مطبخك في رمضــــــآن سيدتي

[روعة2005]

صبااااااااااااااااااح الخير انا ثاني صبحت مع التسياق نحسب غير بنتي تشتي تسيق اتاري ندوش كمااااان هههه
والله الواحد حار واش يطيب انا عصرت مخي حبس نشوف كشما ندير طاجين تاع جاج مع الجاري والسلطة وخلاص
-----------
الاخت لي سقسات التمر حشيتو با الزبدة الحرة/تاع البقرات/
والطبق الاول عجيجات روز /غليته ودرتله فرماج وزبدة وملح وفلفل اكحل وخليته ساعة في الثلاجة باش يتماسك ومن جهة تبلت لحم مرحي وقليته وعمرت بيه دوائر الروز ثم رمدتهم في بيض ثم شابلير وقلبيتهم
لصوص درت بصلة وطماطم وهريسة وكمون ولحم مرحي وجمرتهم
اما الثاني بوراك في الكوشة فرشي الديول وادهنيهم بزبدة وحطي الحشو لي تحبي وغطيهم تاني بديول وادهني وطيبيهم

 

[rima29]

تعيشي ريمة ربي يعيشك
نسقسيك هذاك لي حطيتيه طاجين الجلبانة؟

مساء الفل حنونة اسمحيلي البارح ديكونكتيت وما جاوبتكش
ايه هذاك طاجين جبن​

 

[كوثر الوهرانية]

صباح اخير عليكم يا احلى بنات
الله يعطيكم الصحة طوابل يشهوا الله يقوي الخير و يدومها نعمة ان شاء الله
اختي روز المتبل هو وصفة لاخت ياسمين فيها دنجال مشوي و منقي تحطيه فالروبوا ديري معاه ربعة حبت فرماج و سنة ثوم و ملح و تخلطي مليح فاروبوا و كي تحطيه فالصحن دري عليه زيت الزيتون و فلفلة حمرة
اما اخت الي سالتني على فطوري اع امي معقودة بطاط نغلية نطحنها نضيف الثوم الملح الفلفل الاسود و المهدنوس و الفرماج و نخلط الكل بالبيض نخليها حتى تبرد نكور كويرات نبسطها بيدينا نرمدها في افرينة و نقليها في زيت تكون غازرة و سخونة
الكلكار ناخد الكلمار نضفه مليح نفيض اروز نص طباي و ندير معاه اللحم المرحي البصل و الثوم مرابيين و ملح فلفل اسود و فليل من الزعفران و قليل من القرفو و الكبابة و المعدنوس و القسبر نخلكط الكل و نحشي بيه الكلما و نغلق بعود الاسنان و ندير صلصة الطماطو في الطنجرة و كي تغلي نحط الكلمار و نغلق عليه حى يطيب و تعقاد الصلصة
ان شاء الله تكوني فهمتيني

 

[روز]

يعطيك الصحة كوثر نجربو ان شاء الله المتبل هذا فكرة جديدة
مرسي

 

[كوثر الوهرانية]

العفو اختي روز

 

[~هدا السكون~]

السلام عليكم ورحمة الل هوبركاته
فكرة رائعة
معكم ان شاء الله

 

[ibtesem]

ياروز المتبل راه بابا غنوق عند السورين والوصفة تختلف شوية هي بالبدنجال واضافات اخرى
تحبي نكتبهالك

 

[nada242008]

مساء الخير فوفة وكوثر وابتسام ومريم والكل
هههه والله يا روز ندى رجعت للدار وانا في نص التسياق ههه شفتها فشلت
قلتلها نديرلك دورا قاتلي لالا نسيك معاك خير
شفتي يا فوفة يشتو التسياق ضرك بصح كي يجي وقتو صح يكرهوه
--
انا نصبت الجاري وراهو يطيب تهنيت منو
يبقى القراتان والبوراك لمبعد ان شاء الله

 

[أم دودو]

زينة إكرام راني حطيتها وصفة البريوش هنا حطيتها أمس شوفيها لكان ما لقيتيهاش تو نزيد نحطهالك ما كان حتى مشكل

 

[imane27]

مساء الخير عليكم واش راكم راكم بديتو طياب انا هدا وين نضت والله نهلكت
هدا فطورى تاع لبارح
شوربة فريك بوراك برانية بتنجال لمنشون لحم لحلو وسلاطة ودرت مطلوع فرينة تاع ابتسام

 

[ملاك هبة الرحمان]

السلام عليكم اختي ايمانوشراكي اختي ربي يخليك اعطيني لاغوسات نتاع البورك لدرتيه
imane27

 

[كوثر الوهرانية]

يعطيك الصحة ايمان فطورك يشهي بصحتكم

 

[روز]

هذا هو البابا غنوج يابسومة..! اعطيني وصفتو بالكامل
موالفة نذوقو مي طعمو يجيني طعم آخر كي ناكلو نحسو دنجال ومانحسوش دنجال ههه

يعطيك الصحة ايمان فطور هايل سيرتو لي في الصورة لي قالت عليه الاخت اعطينا وصفتو
ام ندى ربي معاك اسحفظي على روحك برك وربي يخليلك ندوش وابو ندوش وولي العهد ههه

 

[ام ايناس]

يعطيك الصحة ايمان طابلة تشهي اعطيلنا الوصفة حبيبتي

 

[imane27]

السلام عليكم اختي ايمانوشراكي اختي ربي يخليك اعطيني لاغوسات نتاع البورك لدرتيه
imane27

وعليكم السلام اختى هبة الحمد الله ونتى
اختى هدا ماشى بوراك هادو لمنشون ينخدمو بالعجينة المورقة وتعمريهم بلبيشامال تاع فرماج
تحبى تشرى عجينة المورقة وانا شاخصيا نعمرهم بالفرماج وحدو يجى بنين بيه

 

[زينة اكرام]

يعطيك الصحه ام دودو لقيت الوصفه
بصح ما فهمتش واش نص غنجاية زبدة :sad:
صح فطوركم

 

[أم فاروق]

مساء الخير اختي روز البابا غنوج هو غير المتبل المتبل يجي بتنجان مشوي ومطحون مع ملعقة اكل طحينة وشوية ملح وسنتين ثوم مدقوقين وملعقة لبن تخلطيهم وتزنيهم بالزيت زيتون والنعناع
اما البابا غنوج فيجي فيه طماطم وفلفل حار احمر وثوم وملح وقارس وطحينة

انشاء الله نكون افدتك اختي

 

[merieme hassi]

السلام عليكم
جربت خميرة الفرينة تاع ابتسام و جاني هايل
بارك الله فيك يا الحبيبة




​

 

[روز]

امممممممم اممممممم شهيتيني ام فارووق نشري الدنجال ونعملو ان شاءالله

عفاف هاهو تطبيق آخر لتارت تاع السلق مي بدلت الحشو وانا طيبتها ياسر من فوق نسيت روحي وانا في اللمة
المفروض يكون لونها اصفر برك
وموالفة نقطعهم رقيق وندخلهم للفرن 5ولا10دقايق برك
اليوم راني عرضتهم ونسيتهم في الفرن

نحب ناكلهم مع الشربة في بلاصة الخبز والبوراك

 

[أم دودو]

يعطيك الصحه ام دودو لقيت الوصفه
بصح ما فهمتش واش نص غنجاية زبدة :sad:
صح فطوركم

الغُنجاية هي المغرفة الكبيرة اللي ناكلو بيها و الزبدة تكون من الثلاجة ماشي ذايبة