قعـــــدة بوقاليــــة طيلــــة شهـــر رمضــــان الميــــــارك ( بسم الله انويو )

[وردة الروح]

حبيبتي إحساس أنثى
صح فطورك
و على سلامتك
و جوزي أقراي قالك
بسم الله

 

[تسنيم الهناء]

حبيبتي تسنيم الهناء
صح فطورك
وعدتك بليك مانزيد ننساك
بسم الله
أعقدي وانوي

صحا لفطور حبيبة

الله الله على ها ذالبوقالة الزينة
ها نا نستناو لي راجعييييييييييييين هههههههههه

ربي يقدلك سعدك وخيتي

:re_gards:


​

 

[احساس انثى dz]

حبيبتي إحساس أنثى
صح فطورك
و على سلامتك
و جوزي أقراي قالك
بسم الله

ربي يخليك حنونة بوقالة تهبل ربي يزين سعدك ان شاء الله

تساليلي بوقالة مني ليك

 

[احساس انثى dz]

صحا لفطور حبيبة

الله الله على ها ذالبوقالة الزينة
ها نا نستناو لي راجعييييييييييييين هههههههههه

ربي يقدلك سعدك وخيتي

:re_gards:


​

ربي يخليك حنونة
تسنيم هادي بوقالة ليك ان شاء الله تعجبك

انا شابة ومهري غالي واللي بغى يديني يجيبلي النجوم من لعلالي ويسهر الليالي ويبنيلي قصور في الغيوم تشالي

 

[أمينة16]

حبيبتي أمينة

صح فطورك
و مرحبا بيك
بسم الله ​

مساء الورود وردة
يارب تكوني بخير
راني روطار الله غالب ....
الله يخليك يا لعزيزة على البوقالة
وعجبتني بزاااااااااااااااااااااااااف
وهدي ليك

الزيـــــــــــــن بعينــــــــــي وبكيــــــــــت عليـــــــــه ونـــدمت على الأيـــــــــــام

التـــــــــي كنــــــــت فيهـــــــا بــــــــــلا بيــــــــــــه والذي يبغيـــــــــني

ربــــــــــــــي أيخليــــــــــــــــه لـــي ويــــخليـــــــــــني ليــــــــــــــــــــــــــــــه




​

 

[sissi-jijlya]

باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
و حكمتكم : النفس مولعة بحب العاجل .
شكرا عزيزتي على البوقالات
ربي يخليك

 

[محاربة صحراء]

ذا أنت جنان أنا وردة فيك وإذا أنت البحر أنا حوت فيك إذا تحبني أنا نموت عليك​

 

[وردة الروح]

أواه يا لبنات ماتفهمناش هكذا :cra_zy:
من المفروض لما ما نكونش ما تخليوش القعدة وحدها :cursing:
غبت هربت كامل :no_1:
راه غاضني الحل بلبزااااف :crying_1:​

 

[sami19280]

نوريت ياوردة يللا بوقالتي
​

 

[abc.imane2009]

.......................................

 

[وردة الروح]

صح فطوركم
و تقبل الله منا و منكم صالح الأعمال
لكل زائري القعدة
هذا فالكم
بسم الله
سفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها
سهرة طيبة ​

 

[وردة الروح]

حالياً الأعضاء النشيطين الذين يشاهدون هذا الموضوع : 2 (1 عضو و 1 ضيف)
العضو وردة الروح
و الضيف ......
لهذا الضيف هذا الفال
بسم الله
أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح
و سهرة ممتعة ​

 

[وردة الروح]

و لوردة الروح
هذا الفال
راني عاقدة و ناوية
بسم الله
يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك​

 

[وردة الروح]

نوريت ياوردة يللا بوقالتي​

صح فطورك و على السلامة
ضيفنا سامي
نورت القعدة و هذا فالك
راك عاقد و ناوي
أوكي
بسم الله
دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى
سهرة طيبة ​

 

[abc.imane2009]

صحا فطوركم كامل

 

[وردة الروح]

أمينة
راكي غايبة
خير يا العزيزة
لاباس عليك إن شاءلله
هذا فالك
بسم الله
لتمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة
سهرة طيبة ​

 

[BARCA232]

هل من مرحب ضيـــــــــف جديد
​

 

[وردة الروح]

جينان
صح فطورك
و على سلامتك
و هذا فالك
بسم الله
ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني
سهرة طيبة ​

 

[وردة الروح]

تسنيم الهناء
صح فطورك
و على السلامة
هذا فالك
بسم الله
و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه
سهرة طيبة ​

 

[وردة الروح]

هل من مرحب ضيـــــــــف جديد​

بكل شرف و سرور
مرحبا أخانا العزيز محمد
نورتنا
و نورت القعدة
صح فطورك
و تقبل الله منا و منكم الصيام والقيام وصالح الأعمال
أيا أعقد و انوي
بسم الله
في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة
ان شاءلله تعجبك
و سهرة طيبة ​