مطبخك في رمضــــــآن سيدتي * الجـــ 2 ـــزء*

[ايمان التلمسانية]

يعطيك الصحة ايمان ان شاءلله يرطاب راه خلعني ههه

واه تبقى فالخاطر كي ما يخرجش مليح

 

[روعة2005]

سلامة روسكم لبنات والبقاء لله وحده لاشريك له
روز مباعد يطرى قلب اللوز كي يتشرب مليح
الله يخليكم عينيكم الباهين تسنيم وام منصف وايمان كلكم ذوق الجيغواز خسارة كبير على وليدك وتالي منلقاش حماة حنونة وشطورة بحالك
لبنات كشما عولتو اليوم انا راح ندير شربة وسكالوب فارسي وحميص ونقلي فريت وفيها براكة والله مانعرف نخبز خميرة ولا لالا سخااااااااانة اليوم

 

[tasnim55]

الى ام ندى
روطي دجاج
التتبيلة ثوم مسكرفج شوية ملح كمون راس الحانوت فلفل حار احمر فلفل اسود نص مغرف قهوة طماطم الباط شوية زيت زعفران والامتوفر عندك سكن اجبير والكوري والثوم مقطع شرائح على العرض يكون ارقيق
والطماطم حب دوائر غليضة وفلفل حلو دوائر وحبات بطاطا يكونو صغار وكاملين وتقدري تسغناي على الخضر
الطريقة
جيبي دجاج والبطاطا وبالسكين ديري في الرشقات ميز شرائح الثوم وغرسي في كل رشقة توم والبطاطا في كل حبة ارشقي في الوسط وحطيهم في التتبيلة
جيبي الطاجين على النار دري شوية زيت كي يسخن حطي الدجاج وحبات البطاطا يتقلاوامنيح على النار تكون ناقصة وبعد دري شوية ماء متكثريش غير بنص فنجال وحركي ساعة على ساعة غير بسياي كي تشوفي ادجاج و البطاطا قريب الطيب نحيهم حطي الطماطم والفلفل لحلو ورجعي الدجاج والبطاطا رايحة تشوفي البنة شحال بنين
ومتنسايش ترشقي شراح لتوم بالداجاج عدة رشقات ويلا حبيتي لحار قطعي فلفلة على زوج مع لاخير
​

 

[روعة2005]

فوفة قلب اللوز كي درتيه جاك يابس ولا جاك رطب تم تم..
راني طبقت الوصفة نتاعك ..اذا مانيش غالطة نتي لي خدمتيه وحطيتي الوصفة نتاعو
مي راه مازال يابس وش نعملو ولا خلاص :sadwalk:

روز قلب اللوز لازم يبات في اعسل وغدوة من ذاك تقطعيه راهو يطرى وحدو انا جربت لاول مرة وصفة تاع ياسمين وخرجلي روعة بصح خليتو بات في عسلو وراني معولة نعاودو في النصفية
ممكم طولتي عليه في الكوشة هو يطيب في واحد45 دقيقة

 

[روعة2005]

الله يخليك ويحفضلك ايناس دليلة وانت كيفاش راكي مع الحمل

 

[DARINE05]

صباح النور عليكم يا جماعة حابة نسقسي شكون الفائزة في المسابقة وينهم النتائج

 

[rima29]

تعيشي حبيبتي ريمة عينيك الباهين اييه هذيك لميس بنتي
قوليلي الخبز هذاك واش حشيتوه وكيفاش خدمتوه يعني حطيتو طبقة بطبقة ولا ?تعيشي فهميني عجبني بزاف

ربي يحفظهالك حنونة
ايه هذيك كسرة تاع كوشة وحشيناها في الوسط بالشكشوكة والللحم المرحي والله تاكلي منها ما تشبعي
جربيها ورديلي بالخبر حنونة

 

[روز]

روز قلب اللوز لازم يبات في اعسل وغدوة من ذاك تقطعيه راهو يطرى وحدو انا جربت لاول مرة وصفة تاع ياسمين وخرجلي روعة بصح خليتو بات في عسلو وراني معولة نعاودو في النصفية
ممكم طولتي عليه في الكوشة هو يطيب في واحد45 دقيقة

ايه ممكن طولت عليه في الكوشة وتاني السميد هنا مايعجبنيش قع وش تخدمي بيه يجي يابس
وقلب اللوز اول مرة نخدمو بصراحة ماعنديش خبرة فيه على الاطلاق
راني عسلتو وخليتو ان شاءالله يرطاب دللتو وكثرتو اللوز ههه

الفطور درت شوربة وزدت درت حاجة شفتها في النت ان شاءالله تخرجلي مليحة
اسمها فطيرة الدجاج بالبطاطة نصورهالكم ان شاءالله
غدوة عندي زوج ضياف جزائرين ان شاءالله
راني نخمم وش نعمللهم

 

[هــــيلدا]

البارح سهرت في دار شيخي حطوا التاي مالفة نحير فيه //جاني تاعي خير:showoff:

بصحتك السهرة ندوش
​

 

[روعة2005]

اييه صح قالتلي ياسمين انو نوعية السميد تلعب دور كبير في قلب اللوز ههههها مالا دللتيه وحدك ياروز ان شاء الله من لغدوة راه يطرى مايقعدش يابس
وربي يعينيك مع الضياف كي عادو دزيريا ماعليش راهم عارفين طبخنا
وان شاء الله تنجحلك الوصفة الجديدة
ام ندى مبانتش الصباح وقيلة راهي مع الطاجين ههها

 

[ibtesem]

مساء الخيرات عليكم
فوفو الله يرحم جاركم ربي اصبر اهلو
روز كيفاش جاك يابس كي خرجيه من افور او بعد ما شربتيه

 

[هــــيلدا]

هذا هو زروي وتقدير تحطي لعسل حر راني درتوا بارج جاروعة امممممممممممم
​

بصحتكم الزيراوي،، بصح حنا عندنا الجبايلية ميديروهش هكذا ،، يديروه بالشخشوخة ولا بالرقاق، والغرس، وهذاك ثاني يجي هايل،، ولا واش قالت ام منصف ؟
​

 

[ibtesem]

انا البارح مطيبتش
بقالي من البارح غير زدت بيتزا للبنات

صح فطوركم ​

 

[روعة2005]

الله يسلمك بسومة وبصحتكم الفطور والبيتزا

 

[tasnim55]

روز ممكن الشربات لازم تكون خفيفة اخف من الزيت وكي تشربيه رجعيه تمتم والفور يكون سخون و هو طافي خطراش السر في القلب اللوز هو الشربات تكون خفيفة
​

 

[روز]

بصحتك بسومة الفطور
راه مازال يابس مني وهو يطيب وهو يابس
ماعرفتش علاه عسلتو ورجعتو للفرن ساخن وطافي كما قلتو وبقى يابس
هبطلي المورال اليوم نزيد نعاود نخدمو
اي نصائح اعطوهالي قبل لنعاود نجربو
راني كملت الطبق لي شفتو في النت دركة نحطلكم صورتو

 

[tasnim55]

انا البارح مطيبتش
بقالي من البارح غير زدت بيتزا للبنات

صح فطوركم ​

امممممم طابلة تشهي بسومتي سخفتيني في البيتزا بصحتكم

 

[imane27]

مساء الخير عليكم واش راكم
فوفة الله يرحم جاركم ويوسع عليه بنت الله يبارك عليها عروسة
هدا فطورى تاع لبارح رانى نعيا فليل باش نحط
كيلعادة شوربة درت بريك كباب سلاطة مسيدوان لحم لحلو

 

[روز]

فطيرة الدجاج بالبطاطة ولابات فايتي
لابات فايتي فوقها البطاطة مطحونة فوقها الدجاج والشومبينيون والطماطم محونة والفرماج

 

[روز]

بصحتك ايمان مائدة هااااايلة الله يبارك
تسنيم صح العسل درتو ثقيل شوية ماخففتوش..! يمكن هذا هو السبب..؟
خدمتو هايل كما نتاع البقلاوة
اما على الفرن درت كما قلتو طفيت الفرن عسلتو ورجعتو للفرن
وسؤال لما تحطي الطبقة الاولى وتحطي اللوز والطبقة الثانية..
تضغطو عليه شغل تخبزوه ولا لالا...!