مطبخك في رمضــــــآن سيدتي

[ام انيس]

مساء الخير حباباتي وصح رمضانكم وكل عام وانتم بالف خير والله قريب تخنقت منين راحتلي الانترنيت اليوم برك طلقوهالنا المهم اول حاجة جيت ديركت للمة الحمدالله اللي راكم بخير اسمحولي انا الكاميرا تاعي راهي فاسدة راني نحاول في زوجي يصلحهالي وهو مش مهتم على خاطر مش محتاجها هو المهم انا البارح درت للفطور
جاري فريك
كمونية
طاجين حلو
سلاطة بطاطة مقلية بالبيض
وكسرة خميرة
واليوم راني نخمم واش ندير الجاري بقالي وطاجين الحلو تاني
باي انتظر اخباركم

 

[نبع اليقين]

بصحتكم مسبقا
احنا مدايرين جاري فريك وشطيطحة دجاج وبقالكنا طاجينحلو من بارح وسلاطة واخلاض
مش مطيبين المطلوع عندنا دنيا تشعل من سخانة
الله يعاونكم
جاتك تهبل الزلابية اختي مريم حاسي تسلم الايادي

 

[روز]

مساء الخير بنات الظاهر راه الصيف والسخانة والفطور يبقى كما هو البارح بقالي تارت الجبن كثرت منها
زدتلها لاسوس بالحمص وعاودت دخلتو للفرن زدت شوربة و سلاطة طماطيش وفلفلة ولاحميس كما تقولولو
كوثر تارت الجبن مادرتهاش موضوع كتبتها برك هاهي ليك الوصفة والصورة

وصفة تارت الجبن
تارت الجبن للطلبوها ساهلة جداااااا
اول شي طيبي الدجاج في سوس بيضا مع الخضر مقطعة صغيرة ولما اطيب صفي الخضر حطيها وحدها والدجاج فتيه وحطيه على جنب

بعدها تحضري في صحن كبير :
مقدرا واحد من لاشابلور + مقدار واحد من الفرماج رابي+البيض حتى تصبح مثل المكوتشة يعني مطلوقة (على فكرة راهي تدي البيض بزاف) + و2 ولا 1 خمارة على حسب كبر المقدار لي عبرتي بيه

تأخذي المول الشكل لي حبيتيه كيك ولا مربع ولا مدور ادهنيه مليح حطي الخضر فوقها الدجاج مفتت فوقها الخليط نتاع البيض والفرماج ودخليها اطيب بعد ما اطيب اسقيها مباشرة بلاسوس البيضا لي طاب فيها الدجاج والخضر وقطعيها

 

[روز]

مريم جاتك هايلة الزلابية لونها هايل بصحتك وكي تذوقي بنتها تلقايها تهبل عجبتني البارح مي ريجيم كليت اصبع واحد برك

 

[عفاف الجزائرية]

مساءكم بالخير
هاذا حالة اللي يكون عندو ميكرو مشترك
الصباح لخويا ولعشيا شايفني مع الفطور يخليهلي زعمى
عارفني ما نقعدش فيه يمسح في الموس
المهم بقالنا من لبارح طاجين حلو
وسلاطة بامانتها كشما نزيدلها شويا باتي وماييس نموديفيي فيها
فلفل طبعا
وممكن ندير لي كانيلوني
شريت لابات فيلو مكن ندير صامصا بالفرماج واللحم المرحي
مع المشروبات اللي ما تخطيش بالانواع
​

 

[imane27]

سلام لبنات مزلتو تخمو انا بقاتلى شربة ولحم لحلو نزيد لوبية ماشتو سوتى بالجاج وسلايط

 

[merieme hassi]

السلام عليكم
راني عملت اليوم بسبوسة ساهلة و ماتخدش الوقت

صح فطوركم

 

[روز]

صحيتي مريومة جاتك هايلة البسبوسة انا نروح نوجد الفطور بقا 20دقيقة ونفطرو بصحتكم وش طيبتو في السهرة ان شاءالله نتلاقاو ونشوف موائدكم

 

[ام سامي]

السلام عليكم و رحمة الله و بركاته


ما شاء الله عليكم


ربي يحفظكم



انا بقاتلي الماكلة نتاع البارح



راح نزيد كروكات البطاطا بالطون



والرخساس أو المطلوع او نبطل نشري غير الخبز


راني نخمم

 

[آلاء النايلية]

صحيتي مريومة جاتك هايلة البسبوسة انا نروح نوجد الفطور بقا 20دقيقة ونفطرو بصحتكم وش طيبتو في السهرة ان شاءالله نتلاقاو ونشوف موائدكم

صحا ليك وقيلة نجي لقطر ضرك ههه
صح فطوركم

 

[آلاء النايلية]

وش راه صاير يا جماعه
حنا البارح فطرنا الما و القازوز
فطورنا البارح كيما هو حاجه ما تحركت من بلاصتها​

 

[المتفائلة_91]

مساء الخير بنات الظاهر راه الصيف والسخانة والفطور يبقى كما هو البارح بقالي تارت الجبن كثرت منها
زدتلها لاسوس بالحمص وعاودت دخلتو للفرن زدت شوربة و سلاطة طماطيش وفلفلة ولاحميس كما تقولولو
كوثر تارت الجبن مادرتهاش موضوع كتبتها برك هاهي ليك الوصفة والصورة

وصفة تارت الجبن
تارت الجبن للطلبوها ساهلة جداااااا
اول شي طيبي الدجاج في سوس بيضا مع الخضر مقطعة صغيرة ولما اطيب صفي الخضر حطيها وحدها والدجاج فتيه وحطيه على جنب

بعدها تحضري في صحن كبير :
مقدرا واحد من لاشابلور + مقدار واحد من الفرماج رابي+البيض حتى تصبح مثل المكوتشة يعني مطلوقة (على فكرة راهي تدي البيض بزاف) + و2 ولا 1 خمارة على حسب كبر المقدار لي عبرتي بيه

تأخذي المول الشكل لي حبيتيه كيك ولا مربع ولا مدور ادهنيه مليح حطي الخضر فوقها الدجاج مفتت فوقها الخليط نتاع البيض والفرماج ودخليها اطيب بعد ما اطيب اسقيها مباشرة بلاسوس البيضا لي طاب فيها الدجاج والخضر وقطعيها

جاتك هايلة ،
نجربها اليوم ان شاء الله

صح صيامك

 

[المتفائلة_91]

السلام عليكم

صح رمضانكم

يعطيكم الصحة ،،،، كوزينتكم تشهي




حنا اليوم الفطور
شوربة فريك
شطيطحة دجاج
طاجين حلو او مرقة حلوة
بوراك
مطلوع
سلطة
+ خبز الجبن تاع روز



بعد الفطور نجيبلكم تصاو

صح فطوركم لخواتات​

 

[روعة2005]

الزلابية جاتك روعة مريومة بصحتك والبسبوسة ثاني تشهي مديلي الطريقة من فضلك
-------------
بصحتك روز الفطور

 

[merieme hassi]

الزلابية جاتك روعة مريومة بصحتك والبسبوسة ثاني تشهي مديلي الطريقة من فضلك
-------------
بصحتك روز الفطور

ااااه راكي هنا جيتي تعملي استرااحة :shiny:
البسبوسة ساهلة و ماتخدش الوقت
نصف كاس زيت
نصف كاس حليب
نصف كاس سكر
نصف كاس خبز يابس محمص و مطحون
كاس سميد
1 بيض
1 خميرة الحلويات
قومي بخلط المقادير و دخليها للفرن و عند اخراجها سقسها بالشاربات الي تكون باردة
صح فطوركم​

 

[rima29]

مساء الانوار
حنا اليوم فطورنا:
شربة فريك
بوراك
طاجين الخوخ
طاجين حلو وملوخية تاع أمس
وسلاطة
والديسار بأنواعه
وزلابي وقلب اللوز والشامية والحلقوم والاكاجو ...الخ
صح فطوركم...​

 

[عفاف الجزائرية]

روز درك راها تفطر اييييييييه بصحتكم
وقيلا نولي نسحر مع الجزائر ونفطر مع اهل قطر
​

 

[راضية حامدة]

السلام عليكن
البارح حضرت الشوربة فريك
طاجين الزيتون
اللحم الحلو
البوراك
السلطة
المشكل شربنا غير العضائر و الدلاع و العنب
كل شيء بقى
اليوم ما طيبت والو
حتى لغدوى ان شاء الله
وصفاتكم شابين بزاف يعطيكم الصحة

 

[وصال تسنيم]

صحااااااااااا فطوووووووركم يا بنات ​

 

[ibtesem]

صح فطوركم يالبنات ربي تقبل يارب
تفضلو خدي طاولتي

جاري

كفتة جاج بالبطاطة والجروات مقلية

دوبارة حمص

طاجين الحلو

بوراك دجاج

سلطة ماسيدوان

بوراج شامبنيو والدجاج
والاخر
بوراك للحم والبطاطة

خميرة الفرينة

سلطة خضراء

هدي الطاولة

فواكه

تفضلو بسم الله الى ان احضر سينية التاي ونجي​