لا ختي يكذبو عليك
اذا حابة تولي حاجة مليحة في المستقبل عليك بالدراسة والاجتهاد
اما الصاحب وما الصاحب

راهم كامل يتبهلدو في اليوتوب بالفيديوات وتلقاهم يقولو معلابلانش راح يصى هكذا


لحابة تصون كرامتها وكرامة اهلها

الله يعافيك اختي من هذا الشي

واياك ومرافقة بنات السوءءءءءءءءءءءءءءءءءءء راه يديرو الراس​

 

[SOFIANE BATNA]

الصوالح هاذو ماعندهم حتى معنى التاي بقرايتك برك
بصح راني استنتجت بللي بنات اللمة ربي يبارك كامل ماشي مدايرين صحابهم ههههه
ولولاد ثاني​

 

[°~Kenza_02~°]

خليك من الهدرة التافهة ......وديجا بلا ما تسقسي خدميها في راسك مليح و تعرفي بلي هدرة تافهة وصايي
ايه مبروك عليك

 

[RINAR]

اولا مبروك عليك الباك ولعقوبة لعندي لعام لجاي نشاء الله :shiny:
صاحبتك هذي مسكينة ما زالها تدير الكونفيونس فليجان هههههههه تبعي قرايتك و خليك من لهبال هذا ما يجيبلك غير المشاكل و وجاع الراس هههههه قالتلك ديري صاحب ههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههه ههههههههههههههههههههههههههههههههههههههههه :laugh::laugh:

 

[MiSs Sisi StyLe]

èèèèèèèèèè oui سقسيني انا اكثر وحدة تعاني من ظاهرة كيفاش معندكش صاحب و كيفاش جامي عملتي واحد ؟؟ آواه راكي ميتة ماكيش عايشة ؟؟
يا لطيـــــــــــــــــــــــــــــــــــــــــــــــــــــــف خلاص معنديش واحد صايي مانيش عايشة
pfffffffff اختي جاوبيهم كيما موالفة نجاوب انا
قوليلهم الحمد لله ياخي عايشة برك بيه ولا بلا بيه مالا علاه نكسر راسي و نخذل ثقة والديا بواحد بعد نهارين يقلي مليت و + يا ربي نلحق على قرايتي و مشاغلي و كلشي بالمكتوب الي حابني صح يعرف بلاصتو وين و كيفاه يحصل عليا و مازالت الدنيا قدامك حنونة متسمعيش لهادو لعباد ام مرضى نفسيا و فارغين شغل ما لقاوش وش يديرو قالو خلينا نوسوسو اسماء و نبعدوها على طريق ربي.

 

[nour el yakine]

أولا ألف مبروك على فتح أول باب في حياتك
ثانيا صاحبتك غالطة 100/100أصلا ماعندهاش عقل تفكر به أختي كي ديري علاقة لي راه تنحارفي أما كي تحكمي في دينك ومبادئك وتربيتك جامي لا تكون بك حاجة. واعرفي شكون تخالطي فالجامعة -البنات- هما لي ساعات يديو للهاوية -
بالتوفيق في مشوارك الجامعي
دمتي
​

 

[fifi-la-brunette]

مبروك عليك ختى الباك
حابة نقولك حاجة انا تخرجت هاذ العام من الجامعة والحمد لله مادرت صاحب ماانحارفت
ماتبعيش لبنات ختي وديري اللي يخرج عليك وماتنسايش بلي والديك يديرو فيك كونفيونس واحد مايستاهل تخونيهم على جالتو وربي يوفقكم كامل