قعـــــدة بوقاليــــة طيلــــة شهـــر رمضــــان الميــــــارك ( بسم الله انويو )

[وردة الروح]

حبيبتي عفاف
صح فطورك
الكوزينة مدياتك على طول
يا الله
جوزي خذي فالك و ارجعي لشغلك
بسم الله
السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها​

 

[وردة الروح]

حبيبتي أم ندى
صح فطورك
و يغطيك الصحة عبى الميدة الشابة اللي دينا تتحقبنا بها القعدة
يالله هذا فالك بسم الله
أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور

و هذا فال أبو ندى
بسم الله
دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى

و يا رب دايما مجتمعين في الخير
و الهناء و السعادة
يا رب ​

 

[وردة الروح]

أخي المعتز بالله صح فطورك
و الله نورتنا و نورت القعدة
على السلامة
هذا فالك
بسم الله
في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة​

 

[وردة الروح]

وردة الروح


فصلت عليك قفطان زنجي مقفول عليها اتمنتها ياربي تكون في داري تخرج وتدخل وتبكي عدياني


هادي نويتها عليك حنونة ان شاء الله تعجبك

ألف شكر حبيبتي
صح فطورك
و على السلامة
حوزي شربي تاي و كلي حاجة امبعد نعطيك البوقالة ​

 

[girl-alg]

ـ اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

 

[وردة الروح]

و بعد ما شربتي حاجة
هذا فالك
بسم الله
التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة
​

 

[الجزائري05]

أخي المعتز بالله صح فطورك
و الله نورتنا و نورت القعدة
على السلامة
هذا فالك
بسم الله
في الدار صندوقمخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيكمولاة الشان مولاة المشية الظريفة​

ربي يجازيك كل خير ختي وردة الروح
و هاذي بوقالة في خاطرك
​

الشمس الغاربة غدوة ترجع تشرق وسفينة لحباب بعون الله تفوت وماتغرق والتبسيمة في وجه كل حبيب إن شاء الله تبرق

 

[أمينة16]

حبيبتي أمينة
صح فطورك
و تقبل الله منك الصيام و القيام
و ان شاءلله ما تكونيش انستيني بدعائك في التراويح
بصحتك التاي والبقلاوة
يالله اعقدي و انوي
بسم الله
شجرة ياسمين نايضة في وسط الغرفة عروقها سكنجبير و أغصانهاقرفة والله ما ننساك يا زينة الوقفة​

الله يسلمك حبوبتي وانتي زادة
الحمد لله كي راكي مليحة
اممممممممم مننساكش انتي في القلب غاليتي
الله يبارك على البوقالة ما عندي ما نقول
وهدي ليك

اعقدي وانوي

​

زوينة يا زوينة والزين ربي عطاك طبعاتك الحنينة وكحل العين واتاك انتي وردة في الجنينة وفي يد اللي داك الله يحفظك مالعوينة ويخليك للي بغاك

​

 

[وردة الروح]

ربي يجازيك كل خير ختي وردة الروح

و هاذي بوقالة في خاطرك​

الشمس الغاربة غدوة ترجع تشرق وسفينة لحباب بعون الله تفوت وماتغرق والتبسيمة في وجه كل حبيب إن شاء الله تبرق

الله إخليك أخي
والله بوقالة و عليها الكلام
يعطيك الصحة
و يسرنا أن تشرفنا كل ليلة
سهرة ممتعة ​

 

[وردة الروح]

الله يسلمك حبوبتي وانتي زادة

الحمد لله كي راكي مليحة
اممممممممم مننساكش انتي في القلب غاليتي
الله يبارك على البوقالة ما عندي ما نقول
وهدي ليك​

اعقدي وانوي​

زوينة يا زوينة والزين ربي عطاك طبعاتك الحنينة وكحل العين واتاك انتي وردة في الجنينة وفي يد اللي داك الله يحفظك مالعوينة ويخليك للي بغاك

الله إخليك حبيبة
عجبتني البوقالة
سهرة ممتعة ​

 

[أمينة16]

هدي اللي يجوز منا
يعقد وينوي

ليل ياليل العذرا حلت تاقتها تنفست شوية ...وغلقتها من صابني جوهرة في رقبتها ولا محبس في غرفتها من صابني وليد السلطان غير أنا اللي ناخذها
​

 

[ام منصف]

عزيزتي أم منصف
صح قطورك
و إن شاءلله تكوني بخير
هذي مدة ما شرفتناش
لكن احنا ما ننساوكش
هذا فالك
بسم الله
ذاك الحمام اللي محبوس في السجنة يعيا و يفرج ربي و نرجعوا خيرمن اللي كنا​

ربي يحفظك وردة الروح
راني غايبة عن اللمة بكلها منذ مدة لظروف خاصة واعترف اني مقصرة معاكم
الف شكر لك على البوقالة الرائعة
يسعد ايامك حبيبتي
​

 

[nada242008]

حبيبتي أم ندى
صح فطورك
و يغطيك الصحة عبى الميدة الشابة اللي دينا تتحقبنا بها القعدة
يالله هذا فالك بسم الله
أقعدت تحتالنخلة قالولي دقلة نور جات أدور أطلعت فوق النخلة و بالعسل رشيت الصور معاهالمعيشة تحلى حبيبي الساكن في القصور

و هذا فال أبو ندى
بسم الله
دارنا في الجبل مقبلة مكة و فراشها حرير طبقة على طبقة و مصباحالفضة يشعل ما يطفى

و يا رب دايما مجتمعين في الخير
و الهناء و السعادة
يا رب ​

هههههه والله غير جبتيها 100 بال 100
انا بنت بلاد التمر طولgـــة بلاد دقلة نور
ربي يحلي ايامك يا رب
وفال ابو ندى ثاني طاح في الصواب
نهار كامل يفوخ بدارهم :sneaky2: وكل يوم يقول وجدي روحك رانا راحلين نسكنو ثم

--
ربي يخليك اختي الغالية وردة الروح ويتفكرك الخير كيما راكي ديما متفكرتني
صحا سحورك حبوبة

 

[*عزة الاسلام*]

هدي اللي يجوز منا
يعقد وينوي

ليل ياليل العذرا حلت تاقتها تنفست شوية ...وغلقتها من صابني جوهرة في رقبتها ولا محبس في غرفتها من صابني وليد السلطان غير أنا اللي ناخذها
​

يعطيك الصحة غاليتي
انا اديتها
​

 

[nada242008]

ربي يحفظك وردة الروح
راني غايبة عن اللمة بكلها منذ مدة لظروف خاصة واعترف اني مقصرة معاكم
الف شكر لك على البوقالة الرائعة
يسعد ايامك حبيبتي
​

راهي فاولتك بالسكنة الجديدة يا ام منصف دبرتيها ههههههه
وانا عترحلني لدار الشيخ :sad:

 

[ام منصف]

راهي فاولتك بالسكنة الجديدة يا ام منصف دبرتيها ههههههه
وانا عترحلني لدار الشيخ :sad:

هههههههههههههههه
وعلاه والله غير مليحة دار العايلة طبعا كي يكون التفاهم
​

 

[تسنيم الهناء]

السلام عليكم اخواني العرب

هل لي ببوقالة من عندكم فاضلتي وردة او حلوتي امونة

لي عودة بعد الفطور لاقرأها

الى اللقاء

:re_gards:
​

نسيتوني

:crying_1::crying_1:


​

 

[nada242008]

هههههههههههههههه
وعلاه والله غير مليحة دار العايلة طبعا كي يكون التفاهم
​

والله التفاهم كاين وماكان حتى مشكل
بصح ماكانش كالاستقلالية
خلاص مالا خليلي الدويرة واقعدي كيما راكي هههههه
عذراا وردة الروح خرجنا عن الموضوع // سامحينا

 

[عفاف الجزائرية]

حبيبتي عفاف
صح فطورك
الكوزينة مدياتك على طول
يا الله
جوزي خذي فالك و ارجعي لشغلك
بسم الله
السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها وبالمسك و العنبر نعطر أماليها​

صحا فطورك اختي وردةا لروح
ربي يجازيك يا غالية وينور ايامك
وان شالله يفتح بيبان الخير في وجهك ويحلي ايامك يا رب
مشكورة علىا لبوقالة الطيبة طيب انفاسك
​

 

[وردة الروح]

ام منصف

ربي يحفظك وردة الروح

راني غايبة عن اللمة بكلها منذ مدة لظروف خاصة واعترف اني مقصرة معاكم
الف شكر لك على البوقالة الرائعة
يسعد ايامك حبيبتي​

الله إجيب الخير حبيبتي
و يفرج كربك
و يقضي كل حوائجك
ما عليش خذي راحتك
المهم تكوني بخير و عافية
اتهلاي في روجك
تنوريني دائما ​