رمضانيات عضو .. قعدة لماوية مع .. bouchra*02 و NeيRسNe

[Jagwar]

العفو هدهودة
صدقيني ظنيت انك انتي المعروضة اليوم دخت انا هههههه دبدبتني الخدمة
طيبة والله ياهدى بردودك الرائعة
ضرك نروحلوا ولد فالمسكور هههههههههه
الله يسترك

ههههههه قتلك الصيام يا مراد :shiny:
رانى جاي نشوف واش جبتلى معاك i-o:
​

 

[حنان بنت الجزائر]

السلام عليكم
طاحت بيا ههههههه
باه تعرفني بعثتلك ميساج البارح على 3 نتاع الصباح + نحب الزرقة والحمرا
ايا شكون أنا سؤال صعيب
​

 

[Jagwar]

اسسمحلي مرررقتهااا بالاسئلــة ههههه

يا راجل واش من مرقتها راك زهيتنا و زهيت السهرة و القعدة :sheer:

هاااي ليكــ شكشوووكـة جديدة :::::::::::

شكشوكة !!! فيها الحوت و لا ما كانش :shiny:

تلاقيـت قبل بشخصيات من اللمة في ارض الواقع ؟
لا لم يحصل بعد كنت على بعد خطوة باش نتلاقى مع بعض الأصدقاء و ديما تعكس :sad:
ان شاء الله يكون اول لقاء معاك انت :sheer:

المشروبات التي يفضلها خوياا أســامــه ؟

ساVــن آP
سيلكتو
سبرايت
كوكا
(قريب نرجع قرعة غاز من كثرة لى غاز) :shiny:

إذا ضيفتكـ في مدينتي وش تحب تاااكلـ ؟ ** هااكـ تشووف راني نوجد بااه نضيفكـ عندي ان شاء الله :shiny: **

ممممم مالا لازم نبروفيتى فيك ههههه
يا خويا نحب ناكل الحاجة لى متميزين بيها انتوما ، يعنى حاجة ما عندناش حنا فى الشرق
وجدلى قفة تاع كرنتيكا :shiny:

كيف تنظر لمسيرتك في اللمة؟

مقبولة و الحمد لله
أقول مقبول من معاملة الاعضاء معى
و انت واش رايك فى المسيرة تاعى ؟ :shiny:

آسكوو ندمتـ مرة على البساطـة و التوااضع تاعك التي تصنع منك شخصية رآئعــة؟

أبدا لم أندم عليها يوما
البساطة و التواضع هادو عرفت بيهم ناس ملاح بزاف و عرفت اخوة ما شاء الله و عرفت رجال فى زمن أصبح فيه الرجال قليلو
الحمد لله على نعمة الالبساطة و التواضع
و انصح كل شخص فى المنتدى بهذه الصفة لأنها سر الدخول لقلوب الأعضاء

هل تحفظ القرآن ؟

تقدر تقول 9 أحزاب ، قبل كى كنت نقرى كنت حافظ الدوبل باسكو كنت نتابع المدرسة القرآنية مع الشيخ الزبير الله يحفظو و مبعد مع الوقت بديت ننسى :sad:

موقف طريفــ حدث لك في مشواركـ الدراسي ؟

قول مواقف ماشى غير موقف
ياخى ما قالولكش كنت مجرم و مشاكس درجة أولى !!! :shiny:
كانت تقرينا معلمة تاع فرونسى كنت أنا وياها كى القط و الفار ديما نتعاركو باسكو نعرف غير Oui & Non لا علاقة فرونسى :shiny:
آيا وحد النهار قاعدين نقراو فى الحصة تاعها و القسم كامل منتبه للدرس غير أنا قاعد نلعب فى الكلمات المتقاطعة تاع الشروق :shiny:
آيا بدات هي أيااااااامة :cra_zy:
بلا بلا بلا بلا بلا بلا بلا و انا ما فهمت والو واش قاعدة تهدر ، مبعد واحد الزميل شرير كيفى قالى راها تسب فيك و انت مش فاهم :scared:
ايييييي و أرواح احكمنى أنا وليت ثور :cra_zy: تعرف الكلاصة كاملة قلبتها ، و الكراسة على التاقة عملتلها وحد الفوضى ما صراتش ، و كى رحنا عند المدير و قالولى جيب ولي امرك المعلمة هاذيك قالت لبابا حبيت ننصحو و حبيت نعقلو و هدرت معاه بلعقل و ه ولدك تقول صرعو جن :shiny: الله غالب الجهل ماشى مليح :shiny: ههه

نشفى تانى كان يقرينا وحد المعلم تاع ثاريخ و جغرافيا و كان يتعامل معانا كى شغل صحابو ، وحد المرة جبتلو كاسكروت فريت أوملات و حطيتلو فيه "زرزومية" و كلاه بلا ما فاق ، من بعد كى قتلو راح شكا بيا عند المدير و فوتونى كونساي ديسيبلين
رانى قتلك كنت جرثومة أيام الدراسة :shiny:

******
اسمحلي خويآآ أســـامــة و الله راني عيـــاان بزاافـ من الماااتش مي ما قدرتش نفرط في فرصة العمر هياا قعدة مع خوياا أســـامـه

يا كرومة خويا كى يكون داير حوار و نقاش و قعدة بيناتنا مادابيك تحدف كلمة أسمحلى و آسف هاذى ، و الله ما تتصور قداش نفرح كى نحكى معاك ، أصبر تشوف نهار لى نتلاقاو تكره من الحس تاعى :shiny:

مرسسسسسسسسسي بزاااااااافـ عليكـ
ربي يخلييييييكـ لينااا
و الله لا يحرمنااا منكـ
تحيـــة طيبــه ليك و لوالديــك لي رباااوكـ احسن تربية و الي عطاااوناااا احلللللى أســــامــه في الدنياااا

الله يسلمك و ينورك و يبارك فيك خويا الغالى و الطيب و لعزيز على قلبى
ديما تخوننى الكلمات باش نشكرك بالطريقة لى تستاهلها ،
أنت رجل بألف رجل و الله نحسك التوأم تاعى صح ، ربى يحفضك و ينورلك طريقك يا الغالى

صحاااا فطوركمـ كااااااااملـ
و
شهيـــة طيبـــه
للجميـ’’,,ـــع

سلآآمــــوو
:re_gards::re_gards::re_gards:

و انت زاده شريكى
صحا فطورك و ربى يتقبل صيامك و قيامك بمزيد من الأجر و المغفرة و الثواب
و تحياتى ليك و للعائلة الكريمة


موفق باذن الله

و عليكم السلام


​

-----------------------

 

[Jagwar]

يااسامة راك ديما مردوخ هه

هههههه شفت يا خويا مراد ، كاين أمور فى الكواليس و انا ما علاباليش :shiny:

واش احوال اسامة خويا الزين ..

فى نعمة و لله الحمد و الشكر ، يسال عليك الخير و الجنة

واشك مع رمظان..

ساعة يعطينى بالـ Ko ساعة نحكمو بالقليب ما يفهم والو هههه
و الله مليح ، رمضان هذا فات عليا كالم و كيما يقولو خريج عهليا مليح :showoff:

باين طحتي في الميزان...وباين عليك ترمظن..ههه..

خفت نروح نوزن روحى يطيحلى المورال
ياو شكارة سميد ما عدتش نقدر نهزها :shiny:
بصح يجى لفطار نخلف الثآر i-o:

توحشتي التبحار ولالا ..ولا اك تبحر ليالي....

ايه و الله توحشت البترينات :shiny:
رانى نهبط فى الليل للبحر نديرو طابلة دومينو معمرة بقلب اللوز و البيستاش و التايات و الدنيا مخلطة :sheer:

راك مطرطق القسم تاعك تاع الاشراف فيه تعب ولالا ..

تقصد القسم تاع السكاتش و لا تاع الرياضة ؟
و الله يا خويا تاع السكاتش فيه تعب اكثر باسكو فيه المخالفات بزاف و ناس تجى تحكى معاهم يغيضهم الحال و زيد الخدمة آجور تم هاو قريب يكمل رمضان :shiny:

القسم هدا ولا القسم الرياضي الي يتعب اكثر...

أكيد القسم تاع السكاتش ، حتى الحلقات ما قدرتش نكملهم مع الكونكسيون العيانة
الله يخرب بيت فورى و سنين فورى :shiny:

خرجت بوبينة مهبولة 7 سمعتيها ولالا..هههه

قول و الله
و الله ما سمعتها
دوك نقرعج مبعد ، توحشت صحايبى بوطرباقة فلوس و الردكة و لاكليك هههههه

وين تسهر يااسامة في الكرتي ولا ديبلاسي...

كل مرة وين تلقانى
مرة فى البحر ، مرة فى Gama تاع كوبا ، مرة فى برحال ناكل المشوى :shiny:
ما نحكمش بلاصة وحدة

تكثر الماكلة في الفطور ولا في السحور....

و الله والو ، انا نعطش بزاف يسمى غير كى يقول الله أكبر ديراكت نجرى للماء
يسمى كى نشرب نشبع و تروحلى لابيتى ، بصح تضرب 12 تاع الليل نرجع بقوة للمائدة :shiny: ، فى السحور شوية مسفوف مع بريوشة و حليب فيسها براكة

واش تحب اكثر في رمظان المسوس ولا لحلو ..

لالا يا خويا أنا و أعود بالله من كلمة أنا كونتر المسوس ، و لوكان نلقى حاجة مسوسة فى المائدة يطيحلى المورال :schmoll: ، الحلو (قصدك المرقة حلوة و لا واش) :shiny:
انا ناكل كلش غير المسوس ما نتفاهمش معاه

توكل وحدك ولا مع الدار..

ههههههه لالا يا شريكى ما رانيش صوليتار فى الماكلة ، لوكان ما نسمعش الحس تاع المغارف ما نقدرش ناكل ، بيان سور ناكل مع العائلة و الشيخات تاع الشايب تاعنا :shiny:

قهوة ولاتاي..

فى زوج حسب الوق
من ورا الفطور نروح عند صاحبى حسان نضرب فيها تاي تهبط الماكلة مليح
و فى الديمينو نضرب فيها قهوة معصورة بيان واش نقولك غير القفلات دوبل سيس هههههه

اسامة واش مشاريعك المستقبلية ...

حاب نلعب فى البرصا :shiny: ههههههه
و الله عندى شحال من مشروع فى راسى
درك رانى نبنى فى الدار ( أسكت برك هاو قريب نباصى بالزواج ) :shiny:

كاش زواج ولا والوااااا ههه

رانى قتلك قريب نباصى :shiny:
كى نكمل الدار للحجرة الاخيرة تم يبدا البحث على شريكة حياتى :shay:
ما تخافش هاو نعرضك يا شريكى :showoff:و ما نعياو نشطحو فى الحنة :shiny:

كي تزوج 3داه نطفل حاب تجيب..

كلش بالمكتوب ، اذا حب ربى نجيب زوج ذكورا و بنت و الحمد لله
مجرد امنية كلش بالمكتوب
و طفل منهم نسميه مراد :shiny:

وكي تزوج تسكن وحدك ولا مع الدار لولللللللللل

درك رانى قاعد نبنى فى الدار ، يعنى عندنا التراب فى الدار و قاعد نبنى فيه
فى نفس الوقت رانى نحوس على تراب فى بيجو ، نموت على بيجو و الهوا تاعها
بينى و بينك نحب نكون مستقل وحدى خير

واحد جاتوا اموا قاتلوا ا ولدي عمر اك كبرتي ولازم نزوجك قالها وعلاش ا يوما باش يعودوا يعيطولي عمر لاربيتر في الكرتي ههه واش رايك في كلام اخينا عمر عندو الحق ولالا....

علاش عمر لاربيتر قصدو كى يجيب الدرارى تعود دارو سطاد و لا كيفاش :shiny:
و لا جيبو يعود يصفر ياسر و لا كيفاش
انا نقولو مادامك كبرتى فى العمر أتزوج وين تدرى بالك تولى اونترينور ماشى آربيتر :shiny:

نيزيك ولا نزيد ههههههه احكم يدك بهادو او نولي لسحيبي ادا كتبت
اتهلى في روحك اسامة

هههههه صحيت شريكى ، عندك ستايل عنابى مهبول فى طرح الاسئلة
اذا عندك المزيد ماشى مشكل ، أزرب بيه قبل ما يجى الضيف الجديد :shiny:
صحيت شريكى تهلا فى روحك و صحا فطورك

​

-----------------

 

[Jagwar]

صباااااح لخير عليييكم
​

صباح مساء النور نسيموفيتش أهلا بيك
​

 

[Jagwar]

اهلا خويا اسامة
نورت الموضوع
و شرفتنا بحضورك

​

أهلا بيك أختى نسرين
الشرف الكبير و العظيم لى أختى
مرسى بوكو على الدعوة
​

 

[Jagwar]

السلام عليكم
طاحت بيا ههههههه
باه تعرفني بعثتلك ميساج البارح على 3 نتاع الصباح + نحب الزرقة والحمرا
ايا شكون أنا سؤال صعيب
​

شكون هاذى لى تحب الزرقة و الحمرا :um_sh:
هذا لغز واعر تاع الصح
ماشى انتى هي حنان ؟ :shiny:



​

 

[Jagwar]

يا جماعة السيرفر تاع المنتدى ثقيل و لا انا لى ثقيل و لا ايه الحكاية بالزبط :shiny:




​

 

[حنان بنت الجزائر]

شكون هاذى لى تحب الزرقة و الحمرا :um_sh:
هذا لغز واعر تاع الصح
ماشى انتى هي حنان ؟ :shiny:



​

أسكت برك راها جارتي
أيا قوللنا كاش بحر ؟؟
تفرجت فوت في عنابة الجي وماروك ؟؟
ادا واه كيفاه كان احساسك؟؟
تقول تحب البارصا من اي مدة وانت تحبها ؟؟
واش يقربولك دو الأسامي
رونالدينيو
ديكو
زمبروتا
فرانك ريكارد
ميسي
تشافي
ابيدال
فيا
بيدرو
بوسكيتش
انيستا
فالديز المهبول
الفيش
ادريانو
بويول
بيكيه
ماسكيرانو
افلاي
والجدد
اليكسيس و فابريغاس
بلا ماننسو بيب سي هههه
وووو فيلانوفا ولابورتا اممممممم روسيل تاني

​

 

[Houda Chaouienne DZ]

السلام عليكم
آخر سؤال هههه

واشي هوما الولايات الجزائرية لي زرتهم ؟

اكثر ولاية عجباتك ؟

خرجت برا دزاير ولالا ؟

اذا نعم وين رحت ؟ باينة تونس ههه

ايا سلام
و ديرلي خدمة عندكم راني نعرف نخدم البيتزا ههه
​

 

[Jagwar]

أسكت برك راها جارتي

مممم لاVــوا هاذى سمعتها قبل :shiny:

أيا قوللنا كاش بحر ؟؟

واش من بحر فى رمضان رانى خير نسخفو من بعيد برك ممنوع ممنوع ممنوع :shiny:

تفرجت فوت في عنابة الجي وماروك ؟؟

بيان سور و عملت حالة بالعياط حتان لغاليغى طرطقت و ندمت على النهار لى رحت شفت فيه الماتش :cra_zy:

ادا واه كيفاه كان احساسك؟؟

عادى ماشى أول مرة نروح ، جامى لا راطيت ماتش تاع لالجيرى فى عنابة
بصح الحق ندمت بعد الماتش و حلفت ما نزيدش نرجع نتفرج عليهم حتان يرجع المستوى مليح

تقول تحب البارصا من اي مدة وانت تحبها ؟؟

من الـ 97 و أنا نعشقها يعنى 14 سنة وين لى كانت طايحة بيها و ما يسمعوش عليها :shiny:
​

واش يقربولك دو الأسامي
رونالدينيو
ولد خالتى (الساحر)
ديكو
ولد عمتى (المايسترو)
زمبروتا
جارنا (المحراث)
فرانك ريكارد
لافامى من بعيد (الطاحونة)
ميسي
ما نعرفوش نعرف ميسى بومب :shiny:
تشافي
صحيبى (الكينغ)
ابيدال
خويا بلال (المسلم)
فيا
المارافيا (القناص)
بيدرو
الكنارى (الطائر)
بوسكيتش
آنتى مدريد (الاستفزازى)
انيستا
بيكاسو (المهندس)
فالديز المهبول
الخطاف (قاهر كرستينا) :shiny:
الفيش
راقص السمبا (الدراجة)
ادريانو
توام ألفيش (الفنان)
بويول
سور الصين العظيم (قلب الاسد)
بيكيه
راجل شاكيرا :shiny: (برج المراقبة)
ماسكيرانو
ابن التانغو (المدمر)
افلاي
ابن الأمازيغ (قاهر مارسيلو)
والجدد
اليكسيس
النينو المدلل (جلاد جديد لمدريد)
و
فابريغاس
الابن الظال (خليفة تشافى)
بلا ماننسو بيب سي هههه
الداهية ( قائد الكتيبة قاهر مورينهو)
وووو فيلانوفا
تيتو ملكبار (آنتى مورينهو)
ولابورتا
الرائع ( الرئيس الذهبى)
اممممممم روسيل تاني
الثعلب (سيد الصفقات المدوية)


آوااااااه انتى برشلونية 200 % :shiny:

​

-------------------

 

[حنان بنت الجزائر]

هههههههه مليح راك فور مي شرط تاء مربطة حذفها خليها برشلوني حر
وتعرفها من لافوا ايه نعرفك عبقور شيخ ملكبار خسارة ماكنتش اهنى لوكان جمعنا في دي القعدة
ســــــــــــــــــــــلآم
​

 

[Jagwar]

السلام عليكم

و عليكم السلام و رحمة الله تعالى و بركاته

آخر سؤال هههه

أهلا بيك :shiny:

واشي هوما الولايات الجزائرية لي زرتهم ؟

بون هادو لى متفكرهم :
عنابة :shiny: قسنطينة ، سطيف ، عين مليلة ، باتنة ، خنشلة ، قالمة ، أم البواقى ، سوق اهراس ، تبسة ، آلجى ، المدية ، وهران (أختى متزوجة تم) ، سيدى بلعباس ، تلمسان ، عين تيموشنت ، أرزيو . هادو لى نتفكرهم :shiny:

اكثر ولاية عجباتك ؟

تلمسان ، بسم الله ما شاء الله بلاد بوتفليقة النظافة تشعل تقول عليها باريس تالمون النظافة و الطرق مليحة و الدنيا ضاوية (بلاد بوتفليقة بيان سور :shiny: )
ربى يزيدهم

خرجت برا دزاير ولالا ؟

وى خرجت ما بعدتش بزاف :shiny:

اذا نعم وين رحت ؟ باينة تونس ههه

ههههههه هاذيك هي فقستيها ، كنت نروح لتونس وين كانت عافية و غالية ، الحمامات و سوس ، و صفاقس ، درك عادو يحاولو فى السياح تدى معاك 2 ملاين تفوتى بيهم سمانة مهبولة فى الاوتيل المخير تاعهم :shiny: ، طاحت بيهم مساكن

ايا سلام

و عليكم السلام و رحمة الله

و ديرلي خدمة عندكم راني نعرف نخدم البيتزا ههه

ايه مرحبا بيك نحوسو على وحدة تطيبلنا المحجوبة و البوراك :shiny:

​

------------------

 

[زهرة الندى]

سلام
مزالك اهنا عثامة راني نشوف فيك دايخ وجبتلك كاس ماء

اذا مكفاش نجيبلك ​

 

[Houda Chaouienne DZ]

عين مليلة

هههه وشبيك يا خويا عين مليلة مشي ولاية راهي تابعة لأم البواقي ولا قصدك ميلة
الله يبارك راك رحت لبزاف ولايات
​

ايه مرحبا بيك نحوسو على وحدة تطيبلنا المحجوبة و البوراك :shiny:

وي مام هاذو نخدمهم مي البيتزا خير هههه
​

شكرا ليك خويا اسامة على الاجابات
استمتعنا معك
​

 

[Jagwar]

سلام
مزالك اهنا عثامة راني نشوف فيك دايخ وجبتلك كاس ماء

اذا مكفاش نجيبلك ​

يخااااااه حرام عليك علاش هكذا علاش :sad:
لوكان جبتيلى مائدة الرحمان معمرة بخيبرات ربى نورمال ما تحركليش شعرة ، بصح كاس ماء فى السخانة و لعطش هذا :sadwalk:
​

 

[Jagwar]

عين مليلة

هههه وشبيك يا خويا عين مليلة مشي ولاية راهي تابعة لأم البواقي ولا قصدك ميلة
الله يبارك راك رحت لبزاف ولايات
​

ايه مرحبا بيك نحوسو على وحدة تطيبلنا المحجوبة و البوراك :shiny:

وي مام هاذو نخدمهم مي البيتزا خير هههه
​

شكرا ليك خويا اسامة على الاجابات
استمتعنا معك
​

ايه انا قصدى البلاصة لى قعدت فيها و طولت فيها عين مليلة و كنا نطلعو نسلعو من تم

بون تحبى تخدمى معانا لازم نديرولك سطاج عند سطاج سع
تقدرى تطيبى 1200 حبة بيتزا فى النهار ؟ :shiny:



​

 

[زهرة الندى]

يخااااااه حرام عليك علاش هكذا علاش :sad:​

لوكان جبتيلى مائدة الرحمان معمرة بخيبرات ربى نورمال ما تحركليش شعرة ، بصح كاس ماء فى السخانة و لعطش هذا :sadwalk:​

هههههههه نفهم من هدرتك مزالك تحوس على الماء

هاكهذي اذا مكفاش نجيب بيدون ههههههه
آ عثامة ياك تعرفيني سامطة ههههههه

اشرب بعينيك :shiny:

صحـــــــــا بعد الفطووور​

 

[Houda Chaouienne DZ]

بون تحبى تخدمى معانا لازم نديرولك سطاج عند سطاج سع
تقدرى تطيبى 1200 حبة بيتزا فى النهار ؟ :shiny:



​

يا لطيـــــف حبيتني نموت ولا
ههههه نقولك خويا انا نجي نخدملكم تارت
و نتوما ديرو فوتوكوبي عليها
هههههههه
​

 

[Jagwar]

هههههههه نفهم من هدرتك مزالك تحوس على الماء

هاكهذي اذا مكفاش نجيب بيدون ههههههه
آ عثامة ياك تعرفيني سامطة ههههههه

اشرب بعينيك :shiny:

صحـــــــــا بعد الفطووور​

حرام عليك ندوشة :schmoll:
رانى نتحلف و نتكتف من بعد فى الفطور نحكم قرعة كيما هاذى لى حطيتيها و نقربعها فى وفت قياسى
و الله راح نموت من العطش :sadwalk:

صحا فطورك و صحا رمضانك اختى
​