مطبخك في رمضــــــآن سيدتي * الجـــ 2 ـــزء*

[محاربة صحراء]

صح فطورك
روز
حنا اليوم فطورنا:
كفتة تاع سردين
وحوت مقلي
وشكشوكة يمممم​

ببببببببببصحتك

 

[روز]

الله يسلمكم لبنات صحا فطوركم نتم تاني مسبقا
مرسي سمورة على النصائح والوصفة نجربها تاني هيا ان شاءالله
ايمان اعطيني وصفة قلب اللوز نتاعك اعطيني نصف العبرة معولة نديرو في مول أصغر ونجرب بسكو اللوز مابقاليش ياسر اعطيهالي بالتفصيل الممل كما تقول تسنيم i-o:

وصفة الفطيرة
تطبخي البطاطة وتقشريها وتطحنيها وتخلطيها مع شوي فرماج و1جمبو او نصف جمبو على حسب كبر الكمية
وتروحي تقطعي بصلة رقيقة وفلفلةخضرا مقطعة رقيق و1جمبو وفلفل اسود وزنجبيل وكي يذبلو تحطي فوقهم دجاج مفتت مع شومبينيون (اختياري الشومبينيون)
ثم تدهني المول تحطي لابات فايتي فوقها البطاطة المهروسة مع الفرماج فوقها هذاك الخليط نتاع الدجاج والشومبينيون ودخليهم للفرن وامبعد حطي الفرماج رابي ورجعيهم للفرن دقيقتين وخرجيهم قد ما يذوب الفرماج

اذا حبيتي تحطي فوقهم بيضة مضربة مليح باش تشد روحها في الفور
للامانة الوصفة مافيهاش شومبينيون والبيض انا زدتهم برك

 

[محاربة صحراء]

 

[ام منصف]

بصحتكم الزيراوي،، بصح حنا عندنا الجبايلية ميديروهش هكذا ،، يديروه بالشخشوخة ولا بالرقاق، والغرس، وهذاك ثاني يجي هايل،، ولا واش قالت ام منصف ؟
​

اكيييييييييييييييييييييييييييييييييييد اسراء ويجي هايل انا نموت عليه
خاصة مع اللبن
ويعتبر من الاطباق اللي لازم تتواجد في الاعراس الشاوية
كاشي نهار كي نروح لدارنا نقول لماما ديرو ونصورهولكم بالخطوات المملة على خاطر انا جامي درتو غير نعاون برك :shiny::shiny:
​

 

[rima29]

الله يسلمك اختي​

 

[ايمان التلمسانية]

السلام عليكم يا لبنات
فطورنا اليوم:
حريرة كيما العادة
طاجين اللوبيا
فطائر بالكفتة
السلايط والفلفل
​

 

[imane27]

روز هاد المقادير نصف كمية
500غ دقيق موايان
180غ سكر
125غ زبدة دايبة
65ملل ماء و60ملل ماء زهر
ليلة قبل خلطى دقيق مع سكر زبدة ونصف كمية ماء وماء زهر وخلطى كيما نديرو كسكسي متعجنيهش بعد ما تخلطيهم وغطيه ودخليه لفرجدار يبات فيها
صباح جبديه وخليه نصف ساعة فى مكان دافئ حتى يتحل وعاودى حلى كيما كسكسي اومبعد ادهنى بلا وحطى نصف كمية وزدى لوز وفقوا واش بقا وقطعه ودهنيه با100غ زبدة دايبة ودخليه للفور حتى يحمار .
سيرو
لترماء 500غ سكر حطيه فوق النار غير يغلى غلية لولى طفى عليه ودرلو ماء زهر ومغرفة عسل غير تخرجى قلب لوز سقيه بقاع هداك سيرو وغطيه بسنوة اخرة ورجعيه للفور وهوا طافى وخليه حوالى 8 ساعات قبل ما تقطعيه

 

[عشقي الامارات]

صحا فطوركم البنات
وشكرا لكل من باركلي على نجاحي في المسابقة الله يخليكن
انا اليوم كان فطوري شوربة وبوراك وكفتة نتاع الدجاج اليكم صورة نتاع الكفتة

salam lebnat sa7a remsankom weftourkom
lema wa3liha elklam
faloussa a3tina la recette nta3 had elkefta
jatek hayla

 

[ibtesem]

نداء الى روز

ممكن اختي تعطيني رابط الفطاير هادوك الي دارتهم روز هادوك الي محلولين وفيهم الزيتون اسود
روز ادا مدكرالوصفة

 

[labed93]

فوفة ههههه والله هذا وين دخلت للكوزينة كنت عند الخياطة :shay:

كتخيطي القندورة ديريها نشوفوها

اشرحيلي كيفاش درتيها كامل مع الوصفة

 

[faloussa]

سلام لبنات واش راكم
روز صحا فطورك اختى
انا درت فطور شوربة وبوراك وكباب
اختى عشقى الامارات هاواليك الوصفة نتاع الكفتة
تعملي مرقة بيضاء نورمال بالدجاج والحمص
ومن جهة اخرى تحكمى كفتة الدجاج تزيديلها شوية كسبر +فلفل اسود+دبشة+مغرف بصلة مرابية
+مغرف نتاع قهوة ثوم وتعجنى بيدك وتشكلي ديبولات
كي يطيب الدجاج والحمص ارمي ليبولات في المرقة وتركيها تطيب واحد عشر دقائق

 

[هــــيلدا]

اكيييييييييييييييييييييييييييييييييييد اسراء ويجي هايل انا نموت عليه
خاصة مع اللبن
ويعتبر من الاطباق اللي لازم تتواجد في الاعراس الشاوية
كاشي نهار كي نروح لدارنا نقول لماما ديرو ونصورهولكم بالخطوات المملة على خاطر انا جامي درتو غير نعاون برك :shiny::shiny:
​

أنا منحبش لي فوطو،، نحب نذوق
​

 

[nada242008]

صح فطوركم
فطوري جاري فريك وطاجين بالدجاج وسلاطة
صورت غير السلاطة والطاجين الباقي راكم حفظتوه هههه

والطاجين جا امممممم

 

[ibtesem]

صح فطورك ندى اممممممممممم على الطاجين
صح فطوركم يالبنات كل واجدة باسمها

 

[faloussa]

صحا فطوركم البنات كامل
ندوشة صحا فطورك طاجين شباب اممممممممم:sheer:

 

[عفاف الجزائرية]

صحا فطوركم بنات ان شالله ربي يتقبل منا ومنكم
ربي يخليك ندوش تحيرتي وسقسيتي
وكل البنات
ليوم الكنوكسيون ماكانش
وشوي تعبانة
جات شوي قبل المغرب
ان شالله تكونو كامل بخير
للفطور درتلهم جلبانة بوراك فلفل سلاطة شربة ومطلوع
وديسار درت نتاع الاخت الطفلة البريئةمازال لدرك ما ذقناهش يا درى كيفاه يجي
ايا مباعد نوافيكم بالصور
​

 

[imane27]

صح فطوركم لبنات
ندى هداك لجاج راه يبان بنين لازم نشري طاجين حتا انا سينو نبكي

 

[nada242008]

الله يسلمكم ابتسام وفلوسة صح فطورك انت ثاني
عفوفة الحمد لله كي عدتي لاباس والله غير تحيرت عليك:shay:

 

[nada242008]

صح فطوركم لبنات
ندى هداك لجاج راه يبان بنين لازم نشري طاجين حتا انا سينو نبكي

الله يسلمك ايمان وان شاء الله تلقاوه انت وابتسام وتشروه:sheer:

 

[merieme hassi]

السلام عليكم
صح فطوركم
بصحتك ام ندي الطاجين تاكلو منو بالصحة و الهنا
بصحتكم كامل و الله يدومها نعمة
انا اليوم مكانش عندي الغاز كامل النهار سلكت روحي بشوية سلاطة و فاكهة و مقبلات المهم ربي يستر برك
الله يهنيكم