رمضانيات عضو .. قعدة لماوية مع .. bouchra*02 و NeيRسNe

[Jagwar]

ايا خاوتي نقلكم تصبحو بخير
وتهلا في الضيف خونا اسامة
ايا في امان الله
صحة صحوركم ​

الله يسلمك
فى امان الله اختى بشرى
باين غلبك النعاس :shiny:
صحا سحورك و نتلاقاو غدوا ان شاء الله

​

 

[Jagwar]

راني شفت هاذ لافار في منتديات أخرى
ماتصلحش خلاص
واحد يحتاج عضو حتى يكتبلو موضوع و مانعرف هاذاك يتولهلو ولا لا
نتمنى الادارة ماتتسرعش في قرارها
​

أنا أعتقد و الله اعلم انه سيتم غلقها مؤقتا باسكو راها صرات من قبل
الادارة تعلم بلى كاين اعضاء بزاف يحتاجو استعمال خاصية الرسائل
​

 

[Houda Chaouienne DZ]

اهلا با الاستادة هدهودة ومرحبا بكي اختي
شويتيني نهار عرضتني الاخت نور في موضوعها ماننساش هههههه
جاب ربي جيت قبل مايروح الوقت لولللل

هدا العفة وهدى الشخصية القوية وهدى الصارمة وهدى النشاط والاخت المحترمة هكدا اراكي ..


رتحي اختي اولااااااااااااا

​

كويس تاي.....

​

على بركة الله


من هي الاخت هدى

المستوى الدراسي

يغلبك رمظان ولالا..

هل انتي من هواة المطالعة

جرائد ام كتب

ماهي الجريدة المفظلة

ماهو اخر كتاب قراتيه

ماهي فكرة هدا الكتاب

مادا استفدتي منه

لو يعطوكي مهنة مدرسة اي مادة تريدين تدريسها

هل هدى من هواة المطالعة

ماهو طبقك المفظل

الطبق الدي تحسنين طبخه

لحم ولا دجاج ..

ماهي الاشياء التي تريدين تغييرها في طباع الشعب الجزائري..


نشطتي البارحة حلقة مسابقة اللمة اليومية كيف سارت الامور ...

اقسامك المفظلة في اللمة

لو تسلمتي مفاتيح الاشراف اي قسم ترتاحين فيه

كم تقضي هدى من ساعة على النت يوميا

اقرب اعظاء لكي في اللمة ...

مثلك في الحياة

تلفزيون ولا نت

لو كان الرئيس بوتفليقة امامكي الان مادا ستطلبين منه

نصيحة لاخوانك واخواتك في المنتدى

اسئلة خفاف وظراف ولالا هههه

في امان الله هدهودة ..........
​

هههههههههه
وقيلة راك غالط فالعنوان
انا كنت البارح ضيفة مشي الليلة
الليلة الاخ اسامة

ههههه مي اصبر ذرك نجاوبك
​

 

[KarOm@.Dk]

ما لقيت واش نقول يا كرومة خويا
و الله يعجز اللسان عن وصفك
حتى الكلمات الجميلة عاجزة عن اعطاء حقك و ما تستحقه
يااا خويااا الغااالــي و الله هااادي اقـــل حاااجة نقدر نقدمهااالكـ
انت هواا الي تعجزز كل الكلماااتـ عن وصفكـ
يا أسطووورة اللمــة ** أســا/مــة **

بارك الله فى يا الغالى
و فيكـ باااااااركـ الله
مرسسسسسي بزاافـ عليكـ
ربي يحفظك
و يخليك ليناا ان شاء الله
​

:re_gards::re_gards::re_gards::re_gards:

 

[Jagwar]

خويا أسامة نخرجو شوي من اللمة
راني كثرت عليك وقيلة
تقول نتا هو المدير هههههههه

ههههههه لالا صيبى راحتك اختى
أنا رانى الضيف تاعكم و السؤال لى يخطر فى بالكم رانى واجد
و سؤال اذا ما قدرتش نجاوب عليه رانى نعتذر عليه :shiny:

المهم

واش احوالك مع رمضان ؟

و الله مليح و الحمد لله
هاو يخرج عليا رمضان :showoff:

غالبك ولا غالبو ؟

مرة يغلبنى و مرة نغلبو :shiny:
المرة لى فاتت تعادلنا ههههه

واشي هو بروقرامك في رمضان ؟

مخلط و مشكشك :shiny:
عبادة بقدر المستطاع
منتديات
سهرات بالدومينو
تحواس
... الخ
مخلطة :shiny:

واشي يعجبك في رمضان ؟؟

البوراك :shiny: ههههههه
رمضان يعجبنى بزاف و الله نصيب راحتى غير فى رمضان
يكفى انه شهر مبارك

تتهنى من الخدمة في رمضان ولا لا ؟ ههههه

بيان سور ااييي و الله رحمت ربى
ديجا رانى دخلت فى الـ 15 يوم الاخيرة و غايضنى الحال كى راجع للعمل :schmoll:
والفت بالراحة و الكسل :shiny:


واشي هوما التصرفات لي يديروهم العباد في رمضان و ما يعجبوكش ؟

الناس لى يقولو حكم فينا رمضان و تلقايهم صايمين غير على كروشهم ، يعنى لا يغتنمو فرصة العبادة و لا التقرب من المولى عز و جل و تلقايهم غير صايمين على كروشهم
واش من صيام هذا :schmoll:

احكيلنا شوي على رمضان في عنابة ؟

عنابة معروفة أنها حبيبة الزوالى
يعنى الناس كامل تفوت رمضان مليح و بالخير و الهناء
الحاجة الوحيدة لى ماشى مليحة هي المشاحنات لى تصرى فى البلاد
راكى تعرفى ناس حاكم مونك تاع شمة و دخان ههههه بصح بزايد صح عندنا

رمضان فى عنابة فيه نكهة زائدة على بعض الولايات و هي الأماكن تاع السهرات الرمضانية
يعنى سهرة فى البحر و الاستمتاع بنسيم البحر شيء رائع
و ناس من الولايات المجاورة يجو يسهرو عندنا
روعة رمضان فى عنابة

سلاااام
و عليكم السلام

​

-------------------
​

 

[Houda Chaouienne DZ]

اهلا با الاستادة هدهودة ومرحبا بكي اختي
شويتيني نهار عرضتني الاخت نور في موضوعها ماننساش هههههه
جاب ربي جيت قبل مايروح الوقت لولللل

هدا العفة وهدى الشخصية القوية وهدى الصارمة وهدى النشاط والاخت المحترمة هكدا اراكي ..

مارسي خويا ع المجاملة .. حشمتني بزاف :shay:

رتحي اختي اولااااااااااااا

​

كويس تاي.....

​

شكرا بزاف خويا الله يعيشك

على بركة الله


من هي الاخت هدى
نور الهدى من مواليد 1992 بولاية خنشلة .. بنت مسلمة شاوية جزائرية
المستوى الدراسي
داخلة سنة اولى جامعي طب
يغلبك رمظان ولالا..
هههه .. و الله بكري مانغلبو ما يغلبني .. مي هاذ اليام ديفوا يغلبني .. سيرتو اليوم قريب مت .. هههه
هل انتي من هواة المطالعة
نعم كنت .. مي مع النت ما وليتش نطالع بزاف
جرائد ام كتب
جرائد و كتب بكري مي ذرك وليت نطالع الجرائد من النت
ماهي الجريدة المفظلة
الشروق
ماهو اخر كتاب قراتيه
دستور الوحدة الثقافية للشيخ محمد الغزالي
مازلت ماكملتوش يظل بابا عقابي هههه
ماهي فكرة هدا الكتاب
يهدر على مشاكل الامة الاسلامية في عصرنا و كيفاه نعالجوهم
مادا استفدتي منه
راني نستفيد مازال ماكملتوش هههه
لو يعطوكي مهنة مدرسة اي مادة تريدين تدريسها
رياضياااااااااات .. او فيزياء
هل هدى من هواة المطالعة
قتلك قبيل كنت مي ذركا النت طغات ع المطالعة الله غالب
ماهو طبقك المفظل
البيتزا
الطبق الدي تحسنين طبخه
البيتزا
لحم ولا دجاج ..
عادي
ماهي الاشياء التي تريدين تغييرها في طباع الشعب الجزائري..
العقلية يا خويا العقلية .. الجمونفوتيسم

نشطتي البارحة حلقة مسابقة اللمة اليومية كيف سارت الامور ...
قلقت شوي .. مي معليش كتمت القلقة و بينت روحي عادي .. واعر باش تتحكم فالشعب الجزايري ههههه
اقسامك المفظلة في اللمة
ماكانش اقسام محددة
لو تسلمتي مفاتيح الاشراف اي قسم ترتاحين فيه
مانعرف .. ماكانش قسم محدد
كم تقضي هدى من ساعة على النت يوميا
هاذ اليام في رمضان نطول معاه
اقرب اعظاء لكي في اللمة ...
منيني .. امينة16 .. احب بلادي .. اشراقة الامل .. بنتmapa .. الغامضة .. Mimi_ba ..iman89 و بيان سير صديقتي moli_dz
مثلك في الحياة
بعد النبي صلى الله عليه و سلم
أبي
تلفزيون ولا نت
نت
لو كان الرئيس بوتفليقة امامكي الان مادا ستطلبين منه
نقولو على وجه ربي راك قريب تموت .. اخطيك من الرئاسة
نصيحة لاخوانك واخواتك في المنتدى
ربي يحفظكم و يخليكم لبعضاكم .. اطهلاو في بعضاكم و ماديروووونجيوش بعضاكم
اسئلة خفاف وظراف ولالا هههه
هايلين خويا مراد مارسي ليك
في امان الله هدهودة ..........
​

شكرا خويا مراد
مع انو روتار مي معليش
يخي ماكانش بشرى و نسرين

اخترق برك القوانين
ههههههههههههههه
سلام
​

 

[Jagwar]

اسمحلي خوياا راني مخربطهاا بالاسئلــة :cra_zy:
ههههه أسئلة تقطر بالعسل يا كرومة
اختيار ليك كان صائب 200 % :showoff:
موااضيع منووعة
حبيتـ ندير كيمااك باه ما تحسش بالملل:shiny:
و ما تهررربش عليناا برررك ههههههه
هههههه كيفاش كرومة كامل هنا و نهرب عليكم !!! ياو السهرة منورة معاك يا كرومة
*****
واش اللي يميز رمضان هذا العام على تاع العام اللي فات؟

بالنسبة ليا كيف كيف ما تغير والو ، بصح شفت بلى رغم الغلاء الفاحش فى المعيشة و البراكة قاعدة تزيد و الحمد لله و الشكر
الشيء لى يغيض برك هو الناس لى قاعدة تموت من الجوع فى الصومال
ربى يفرج عليهم و يحرك قلوب الدول المسلمة

كيفاش تكون حالتك قبل مايأذن 2 دقائق؟

كيفاش راح نوصفهالك يعنى
نورمال الحق باسكو نكون فى المسجد قبل بزوج دقايق
بصح بينى و بينك ديفوا يغلبنى رمضان كى نخرج من المسجد نعطيها بجرية كيف تاع ميسى ههههه

كي يقول الله اكبر اول حاجة تبدا بيها بعد الحليب؟

السلاطة :shiny:

*****
- لماذا إخترت إسمك المستعار **JaGwaR
و الاسمـ المستعار السابقـ MeSsi BomB
و لماذا قمـتـ يتغييره ... ؟

ميسى بومب اخترو نسبة و عشقا للاعب القنبلة الظاهرة ميسى ، و البومبة هو رمز للمواضيع التى أطرحها - حبيت يكونو مواضيع بومبة هههه
أما بالنسبة للجغوار فأنا عاشق لسيارة الجاغوار و نحلم بيها و نتمنى تكون عندى وحدة (دوك نبيع الياريس و ندير حملة تبرع فى اللمة و نجيب فيها جاغوار قديمة :shiny: )

أين تجد راحة البال ... ؟
فى المسجد
وش الحاااجة الي تغضبكـ بزاافـ ... ؟
العوج (سوء التصرف)
الظلم
كيفاه تشوف حال الأمة اليوم ... ؟

من السيء الى الاسوء
حل أمتنا العربية يرثى لها و لا يحسد عليها
اخواننا يموتون فى فلسطين و حالة الشعب الصومالى تجرح القلب و الحرب الاهلية قائمة فى البلدان العربية
ربى يسترنا

وش هياا نظرتكـ للمرأة؟

النصف الثانى للرجل
أنا شخصيا أكن كل الاحترام و المرأة و أقدر شقاها فى الحياة

ما هو سر نجاحك ... ؟

المثابرة و حب العمل و عدم اليأس حتى فى أحلك الظروف

ما أجمل مافي الحياة في نظرك... ؟

الصداقة - الحب

ان شاء الله ما نكونش كترتـ عليكـ خويا الغاااالي
اداا حبيــت نزيدلكـ اسئلــة و بومبااتـ اخرى نزيدك ههههه
يو آر ويلكوم شريكى
رانى قتلك اسئلتك طعمه و ناعمة و لطيفة و خفيفة و رائعة ، و الله نستمتع بزاف و انا نجاوب عليك ، ربى يكثر من أمثالك يا الرجل الطيب
و انا فى انتظار المزيد
سلآمـووو

و عليكم السلام و رحمة الله تعالى و بركاته

​

--------------------
​

 

[KarOm@.Dk]

--------------------
​

ربــــي يعيشك خوياا الغااالي و شريكي الداائمـ
و انت اجوبتكـ احلىىى من العسلـــ
كآآآآفيــه شآآفيـــه
وآآآفيــه

و الله تحقق اولـ احلاامي الي هواا نقعد مع خويا العزيـ’،ــز أســامة و لعقووبــة لي نهااار نتلاقااو فيه ان شاء الله و نديرو فيه قعدة ملكبااار
******

​

 

[Jagwar]

كيفاه حتى وليت مشرف في منتدى اللمة ؟

و الله ما نعرف كيفاش يعنى تلقيت رسالة من الاخ الحبيب الرائع فريد و عرض عليا الاشراف فى المنتدى الرياضى و قبلت من دون تفكير

و واشي هو احساسك و نتا بهاذ المهمة ؟؟

احساس بالمسؤولية قبل كل شيء
باسكو المنتدى و الركن لى رانى مشرف عليه أمانة فى عنقى و لازم نسهر على ارضاء الأعضاء و الادارة فى نفس الوقت

و اسكو راك مأديها على أكمل وجه ؟؟

مازالنى جديد فى الاشراف
و انا اصلا ما نقدرش نحكمى على نفسى و نخلى الحكم ليكم و للادارة هي لى تقيمنى و تشوف العمل تاعى

إذا لالا ، واش خصها ؟؟

ان شاء الله تكون ايه علاش لالا ههههه

واش كان إحساسك كي قالولك رانا خيرناك مشرف ؟؟

احساس بالفخر و الاهتمام الذى أناله من الادارة
و ثمار العمل الذى كنت أقوم به فى المنتدى عندما كنت عضو بسيط
لى يخدم يلقى
نستناك فى الاشراف انتى تانى تستاهلى تكونى معانا :showoff:


فرحة ولا خلعة ؟

هههههه

فرحة و خلعة فى نفس الوقت
فرحة على خاطر راح نحمل اسم مشرف المنتدى الفولانى
و خلعة باسكو جاتنى رسالة من الادارة و نحسب كاش ما عملت غلطة :shiny:
ههههههه

ايا سلااام

و عليكم السلام و رحمة الله

الأسئلة كامل سقسيتهملك من قبل
مابقاش هههه

هههههه هيا الحمد لله خلصت مع الاخت هدى
بصح حبيت نسقسك من وين تجيبى فى الاسئلة ؟
واقيلا عندك بئر تاع أسئلة !!! ههههه
مرسى عليك بزاف أختى هدى
كاش ما يكون جديد رانى هنا
​

-------------------

 

[Jagwar]

اهلا با الاستادة هدهودة ومرحبا بكي اختي
شويتيني نهار عرضتني الاخت نور في موضوعها ماننساش هههههه
جاب ربي جيت قبل مايروح الوقت لولللل

هدا العفة وهدى الشخصية القوية وهدى الصارمة وهدى النشاط والاخت المحترمة هكدا اراكي ..


رتحي اختي اولااااااااااااا

​

كويس تاي.....

​

على بركة الله


من هي الاخت هدى

المستوى الدراسي

يغلبك رمظان ولالا..

هل انتي من هواة المطالعة

جرائد ام كتب

ماهي الجريدة المفظلة

ماهو اخر كتاب قراتيه

ماهي فكرة هدا الكتاب

مادا استفدتي منه

لو يعطوكي مهنة مدرسة اي مادة تريدين تدريسها

هل هدى من هواة المطالعة

ماهو طبقك المفظل

الطبق الدي تحسنين طبخه

لحم ولا دجاج ..

ماهي الاشياء التي تريدين تغييرها في طباع الشعب الجزائري..


نشطتي البارحة حلقة مسابقة اللمة اليومية كيف سارت الامور ...

اقسامك المفظلة في اللمة

لو تسلمتي مفاتيح الاشراف اي قسم ترتاحين فيه

كم تقضي هدى من ساعة على النت يوميا

اقرب اعظاء لكي في اللمة ...

مثلك في الحياة

تلفزيون ولا نت

لو كان الرئيس بوتفليقة امامكي الان مادا ستطلبين منه

نصيحة لاخوانك واخواتك في المنتدى

اسئلة خفاف وظراف ولالا هههه

في امان الله هدهودة ..........
​

آآهاااااو خويا مراد رقد نهارين كاملين هههههه
هذا كامل متحلف فى هدهد ، باين شنشفاتك فى ركن حواء هههه
منور يا الغالى
صحا فطورك و صحا سحورك
​

 

[Jagwar]

ربــــي يعيشك خوياا الغااالي و شريكي الداائمـ
و انت اجوبتكـ احلىىى من العسلـــ
كآآآآفيــه شآآفيـــه
وآآآفيــه

و الله تحقق اولـ احلاامي الي هواا نقعد مع خويا العزيـ’،ــز أســامة و لعقووبــة لي نهااار نتلاقااو فيه ان شاء الله و نديرو فيه قعدة ملكبااار
******

​

الله يحفضك شريكى
و الله انا تانى نقارع فى فرصة باش نقعد معاك و ندردشو شوية و الحمد لله تلاقينا هنا
باسكو الوقت معاك لا يقدر بثمن
ان شاء الله تزيد تتحقق الأمنية تاعى و تاعك و نتلاقاو عندى و لا عندك و نديرو التاويل و نقعدو قعدة ما تتنساش

​

 

[Jagwar]

جماعة لى عودة بعد السحور ان شاء الله

نروح ندخل الطوموبيل للـGـــاراج لا يغطسوها :shiny:


سلام :re_gards:
​

 

[Houda Chaouienne DZ]

جماعة لى عودة بعد السحور ان شاء الله

نروح ندخل الطوموبيل للـgـــاراج لا يغطسوها :shiny:


سلام :re_gards:
​

اييييه يا دنيا تفوخ علينا
هههههه .. نتمسخر برك خويا
صحا سحورك
سلام
​

 

[ابوندى]

شكرا خويا مراد
مع انو روتار مي معليش
يخي ماكانش بشرى و نسرين

اخترق برك القوانين
ههههههههههههههه
سلام
​

العفو هدهودة
صدقيني ظنيت انك انتي المعروضة اليوم دخت انا هههههه دبدبتني الخدمة
طيبة والله ياهدى بردودك الرائعة
ضرك نروحلوا ولد فالمسكور هههههههههه
الله يسترك

 

[KarOm@.Dk]

اسسمحلي مرررقتهااا بالاسئلــة ههههه
هاااي ليكــ شكشوووكـة جديدة :::::::::::

تلاقيـت قبل بشخصيات من اللمة في ارض الواقع ؟
المشروبات التي يفضلها خوياا أســامــه ؟
إذا ضيفتكـ في مدينتي وش تحب تاااكلـ ؟ ** هااكـ تشووف راني نوجد بااه نضيفكـ عندي ان شاء الله :shiny: **

كيف تنظر لمسيرتك في اللمة؟
آسكوو ندمتـ مرة على البساطـة و التوااضع تاعك التي تصنع منك شخصية رآئعــة؟
هل تحفظ القرآن ؟
موقف طريفــ حدث لك في مشواركـ الدراسي ؟

******
اسمحلي خويآآ أســـامــة و الله راني عيـــاان بزاافـ من الماااتش مي ما قدرتش نفرط في فرصة العمر هياا قعدة مع خوياا أســـامـه
مرسسسسسسسسسي بزاااااااافـ عليكـ
ربي يخلييييييكـ لينااا
و الله لا يحرمنااا منكـ
تحيـــة طيبــه ليك و لوالديــك لي رباااوكـ احسن تربية و الي عطاااوناااا احلللللى أســــامــه في الدنياااا


صحاااا فطوركمـ كااااااااملـ
و
شهيـــة طيبـــه
للجميـ’’,,ـــع

سلآآمــــوو
:re_gards::re_gards::re_gards:

​

 

[ابوندى]

يااسامة راك ديما مردوخ هه

واش احوال اسامة خويا الزين ..

واشك مع رمظان..

باين طحتي في الميزان...وباين عليك ترمظن..ههه..

توحشتي التبحار ولالا ..ولا اك تبحر ليالي....

راك مطرطق القسم تاعك تاع الاشراف فيه تعب ولالا ..

القسم هدا ولا القسم الرياضي الي يتعب اكثر...

خرجت بوبينة مهبولة 7 سمعتيها ولالا..هههه

وين تسهر يااسامة في الكرتي ولا ديبلاسي...

تكثر الماكلة في الفطور ولا في السحور....

واش تحب اكثر في رمظان المسوس ولا لحلو ..

توكل وحدك ولا مع الدار..

قهوة ولاتاي..

اسامة واش مشاريعك المستقبلية ...

كاش زواج ولا والوااااا ههه

كي تزوج 3داه نطفل حاب تجيب..

وكي تزوج تسكن وحدك ولا مع الدار لولللللللللل

واحد جاتوا اموا قاتلوا ا ولدي عمر اك كبرتي ولازم نزوجك قالها وعلاش ا يوما باش يعودوا يعيطولي عمر لاربيتر في الكرتي ههه واش رايك في كلام اخينا عمر عندو الحق ولالا....

نيزيك ولا نزيد ههههههه احكم يدك بهادو او نولي لسحيبي ادا كتبت
اتهلى في روحك اسامة

​

 

[إحســاس بــراءة]

شكرا خويا مراد
مع انو روتار مي معليش
يخي ماكانش بشرى و نسرين

اخترق برك القوانين
ههههههههههههههه
سلام
​

_o:_o:_o:
ماهاذا ؟؟؟؟؟؟؟ لقد حكمتك ماذا فعلتي هاه :cra_zy::cra_zy:ههههههه
روحي روحي راكي مسامحة مي ااطونسيون تعاوديها:schmoll: ههههههه​

 

[nassim007]

صباااااح لخير عليييكم
​

 

[NeيRسNe]

اهلا خويا اسامة
نورت الموضوع
و شرفتنا بحضورك

​

 

[Jagwar]

اييييه يا دنيا تفوخ علينا
هههههه .. نتمسخر برك خويا
صحا سحورك
سلام
​

هاي كريدى مازال حتى ما خلصتش مولاها :shiny:
كى نجيب الجاغوار تم نفوخ عليك :showoff: هههه
صحا سحورك و صحا فطورك تختى
​